Ny maraina teo, tokony ho tamin'ny 6 ora sy sasany, no nahazo loharanom-baovao ny Polisy avy ao amin'ny sampan-draharaha misahana ny ady amin'ny zava-mahadomelina eto Mahajanga fa misy mpivarotra rongony eny amin'ny fokontany Antanimasaja.

Natao ny vela-pandrika ka nahatratrarana ity tovolahy ity niaraka tamina rongony 89 fatorana.

Tato anatin'ny herinandro izay dia olona 3 no naiditra am-ponja noho ny resaka rongony teto Mahajanga tampon-tanana, ary mbola mitohy ny hetsika ataon'ny Polisy satria tena nirongatra ny fiparitahan'izany tato ho ato.

Natolotra ny Fampanoavana ny tolakandro teo ity tovolahy ity, ary nampidirina am-ponja vonjimaika.

(Jereo Sary Tohiny)