Sport

    • mardi, 06 avril 2021 08:55
    • Sary nindramina

    Fanatanjahantena : Nodimandry i Berthin Andriamiharinosy

    Nodimandry teo amn’ny faha-81 taonany i Berthin Andriamiharinosy. Anisan'ireo mpisehatra sy mpankafy fanatanjahantena i Berthin Andriamiharinosy, kintan’ny taranja handaball. Zokiolona indrindra tamin’ny delegasiona Malagasy nandray anjara tamin’ny Lalaon’ny Nosy andiany faha-9 natao tao La Réunion tamin’ny 2015 i Berthin Andriamiharinosy ; 75 taona izy tamin’izay. Namoaka asa-soratra sy tahirin-tsary maromaro mitantara ny fanatanjahantena teto Madagasikara izy, anisan'izany ny boky "Football... quand tu nous tiens", nosoratany niaraka tamin'i Marius Rasoanaivo.  
    Lire la suite ...
    • lundi, 05 avril 2021 19:20
    • Sary nindramina

    Andriatsima Faneva Ima : Mikasa ny hitantana klioba sy handefa mpilalao any ivelany

    Nandritra ny fivahinianan’i Andriatsima Faneva Ima tao amin’ny fahitalavitra tsy miankina Real TV, taorian’ny lalao farany nataon’ny Barea an’i Madagasikara nanoloana an’ny Mena avy any Niger, no nampahafantarany ny hoaviny sy ny vinavinany aorian’ny hitsaharany tsy hilalao eny ambony kianja intsony. Nambaran’i Andriatsima Faneva Ima fa hiverina eto Madagasikara izy, ary faniriany ny hanana sy hitantana klioba kitra iray. Nambarany fa nanamarika azy ny hoe : teratany Renioney no nahita ka nandefa azy hilalao baolina tany Frantsa, fa tsy Malagasy. Faniriako, hoy i Faneva Imà mba izaho no handefa mpilalao hila ravinahitra any ampitan-dranomasina. 36 taona i Faneva Imà Andriatsima ankehitriny. Kapitenin’ny Barea izy teo aloha. 14 ny baolina tafidiny nandritra ny naha mpilalaon’ny ekipam-pirenena azy. Nanamarika azy ny fiadiana ny tompondakan’i Afrika taona 2019. Niato tsy nilalao ao amin’ny Barea izy taorian’ny lalao fifanintsanana CAN 2021 teo Mahamasina tamin’ny 2019 ka nandresen’i Madagasikara 1 noho 0 an’i Ethiopie. Nantsoin’ny mpanazatra Nicolas Dupuis izy, ary nanaiky niatrika ireo lalao roa farany tao amin’ny Vondrona K nisy an’i Madagasikara, tamin’ny fifanintsanana CAN 2021. Tsy nandingana ny vondrona ny Barea.
    Lire la suite ...
    • mercredi, 31 mars 2021 11:04
    • Photos Net

    CAN : Le sélectionneur togolais invité à plier bagage

    Le député togolais Gerry Komandega Taama a invité le sélectionneur Claude Le Roy à plier bagage après l’échec de l’équipe nationale, les Éperviers, face aux Comoriens la semaine passée. "Si personne ne peut vous démissionner, ayez du respect pour le peuple togolais et démissionnez de vous-même. Ayez honte un peu. Ou alors, faites semblant", a lancé le parlementaire à l’endroit du technicien français. Un ancien de Saint-Syr, homme politique, chef d’entreprise licencié en sociologie de la communication, Taama est réputé pour son tempérament bouillonnant. En interpellant directement Le Roy, il a dit que celui-ci est vomi depuis bien longtemps par le public sportif togolais pour ses piètres résultats. Selon le député, on ne peut pas continuer par maintenir le Français à la tête d’une équipe compte tenu de l’échec.
    Lire la suite ...
    • mardi, 30 mars 2021 18:53
    • Sary nindramina

    Fifanintsanana CAN 2021 : Nobahanan’i Niger ny lalan’i Madagasikara

    Notazomin’ny Mena an’i Niger ady sahala samy tsy nitoko teo amin’ny Kianja Barikadimy-Toamasina ny Barea an’i Madagasikara, nandritra ny andro fahaenina sady farany amin’ny fifanintsanam-bondrona ao amin’ny Vondrona K, niadiana ny tapakila hiatrehana ny dingana famaranana ny fiadiana ny tompondakan’I Afrika amin’ny baolina kitra hatao any Cameroun amin’ny 2022. Fandresena no nandrasana tamin’ny Barea ; tsy ampy iakaran’i Madagasikara amin’io dingana famaranana io ny ady sahala, fa dia nanome lalana an’i Ethiopia isika. Arak'izany i Ethiopia na inona na inona vokatry ny lalao nihaonany tamin'i Côte d'Ivoire dia efa namany tafakatra izy. Mitarika an'isa 3 noho 1 i Côte d'Ivoire teo amin'ny minitra faha-80 ny lalao, fa voatery niato izany, satria narary tampoka teny ambony kianja ny mpitsara afovoany.
    Lire la suite ...
    • lundi, 29 mars 2021 17:28
    • Sary nindramina

    Fifanintsanana CAN 2021 : Avy any Gabon ireo mpitsara efa-dahy hitantana ny lalaon’ny Barea sy Mena

    Efa eto Madagasikara ireo mpitsara efa-dahy hitsara ny lalaon’ny Barea an’i Madagasikara sy Mena avy any Niger. Ao amin’ny kianja Barikadimy Toamasina no hatao ny lalao ny talata 30 martsa 2021, andro fahaenina sady farany amin’ny lalao fifanintsanam-bondrona ao amin’ny Vondrona K, misy an’i Côte d’Ivoire, Ethiopia, Madagasikara ary Niger. Laharana voalohany vonjimaika taorian’ny andro fahadimy i Côte d’Ivoire, manana isa 10, izay efa naman’ny tafakatra. Faharoa voanjimaika i Ethiopia, manana isa 9. Laharana fahatelo vonjimaika i Madagasikara manana isa 7, ary fahaefatra i Niger izay manana isa telo hatreto. Izay ekipa roa manana isa tsara indrindra ao anaty vondrona no hiakatra amin’ny dingana famaranana hiadiana ny tompondakan’i Afrika na CAN 2021 fa nahemotra 2022, noho ny coronavirus, izay hatao any Cameroun.  
    Lire la suite ...
    • dimanche, 28 mars 2021 22:40
    • Sary : MJS

    Madagasikara # Niger : Tsy hisy fivarotana tapakila, tsy hisy "fan zone"

    Nitsidika ny kianja Barikadimy Toamasina, hanaovana ny lalao fifanintsanam-bondrona hihaonan'i Madagasikara sy Niger ny Minisitry ny Tanora sy ny Fanatanjahantena Tinoka Roberto, androany. Nambarany fa manoloana ny fiparitahan’ny valanaretina Covid-19 sy ho fitsinjovana ny fahasalaman’ny rehetra dia hahena faran’izay vitsy ny mpijery ny lalao izay hihaonan’ny Barea amin’i Niger. Tsy hisy ny tapakila fidirana hamidy mandritra io lalao io, saingy ny "Club des supporteurs" ihany no afaka hijery sy hanohana ny Barea ao amin’ny Kianja Barikadimy satria mila fanohanana ny ekipantsika noho ny maha zava-dehibe ity lalao ity.
    Lire la suite ...
    • dimanche, 28 mars 2021 12:52
    • Sary : MJS

    Fifanintsanana CAN – Andro fahaenina : Manao fitiliana Covid-19 ny Barea

    Notanterahina io maraina io ao Toamasina, ny fakana singa hanaovana fitiliana Covid-19 ireo mpilalaon’ny Barea an’i Madagasikara mialoha ny lalao hifanandrinana amin'i Niger, mandritra ny andro fahaenina sady farany amin’ny fifanintsanam-bondrona hatao ny Talata 30 martsa 2021. (Jereo Sary Tohiny)  
    Lire la suite ...
    • samedi, 27 mars 2021 21:39
    • Sary : MJS

    Fifanintsanana CAN : Tonga ao Toamasina ny ekipan’ny Mena avy any Niger

    Migadona ny hariva teo tao amin’ny seranam-piaramanidina Ambalamanasy Toamasina ny ekipan’ny Mena avy any Niger, izay hiatrika lalao miverina amin’ny Barea an’i Madagasikara, tafiditra amin’ny andro faha-6 sady farany ao amin’ny Vondrona K, amin’ny fifanitsanana CAN 2022. (Jereo Sary Tohiny)  
    Lire la suite ...
    • jeudi, 25 mars 2021 20:53
    • Sary nindramina

    Fifanintsanana CAN 2022 : Sambany ho an’i Comores

    Tafita hiatrika ny CAN 2022 hatao any Cameroun i Comores. Ady sahala 0 noho 0 nanoloana an’i Togo nandritra ny lalao androany tao Comores no nahazoany ny tapakila hiatrehana ny CAN. Sambany eo amin’ny tantaran’ny kitra ao amin’ity nosy rahavavy ity izao ho fandraisany anjara amin’ny CAN izao. Comores, Égypte, Kenya ary Togo no iray vondrona. Tsy hanova na inona na inona ny vokatry ny lalao amin’ny andro fahaenina farany hatao ny 29 martsa 2021, dia ny Égypte-Comores andaniny ary Togo-Kenya ankilany.  
    Lire la suite ...
    • mercredi, 24 mars 2021 19:23
    • Sary nindramina

    Fifanintsanana CAN 2021 : Nibata fandresena fanintelony teo an-kianjany ny Etiopiana

    Nibata fandresena fanintelony teo an-jaridainany ny Etiopiana taorian’ny nandreseny an’i Madagasikara tamin’ny isa mazava 4 noho 0, androany tolakandro, nandritra ny andro fahadimy amin’ny fifanintsanam-bondrona hahazoana tapakila hiatrehana ny dingana famaranana amin’ny fiadiana ny tompondakan’i Afrika izay hatao any Cameroun amin’ny taona 2022. Efa nitarika an’isa 3 noho 0 ny Etiopiana tamin’ny fizaram-potoana voalohany. Niampy iray ny isa azon’ny mpampiantrano minitra vitsy tsy hifaran’ny lalao tany Bahir Dar, any Etiopia. Resin’i Etiopia tao an-taniny avokoa i Côte d’Ivoire, Niger ary Madagasikara, izay iray Vondrona K aminy. Taorian’ny lalao androany dia voalohany vonjimaika ao amin’ny Vondrona K i Etiopia. Fahatelo vonjimaika kosa i Madagasikara, na manana isa 7 mitovy amin’i Côte d’Ivoire aza, saingy manantombo amin’ny elanelan’ny baolina tafiditra sy niditra ity farany. Fahaefatra vonjimaika i Niger izay manana isa 3, fandresena tokana azony nanoloana an’i Etiopia, tamin’ireo lalao efatra vitany.
    Lire la suite ...
Page 1 sur 78