Sport

    • samedi, 24 septembre 2022 19:57

    Fifanintsanana CAN U23 : Madagasikara 5 - 0 Seisela

    Nomontsanin'i Madagasikara tamin’ny isa mazava 5 no 0 i Seisela androany teo Mahamasina, nandritra ny lalao mandroso amin’ny fifanintsanana CAN latsaky ny 23 taona. Efa nitarika 3 no 0 ny Malagasy nandritra ny fizaram-potoana voalohany. Hotanterahina eo amin’ny kianja Barea ihany ny lalao miverina amin’ny talata ho avy izao, noho ny tsy fananan'i Seisela kianja ankatoavin'ny CAF.  
    Lire la suite ...
    • dimanche, 11 septembre 2022 19:25
    • Sary nindramina

    Rugby 7 - Tompondaka manerantany : Nibata fandresena ny Maki vehivavy

    Nivoaka mpandresy tamin’ny isa 19 noho 12 nanoloana an'i Colombie i Madagasikara, nandritra ny lalao faha efatra, sady farany natrehantsika. Fandresena izay mametraka an'i Madagasikara eo amin’ny laharana faha 15, amin'ireo ekipam-pirenena miisa 16 niady ny tompondaka erantany amin’ny taranja rugby, lalaovin'olona fito, sokajy vehivavy, tanterahina atsy Afrika Atsimo. Efa nitarika 12 noho 0 i Madagasikara tamin’ny ampaham-potoana voalohany. Sahala 12 noho 12 ny isa 6 segaondra nialoha ny niafaran'ny lalao no nahatonga baolina entin-tanana, sady voatsindry ny Maki, ary voatsara ka nitondra tamin’ny fandresena. Sambany i Madagasikara no tonga tamin’ny dingana famaranana ny fiadiana ny tompondaka manerantany amin'ity taranja ity, eo amin’ny sokajy zazavavy. Tsy nitsanga-menatra isika. Betsaka ny lesona azo tsoahina hanatsarana ny hoavy.
    Lire la suite ...
    • dimanche, 11 septembre 2022 16:03
    • Sary nindramina

    Kitra - Coupe de la Confédération CAF 2022

    Lire la suite ...
    • vendredi, 09 septembre 2022 20:27
    • Sary : MJS

    TINOKA Roberto : Nandray andraikitra amin’ny fodian'ireo atleta avy any Bezaha nihitsoka teto Antananarivo

    Tonga nijery ireo atleta 6 mianadahy avy ao amin'ny CATO Club Bezaha, tavela teto an-drenivohitra noho ny olana ara-bola ny Minisitry ny Tanora sy ny Fanatanjahantena, Tinoka Roberto ny alakamisy 08 septambra 2022, ary nandray ny andraikitra avy hatrany mahakasika ny fodian'ireto atleta, izay tokony hamonjy ny toeram-podiana, raha avy niatrika ny fiadiana ny tompondakan'i Madagasikara teto Antananarivo. Nandray an-tanana ny fakana ireo atleta ireo teny amin’ny Kianja Alarobia ny Ministera nanomboka ny harivan'ny alarobia, ka nafindra toerana tao amin’ny Académie Nationale des Sports Ampefiloha izy ireo, ary nalefa hody any Bezaha ny tolakandron'ny alakamisy. Nambaran’ny Minisitra fa mampalahelo ny zavatra toy izao, ary tsy tsara ny hiverimberenany."Ray aho, ka tsy izaho mihitsy no tsy hijery azy ireo" hoy ny Minisitra.
    Lire la suite ...
    • vendredi, 02 septembre 2022 19:29
    • Sary nindramina

    Kitra - CHAN 2023 : Ady sahala mitondra an'ny Barea any Alzeria

    Nirava ady sahala 1 noho 1 i Madagasikara sy Botswana androany tolakandro nandritra ny lalao miverina fifanintsanana hahazoana tapakila hiatrehana ny dingana famaranana ny fiadiana ny Amboaran'i Afrika amin’ny ekipam-pirenena rafetin'ireo mpilalao toto tanana, hatao any Alzeria amin’ny 2023. Ampy handehanan'ny Barea ho any Alzeria ny vokatra androany teo Mahamasina, satria efa nanana tombony isika tamin’ny fandresena azo tany Botswana. Sambany i Madagasikara no hanao CHAN, raha toa ka efa nanao CAN tamin’ny 2019.  
    Lire la suite ...
    • dimanche, 28 août 2022 20:02
    • Sary MJS

    Mondial Rugby à 7 : Ireo ekipam-pirenena hifaninana

    Hatao atsy Afrika Atsimo ny 09 hatramin'ny 11 septambra ho avy izao ny fiadiana ny amboara maneran-tany amin'ny taranja baolina lavalava, lalaovin'olona fito, sokajy vehivavy. Miisa 16 ireo ekipam-pirenena hifaninana mandritra izany, anisany ny Makis. (Jereo Sary Tohiny)  
    Lire la suite ...
    • dimanche, 28 août 2022 19:28
    • Sary FMBB

    Fialan-tsasatra : Any Nosy-Be ny ANKOAY U18 Zazalahy sy Zazavavy

    Nihazo an'i Nosy Be androany ny Ekipam-pirenena malagasy baskety, na ANKOAY U18 Zazalahy sy U18 Zazavavy. Hiala sasatra any an-toerana izy ireo manomboka androany Alahady 28 Aogositra 2022 araka fampanantenan'ny Filoham-pirenena Andry RAJOELINA, azy ireo nandritra ny fihaonana teo amin'ny Filoha sy ny ANKOAY ny Alarobia 24 Aogositra 2022, tao amin'ny Lapam-panjakana Iavoloha ka nangatahan'ny ANKOAY ity fialan-tsasatra ity tamin'ny Filoham-pirenena, fa nahatsiaro tena ho reraka tanteraka nandritra ireo Lalao maro natao tamin'ny AFROBASKET U18 natao teto Madagasikara farany teto.
    Lire la suite ...
    • dimanche, 28 août 2022 18:54
    • Sary nindramina

    Kitra - Fifanitsanana : Botswana 0 - 1 Madagasikara

    Lavon'i Madagasikara tao an-taniny ny ekipam-pirenen'i Botswana, rafetin'ireo mpilalao ao an-toerana, nandritra ny lalao fifanitsanana handraisana anjara amin’ny CHAN. Tamin’ny isa tokana 1 noho 0 no nibatan'ny Barea CHAN ny fandresena, baolina tafiditr'i Drogba tamin’ny fizaram-potoana voalohany. Hotanterahina eo amin’ny Kianja Barea ny lalao miverina eo amin’ny ekipa roa tonta ny 2 septambra izao, tolakandro.
    Lire la suite ...
    • samedi, 27 août 2022 16:08
    • Sary nindramina

    MAKI Vehivavy : Nahazo tohana ara-bola 10 tapitrisa Ariary

    Tonga teny amin'ny Kianja Maki Andohatapenaka ny Solombavam-bahoaka voafidy tany Toliara, sady Filohan'ny Komity Olimpika Malagasy, Siteny Randrianasoloniaiko, nanolotra fanampiana mitentina 10 tapitrisa Ariary an' ireo Mpilalao ao amin'ny ekipam-pirenena Malagasy, taranja sokajy vehivavy, lalaovin'olona fito. Anatin'ny fanomanana ny fiatrehana ny amboara erantany Rugby, izay ho atao ao Cap Town (Afrika Atsimo) ny Maki Vehivavy ankehitriny, ka fanohanana azy ireo izao fanomezana izao, izay natolotra ny Alakamisy 25 Aogositra 2022. (Jereo Sary Tohiny)
    Lire la suite ...
    • mercredi, 24 août 2022 19:52

    Kitra - Fifanintsanana CAN Côte d'Ivoire 2023 : Hanoman-tena any Maroc ny Barea

    Handray anjara amin’ny tournoi "Maroc capitale du football africain" i Madagasikara, araka ny fanapahan-kevitry ny Komity Mpanatanteraka eo anivon'ny Federasiona Malagasy ny Baolina kitra, izay nahazoana fankatoavana tamin’ny Federasiona iraisam-pirenena momba ny baolina kitra (FIFA), sy ny Kaonfederasiona afrikana ny baolina kitra (CAF). Ny fifaninana dia ho atao any Maroc, eo anelanelan’ny 19 hatramin'ny 27 septambra izao, tafiditra indrindra ao anatin’ny fanomanana ny fifanintsanana CAN Côte d'Ivoire 2023. Ekipam-pirenena 12 no hifanandrina mandritra izany.  
    Lire la suite ...
Page 1 sur 90