Fanondranana lavanila : Miisa 66 ireo mpandraharaha nahazo alalana

  • lundi, 20 septembre 2021 15:30
  • Tahirin-tsary fampiaingoana

Nivoaka androany Alatsinainy ny lisitr’ireo mpandraharaha nahazo alalana hanondrana lavanila ho an’ny taom-panondranana 2021.

Fomba fiasa vaovao no napetraky ny minisitry ny Fampiroboroboana ny Indostria sy ny Varotra ary ny Fanjifana, Edgard Razafindravahy amin’ny fanombohan’ny fanadiovana tanteraka ny fihariana lavanila.

Nojerena isan’isany ny fangatahana nataon’ireo mpandraharaha. Tsy maintsy ara-dalàna amin’ny fandoavan-ketra sy ny famerenana vola vahiny ireo mpandraharaha mialoha ny fanomezana azy ny alalana.

Takiana amin’ireo mpandraharaha ny maha ara-dalàna azy ireo sy ny orinasany amin’ireo sehatra ireo.

Marihana fa miisa 300 ny isan’ireo fangatahana voarain’ny ministera, ka ny 66 ihany izany no nekena.

 

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.