Economie

    • dimanche, 25 septembre 2022 19:12
    • Sary nindramina

    Fanondranana cacao : Nampiditra 24,5 tapitrisa dôlara tamin’ny taona 2021

    Tena manana vokatra cacao tsara i Madagasikara. Na latsaka aza ny habetsahan’ny vokatra malagasy, raha miohatra amin’ny vokatra cacao any Côte d’Ivoire sy Ghana, dia manana ny toerantsika isika amin’ny hatsaran’ny vokatra, satria manana “label cacao fin 100%”. Nampiditra 24,5 tapitrisa dôlara ny fanondranana cacao tamin’ny taona 2021. Nahatratra 14 783 taonina ny habetsahan’ny vokatra naondrana tamin’io taona io, izay avy ao Ambanja ny ankamaroany. Kaoperativa 23 no mivondrona ao amin’ny UCLS (Union des Coopératives Lazan’i Sambirano) ho an’ny mpamboly cacao any Ambanja. Miparitaka amin’ny kaominina sivy, ary manana mpamokatra 460 isa izy ireo.
    Lire la suite ...
    • mercredi, 21 septembre 2022 19:01
    • Sary MICC

    Fandraharahana : Hisy fanohanana ireo vehivavy marefo sy ireo vehivavy manana fahasembanana any Atsimo

    Nohamafisina tamin’ny fanaovan-tsonia tetsy amin’ny Hôtel Grand Mellis Tsaralalàna androany 21 Septambra 2022, ny fiaraha-miasa eo amin’ny CRS Madagascar sy ny Ministeran'ny fampiroboroboana ny indostria sy ny varotra ary ny fanjifana (MICC), amin’ny alalan’ny Foibem-pitondrana misahana ny Fampiroboroboana ny Fandraharahana (DPE). Tanjona ny fampivoarana ny tontolon’ny fandraharahana eo amin’ireo vehivavy marefo sy ireo vehivavy manana fahasembanana any amin’ny Distrikan’i Beloha sy Tsihombe (Faritra Androy) sy ny Distrikan’Ampanihy (Faritra Atsimo Andrefana). Tafiditra tanteraka anatin’ny fanatanterahana ny Politikan’ny Fanjakana eo amin’ny sehatry ny fampiroboroboana ny fandraharahana madinika sy salantsalany ity Tetikasa MAHARO ity.
    Lire la suite ...
    • mardi, 20 septembre 2022 20:03
    • Sary : MMRS

    Vatosoa sy vato sarobidy : Efa azo aondrana taorian'ny nanavaozana ny "valeurs marchandes de référence"

    Hiverina amin'ny laoniny manomboka androany talata 20 septambra 2022, ny fahafahana manondrana ny vatosoa sy vato sarobidy avy eto Madagasikara, taorian’ny fiatoana nandritra ny fotoana maharitra, araka ny nambaran'ny Minisitry ny Harena an-kibon'ny tany sy ny Loharanonkarena Stratejika, RAKOTOMALALA Herindrainy Olivier, nandritra ny valan-dresaka ho an’ny mpanao gazety, niarahan’ny Ministera tompon'andraikitra sy ireo mpandraharaha amin’izany seha-pihariana izany, tao Ampandrianomby. Nisy ireo fandaminana hahatomombana ny famerenana indray ny fahafahana manondrana vatosoa sy vato sarobidy nandritra ny fotoana nampiato izany, ary ankehitriny dia efa voatendry teo anivon’ny Filankevitry ny Minisitra ny tompon'andraikitra manana ny fahefana hanasonia ny antontan-taratasy ilaina amin’izany fanondranana izany.
    Lire la suite ...
    • lundi, 19 septembre 2022 19:49
    • Sary MICC

    Varotra Iraisam-pirenena : Hisy fanatsarana ny fahaiza-manao hifanojo amin’ny filàn’ny tsena eoropeanina

    Nanomboka androany Alatsinainy 19 septambra 2022 eto Antananarivo ny fivoriana teknika momba ny fifanarahana ara-barotra sy ara-toekarena miaraka amin’ny Vondrona Eoropeana. Tanjona ny fanatsarana ny fahaiza-manao sy famaliana ny filàn’ny tsena eoropeanina, ny fampiroboroboana ny fanondranana mankany Eoropa, ny fanamorana ireo dingana takiana eo amin’ny fanondranana sy ny fahazoana misitraka ny vokatra eoropeanina eo amin’ny tsena anatiny. Firenena dimy ao anatin’ny AFOA (Afrika atsinanana sy atsimo), dia i Madagasikara, Comores, Zimbabwe, Seychelles ary Maurice no mandray anjara amin’ny fivoriana faha-9 miaraka amin’ny Vondrona Eoropeana nanomboka androany etsy amin’ny Carlton Anosy.
    Lire la suite ...
    • dimanche, 18 septembre 2022 19:44
    • Sary nomena

    Tsenan’Analakely : Nisy fidinany ny vidin’ny siramamy, menaka sy lafarinina

    Marin-toerana ny vidin’ireo entana ilaina amin’ny fiainana andavanandro (PPN) amin’ny ankapobeny. Nidina mihitsy aza ny vidin’ny siramamy, menaka sy lafarinina, raha ny hita tetsy amin’ny tsenan’Analakely ny Zoma 16 Septambra 2022. Nilatsaka teny an-toerana nanara-maso ny vidin’entana ny avy amin’ny Foibem-pitondrana misahana ny Fiarovana ny Mpanjifa, eto amin’ny Minisitera misahana ny Varotra sy ny Fanjifana (MICC), notarihin’ny Tale Haingo Andriamadison hiadiana amin’ny mety hisian’ny fanararaotana. Niara-dalana taminy tamin’izany ny avy amin’ny Fikambanana mpiaro ny zon’ny mpanjifa MCI Lalaina Razafindralambo.
    Lire la suite ...
    • mardi, 13 septembre 2022 08:05
    • Sary nindramina

    Indostria : Miantoka hatramin’ny 15%-n’ny harin-karenan'i Madagasikara

    Hisitraka fampindramam-bola manodidina ny 14,52 tapitrisa Euros i Madagasikara hanohanana azy amin’ny fampiroboroboana ny indostria. Nivoitra izany ny alatsinainy 12 septambra 2022, tetsy amin’ny Carlton Anosy, nandritra ny fampahafantarana ny Tetikasa PAISF, vatsian’ny Banky afrikana momba ny fampandrosoana (BAD) vola. Nambaran’ny minisitra Edgard Razafindravahy fa fanamby lehibe ho an’i Madagasikara ny fampiroboroboana ny indostria. Raha miantoka hatramin’ny 15%-n’ny PIB ny indostria ankehitriny dia tanjona ny hiakaran’izany hatramin’ny 25% hatramin’ny 2028. Midika famoronana harena 1,5 miliara Dolara amerikana izany.
    Lire la suite ...
    • samedi, 10 septembre 2022 19:24
    • Sary nindramina

    Fanjifana : Mbola afarana any ivelany 80%-n’ny PPN ilaina eto

    Raha notombanana fa hiakatra be ny vidin’entana noho ny fisian’ny ady any Iokraina, dia azo lazaina fa marin-toerana izany ankehitriny. Tsy afa-miala amin’ny zava-misy eo amin’ny sehatra iraisam-pirenena mantsy i Madagasikara satria ny 80%-n’ireo entana ilaina amin’ny fiainana andavanandro dia mbola afarantsika any ivelany. “Nisy hatrany ny ezaka teo amin’ny fanaraha-maso sy fandanjalanjana ny vidin’entana ho ara-drariny”, hoy ny Minisitra Edgard Razafindravahy raha nitafa tamin’ny mpanao gazety tetsy amin’ny trano fiasany etsy Ambohidahy. Niainga tamin’ny famerana ny vidin’entana farany ambony sy ny tombom-barotra azo alaina izany, nisorohana ny fiakaram-bidy mihoampampana. Fepetra izay nifanaovana teny ierana tamin’ny mpanafatra, ny mpamongady, ny mpaninjara niaraka tamin’ny fikambanana miaro ny zon’ny mpanjifa.
    Lire la suite ...
    • samedi, 03 septembre 2022 10:28
    • Sary nindramina

    Tsena sy fanjifana : Ao Toliara ny Lafarinina Tsinjo

    Amidy amin’ireo mpamongady amin’ny vidiny ara-drariny 135 000 Ariary ny gony 50kg amin’ny Lafarinina Tsinjo, tsara kalitao, ao Toliara.  
    Lire la suite ...
    • lundi, 22 août 2022 14:05

    Fanondranana lavanila : Eny am-pelantanan'ireo mpandraharaha 70 nahafeno fepetra ny "Agrément "

    Natolotra an-tanana ampahibemaso tamin'ireo mpandraharaha mpanondrana lavanila, nahafeno ireo fepetra takinan'ny lalàna, ny fanavaozana ny fahazoan-dalana hanondrana lavanila ho an'ny taona 2022-2023. Notanterahina tao amin’ny Hôtel Chez OCÉAN MOMO Antalaha izany ny Alakamisy 18 Aogositra 2022, teo ambany fitarihan'ny Minisitry ny Fampiroboroboana ny Indostria sy ny Varotra ary ny fanjifana Edgard Razafindravahy. Nialohavan'ny fanaovan’ireo mpandraharaha mpanondrana lavanila sonia ny fanekena hanaja ny fepetra (lettre d'engagement) izay ahitana teboka 10 moa izany fanolorana izany.
    Lire la suite ...
    • lundi, 22 août 2022 14:05

    Port Toamasina : Nitondra fanazavana ny Sambo Phoenix

    Nampidirina eo amin'ny seranan-tsambon'i Toamasina tokoa, araky ny fandaminana ny Sambo mitondra simenitra Phoenix, satria mora ampidinina ny entana anaty sambo, eo amin'ny 36ora eo ihany dia efa tratra ny 8m00 haavon'ny rano ambany sambo (tirant d'eau), izay mihamaivana, ka efa afaka akisaka ny sambo, anome toerana ny sambo hafa hiditra, araka ny fanazavana voaray. Natao izao fandaminana izao, hoy ireo tompon'andraikitra, satria rahampitso dia efa afaka mifindra toerana ity sambo mitondra simenitra ity idiran'ny sambo mitondra vary, mba tsy hiandrasan'ny sambo mitondra simenitra 15 andro hiantsona an-drano, ka vao maika hampitombo ny fatiantoka. Ny fampidinana vary dia mila fotoana maharitra noho ny maha saro-pady azy, ka maka fotoana lava vao azo akisaka ny sambo.  
    Lire la suite ...
Page 1 sur 91