Tapaka eo an-tananan'i Behenjy Ambatolampy ny fifamoivoizana amin'ny lalam-pirenena faha-7 nanomboka ny maraina talata 21 martsa 2023, noho ny fiakaran’ny rano mandifotra ny arabe vokatry ny rotsak'orana be tamin'iny faritra iny.

Nodimandry ny harivan'ny sabotsy 18 martsa 2023 i Rakotonirina Désiré na Dezy Monstre, rehefa tratry ny tsy fahasalamana tampoka. Niditra hopitaly tao amin'ny HJRA io sabotsy io ihany izy, ary tao amin'ny "réanimation", saingy tsy tana ny ainy.Fahatsentseman'ny lalandra no efa nitsaboana azy volana maromaro lasa, ary heverina fa nanao tampody fohy, ka izao nandavo azy izao. Kintan'ny baolina kitra malagasy ny taona 70 sy 80 i Dezy Monstre. Anisan'ny nandrafitra ny ekipam-pirenena Club M izy, ary nilalao tao amin’ny Club SOTEMA, nitana ny toerana irakiraka afovoany.  

Mpianatra enin-dahy amin’ireo 17, voarohirohy tamin’ny adin'ny mpianatra samy mpianatra, Bealanana sy Analalava, avy nanao baolina no niitatra ka nitarika ny fahamaizan'ny Bloc 22 teny amin’ny toeram-ponenan’ny mpianatra eny Ambondrona, Oniversiten’i Mahajanga ny tapaky ny volana febroary lasa teo, no tazomina am-ponja vonjimaika, taorian’ny fanadihadiana, ka natolotra ny Fampanoavana tao amin’ny Fitsarana ambaratonga voalohany Mahajanga ny alatsinainy 13 martsa teo.

Tsy misy “consigne de vote” ho an’ny mpikambana AVI amin’ny fifidianana filoham-pirenena, izay mety hatao amin’ity taona 2023 ity. Manana safidy malalaka ny mpikambana amin’izay halehany, hoy ny filoham-boninahitry ny antoko, Norbert Lala Ratsirahonana.

Teo Alakamisy Ambohidratrimo, amin’ny lalam-pirenena faha-4 ity tranga ity androany alakamisy 09 martsa 2023.

Mitokona nilanja sorabaventy, nanoloana ny biraon'ny masoivohon’i Madagasikara ao Paris Frantsa, ireo mpiasa, mitaky ny hanesorana ny Mpanolontsaina voalohan'ny ambasady.

Ravan'ny afo tanteraka ny Bloc 22 ao amin’ny toeram-ponenan'ny mpianatra ao Ambondrona, Oniversiten’i Mahajanga.

Voafidy ho filohan'ny Firaisambe Afikanina mandritra ny 12 volana, ny Filoha komorianina AZALI Assoumani, nandritra ny fihaonana an-tampony faha 36 teo amin'ny Filoham-pirenena sy lehiben'ny Governemanta afrikanina rehetra, izay natao tany Addis-Abeba ny 18 sy 19 febroary 2023.

Nisintona lakolosy ny sekretera jeneralin'i OTAN, hivondronan'ireo firenena tandrefana sy ny Amerikanina, ny alatsinaina 13 febroary 2023, fa tsy maharaka ny fandaniana bala ataon'i tafika okrenianina ny famokarana bala ataon'ny indostria eoropeanina sy ny amerikanina, ka tokony ampiakarana ny vokatra.

Tafaverina an-tanindrazana ny sabotsy 11 febroary 2023 ny filoha teo aloha Hery Rajaonarimampianina, rehefa tsy teto nandritra ny efa-taona, ho fanajana ny fenitra Repoblikana, namelana ny mpandimby azy teo amin’ny fitondrana hiasa malalaka, araka ny nambarany.