Depiote Andry Ratsivahiny: Mipaingotra ny Praiminisitra hanazava ny zava-misy fa « miahiahy ny olona »

  • mercredi, 23 octobre 2019 22:52
  • Zakaria
  • Sary nindramina

Nanao fanambarana tao amin’ny pejiny facebook androany i Andry Ratsivahiny, Solombavambahoaka IRD, voafidy tao Antananarivo Atsimondrano, miantefa amin’ny praiminisitra lehiben’ny governemanta, « haneho fanazavana ianao amin'ny maha lehiben'ny mpanatanteraka anao amin'izao zavatra misy izao : Jiro tapaka, ny Rano tsy misy, ny solika tsy misy tampoka ».

Marina fa misy Minisitra tompon'andraikitra eo, hoy ny fanambarana fa « ianao no voalohany tompon'andraikitra ». Tsy nitsitsy teny ity Solombavambahoaka ity milaza fa « esory izay tompon'andraikitra tsy mahavita » ; ary « hazavao ny zava-misy fa aza atao tompon-trano mihono ny vahoaka. Fa tsy hoe : hiandry ny Filoha Andry Rajoelina hanazava amin'ny vahoaka ianareo akory. Efa mazava ny toromarika nomeny ».

« Rehefa fantatry ny Malagasy ny zava-misy, dia izay no tsara indrindra. Fa lasa miahiahy ny olona », hoy i Andry Ratsivahiny namarana ny teniny.

(Jereo Sary Tohiny)

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.