Politique

    • vendredi, 27 janvier 2023 18:29
    • Tigre
    • Sary nindramina

    Ady any Ukraine : Miazakazaka manambara na Lafrantsa na Allemagne fa tsy miady amin'ny Rosianina akory

    Toarian'ny fanapahan-kevitry ny Allemagne hamatsy fiara mifono vy an'i Ukraine, ary manaiky ny anomezan'ireo firenen-kafa namarotany ny Leopard 2, dia nampiaka-peo ny Rosianina, fa izay mamatsy fitaovam-piadiana an'i Ukraine dia naman'ny miditra an-tsehatra amin'ny ady, ka dia nampiomana ny Rosianina ny haka fepetra enjana momba ireo firenena ireo, na dia ampiasany ny fitaovam-piadiana mahery vaika toy ny baomba nokleary aza. Tsy ela dia efa nanambara i Lafrantsa fa tsy miady amin'ny Rosianina velively, fa manohana an'i Ukraine kosa hiaro tena amin'ny fananiham-bohitra ataon'i Rosianina. Nilaza ihany koa etsy anilany ny Allemagne fa tsy manam-pahavalo an'i Rosia akory izy, ary mety any amin'ny volana aprily any mihitsy aza vao omeny ny fiara mifono vy nampanantenainy, fa ny volana febroary no anomboka ny fampiofanana ireo miaramila okrenianina amin'ny fampiasana ity fiara mifono vy ity. Miteraka ady hevitra be izany izao ny hoe, izay mamatsy fitaovam-piadiana ve dia naman'ny mandray anjara amin'ny ady.  
    Lire la suite ...
    • vendredi, 27 janvier 2023 09:17
    • Zakaria
    • Sary nindramina

    Vovonana LERA : Mitsipaka ny mety ho fanemorana ny fifidianana Filoham-pirenena

    Nambara ofisialy ny Alakamisy 26 janoary 2023, ny fijoroan'ny vovonana LERA, tarihin’ny solombavambahoaka Voninahitsy Jean Eugène, ary ahitana mpitarika politika, mpitarika fikambanana,... Mitsipaka ny mety ho fanemorana ny fifidianana Filoham-pirenena ny vovonana, mamotsipotsitra ihany koa ireo ambaran'izy ireo fa tsy ara-dalàna sy tsy mety eto amin’ny firenena. (Jereo Sary Tohiny)
    Lire la suite ...
    • jeudi, 26 janvier 2023 18:52
    • Zakaria
    • Sary nindramina

    RAZANAMAHASOA Christine : Nankahery ireo tra-boina sy namoy havana amin’izao fandalovan’ny rivodoza izao

    Niarahaba ny Birao Maharitra noho ny taona vaovao, sy ny fanaterana ny solombodiakoho amin'ny maha-raiamandreny azy ireo mpiasan’ny Antenimierampirenena, ny alakamisy 26 janoary 2023 atoandro, teny amin’ny Lapan’i Tsimbazaza. Nandritra ny lahatenin’ny Sekretera jeneraly RANDRIAMAHAFANJARY Calvin no nanaovany ny jery todika ny asa vita, sy ireo vina sy fanatsarana amin’ny fiaraha-miasa eo anivon’ity Andrimpanjakana ity.
    Lire la suite ...
    • mercredi, 25 janvier 2023 21:07
    • Zakaria
    • Sary CENI

    CENI : 9 040 501 hatreto ireo olom-pirenena tafiditra ao anaty lisitry ny mpifidy

    Hifarana afaka andro vitsivitsy ny fanavaozana tanteraka ny lisitry ny mpifidy. Nambaran' ny Filohan' ny Vaomieram-pirenena Mahaleo tena Misahana ny fifidianana (CENI), Dama Arsène Retafa fa ny "fanisana eny anivon'ny tokantrano no mifarana ny 31 janoary 2023, fa ny fanisana eny anivon' ny fokontany dia mbola mitohy. Nambarany fa 9 040 501 hatreto ireo olom- pirenena tafiditra ao anaty lisitry ny mpifidy, raha ny antontan'isa azo teny anivon'ny Disitrika tamin’ity andro androany 25 janoary 2023 ity. Nanatanteraka fivoriana fifampizarana niaraka tamin'ireo mpiaramiombonantoka ara-teknika sy ara-bola iraisam-pirenena moa ny CENI ny alarobia 25janoary 2023, teny amin'ny foiben-toerany, teny Alarobia.
    Lire la suite ...
    • mercredi, 25 janvier 2023 20:37
    • Zakaria
    • Sary nindramina

    Dakar : Mandray anjara amin'ny dinika momba ny fahavitan-tena ara-tsakafo ny Filoha Andry Rajoelina

    « Miantso ny firenena afrikana rehetra aho mba hiara-hiasa hiadiana amin’ny hanoanana. Satria mampihoron-koditra ny tarehimarika ankehitriny : olona 25 000 isan'andro no matin'ny hanoanana manerantany». Io no nolazain'i Filoha Andry Rajoelina tany amin’ny fihaonana an-tampony momba ny fahavitan-tena ara-tsakafo, izay nisokatra androany tany Dakar Sénégal, mba hanairana ireo filoha afrikana ny amin’ny andraikitra mila raisin’i Afrika hiadiana amin’ny tsy fanjarian-tsakafo. Tsy azo ekena intsony ny hoe i Afrika izay manana velarantany midadasika no tsy afaka hamatsy sakafo ny mponina ao aminy.
    Lire la suite ...
    • mardi, 24 janvier 2023 11:28
    • Zakaria
    • Sary nindramina

    Razafindraibe Ernest : Manan-jo ho voasoratra anaty lisi-pifidianana ny Malagasy tonga taona rehetra

    Tsy anavahana taona na volon-koditra, na maha lahy, na maha vavy, na tra-pahasembanana, ny fisitrahana ny Zo maha olom-pirenena. Ary mikasika ny fisian'ny fanavaozana manontolo ny lisitry ny mpifidy, dia tokony hahatsiaro ny żony ny rehetra. Ny fisian'ny lisi-pifidianana madio, lisi-pifidianana tsara voatra, lisi-pifidianana marina, izany no tanjona amin'ny fanatanterahana ny fanavaozana tanteraka ny lisi-pifidianana, izay efa hifarana amin'ny 31 Janoary ho avy izao, hoy i Razafindraibe Ernest. Efa ela no niasa manodidina izany isan-taona tamin'ny naha tompon'andraikitra tamin'io lafiny io azy teo anivon'ny CENI, ity farany, ka nanentana ny Vahoaka izy mba tsy hiandry farany vao hisoratra anaty lisitra.
    Lire la suite ...
    • samedi, 21 janvier 2023 15:25
    • Zakaria
    • Sary nindramina

    Tsiroanomandidy : Nidina an-dalambe ny depiote IRD Hajanirina Ramaherijaona nitarika Vahoaka nitaky ny fialan’ny Governora

    Naneho hevitra tao amin’ny pejiny Facebook ny solombavambahoaka IRD voafidy tao Tsiroanomandidy Hajanirina Ramaherijaona fa “feno ny kapoaka, tsy misy fampandrosoana i Bongolava. Lany andro amin’ny fanenjehana izay tsy azony baikoina, sy mpiaro ireo Ben'ny tanàna voarohirohy amin’ny raharaha maloto ny Governora. Henatra ho an'ny fitondram-panjakana sy ny Filoham-pirenena ny ataony. Nilahatra ireo Ben’ny tanàna marobe avy ao Tsiroanomandidy sy Fenoarivobe ary ny depiote, manoloana izany, niaraka tamin’ny Vahoaka maro. Tokana ny feo nivoaka, mangataka ny fanalana ny Governora sy hisamborana ireo Ben'ny tanàna voarohirohy amin’ny famonoana olona sy ny fangalarana ny omby “fourrière”. (Jereo Sary Tohiny)
    Lire la suite ...
    • samedi, 21 janvier 2023 13:21
    • Zakaria
    • Sary nindramina

    Ntsay Christian : "Tsy kandida filohan’ny Repoblika ny tenako"

    "Ambarako ho rentany rendanitra anio, fa tsy ho kandida filohan’ny Repoblika ny tenako", hoy ny Praiminisitra lehiben'ny governemanta Ntsay Christian, nandritra ny fandaharana Ady Hevitra, tao amin'ny Televiziona Malagasy, ny alin'ny zoma 20 janoary 2023. (Jereo Sary Tohiny)
    Lire la suite ...
    • vendredi, 20 janvier 2023 16:16
    • Zakaria
    • Sary nomena

    Fiketrahana Masina : Vonona hanatsara ny fiaraha-miasa amin'i Madagasikara

    Nanolotra ny taratasy manendry azy hiasa eto Madagasikara tamin'ny Filoham-pirenena Andry Rajoelina ny Nonce Apostolique, Mgr Tomasz Grysa, ny alarobia 18 janoary 2023 teny amin’ny Lapam-panjakana Iavoloha. Nanambara ny Nonce Apostolique fa ny Fiketrahana Masina dia vonona hatrany hanamafy sy hanatsara ny fiaraha-miasa amin'ny Firenena malagasy sy hifanome tanana amin'ny Fitondram-panjakana amin'ny fanatanterahana ireo ezaka amin’ny fampandrosoana an'i Madagasikara. Ny Fiangonana Katolika moa dia anisan'ny mitondra ny anjara birikiny amin'ny fitaizana ny Vahoaka sy ireo asa fampandrosoana ny Firenena eo amin'ny sehatra maro, toy ny fanabeazana, ny fahasalamana sy ireo asa sosialy isan-karazany. (Jereo Sary Tohiny)
    Lire la suite ...
    • vendredi, 20 janvier 2023 13:50
    • Zakaria
    • Sary nomena

    Fiketrahana Masina : Vonona hanatsara ny fiaraha-miasa amin'i Madagasikara

    Nanolotra ny taratasy manendry azy hiasa eto Madagasikara tamin'ny Filoham-pirenena Andry Rajoelina ny Nonce Apostolique, Mgr Tomasz Grysa, ny alarobia 18 janoary 2023 teny amin’ny Lapam-panjakana Iavoloha. Nanambara ny Nonce Apostolique fa ny Fiketrahana Masina dia vonona hatrany hanamafy sy hanatsara ny fiaraha-miasa amin'ny Firenena malagasy sy hifanome tanana amin'ny Fitondram-panjakana amin'ny fanatanterahana ireo ezaka amin’ny fampandrosoana an'i Madagasikara. Ny Fiangonana Katolika moa dia anisan'ny mitondra ny anjara birikiny amin'ny fitaizana ny Vahoaka sy ireo asa fampandrosoana ny Firenena eo amin'ny sehatra maro, toy ny fanabeazana, ny fahasalamana sy ireo asa sosialy isan-karazany. (Jereo Sary Tohiny)
    Lire la suite ...
Page 1 sur 194