Teraka tao Ambilobe ny 1 may 1927, mitsingerina androany ny faha-95 taona nahaterahan'i Pr Zafy Albert.

Nisy ny fametrahana fehezam-boninkazo teo amin’ny tsangambato fahatsiarovana azy, ao amin’ny zaridaina bôtanika Ambohijatovo, nataon'ireo mpiaradia sy iray antoko UNDD taminy.

Mpitsabo, mpandidy i Pr Zafy Albert. Mpitarika ny mpanohitra nitondra nankany amin'ny fijoroan'ny Repoblika fahatelo izy.

Filoham-pirenena teo anelanelan'ny 27 martsa 1993 – 5 septambra 1996. Filoham-pirenena malagasy voalohany niharan'ny fampiatoana amin’ny asany izy, rehefa notsipahan'ny solombavambahoaka.

Nodimandry tatsy Saint-Pierre La Réunion ny 13 oktobra 2017 i Pr Zafy Albert.

(Jereo Sary Tohiny)

Misokatra amin'ny fomba ofisialy ny Centrale Solaire Hybride, ao Kimony, kaominina Bemanonga, Morondava. Tonga nitokana izany taty an-toerana ny Filoham-pirenena Andry RAJOELINA, ary efa am-perinasa tanteraka ity tobim-pamokarana ity, ary eto am-panombohana, dia efa mamokatra 1,4MW ho ana tokantrano 55 000.

Hamokatra hatramin'ny 3MW kosa ity tobim-pamokarana herinaratra ity rehefa vita avokoa ireo dingana rehetra.

Hampihena ny mety ho fahatapahan-jiro eto Morondava ny fampandehanana ity Centrale Solaire Hybride ity, ary hampihena ihany koa ny fampiasana solika eo anivon'ny JIRAMA amin'ny alalan'ny fampiasana angovo madio.

Nihaona tamin’ireo mpiaradia aminy tany Amparafaravola sy Ambatondrazaka ny birao politikan'ny antoko Tiako i Madagasikara, notarihin'ny filoha teo aloha sady filoha Nasionalin’ny antoko, Marc Ravalomanana ny sabotsy 30 aprily 2022.

Tonga maro ny olona. Nanomana ireto farany hiatrika ny fifidianana 2023 ireo mpandaha-teny.

No comment