Ho fiarovana amin'ny valanaretina Covid-19, dia nofaranana ny fampianarana eto amin'ny Oniversité Barikadimy manomboka ny alatsinainy 20 desambra 2021.

Mbola tsy voalaza ny fotoana hidirana, ary mbola tsy misy ny programam-panadinana.

Nivoaka androany zoma 17 desambra 2021 ny Didim-pitsarana momba ny raharaha Apollo21, izay niapangana olona ho nikasa amono ny Filoham-pirenena sy nikasa anongam-panjakana.

- Paul Rafanoharana: 20 taona asa an-terivozona

- François Marc philippe sy Razafindrakoto Aina Marie : 10 taona asa an-terivozona tsirairay avy

- Andrianandrianina Voahangiarisoa Nomenjanahary : 5 taona asa an-terivozona

- Rozette Brigitte sy Razakarimanana Ferdinand : Afahana noho ny fisalasalana

- Andriazanakolona William Yvon dit Sareraka sy Ramahatra Victor : 5 taona an-tranomaizina sazy mihantona

- Afahana madiodio: Rakotondramanana Alain José - Rakotoarimanana Nomenjanahary Maminiaina Patrice - Diary Rivohasina Angelot Gaston - VALOMILA Bien Aimé - Harisoa Princy - Diambelou Euclide - Andria Tiana Michel - Ravelonarivo Jocelyn - Totoarisoa Rakotoarison Alphonse Anthony - Rapo Nicholson Edouard - Dabaka Jean Michel.

 
(Sary : Omena eto ireo dossier ireo ho an'izay te handalina ny votoatin'ady, sy ireo fiampangana ary fiarovan-tenan'ny tsirairay.

Ny didim-pitsarana efa anaty publication io.)

Tsy milamina i Nosy be amin'ny fakan'ny vahiny sy ireo mpanam-bola ny tany. Nitsangana tsy nihemotra ireo vahoaka, ary i Ninie Donia, mpanankanto, mpanjakavavin'ny Salegy no isan'ny lohany amin'ny fiarovana ny tanindrazana.

Nosamborina i Ninie Donia, fa nihetsika ireo vahoaka marobe niaro azy, ka dia navotsotra malaky fa sao hipoaka ny sarom-bilany.

Anisan'ny anenjehana an'i Ninie Donia ny fiampangana azy ho mizara ny tanin'i Sirama amin'ny Vahoaka.

Misy raharaham-pitsarana efa mandeha moa izy ity, fa izao nisy sakoroka izao indray, ka nanirahana ireo zandary hisambotra azy izao.

(Jereo Sary Tohiny)

Nihazo an'i Rouen ao Frantsa, ny Governora Faritra Atsinanana Rafidison Richard Théodore, sy ireo mpiara-miasa aminy, ka nanao sonia fifanarahana fiaraha-miasa amin'i Région Normandie France.

Misy teboka 5 ny fiaraha-miasa :

- Tetikasa momba ny fambolena
- Fampiofanana arakasa
- Ireo tetikasa momba ny tanora, singanina amin'izany ny kolo-tsaina sy ny fandraisana andraikitra eo amin'ny fiaraha-monina
- Ireo sehatrasa mikasika ny seranan-tsambo, sy ny ranomasina. Napetraka ny fiaraha-miasa amin'ny maha samy Faritra manana ny seranan-tsambo lehibe, eo amin'ny Toamasina sy Port du Havre
- Fiovaovan'ny toetrandro sy ny fiarovana ny tontolo iainana.