Sociale

    • mardi, 05 juillet 2022 20:20
    • Sary Mesupres

    Oniversitem-panjakana : Nidinika ny hamaranana ny taom-pianarana sy ny fizakantena ireo mpitantana

    Notanterahina teny amin’ny ministeran’ny fampianarana ambony sy ny fikarohana ara-tsiansa androany talata 5 jolay ny CPU, na fivorian'ireo mpitantana ny oniversitem-panjakana. Maromaro ny laha-dinika voalahatra tamin'izany, toy ny hamaranana ny taom-pianarana 2021-2022, ny fidirana manaraka, ny amin'ilay lalàna mikasika ny fizakantenan'ny Oniversite. (Jereo Sary Tohiny)
    Lire la suite ...
    • mardi, 05 juillet 2022 14:34

    BEPC : 315 514 ireo mpiadina voasoratra anarana manerana ny Nosy, ka teratany vahiny ny 6

    Mizotra ara-dalàna hatreto ny fanatanterahana ny fanadinam-panjakana BEPC, izay nanomboka ny 04 jolay, ary hifarana ny alakamisy 07 jolay 2022 izao, manerana ny tanin’ny Repoblikan’i Madagasikara. Miisa 315 514 ireo mpiadina voasoratra anarana manerana ireo faritra 23 eto Madagasikara. Ny 32 amin'izy ireo dia manana fahasembanana, raha miisa 6 kosa ireo teratany vahiny. Mitsinjara anatina efitrano fianarana 9 833, amina 1 072 ivon-toeram-panadinana manerana ny Nosy ny fanatanterahana ity fanadinam-panjakana faharoa ity.
    Lire la suite ...
    • mardi, 05 juillet 2022 14:26
    • Sary : Rocka Fisher

    Trangam-piaraha-monina : Vehivavy iray teraka tao anaty fiara zotra Lokomby-Manakara

    Haka fitaovana entiny hiteraka no nandraisan'ity vehivavy bevohoka fiara fitaterana manao zotra Lokomby - Manakara. Vao niala sahabo ho 2km ny toerana niakarany tao anaty fiara anefa dia teraka ilay ramatoa. Renin-jaza sendra nandalo tao amin'ny tanàna atao hoe Andranodimy no nanome tanana nampiteraka azy. Teraka soamatsara ; vavy kely ilay zaza. ( Sary : Rocka Fisher)(Jereo Sary Tohiny)  
    Lire la suite ...
    • vendredi, 01 juillet 2022 20:54
    • Sary nindramina

    Lovobe Morondava : Tonga nankahery sy nitondra fanampiana ho an'ireo niharam-boina i Tinoka Roberto, minisitra mpiahy an'i Menabe

    Nitrangana fanampoizinana ara-tsakafo, ka nahafatesana olona miisa 14, ary 54 kosa nampidirina hopitaly tao amin'ny Fokontany Lovobe, Distrika Morondava , Faritra Menabe. Tonga taty an-toerana ny minisitry ny tanora sy ny Fanatanjahantena, sady Minisitra mpiahy ny Faritra Menabe, Tinoka Roberto, iraky ny fitondram-panjakana, izay tarihin'ny Filoha Andry Rajoelina sy ny Praiministra Ntsay Christian.
    Lire la suite ...
    • jeudi, 30 juin 2022 19:32

    CEPE 2022 : Fari-piadidiam-pampianarana miisa 100 amin’ny 114 no efa namoaka valim-panadinana

    Efa saika mivoaka avokoa amin’ny ankapobeny ny valim-panadinana CEPE 2022 manerana an’i Madagasikara amin’izao fotoana izao. Fari-piadidiam-pampianarana miisa 100 amin’ny 114 no efa namoaka valim-panadinana rehetra, raha ny hita ao amin’ny antotanisan’ny tranokalan’ny Ministeran’ny fanabeazam-pirenena. Niisa 525 111 ny mpiadina CEPE voasoratra anarana nandritra ny fanadinana, ka 107 no mila fanampiana manokana : 16 amin' ireo jamba, 19 ireo manana olana amin’ny fahitana, 57 ireo marenina, ary 15 ireo manana kilema. Miisa 1997 ireo ivon-toeram-panadinana, izay ahitana efitranom-panadinana miisa 15 944. Efa miomana sahady amin’ny fikarakarana ny fanadinam-panjakana BEPC ny Ministera, sy ireo fari-piadidiam-pampianarana izay efa nahavita namoaka tanteraka ny valim-panadinana CEPE amin’izao fotoana izao.  
    Lire la suite ...
    • jeudi, 30 juin 2022 18:26
    • Sary nindramina

    Ministeran'ny Fampianarana Ambony sy ny Fikarohana Ara-Tsiansa : Roso ny fanatanterahana Oniversite manakaiky Vahoaka

    Tontosa ny 28 sy 29 jona teny amin’ny CCI Ivato ny fihaonana eo amin’ny mpikambanana ao amin'ny governemanta izay tarihin'ny Praiminisitra Lehiben'ny governemanta, Ntsay Christian sy ny Solombavambahoaka, fihaonana izay voafaritry ny Lalàmpanorenana ho fampandehanana ny raharaham-pirenena. Nandritra ny andro voalohany dia nanao tatitra ny Praiminisitra Lehiben’ny governemanta, Ntsay Christian mahakasika ny asa vitan'ny ministera tsirairay. Ho an'ny Ministeran'ny Fampianarana Ambony sy ny Fikarohana Ara-Tsiansa dia vita tanteraka ny fananganana Oniversite, fa miandry fampitaovana sisa ao Soavinandriana- (Itasy), Fenoarivo Antsinanana (Analanjorofo).
    Lire la suite ...
    • mardi, 21 juin 2022 15:55
    • Sary nindramina

    Fandriam-pahalemana : Dinihina ny hamerenana ny fampiharana ny DINA manerana ny Faritra

    Noraisin’ny Praiminisitra Ntsay Christian teny amin’ny Lapam-panjakana Mahazoarivo ny alatsinainy 20 jona hariva ny solontena avy amin’ireo Solombavambahoakan’i Madagasikara, niara-nidinika momba ny fikasan’izy ireo hanatsara ny fandriam-pahalemana manerana ny Nosy. Araka ny fanazavàna nentin’ireto solontena ireto dia heverina fa manampy amin’ny fifehezana ny fandriam-pahalemana ny fampiharana ny DINAn’ny Faritra. Teo no nipoiran’ny hevitra hikatsahana ny tombontsoa iombonan’ny Malagasy rehetra, ka nitovian’ny fomba fijery, dia ny hamerenana ny fampiharana ny DINA manerana ny Faritra 23, araka ny fifanarahana nisy eo anivon’ny fokonolona eny ifotony sy tapaka teny anivon’ny fitsarana.
    Lire la suite ...
    • mardi, 15 mars 2022 17:18

    Fifandraisan-davitra : 38,25% ny tokantrano eto an-drenivohitra no mampiasa finday

    Manodidina ny 38,25% ny tokantrano malagasy eto an-drenivohitra no mampiasa ny fifandraisan-davitra amin’ny alalan’ny finday, ary 17% kosa eny amin’ny tontolo ambanivohitra. Anisany nivoitra io androany Talata 15 martsa nankalazana ny Andro iraisam-pirenena ho an’ny zon’ny mpanjifa, natao tao amin'ny Antenimieran'ny varotra sy ny indostria etsy Antaninarenina. Araka ny antontan'isa avy amin’ny ARTEC (Rafitra mahefa amin’ny fanaraha-maso momba ny fampanaraham-penitra) dia manodidina ny 20 000Ar, isan-tokantrano, isam-bolana, no lany amin’ny fifandraisan-davitra manaraka ny teknolojia vaovao. Rariny raha toa ka hijerena vahaolana maharitra ny fiarovana ny mpanjifa eo amin’io sehatry ny tontolo nomerika io.  
    Lire la suite ...
    • mardi, 15 mars 2022 16:15

    Mpanao asa-tanana : Hisitraka fiahiana sosialy avy amin’ny CNAPS

    Nosantarina androany ny fiaraha-miasa eo amin’ny ministeran’ny Asa-tanana sy Hai-tao miaraka amin’ny Fitaleavan’ny hetra (DGI), ny CNAPS, ny banky BNI ary ny fandaharan’asa Fihariana. Hisitraka tombotsoa samihafa ireo mpanao asa-tanana malagasy manomboka eto. Tamin’ny volana janoary 2022 no natao sonia ny fifanaraham-piaraha-miasa. Tombotsoa ho azo amin’izany ny fisitrahana ny fiahiana sosialy avy amin’ny CNAPS. Ny fazahoana fampindramam-bola avy amin’ny banky BNI, izay azahoana taha ambany kokoa, ary fahafahana tsy mamerim-bola ao anatin’ny enina Volana voalohany. Ireo mpanao asa-tanana mikambana anaty fikambanana, ary manana ny karatra maha-matihanina no hisitraka izany tombotsoa izany. Fikambanana 29 no nanaraka ny fanazavana sy ny fampahafantarana ny momba azy ity androany tetsy amin’ny ministeran’ny Asa-tanana sy Hai-tao.  
    Lire la suite ...
    • mercredi, 09 mars 2022 08:13
    • Sary nindramina

    Fahasalamana - Covid-19 : Tsy nahazo karama efa roa volana ny mpiasan'ny CTC

    Tsy nandray karama mihitsy ny volana janoary sy febroary 2022 ireo mpiasan'ny toeram-pitsaboana vonjimaika entina miady amin'ny valanaretina Covid-19 na ny CTC. Nisy anefa fifanarahan'asa nifanaovana tamin'izy ireo, ka gaga ihany izahay hoy ireto mpiasa ireto raha ampiditra mpiasa ny fanjakana nefa tsy vonona akory ny enti-manana amin'izany. Tsy CTC iray no tsy nandray karama fa izy rehetra mihitsy. Ary dia ilana fiantsoana mpanao gazety lava hatrany ve vao ahazo ny tambi-karamany ireo mpiasa manolotra ny ainy miady amin'ity areti-mandripaka olona maro ity, hoy hatrany ireto solo-tenan'ny mpiasa ireto.
    Lire la suite ...
Page 1 sur 242