Namela takaitra teto Toliara ny fandalovan'ny rivodoza JASMINE.

Maro ireo rava trano sy tafotrano noho ny rivotra mahery.

Araka ny tatitra vonjimaika avy ao amin'ny CPGRC dia olona 3 no maty, 6 naratra, maherin'ny 100 ny tafotrano simba sy ravan'ny rivodoza, ary olona miisa 152 no tsy manan-kialofana, ka napetraka ao amin'ny Kianja mitafo Tsenengea.

Niara-nisalahy ny tompon'andraikim-panjakana rehetra sy ny Kaominina Ambonivohitr'i Toliara amin'ny fanalana ireo hazo tapaka sy nianjera ary ny fikarakarana ireo traboina.