Art et Culture

    • dimanche, 25 septembre 2022 21:55
    • Tahirin-tsary nindramina

    Tranombokim-pirenena : Nametra-pialana ny Tale Jeneraly Andrianjaka RAONISON

    Naleony niala ! Nametra-pialana ny Tale Jeneralin’ny Tranombokim-pirenena eo anivon’ny Minisiteran’ny Serasera sy ny Kolontsaina, etsy Ampefiloha, Andrianjaka Hasina Maminirina RAONISON. Izy izay nandray io toerana io tamin’ny 22 Martsa 2019, nandimby toerana an'i Willy Rahetilahy. Tsy nambara ofisialy ny antony nitarika ho amin'izao fametraham-pialana izao, na izany aza tombanan'ny mpiasa ho tsy fitoviana fomba fijery sy resa-pitantanana no ambadik'izao. Velon'ahiahy ny mpiara-miasa aminy, indrindra ireo mpiasan'ny ANTA (Agence Nationale Taratra) teo aloha izay nisafidy ny hifindra hiasa ao, nisahana ny Arsiva, ankoatra ireo lasa ao amin’ny ORTM, manoloana izao fametraham-pialan'ny Tale Jeneraly izao. Tsy misy mangirana mantsy hatreto ny mety ho fandraisana ho mpiasam-panjakana raikitra azy ireo.  
    Lire la suite ...
    • vendredi, 23 septembre 2022 20:03
    • Sary nindramina

    Fitantanana ny OMDA : Nandroso tolo-dalàna hanatsarana azy i depiote Rossy

    Noraisin’ny Filohan’ny Antenimieram-pirenena Razanamahasoa Christine teny amin’ny Lapan’i Tsimbazaza ny zoma 23 septambra 2022 maraina ireo mpisolo tenan’ny mpanakanto. Noresahina nandritra ny fihaonana ny mikasika ny tolo-dalana manatsara ny fitantanana ny OMDA (Office Malgache du Droit d’Auteur) izay natolotry ny Solombavambahoaka Rahasimanana Paul Bert na i Rossy. Mahatsapa ireo mpanakanto fa fotoana izao hanamboarana ny mikasika ny OMDA satria ny lalàna mifehy azy dia efa tamin’ny taona 1994 ka tsy mifanaraka intsony amin’ny zava-misy ankehitriny.
    Lire la suite ...
    • vendredi, 23 septembre 2022 14:40
    • Sary : Aboaho Ankiaka sy nomena

    BAHOEJY : Tanteraka ihany ny faniriany

    Izy no BAHOEJY‚ mpamorona sy tompon'ny dihy BAHOEJY, mampiavaka ny Faritra Sofia. Iray tamin'ireo mpanakanto sy mpamorona notoloran'ny Ministeran'ny Kolontsaina sy serasera mari-boninahitry ny kanto, ny soratra, ary ny kolontsaina (OALC) tao Antsohihy izy ny 12 septambra 2022. Faniriany ny mba hananany trano mateza hitoerany, ary ny hisitrahany tombontsoa amin’ny maha mpanakanto azy. Nandre izany antso izany ny Jeneraly Lylyson René de Rolland, Governoran'ny Faritra Sofia sady zanak'i Sofia, dia nidina ifotony, ary nitondra fanampiana maro : Jiro Mazava, mandeha amin’ny herin’ny masoandro‚ jiro lampadaire fanazavana tanàna, finday mba hafahan’ny olona mifandray sy manampy azy. Natomboka androany zoma 23 Septambra 2022 ny fanamboarana trano mendrika ho azy, misy efitra 02 sy lakozia, ary ho tafoina fanitso, ka ho vitaina ao anaty iray volana sy tapany ny asa.
    Lire la suite ...
    • mardi, 20 septembre 2022 19:21
    • Sary nindramina

    Papier Antemoro : Hiady ny hamerenana ho an'ny Malagasy ho tompony i Sophie Ratsiraka

    Nitsidika ny Faritra Vatovavy sy Fitovinany iny ny minisitry ny Asa-tanana sy ny Hai-tao, Sophie Ratsiraka. Ankoatran'ny fijerena ny asa vitan'ireo mpanao asa tanana, dia nitondra fanazavana ny asa sy ny tanjona ataon'ny ministera ny tenany. Noresahiny ombieny ombieny ny hiadin'ny ministera tantaniny ny hamerenana ho an'ny Malagasy ho tompon'ny "papier Antemoro". Ity asa-tanana sy fahaiza-manao tena Malagasy ity manko ankehitriny, dia misy milaza amin'ny sehatra iraisam-pirenena fa an'ny Nosy Rahavavy iray aty amin'ny Oseana Indiana. Efa misy, hoy ramatoa minisitra, ireo antontan-taratasy sy antontan-kevitra voahangona entina hanaporofoana eo amin'ny sehatra iraisam-pirenena fa an'ny Malagasy tanteraka ny "papier Antemoro".
    Lire la suite ...
    • mardi, 06 septembre 2022 12:12
    • Sary nindramina

    CATHEDRALE NOTRE DAME DE LA SALETTE ANTSIRABE

    Ny tantara nolalovany : - Talohan'ny taona 1900 : Fiangonana kely, biriky tanimanga, naorin'i Mômpera Dupuy no fiangonana katôlika voalohany teto Antsirabe. - Ny fiandohan'ny taon-jato faha-20 tany, no tonga teto ireo misioneran'i Notre-Dame de la Salette, ary nanorina fiangonana lehibebe kokoa izy ireo ny taona 1908. - 1913: no niorina ny préfecture apostolique-n'i Betafo, ary mbola tao ambany fifehezany i Antsirabe - 1918: nakarina ho Vicariat apostolique-n'i Betafo, izany hoe nahazo Eveka titulaire. - 1921 vao nahazo ny grady Vicariat Apostolique i Antsirabe, ka nanapa-kevitra ny Eveka François Dantin ny hanorenana fiangonana lehibe.
    Lire la suite ...
    • lundi, 05 septembre 2022 11:07

    JMJ X Antsirabe : Isan'ireo mpivahiny isaky ny diosezy

    - Mahajanga : 1409- Fénérive-Est : 735- Miarinarivo : 844 - Tsiroanomandidy: 807- Morondava : 1080- Ihosy : 523- Faradofay : 692- Mananjary : 446- Antsiranana : 1417- Ambanja : 561- Port-Bergé : 332- Ambatondrazaka : 996- Moramanga : 497- Antananarivo : 6990- Maintirano: 200- Toliara: 945- Fianarantsoa : 1550- Ambositra : 1681- Morombe: 252- Toamasina : 1593- Farafangana : 596- Antsirabe : 4144- Mpilatsaka an-tsitrapo : 59- Exposant : 160 Totaly : 28 509
    Lire la suite ...
    • jeudi, 01 septembre 2022 13:34
    • Sary nindramina

    JMJ X 2022 : Nosokafana tamin’ny Sorona Masina lehibe

    Notanterahina alarobia ny 31 aogositra, teo amin'ny tany malalaky ny Petit Séminaire Mandaniresaka Antsirabe, ny lamesa fanokafana ny Andro manerantany ho an'ny tanora, na JMJ X 2022. Tanora mpivahiny manodidina ny 30 000 avy amin'ireo Diosezy katolika eto Madagasikara no tonga miatrika izany.Nitarika ny fotoana ny Evekan'Antsirabe Mgr Ranaivomanana Phillipe. Nisy iray minitra fahanginana ho fiaraha-miory noho ny tranga tao Ikongo. Nandritra ity fotoana ity ihany koa no nankasitrahana ny asa sy nanaovana veloma an'i Mgr Paolo Rocco Gualtieri, Nonce apostolique, izay handao tsy ho ela an'i Madagasikara rehefa niasa teto Madagasikara nandritra ny fito taona.
    Lire la suite ...
    • mercredi, 31 août 2022 19:22
    • Sary nindramina

    Fianarana ambony : "Salon de l’étudiant et de l’emploi" 2022

    Notanterahina teo amin’ny kianjan’i Barea Mahamasina ny « Salon de l’étudiant et de l’emploi », taona 2022, izay nokarakarain’ny Agence de Communication PUBLIKA MADA. Nisolo tena ny Minisitry ny Fampianarana Ambony sy ny Fikarohana Ara-tsiansa, Pr ASSOUMACOU Elia Béatrice, nandritra ny lanonam-panokafana ny Tale Jeneralin’ny Fampianarana Ambony, ny Pr RAJAONARISON Jean François. Sehatra nanomezana toro-lalana ireo mpianatra mahakasika ny sampam-pampianarana sy fiofanana tokony harahina aorian’ny fazahoana ny Bakalorea sy hanomezana tolotr’asa ho an’ireo izay mitady izany ity hetsika ity.
    Lire la suite ...
    • mercredi, 31 août 2022 19:21
    • Sary nindramina

    JMJ X Antsirabe : Nanome vary 1 taonina ho an’ny Antily ny Filoham-pirenena

    Nanolotra fotsimbary iray taonina ho an'ireo Antily na skoto katolika miasa sy misehatra mandritra ny JMJ X ao Antsirabe ny Filoham-pirenena. Isan’ireo olona miasa sy misehatra amin’ireo tobim-pandraisana (centre d’accueil) miisa 58 ireo skoto amin’ny fandaminana. Manodidina ny 500 izy ireo no hiantsoroka ny lamina sy fandaminana isaky ny tobim-pandraisana ireo mpizaika. Natolotra omaly teo amin’ny Katedraly Notre Dame de la Salette ireo tantsoroka ireo. Niara-dia tamin’ny iraky ny Filoham-pirenena ny Governora Vyvato Rakotovao sy ny Prefet an’Antsirabe, nandray izany kosa ireo Pretra solotenan’ny EKAR, ary nankasitraka ny Filoham-pirenena. (Jereo Sary Tohiny)
    Lire la suite ...
    • mardi, 30 août 2022 17:41
    • Sary nindramina

    JMJ X Antsirabe : Novatsian'ny Ministeran’ny Angovo sy ny Akoran’afo jiro sy solika

    Nanolotra jiro cobra miisa 93, jiro mandeha amin’ny herin’ny masoandro miisa 50, gazoala 200 litatra ary gropy manokana misinton-drano ao amin’ny farihin'Andraikiba ny Ministeran’ny Angovo sy ny Akoran’afo, ho fifanomezan-tanana amin’ny fanatanterahana ny Andro manerantany ho an'ny tanora, na JMJ X, hatao Antsirabe ny 30 Aogositra hatramin'ny 04 septambra 2022. Tonga teto anivon’ny fiadidiana ny Faritra Vakinankaratra ny talen’ny kabinetran’ny Ministeran’ny Angovo sy ny Akoran'afo, Odon Marius Randrianiaina, nisolo tena ny minisitra Andry Ramaroson, nanolotra ireo fitaovana ireo tamin’ny fomba ofisialy. Eny amin'ireo toerana itobian'ny mpizaika sy ao Antsahatanteraka hanaovana ny JMJ no nametahana ireo karazana jiro ireo. (Jereo Sary Tohiny)
    Lire la suite ...
Page 1 sur 58