Nanao fanambarana tamin’ny alalan’ny horonantsary i Abel Anicet nilaza fa hitsahatra tsy ho mpilalao amin'ny ekipam-pirenena amin'ny baolina kitra na Barea an'i Madagasikara.

Noraisina ny fanapahan-kevitra hoy izy taorian'ny fifampiresahany tamin’ny fianakaviany sy ny mpanazatra Nicolas Dupuis. Teo koa ny ratra matetika nahazo azy tato ho ato.

Ho mpanohana hatrany ny Barea aho, hoy izy.
Kapitenin'ny Barea i Abel Anicet, laharana faha-13, ary isan'ireo nantsoin'ny mpanazatra hiatrika lalao amin'i Ghana, saingy izy izao nanambara fa hiato ao amin’ny ekipam-pirenena izao.