Economie

    • vendredi, 27 janvier 2023 18:15
    • Sary MICC

    Fianarantsoa : Nametrahana ozinina famokarana tantely ranony

    “Raha te-hahavita tena ara-tsakafo isika dia tsy maintsy mamokatra. Avy eo dia manodina ny vokatra eto an-toerana." Notsiahivin’ny Minisitra Edgard Razafindravahy ny tenin’ny Filoham-pirenena Andry Rajoelina, nandritra ny fihaonana an-tampony ho an’ny fahavitan-tena ara-tsakafo tany Sénégal ny Alarobia 25 Janoary lasa teo, nentiny nilazana fa itony milina apetraka aty Fianarantsoa itony no fitaovana entina hanatanterahana an’izany. Taorian’Ambositra tamin’ny herinandro, dia i Fianarantsoa indray androany Zoma 27 Janoary 2023, no nandray ny ozinina fanodinana tantely, anatin’ireo fitaovana hametrahana orinasa 75 nafarana, ary efa tonga avokoa. “Manomboka izao dia tsy hijanona intsony ny fametrahana ireo orinasa 75. Isa-kerinandro dia hisy orinasa apetratsika isaky ny distrika iray”, hoy ny Minisitra misahana ny Fampiroboroboana ny Indostria.
    Lire la suite ...
    • vendredi, 27 janvier 2023 10:32

    No Comment

    No Comment
    Lire la suite ...
    • mercredi, 25 janvier 2023 10:48

    Governemanta amerikanina : Nanampy an’i Madagasikara amin’ny fandrafetana ny paikadin’ny AGOA 2022-2025

    Mivonona ny hanohana ny governemanta Malagasy sy ny sehatra tsy miankina, amin'ny alalan'ny African Growth and Opportunity Act (AGOA), ny governemanta amerikana. Hita taratra ny mety ho fampandrosoana maharitra eto amin’ny firenena, amin’ny alalan’ny fampitomboana ny fanondranana entana, sy ny fanatsarana ny fanamorana ny fandraharahana eto Madagasikara. Ny toe-karena ara-barotra matanjaka dia afaka manampy amin'ny fampivoarana ny toe-karena sy manohana ny famoronana asa eto Madagasikara, ary manampy amin'ny fanatsarana ny fari-piainan'ny tokantrano manerana ny firenena.
    Lire la suite ...
    • mardi, 24 janvier 2023 10:19
    • Sary nomena

    Fametrahana Taninketsa Indostrialy : Entanina ny mpandraharaha hitondra ny traikefany

    Nohararaotin’ny Minisitra Edgard Razafindravahy sy ireo mpandraharaha mpikambana ao amin’ny FIVMPAMA (Fivondronan’ny Mpandraharaha Malagasy), notarihin’ny filohany Rivo Rakotondrasanjy ny fihaonana nifampiarahabana nahatratra ny taona vaovao, hifanomezam-baovao sy hiresahana ny mahasoa ny firenena. « Raha manana mpikambana any amin’ny faritra ny FIVMPAMA, dia entanina izy ireo hamaly ny antso ho mpitantana ny ozinina mpanodina ny vokatra. Hisy ny fifanarahana ho soniavin’ny telo tonta, dia ny mpiompy tantely, ny Ministera misahana ny Fampiroboroboana ny Indostria, ary ny mpandraharaha mamaly ny antso », hoy ny Minisitra Edgard Razafindravahy, ny Talata 17 Janoary 2023, raha naka ohatra ny fotoana hampahafantarana ny indostria madinika mpanodina tantely sy nanaovana antso ho an’ny mpandraharaha vonona hitantana izany tany Ambositra ny Zoma 20 Janoary 2023 lasa teo. Maro mantsy ny kaoperativa misehatra amin’ny tantely, any amin’ny faritra Amoron’i Mania, ary tsapa fa mivondrona izy ireo.
    Lire la suite ...
    • samedi, 21 janvier 2023 15:36

    Taninketsa indostrialy : Naseho ny mponina ny fitaovana fanodinana tantely ho an’Ambositra

    " Tsy orinasa ho tantanin'ny fanjakana no hajorontsika, fa orinasa ho an'ny mponina eny ifotony. Tsy orinasa ho an'ny tombontsoan'olon-tokana na olom-bitsy, fa orinasa ho an'ny mponina eny ifotony...". Izy ireo no hitantana azy, satria izay no lalàn-tsaina itondrana ny Taninketsa indostrialy, hanamaroana isa ny ozinina eny ifotony. Ny Minisitra Edgard Razafindravahy mihitsy no tonga taty Ambositra ny Zoma 20 Janoary 2023, nitarika ny lanonana nampahafantarana ny fitaovana fanodinana tantely, sy nanao ny antso (Appel à projet) ho an’ireo mpandraharaha zanaky ny faritra hitantana ny ozinina.
    Lire la suite ...
    • samedi, 21 janvier 2023 15:24
    • Sary Internet

    Fitaterana anabakabaka : Hiverina hisidina eto Madagasikara ny kaompania Airlink

    Hiverina hisidina hampitohy an’Antananarivo amin’i Johannesbourg ny kaompania afrikana tatsimo Airlink, manomboka amin’ny 30 janoary 2023, rehefa niato nandritra ny telo taona izao. Eo ampanombohana dia isaky ny Alatsinainy ny sidina, ary hiitatra ho in-telo isan-kerinandro izany, manomboka amin’ny 14 febroary 2023, araka nambaran’ny Confédération du tourisme à Madagascar.    
    Lire la suite ...
    • dimanche, 15 janvier 2023 15:58

    Faritra Boeny : Mbola manana tahirim-bary gasy maro

    Vary gasy 360 100 taonina no vokatra azo tamin’ireo distrika 6 mandrafitra ny Faritra Boeny, tamin’ny taom-pambolena 2021-2022. Mbola maro ny tahirim-bary gasy, fa eny anivon'ireo sompitra iombonana no tena ahitana izany. Tsy misy atahorana ny famatsiana vary ho an’ny Faritra Boeny. Maro amin’ireo faritra manodidina aza no mividy vary amin´ny Faritra Boeny. Raha ny ao Mahajanga manokana dia eo amin´ny 178,4 taonina eo ho eo ny tahiry misy eny amin´ny mpamongady sy mpaninjara.
    Lire la suite ...
    • jeudi, 12 janvier 2023 19:37
    • Sary nindramina

    Sehatry ny Fizahantany : Tsara fanombohana ny aty amin'ny Faritra Atsinanana

    Miantsona ao amin'ny seranantsambon'i Toamasina hatry ny ny Talata 10 Janoary 2023 ka haharitra telo andro ny sambo lehibe NIPPON MARU, mitondra mpizahatany voalohany mandalo ao Toamasina amin'ity taona ity. Mpandeha 254 sy tantsambo 195 no nentiny. Toeram-pizahantany maro ao Toamasina no safidian'izy ireo ho tsidihina mandritra ity telo andro ivahinianan'izy ireo ao Toamasina izao. (Jereo Sary Tohiny)
    Lire la suite ...
    • lundi, 09 janvier 2023 13:59
    • Sary nomena

    Varotra iraisam-pirenena : Mandavaka ny tsena sinoa ny lavanila malagasy

    Noraisin’ny Minisitra Edgard Razafindravahy tetsy amin’ny birao fiasany etsy Ambohidahy ny 06 Janoary 2023, ny Mpiandraiki-draharahan’ny masoivohon’i Chine eto Madagasikara Zhang Wei sy ny ekipany. Ny lavanila malagasy izay manana ny lazany maneran-tany no resaka. « Izahay (Madagasikara) no mpamokatra lehibe indrindra sady voalohany maneran-tany amin’ny fanondranana lavanila, nahoana i Chine no tsy manafatra lavanila avy aty aminay ? », hoy ny Minisitra tamin’ny delegasiona sinoa. Indrindra moa fa efa manana fifanekem-piaraha-miasa ara-barotra sy ara-toekarena, izay fitaovana azo ampiasaina tsara hampiroboroboana ny fiaraha-miasa sy varotra eo amin’ny tany roa tonta i Madagasikara sy i Chine. Hahamarina kokoa ny fifandanjana ara-barotra eo amin’ny tany roa tonta ny fanondranan’i Madagasikara lavanila mankany Chine.
    Lire la suite ...
    • vendredi, 06 janvier 2023 20:11
    • Sary BCM

    Sandam-bola : Tsy mitsahatra ny mitotongana

    Mila ariary mihamaro hatrany vao mahazo Euro na Dolara. 4564.41Ar vao mahazo 1 Euro ny 06 desambra 2022, ary mila 4710.83Ar androany 06 janoary 2023.4367.18Ar kosa ny dolara iray volana lasa izay, raha 4482.6Ar kosa izy androany 06 janoary 2023.    
    Lire la suite ...
Page 1 sur 97