io tolak'andro talata 1 febroary io, dia fifampitifiana mahery vaika no nitranga teo amin'ny miaramila mpihoka haka fanjakana sy ny mpiambina ny lapam-panjakana ao Guinée-Bissau, fierenena eo anelanelan'i Sénégal ao avaratra andrefan'ny Afrika sy Guinée eo atsimo kely andrefana.

Mbola mifamaofao moa ny akom-baovao, fa raha ny hita amin'ny filazam-baovao any an-teorana dia vosambotr'ireto miaramila mpihoko ireto ny filoha Umaro Sissoko, ary voafehy ireo miaramila mpiambina ny filoha sy ny lapa-panjakana.

Manameloka izao fanonganam-panjakana izao moa ny vondrona Communauté économique des Etats d'Afrique de l'Ouest (Cédéao).

Guinée-Bissau moa dia zanatany Portuguais teo aloha, fa mampiasa ny vola CFA kosa ankehitriny, izay vola eo ambany vahoan'i Frantsay.
1 500 000 teo ny isan'ny mponina tamin'ny 2010, amin'ny velaran-tany 36 120km², izay 28 000km² ny tany ary 8120km² kosa ny ranomasina sy ireo nosy 60 ao amin'ny ranomasimbe Atlantika.

Firenena afrikanina maromaro izany izao no nitrangana fanonganam-panjakana tato anatin'ny volana vitsy.