Sociale

    • samedi, 26 novembre 2022 08:09
    • Sary nindramina

    Mialy Rajoelina : Hijoro hatrany amin’ny ady amin’ny herisetra mianjady amin’ny vehivavy

    Nomarihana ny 25 novambra 2022, tao amin'ny Novotel Ankorondrano, ny andro iraisam-pirenena ho an’ny fanafoanana ny herisetra mianjady amin’ny vehivavy na ny "16 jours d'activismes". Fiaraha-monina anaty fitovian-jo, lavitra ny herisetra no lohahevitra entina hanamarihana izany amin’ity taona ity. Nohamafisin-dRamatoa Mialy Rajoelina, sady Filohan’ny Fikambanana Fitia, fa na toy ny ahoana ny fisehony, na inona na inona ny endriny, ny herisetra atao amin’ny vehivavy dia fanitsakitsahana ny zon’olombelona, ary i Madagasikara, hoy izy, dia manana rafitra ara-dalàna miaro ny vehivavy amin'ny herisetra mianjady aminy.
    Lire la suite ...
    • mercredi, 16 novembre 2022 18:17
    • Sary nindramina

    Rtoa Soafilira, Minisitry ny mponina : Handray sy hanendry olona varira ho mpiasam-panjakana

    Noraisin’ny Minisitry ny Mponina, Soafilira Princia, tetsy amin'ny birao fiasany etsy Ambohijatovo ny solotenan'ny mpikambana avy amin'ireo varira eto Madagasikara. Fotoana nahafahan'izy ireo namosaka mivantana tamin-dramatoa minisitra ny olana sy ny hetahetan'izy ireo amin'ny maha tompon'andraikitra voalohany amin'ny Fiahiana ny Mponina azy. Tsia, tsy ekeko ny fanenjehana sy fanilikilihana ireo olona varira, hoy ny Minisitra. Vahaolana avy hatrany no noraisiny, dia ny handraisana ho mpiasam-panjakana ary hanendrena olona varira ho tompon’andraikitra ao amin’ny Ministera ho an’izay manana fahaiza-manao, traikefa ary toetra amam-pihetsika mifanaraka amin’izay takiana amin’izany. Samy naneho ny fahafaham-pony tamin'izao fihaonana izao ny andaniny sy ny ankilany, ary nisy ihany koa ny famaritana ny fiaraha-miasa eo amin'ny roa tonta.  
    Lire la suite ...
    • dimanche, 13 novembre 2022 19:10
    • Sary nomena

    Jean Michel Henri : Nanolotra fanampiana ho an'ireo Vahoaka sahirana ao Ekonka

    Nitondra fanampiana ho an’ireo Vahoaka sahirana aty amin'ny Fokontany Ekonka, Kaominina Ambonivohitra Ambovombe Androy, ny solombavambahoaka voafidy tao Ambovombe Androy, sady Kestora voalohany ny Antenimieram-pirenena, Jean Michel Henri. Vary 100 gony natao ho an'ireo izay tena sahirana no nozaraina, nisy ihany koa ny fanomezana rano fisotro, amin'ny alalan'ny kamiao Citerne, natolony ho an'ireo vahoaka sahirana ireo.
    Lire la suite ...
    • vendredi, 11 novembre 2022 17:36
    • Sary MEDD

    Green N'KOol : Nandrombaka ny laharana faha-2 tamin’ny fifaninanana COP 27

    Ny fikambanana Green N’Kool, izay tarihan’i Marie Christina Kolo sy Rajonaina Kevin Andriamasinavalona, avy eto Madagasikara, no nahazo ny laharana faha 2 tamin’ny fifaninanana « Prix des solutions et initiatives innovantes des jeunes francophones à la COP 27 », izay nokarakarain’ny OIF (Organisation Internationale de la Francophonie) tamin’ity COP 27 ity. Tetikasa « Alt soap », fanodinana menaka sakafo, izay efa tsy ampiasaina intsony ho lasa savony fampiasa ao an-tokatrano no naroson’izy ireo tamin’izany, ka nahazoan’izy ireo izao fandresena izao.
    Lire la suite ...
    • mercredi, 09 novembre 2022 20:30
    • Sary nindramina

    Tanambao Mahatsara : Voaloha ny tambikarama enim-bolana ho an'ireo Sefo sy lefitry ny fokontany

    Natomboka tamin'ny fokontany tao amin'ny kaominina 7, andrefan'ny distrikan'ny Vatomandry, tao Tanambao Mahatsara ny fizarana tambin-karama ho an'ny Sefo fokontany sy ny lefiny, mitontaly 6 volana taty amin'ny Faritra Atsinanana. Nisondrotra ho 40 000 Ariary isam-bolana nanomboka ny volana jolay izany. Tonga nizara izany taty an-toerana ny Governoran'ny Faritra Atsinanana RAFIDISON Richard Théodore sy ny Préfet n'ny Toamasina AMBININTSOA Jean José, niaraka tamin'ny Lehiben'ny distrika sy Solombavambahoakan'ny Vatomandry. Izao fampiakarana sy fandoavana ny tambin-karama nisy fahatarana 6 volana izao moa, dia ezaka nataon'i Minisitry ny atitany sy ny fitsinjaram-pahefana, Tokely Justin, izay ny Faritra tarihan'i Governora RAFIDISON Richard Théodore no mitantana ireo fanapiana manokana ho an'ny fokontany ireo. (Jereo sary tohiny)
    Lire la suite ...
    • mercredi, 09 novembre 2022 16:51
    • Sary nindramina

    Ikongo : Mitohy ny vonjy voina ho an’ny mponina

    Tonga taty Ikongo ny BNGRC, izay tompon'andraikitra voalohany amin’ny vonjy voina, noho ny fahavoazana mahazo ireo mponina aty an-toerana. Niaraka tamin’izy ireo ireo ny avy amin’ny Ministeran’ny Mponina sy ireo mpiara-miombon’antoka. Tokatrano miisa 3 200, ahitana olona miisa 16 000 avy amin'ny Kaominina miisa 09, no misitraka vatsy ara-tsakafo enti-mampiharina azy ireo, ka afahany miverina miasa sy mamokatra. Tokantrano miisa 13 200 no misitraka vatsy ara-bola avy amin’ny PAM. Tokantrano miisa 10 000 no misitraka Vatsin’Ankohonana sy "Tosika Fameno" amin’ny alalan’ny tetikasam-panjakana Haraton’aina, izay tanterahin’ny FID, sy arindran’ny Minisiteran’ny Mponina.
    Lire la suite ...
    • mardi, 08 novembre 2022 21:57
    • Sary MESUPRES

    Fandidiana ny loha sy ny hazon-damosina : 15 monja ny mpitsabo Malagasy nandalim-pahaizana manokana momba io

    Nomarihina tetsy amin’ny CHU Ravoahangy-Andrianavalona ny fisantarana ny fanamarihana ny faha-50 taona nisian’ny “Neuro-Chirirgie” teto amintsika. Tamin’io fotoana io no nahafantarana fa 15 monja ny mpitsabo Malagasy nandalim-pahaizana manokana momba ny fandidiana ny loha sy ny hazon-damosina “Neuro-Chirurgien”. Sampan-draharaham-pahasalamana miisa 7 ihany no sahanin’izy ireo manerana ny Nosy. Marisika ny mpianatra ho mpitsabo hiofana, saingy iray isan-taona ihany no raisina amin’ny alalan’ny “concours national de l’interne qualifié ”. Amin’izao fotoana izao dia 9 no isan’ireo mpianatra “Interne” ao amin’ity “Neuro-chirurgie ” ity.
    Lire la suite ...
    • lundi, 07 novembre 2022 20:35
    • Sary nindramina

    Parvis Analakely : Herinandro momba ny tany sy fanajariana ny tany

    Nisokatra androany eo amin'ny Parvis Analakely, ary hitohy hatramin'ny alakamisy 10 novambra ho avy izao ny : HERINANDRON'NY TANY SY NY FANAJARIANA NY TANY. Nanokatra tamin'ny fomba ofisialy izany ny Praiminisitra Ntsay Christian, notronin’ny minisitry ny fanajariana ny tany sy ny fananan-tany Ramaholimasy Pierre Houlder. Nanamarika ny fotoana androany ny fizarana titra, izay miisa 601, sy karatany 3 100 isa, narahina fitsidihana ireo trano heva. Nisy koa ny famelabelaran-kevitra momba ny anjara asan'ny fanajariana ny tany, amin'ny andavanandrom-piainan'ny Malagasy, ny fitantanana ny tany ifotony, ireo karazana sata tany, ary ny paik'ady arahina amin'ny fangatahana tanim-panjakana.  
    Lire la suite ...
    • vendredi, 04 novembre 2022 19:12
    • Sary nomena

    Nosy-Be : Sendra izay orinasa tsy manaja bokin'andraikitra

    Misitraka lalana vita tara i Nosy-Be. Notokanan'ny Filoham-pirenena Andry Rajoelina androany zoma 4 novambra izany. Nisy anefa ny fitsirihana tampoka nataon'ny filoha nijerena ny kalitaon'ny lalana vita tara vao namboarina, mampitohy an'i Dar es Salam sy Cratère. Nandritra izany no nahitany fa tsy nanaja ny bokin'andraikitra sy ny kalitao notadiavina ny orinasa nanao ny lalana. Hita tamin'ny fanaovana "carotage" na fakana singa, hoy ny filoha Rajoelina, fa 3cm hatramin'ny 4 cm ny hateviny, raha tokony ho 5 cm hatramin'ny 6 cm ny hatevina sy kalitao tokony natao.
    Lire la suite ...
    • lundi, 31 octobre 2022 20:46

    Covid-19 : Miitatra ny Faritra ahitana tranga vaovao

    Raha Faritra roa, Analamanga sy DIANA, no nahitana tranga vaovao Covid-19 tamin’ny herinandro lasa, dia Faritra efatra indray no nahitana tamin'ity herinandro mivalona ity, dia Analamanga, Alaotra Mangoro, Vakinankaratra ary Atsinanana. (Jereo Sary Tohiny)
    Lire la suite ...
Page 1 sur 249