Sociale

    • jeudi, 27 janvier 2022 19:57
    • Tahirin-tsary nindramina

    Hôpital Fianarantsoa : Tsy mandeha ny scanner, voatery miaka Antananarivo ireo marary

    Mijaly ny marary mila scanner eto Fianarantsoa, scanner simba efa fotoana maro izay. Samy miezaka amin'ny fitsaboana ireo mpitsabo, ny fianakaviana mamoaka vola, ary mamorona ny tsy misy aza, nefa tsizarizary ny fitaovana entina mitsabo.Renivohim-paritany lehibe tahaka an'i Fianarantsoa, nefa tsy misy scanner, izay fitaovam-pitiliana ilaina amin'ny fitsaboana marary maro. Voatery entina miakatra amin'ny fiarakodia amin'ny halaviran-dalana 400km mandritra ny 9ora ilay marary mafy. Miaraka amin'ny dokotera izay aloa vola, ny fanafody ilaina an-dalana rehetra. Maro ireo mamoy ny ainy eny an-dalana. raka ny vaovao azo eo anivon'ireo mpitsabo, dia tsy Fianarantsoa ihany no simba ny Scanner, satria tsy misy ireo fikojakojana izany.
    Lire la suite ...
    • mercredi, 26 janvier 2022 17:07
    • Sary nindramina

    Voin-kava mahatratra : Fanomezana fanampiana nataon'ny Terak'i Androy hoan'ireo tratran'izao loza izao ao Antananarivo

    Manoloana izao loza mahazo ny mponina ao an-drenivohitra dia Tonga nitondra fanampiana ho azy ireo ny vahoakan'ny Faritra ANDROY tamin'ny alalan'ny FITEAM (Fikambanan'ny Terak'i Androy eto Madagasikara). Tonga nanatitra izany fanampiana izany moa ny Filoha mpitarika ny FIZAFATO no sady Kestiora voalohany eny anivon'ny Antenimieram-pirenena Atoa Jean Michel Henri, ny Minisitry rano, ny Fanadiovana ary ny Fidiovana, no Minisitra Mpiahy ny Faritra ANDROY, Ladislas Adrien Rakotondrazaka,ny Minisitry ny Jono sy ny toe-karena manga, Mahatante Tsimanaoraty Paubert ary ny Filohan'ny FITEAM Atoa Jacques Bruno Fils Goulamaly. Vary 60 lasaka, Savony 30 baoritra ary lelavola mitentina roa tapitrisa Ariary (2 000 000Ar) no natolotra,ka ny Tale Jeneraly eo anivon'ny BNGRC no nandray izany.
    Lire la suite ...
    • mardi, 25 janvier 2022 08:59
    • Sary nindramina

    Voinkava-mahatratra : Nitondra anjara biriky ny Ministeran'ny Fitsarana

    Nanatitra ny fandraisan'anjara fanampiana ho an'ny traboina noho ny rivodoza ANA ny avy amin'ny Ministeran'ny Fitsarana. Nahitana vary 100 gony (5 taonina), tsiasisa 16 gony, miampy tsaramaso 4 gony ary savony 10 baoritra izany, ary naterina teny amin'ny Foiben'ny BNGRC Antanimora ny alatsinainy 24 janoary 2022. (Jereo Sary Tohiny)
    Lire la suite ...
    • mercredi, 19 janvier 2022 15:09
    • Sary nindramina

    Tsena sy fanjifana : Ho avy any DIANA ny Vary Tsinjo 400 taonina

    Manatsara amin'ny fahefa-mividin' ny mponina ny fisian'ny Vary tsinjo eny an-tsena. Hisy vary 400 taonina hamatsiana ny Faritra DIANA amin'ny vidiny 600 Ariary ny kapoaka amin’ity herinandro ity, taorian’ny 500 taonina efa notsinjaraina ho an’ny mponina Ambilobe sy Antsiranana, izay samy hahazo 250 taonina avy. Araka ny loharanom-baovao dia misy fitoniana miohatra amin'ny maitso ahitra tany aloha ny vidim-bary eny an-tsena. Ampy hamatsiana ny filàn’ny mponina ny voka-bary eto Madagasikara, fa natao hitsinjovana ny fahefamividin’ny maro, ary koa hitazomana ny vidim-bary tsy hidangana loatra kosa ny Vary tsinjo afaran’ny orinasa State Procurement of Madagascar na SPM.  
    Lire la suite ...
    • lundi, 10 janvier 2022 12:56
    • Sary nindramina

    Mahabo – Menabe : Nihatsara ny fahazoan’ny mponina rano fisotro

    Vita ireo fotodrafitrasa roa hamatsiana rano ireo mponina ao Mahabo, Faritra Manabe, ary efa natolotra ny JIRAMA ao an-toerana. Efa ampiasain'ny JIRAMA ny iray manome 312m3 isan'andro. Nihatsara ny fahazoan’ny vahoakan'i Mahabo rano raha tsy nisitraka izany amam-bolana maro izy ireo. (Jereo Sary Tohiny)
    Lire la suite ...
    • lundi, 03 janvier 2022 19:24
    • Sary nindramina

    IMBIKI Herilaza : Nanao ny asa sosialy teny Andavamamba ho fanamarihana ny fiarabana ny taona vaovao

    Nifanome tanana ho an'ny mponina eny Andavamamba ny Mpitahiry ny Fitombokasem-panjakana, Minisitry ny Fitsarana IMBIKI Herilaza, ka nanampy tamin'ny fanamboarana ny tetezana 210 metatra vita amin'ny hazo mba hifamoivoizana. Tsy diso anjara tamin'izany ihany koa ireo mponina tena sahirana ka notolorana vary 15 gony, menaka 250 litatra izy ireo. Izany rehetra izany moa dia natolotra teo anatrehan'ny Sefo fokontany. (Jereo Sary Tohiny)
    Lire la suite ...
    • vendredi, 31 décembre 2021 12:35
    • Sary nomena

    Ambanivolo Miakatra sy Aiñy Araiky : Tonga nijery ny vaha olana maharitra hisorohana ny tsy fanjarian-tsakafo amin’ny faritra Atsimo

    Nidina aty amin'ny Faritra Atsimo ny solotenan'ny fikambanana Ambanivolo Miakatra sy Aiñy Araiky, tarihan'i Zaylahy Rodriguez, nijery ety ifotony ireo vahaolana maharitra hiadiana amin'ny tsy fanjarian-tsakafo sy ny kere aty atsimo. Ho fanamariana ny maha zava-dehibe ny firaisan-kina eo amintsika samy mpiray tanindrazana, satria « ny vohin-kava tokoa mahatratra » dia nitondra izay kely voatsirambin’ny tanana atolotra ho an’ireo « Longontika » eto amin’ny fokontany « Ampary», androany 31 desambra 2021, satria ankatokin’ny farany taona, ny fikambanana.
    Lire la suite ...
    • vendredi, 31 décembre 2021 12:33
    • Sary nomena

    Faritra Androy : Nikarakara hetsika ho an'ny tanora ny Kestora HENRI Jean Michel

    Ho famaranana ny taona 2021, sady fankalazana ny faha 10 taona nijoroan'ny Club DI'HIR, dia nikarakara fifaninana eo amin'ny tanora avy aty Androy manontolo, izay ahitana ny avy eto Ambovombe, ny avy ao Tsihombe sy Beloha ary Bekily, ny Kestora voalohany ny Solombavambahoaka voafidy taty Ambovombe Androy, HENRI Jean Michel. Nanome ny loka rehetra natolotra nandritra io fifaninana io, ny Depioté HENRI Jean Michel, izay mitentina eo amin'ny efatra tapitrisa eo. Inefatra miantoana ny fifaninana ka ny talata 28 desambra 2021 lasa teo no notanterahina ny famaranana. (Jereo Sary Tohiny)
    Lire la suite ...
    • dimanche, 12 décembre 2021 18:17

    Faritra atsimon'i Madagasikara : Hanome 25 tapitrisa dolara ny Amerikana ho fanampiana vonjy taitra

    Nambaran’ny Mpiandraiki-draharaha ao amin’ny masoivohon’i Etazonia, Amy Hyatt, ny famatsiam-bola 25 tapitrisa dolara fanampiny, ho fanampiana vonjy taitra hanalefahana ny vanim-potoana manahirana any amin’ny faritra atsimon’i Madagasikara. Izao famatsiam-bola izao dia atao amin'ny alàlan'ny Sampandraharaha Amerikana misahana ny Fampandrosoana Maneran-tany (USAID), amin'ny anaran'ny Vahoaka amerikana, hamatsiana tetikasa efatra ho fanohanana ny fanarenana ny fambolena sy hanomezana sakafo ny vahoaka any atsimon’i Madagasikara. Tombanana ho 1,3 tapitrisa ny olona any amin'iny faritra iny no ianjadian’ny tsy fanjarian-tsakafo. Vao manomboka mantsy ny vanim-potoanan'ny maitso ahitra, ary ahiana ho voafetra ny fahazoana sakafo hatramin'ny volana aprily 2022.  
    Lire la suite ...
    • lundi, 06 décembre 2021 14:38
    • Sary nindramina

    Imbiki Herilaza : Niaraka tamin’ny tanora nanampy ireo tena sahirana teto Antananarivo

    "Izay ataonareo amin'ny kely indrindra dia ataonareo amiko". Io ampahan-teny amin’ny Soratra Masina io no nentin’Atoa Imbiki Herilaza, Mpitahiry ny fitombokasem-panjakana Minisitry ny Fitsarana naneho fitiavana tamin'ireo olona tena sahirana tamin’ny toerana samihafa teto Antananarivo Renivohitra, ny andron’ny Alahady 5 desambra 2021. Nifarimbona nanatanteraka izany tamin'ny Fikambana Aiñy Araiky sy tanora aman-jatony, tsara sitrapo nizara sakafo efa vonona teny Andralanitra, Analakely, Behoririka, Tsaralalàna, 67ha... Nandrindra sy nikarakara ny hetsika ihany koa i Zaylahy Rodriguez. (Jereo Sary Tohiny)
    Lire la suite ...
Page 1 sur 240