Art et Culture

    • dimanche, 27 juin 2021 16:19
    • Sary nomena

    Toamasina : Feno 55 taona ny Petit séminaire Saint Paul Androranga

    Feno 55 taona ny Petit séminaire Saint Paul Androranga eto amin'ny Diosezin'ny Toamasina. Nankalazaina androany alahady faha 27 jiona izany izay notarihin'ny Son Éminence Cardinal Désiré TSARAHAZANA. Tonga nanome voninahitra izany ny Governora Faritra Atsinanana RAFIDISON Richard Théodore, ny Prefet ary ny Ben'ny Tanànan'i Toamasina Renivohitra. Nisy ihany koa fanolorana vary sy menaka ho fanohanana ny Seminera zandriny. (Jereo Sary Tohiny)
    Lire la suite ...
    • lundi, 21 juin 2021 12:17

    Fampianarana teny anglisy : Misy misoloky ny ambasady amerikana eto Madagasikara sy Kaomoro

    Nanao fampitandremana amin'ny endrika fisolokiana ny ambasady amerikana eto Madagasikara sy Kaomoro. Nambaran’ity farany fa mahalala ny fisiana fikambanana mitonona ho miara-miasa akaiky amin'ny ambasady amerikana amin'ny fampianarana teny anglisy, ary mampanantena mari-pahaizana atolotry ny ambasady amerikana. « Tsy mitombona velively izany », hoy ny ambasady. « Tianay ny mampahafantatra ny besinimaro fa, na dia miasa ho an'ny fampiroboroboana ny teny anglisy, sy manao ho laharampahamehana ny fampianarana teny anglisy aza izahay, dia tsy miara-miasa amina ivontoerana mampianatra teny anglisy sandaina vola », hoy hatrany ny fanazavana. Mampirisika anao izahay hitafa aminay, hoy ny fanabaràna, raha mila fanazavana fanampiny mahakasika ireo hetsiky ny ambasady eto Madagasikara.  
    Lire la suite ...
    • jeudi, 03 juin 2021 20:16
    • Sary nomena

    Mahajanga : Tranoben’ny Serasera sy ny Kolontsaina

    Vita ary notokanana ny Tranoben’ny Serasera sy ny Kolontsaina ao Mahajanga. Atsoina hoe « Akory Haly» izy ity, izay natao ho fanohanana sy fanomezan-danja ny kolontsaina. Ahitana efitrano fanaovana fampisehoana na fijerena horonan-tsary misy toerana 550 nomena ny anarana hoe : "Oadraha" ilay fotodrafitrasa. Ahitana efitrano fampiratina, toeram-pamakiam-boky, efitrano ho an’ny mpanao gazety, efitrano fanaovana informatika sy efitrano fiofanana. Misy ihany ka fitaovana fanamafisam-peo sy zava-maneno. (Jereo Sary Tohiny)
    Lire la suite ...
    • dimanche, 30 mai 2021 12:57
    • Sary nindramina

    Ambohimanga Rova : Doany roa rotiky ny afo

    Nitrangana haintrano eny Mahazaza, Kaominina Ambohimanga Rova, Distrika Antananarivo Avaradrano ny atoandron’ny sabotsy 29 mey 2021. Lasibatry ny afo tamin’izany ny fasan'Andriana sady Doany eny an-toerana. Nifanome tanana namono ny afo ny mponina sy ny Polisy, Zandary, Tafika ary ny mpamonjy voina avy amin’ny tanànan’Antananarivo Renivohitra. Tsy nisy ny fitohanan’ny fifamoivoizana ka nalaky tonga ireto farany. Nanome fiara nitaterana rano ihany koa ny tsara sitrapo teny an-toerana. Fotoana fohy dia voafehy ny afo.
    Lire la suite ...
    • vendredi, 21 mai 2021 20:09

    HAFATRY NY FIVONDRONAMBEN’NY EVEKA ETO MADAGASIKARA

    “Ny Fanahy Fahamarinana no hitari-dalana anareo amin’ny marina rehetra” (Jo 13, 20) Ho an’ny mpino katolika manerana ny NosyHo an’ny vahoaka malagasy sy ny tsara sitrapo rehetra, Homba anareo anie ny Fiadanana! Ry havana,Hafaliana ho anay Evekan’i Madagasikara ny nihaona tamin’ny alalan’ny « vidéoconférence », nifampizara vaovao sy nifampidinidinika. Isaorana Andriamanitra fa mafy orina ny finoantsika na dia eo aza ny fitsapana manohintohina ny fiainana ny maha zanak’Andriamanitra antsika. Amin’izao Pantekôty 2021 izao dia tianay Raiamandreninareo ny mitondra hafatra amin’ny maha-dimbin’ny Apostoly anay, manohy ny iraka nankinina amin’ny Eglizy Reny, sady Mpampianatra no Mpaminany.
    Lire la suite ...
    • dimanche, 16 mai 2021 18:46
    • Sary nindramina

    Teatra Malagasy : Nodimandry i Ravaloson Milijaona na i Lija

    Misaona ny teatra malagasy. Nodimandry ny marainan’ny alahady 16 may 2021 i Ravaloson Milijaona na i Lija. Nanao fanambarana fampahafantarana ny fahafatesan’ity mpilalao teatra malagasy ity ny Fikambanan'ny Mpanao Teatra Malagasy na FMTM, toy izany koa ny ministeran’ny serasera sy ny kolontsaina. Mpamorona tantara ihany koa i Lija, ary ny feo beso no tena nampiavaka azy tamin'ny hira fandravahana ny tantara. Rahalahin’i Ravaloson Mbato i Lija ary samy mpilalao teatra mpikambana ao amin'ny Tropy Jeannette izy ireo. Tropy teatraly niorina tamin’ny 1929 ny Tropy Jeannette, ary vao avy nankalaza an-tsehatra ny faha-90 taonany ny 2019. (Jereo Sary Tohiny)
    Lire la suite ...
    • samedi, 15 mai 2021 11:04
    • Sary nindramina

    Famaranana « The Voice France 2021 » : Miara-mitempo amin’i Marghe ny fon'ny Malagasy

    Hotanterahina anio sabotsy 15 may 2021 alina ny famaranana ny fifaninanan-kira sy hatsaram-peo na « The Voice France 2021 » ao amin’ny fahitalavitra frantsay TF1. Efatra ireo mpifaninana tonga amin’ity dingana famaranana ity, ka anisany ilay tovovavy Malagasy, Margherita Davico (Marghe). Efa mpandray anjara amina fifaninanan-kira i Marghe na teto Madagasikara na tany Ivelany, ary izao hiatrika ny famaranana fifaninanan-kira “The Voice” ao amin'ny TF1 izao. Maro ny Malagasy naneho hevitra tamin’ny tambazotran-tserasera, mampirisika, mitsodrano ary mirary fahombiazana ho an’i Marghe. Miara-mitempo amin’i Marghe ny fon'ny Malagasy. Mandeha mivantana amin'ny TF1 amin'ny 9ora alina any Frantsa, 10ora alina aty Madagasikara. (Jereo Sary Tohiny)
    Lire la suite ...
    • vendredi, 14 mai 2021 18:45
    • Sary nindramina

    Mark Zuckerberg : Feno 37 taona ity mpamorona ny facebook ity

    Mark Elliot Zuckerberg no tena anarany. Ny taona 2004 no nahita masoandro ny facebook, izay noforoniny hifampizarana sy hifidianana sarin’ny mpianatra, fony izy nianatra tao amin’ny oniversite Harvard any Etazonia. Mankalaza ny tsingerintaona faha-37 nahaterahany izy androany. (Jereo Sary Tohiny)
    Lire la suite ...
    • mardi, 11 mai 2021 09:43
    • Sary nindramina

    Bob Marley : 40 taona lasa izay no nahafaty ity mpihira reggae malaza ity

    11 may 1981 - 11 may 2021, 40 taona lasa izay no nahafaty an’i Bob Marley tany Miami – Etazonia. Aretina homamiadana no nahafaty aty. Teratany jamaikana izy, mpitendry, mpamoronkira sady mpihira, nivoy ny mozika reggae no tena nahalalana azy.  
    Lire la suite ...
    • vendredi, 02 avril 2021 20:22
    • Sary nindramina

    Tarika Mahaleo : Nodimandry i Jean-Bà, mpitana Arsiva

    Nodimandry androany hariva teo amin'ny faha-68 taonany i Razafimamonjy Jean Baptiste na Jean Bà, mpiraki-tadidy momba ny tarika Mahaleo. Vao ny 25 martsa 2021 izy no notoloran’ny fitondram-panjakana ny mari-boninahi-pirenena ambony indrindra, dia ny « Grand-Croix de 2ème Classe de l’Ordre National Malagasy », niaraka tamin'izy telo lahy mbola velona ao amin’ny Tarika Mahaleo, araky ny fanapahan-kevitry ny Filohan’ny Repoblika Andry Rajoelina, avy amin’ny tolo-kevitry ny Minisitry ny Serasera sy ny Kolontsaina Lalatiana Andriatongarivo. (Jereo Sary Tohiny)
    Lire la suite ...
Page 4 sur 56