Sport

    • samedi, 24 juillet 2021 09:26
    • Sary nindramina

    Lalao olimpika : Nisokatra any Tokyo

    Tanterahina nanomboka ny zoma 23 jolay any Tokyo renivohitr’i Japana ny Lalao olimpika 2020. Hitohy hatramin’ny 8 aogositra 2021 io. Manana atleta hiaro ny voninam-pirenena i Madagasikara. (Jereo Sary Tohiny)
    Lire la suite ...
    • mardi, 20 juillet 2021 17:40
    • Sary nindramina

    Lalao Olympika Tokyo : Nanainga androany ny delegasiona Malagasy

    Nanainga androany Talata 20 Jolay 2021 hamonjy an'i Tokyo, Japon ny delegasiona Malagasy handray anjara amin'ny Lalao olaimpika, izay ho tanterahina ny 23 Jolay ka hatramin'ny 8 Aogositra 2021. Atleta 6 no handray anjara amin'ny fifaninana dia : - Eric Andriantsitohaina (fibatana fonjamby) - Tojo Andriantsitohaina (fibatana fonjamby)- Damiella Nomenjanahary (judo)- Murielle Rabarijaona (lomano)- Mickael Rasolonjatovo (lomano)- Todisoa Franck Rabearison (atletisma) Marihina fa 3 amin'izy ireo no niainga teny Ivato, ny 3 ambiny kosa hanainga ao Thaïlande sy Maurice avy hatrany dia hiazo an'i Tokyo. Nirary soa azy ireo ary miandrandra vokatra tsara ho entina hatrany hampiakatra avo ny hambompom-pirenena ny minisitry ny Tanora sy ny fanatanjahantena, Tinoka Roberto. (Jereo Sary Tohiny)
    Lire la suite ...
    • lundi, 19 juillet 2021 14:33

    Jeux de Melaky : Maintirano no hampiantrano ny andiany faha 26

    Hatao ao Maintirano ny 20 ka hatramin’ny 30 Aogositra ho avy izao ny « Jeux de Melaky ». Andiany faha-26 ny amin’ity taona 2021 ity. Efa manomboka ny fanomanana mikasika izany.  
    Lire la suite ...
    • dimanche, 18 juillet 2021 12:05
    • Sary nindramina

    Makis Séniors Vehivavy : Laharana faha 4 eto Afrika

    Tafakatra eo amin'ny laharana faha 27 manerantany ny Makis seniors vehivavy, ary dia mipetraka eo amin'ny laharana faha 4 eto amin'ny kaontinanta Afrikanina, manaraka an’i Afrika Atsimo (13), Kenya (25) ary Cameroun (26). Izay no vokatra azo taorian'ny fandresena faharoa azon'ny Makis Séniors Vehivavy tamin'ny Kenya Lionesses, nandritra ny fifaninana "Rugby Africa Women's Cup" natao tao Nairobi, Kenya farany teo.  
    Lire la suite ...
    • mercredi, 14 juillet 2021 11:17
    • Sary : MJS

    Makis an'i Madagasikara : Nody niaraka amin’ny amboara

    Tafaverina an-tanindrazana ny talata 13 jolay ireo Makis an'i Madagasikara rehefa nandrato fifaninanana telo eo amin’ny taranja rugby. Fandresena 4 no azon'ireo ekipam-pirenena tamin’ireo lalao 6 natao. Tompondaka lefitra nandritra ny "Afrika Trophée Barthez" ny U20 lehilahy. Laharana faha 3 tao amin'ny Vondrona A nandritra ny fiadina ny ho tompondaka an'i Afrika (RAC 2021) ny Sénior lehilahy. Nibata ny amboara nandritra ny "Rugby Africa Women's Cup" ny Sénior vehivavy, ary nametraka azy ireo eo amin'ny laharana faha 27 manerantany. Nitsena azy ireo teny amin'ny seranam-piaramanidina Ivato ny Tale Jeneraly misahana ny Fanatanjahantena, Rosa Rakotozafy, solotenan'ny Minisitry ny Tanora sy ny Fanatanjahantena, TINOKA Roberto, sady nametraka ny mba hanajana ny lamina rehetra noho hamehana ara-pahasalamana. Noho izany indrindra dia tsy nahazo nifanerasera tamin'ireo mpankafy tonga nitsena azy ireo teny amin'ny seranam-piaramanidina Ivato ny delegasiona fa avy hatrany dia namonjy ny fiara nitondra azy ireo nihazo ny Kianja Makis Andohatapenaka izay toerana hanaovana ny fihibohana.  
    Lire la suite ...
    • samedi, 10 juillet 2021 14:03
    • Sary : MJS

    Orange Pro League Madagasikara : Natolotra ny AS ADEMA ny medaly sy amboara

    Notanterahina ny alakamisy 08 jolay 2021 tao amin'ny Novotel Ivandry ny fanolorana ny amboara sy fiarabana ny AS ADEMA, klioba nivoaka mpandresy teo amin'ny fiadiana ny ho tompondakan'i Madagasikara amin'ny taranja baolina kitra ho an'ny taom-pilalaovana 2020-2021. Nahitana klioba 13 avy amin'ny lafy valon'ny Nosy nandray anjara tamin’ity fifaninana ity. Tonga nanome voninahitra ny fotoana ny Tale Jeneraly misahana ny Fanatanjahantena, Rosa Rakotozafy izay nisolontena ny Minisitry ny Tanora sy ny Fanatanjahantena Tinoka Roberto. (Jereo Sary Tohiny)  
    Lire la suite ...
    • mardi, 06 juillet 2021 08:04

    Kitra – COSAFA CUP 2021 : Tsy hiazo an’i Afrika Atsimo i Madagasikara

    Nanao fanambarana ny Federasiona malagasy ny baolina kitra fa tsy handray anjara amin’ny fifaninanana COSAFA CUP 2021 hatao atsy Afrika Atsimo i Madagasikara noho ny toe-draharaha ara-pahasalamana misy ao an-toerana.  
    Lire la suite ...
    • dimanche, 04 juillet 2021 20:06
    • Sary : MJS

    Antsiranana : Tontosa ny 81%-n’ny asa fanamboarana ny Kianja manarapenitra

    Mandroso ny asa fanamboarana ny kianja manarapenitra ao Antsiranana. Efa mahatratra 81% ny asa fanamboarana no vita. Vinavinaina ho vita afaka efa-bolana ity kianja ity, ary hahazaka olona 6 000. Nivoitra io nandritra ny fidinana ifotony nataon'ny Minisitry ny Tanora sy ny Fanatanjahantena Tinoka Roberto ity fotodrafitrasa ity omaly Sabotsy 03 Jolay 2021. Nambaran'ny Minisitra fa mbola ho tonga ny seza izay hamenoana ny kianja, izay mitovy amin'ny seza ao amin'ny kianja manarapenitra ao Barikadimy Toamasina. Teo am-pamaranana ny fitsidihana dia niaraka nijery lalao baolina kitra tafiditra amin'ny andro fahatelo amin'ny fiadiana ny tompondakan’ny Seksiôna Antsiranana Voalohany, izay nifanandrinan'ny FC MAMAMI sy FC Ramena ny Minisitra Tinoka Roberto. Nandritra izany dia nanolotra baolina ho an'ireo mpilalao. (Jereo Sary Tohiny)  
    Lire la suite ...
    • vendredi, 02 juillet 2021 10:52

    Kitra - Euro 2021 : Hotanterahina anio sy rahampitso sabotsy ny lalao ampahefadalana

    Hiditra amin’ny lalao ampahefadalana ny fiadiana ny tompondakan’i Eorôpa amin’ny baolina kitra na Euro 2021. Lalao roa no hotanterahina anio, ka hisantatra izany ny fihaonan’i Soisa amin’i Espaina. Hatao any Saint-Pétersbourg- Rosia ny lalao. Aorian’izay ny fifandonan’i Belzika amin’i Italia, lalao izay hatao any Munich-Alemaina. Rahampitso sabotsy 3 jolay kosa ny lalao roa farany amin’ity dingana ity, izay hihaonan’ny Repoblika Tseky amin’i Danemark andaniny, izay hatao any Bakou-Azerbaïdjan, harahin’ny fifandonan’i Okraina amin’i Angletera, lalao izay hatao any Rome-Italia. Any Londres-Angletera avokoa no hatao ny lalao manasadalana roa ny talata 06 sy alarobia 07 jolay, sy ny lalao famaranana ny alahady 11 jolay amin’ity Euro 2021 ity.  
    Lire la suite ...
    • mardi, 15 juin 2021 12:00
    • Sary MJS

    CAN handball vehivavy 2021 : Tapitra hatreo ny fifaninana ho antsika Malagasy

    Laharana faha efatra (4) i Madagasikara ao anatin'ny vondrona A nisy azy dia tapitra hatreo ny fifaninana ho antsika Malagasy tamin’ny fiadiana ny tompondakan’i Afrika eo amin’ny taranja handball sokajy vehivavy atao any Yaoundé Cameroun. Toy izao manaraka izao ny voka-dalao azon'i Madagasikara nandritra ny lalao isam-bondrona : ▪Sénégal 42 # 16 Madagascar ▪Madagascar 16 # 44 Tunisie▪Guinée 35 # 16 Madagascar
    Lire la suite ...
Page 1 sur 81