Vaovao

    • jeudi, 18 avril 2019 12:05
    • Sary Gasypatriote Sambava

    Sambava: Teraka ny savorovoro noho fanesorana sy fanendrena sefo Fokontany

    Voatery nanao fifidianana tsy ara-potoana ireo mponina tao amin'ny Fokontany Antsahorana rehefa nitaraina fa tsy sitrak'izy ireo intsony ny mbola hitondran’ny lehibeny Fokontany, ka nangataka fanavaozana izany. Nahazo isam-bato betsaka indridra tamin'ny 13 rartsa 2019 Atoa Robaina Jean Louis, ary nahazo fankatoavana ny 01 aprily avy tamin'ny District, izay nosiniavin'i Prefen’i Sambava Bemananjara Boniface, ary nanomboka nandray asa ny 04 aprily 2019 rehefa natolotra tamin'ny fomba ofisialy teo anatrehan’ny vahoaka.
    Lire la suite ...
    • jeudi, 18 avril 2019 11:53

    Faritra SAVA: Mirongatra ny fanolanan-jaza

    Tovolahy kely iray izay voamarina fa avy nijery horonantsary mamoafady no nanafina zazavavy kely manodidina telo taona nanomboka tamin'ny 6ora 30 hariva ny talata teo tao amin'ny Fokontany Antognopahitra, Kaominina Bemanevika, ka afaka adiny roa vao hita ny zaza nahitana ratra. Niditra hopitaly ilay zaza niharan’ny herisetra ary ahiana ho niharan’ny fanolanana fa mbola mandalo fitsaboana nampiakarina aty Sambava fa tsy voatazona tany ambanivohitra. Mirongatra ny fanolanan-jaza taty SAVA tao anatin'ny volana roa izay. Teo ilay mpamianatra amin'ny sekoly tsy miankina nanolana zazavavy mpianany vao 12 taona, ilay ankizivavy 9 taona naolan’ny anadahin-dreniny tao amin'ny Kaominina Bemanevika, teo ihany koa ilay tovolahy manana kilema nanolana zaza efa-taona tao amin'ny Fokontany Antsirabe, Kaominina ambonivohitra Sambava. Fa dia inona loatra no mahatonga izao fanolanana mirongatra aty SAVA izao ?  
    Lire la suite ...
    • mercredi, 17 avril 2019 10:28
    • Sary nomena

    Vono olona: Nidoboka ao Ambalatavoahangy i Tsilavina sy Tantely

    Nampidirina am-ponja vonjimaika ao Ambalatavoahangy - Toamasina ny alatsinainy 15 aprily tolakandro teo ireo tovolahy roa nikotrika ny vono olona sy ny namono nahafaty tamin'ny fomba feno habibiana ny vady aman-janaky ny mpampiasa azy tao Analakininina Hopitaly Be ny 18 mars 2019. Kalo Honorette, 29 taona, ary nitondra vohoka, sy ny zanany lahikely, Kevin 04 taona no niharan’ny famonoana tamin’ny fomba feno habibiana. i Tantely no nikotrika ny famonoana, i Tsilavina kosa no nanatanteraka rehefa nentin-katezerana tamin’ny nandroahan’ny raim-pianakaviana mpampiasa azy. Nosamborin’ny Polisin’i Vatomandry tany ambanivohitry ny Distrika Antanambao Manampontsy i Tsilavina. Natao tsy ankiteniteny ny fanaterana azy roalahy teny amin’ny Fitsarana noho ny hatezeran'ny olona sasany te-hanao fitsaram-bahoaka azy roa lahy ireo.    
    Lire la suite ...
    • mercredi, 17 avril 2019 10:23

    Diplaoma hosoka: Olona roa naiditra ao amin’ny fonjan’i Marofoto - Mahajanga

    Olona roa no fantatra fa naiditra am-ponja vonjimaika ao amin’ny fonjan’i Marofoto ao Mahajanga ny 10 aprily 2019 lasa teo, noho ny raharaha fanaovana sy fampiasana diplaoma hosoka, ka tompon’andraikitra iray avy ao amin’ny sampandraharahan’ny jono ao Boeny sy tompon’andraikitra iray avy ao amin’ny Oniversiten’i Mahajanga no voakasik’izany. Ny fanadihadiana izay nataon’ny Birao mahaleo tena miady amin’ny kolikoly na BIANCO avy ao Mahajanga no nahafantarana ny fisian’io diplaoma sandoka io mba hamenoana ireo antonta-taratasy ilaina hanaovana "reclassement" eo amin’ny asam-panjakana. Rehefa nojerena akaiky ity raharaha ity dia ilay tompon’andraikitra avy ao amin’ny sampandraharahan’ny jono no nanao fangatahana "reclassement" eny amin’ny Ministera voakasik’izany mba ahafahany miakatra amin’ny sokajy ambonimbony kokoa na "catégorie". Mazava ho azy fa mitaky diplaoma ambony noho ny teo amin’ny sokajy teo aloha izany ankoatr’ireo fepetra hafa takiana.
    Lire la suite ...
    • mercredi, 17 avril 2019 10:14

    Toamasina : Vary simba 458 taonina tra-tehaka saika hamidy

    Avy any SAVA nalefa teto Toamasina ny 430 taonina. Nisy nampandre ny fisian'izany ny ministeran'ny varotra sy ny indostria ary ny fampiroboroboana ny sehatra tsy miankina, ka sarona teto Toamasina ireo vary ireo. Nisy 28 taonina hafa ihany koa tra-tehaka talohan'io tamina toerana hafa teto Toamasina ihany. Nisy lafarinina efa tsy fihinana milanja 52 taonina ihany koa sarona nandritra ny fisavana nataon'ny tompon'andraikitry ny ministera taorian'ny loharanom-baovao azon'izy ireo. Efa nahazoana "certificat de non consommabilité", manamarina fa tsy azo hanina ireo entana ireo.  
    Lire la suite ...
    • dimanche, 14 avril 2019 13:25
    • Sary: Nadia Bakoly

    Ilaka-Est: Fananan’ny SECREN ilay “citerne” be, fefika teo morontsiraka

    Mazava ny resaka ankehitriny fa fitaovan’ny SECREN Antsiranana ilay “citerne” fefika tao Ilaka-Est, Distrikan’i Vatomandry ny 9 aprily 2019, ka nampiahiahy ny mponina. Mbola nisy nahatadidy ny mpiasa efa misotro ronono sy mbola amperin'asa raha nahita ny vaovao tamin’ny fahitalavi-panjakana. Raha ny fanazavan’izy ireo dia « chameau pour sauvetage » famonjena sambo dobo an-dranomasina ny asan'io, ka « miangavy izy ireo mba tsy ho simbaina fa ho tonga any ny tompon'andraikitra haka azy ».
    Lire la suite ...
    • samedi, 13 avril 2019 19:38
    • Sary: Polisim-pirenena

    Tanambao Manampotsy: Voasambotry ny Polisy ilay tovolahy namono ny vady aman-janaky ny mpampiasa azy

    Polisin'i Vatomandr­y no nisambotra an'ity tovolahy, vao 20 taona ity ny alahady 07 aprily 2019 tany Ambohimiarina, Kaominina Manakana, Disitrikan’i Tanambao Manampotsy. Nahavita namono nahafaty ny vady aman-janaky ny mpampiasa azy : vehivavy bevohoka sy zaza 04 taona tany Toamasina ny 19 martsa 2019 lasa teo izy, dia lasa nitsoaka. Nisokatra ny fanadihadiana niainga avy amin’ny baikon’ny Fampanoavana ka fantatra fa lasa nitsoaka tany Vatomandry ity nahavanon-doza ity niaraka tamin’ny finday an-dratompokovavy.
    Lire la suite ...
    • vendredi, 12 avril 2019 12:18
    • Sary nomena

    Ambanja: Zandary amperin'asa no lehiben’ny dahalo nandroba 1 miliara

    Natolotra ny Fitsarana ambaratonga voalohany Ambanja omaly 11 aprily 2019 ireo dahalo 6 mianadahy, nandray anjara tamin'ny fanafihana mitam-basy ka nandroba ilay teratany Sinoa tao Antanambao-V Ambanja ny alin’ny 19 febroary 2019. Taorian’ny fanafihana nataon'izy ireo dia nahazo loharanom-baovao ny Polisim-pirenena tao Ambanja fa nisy nitsoaka any Vangaindrano, ary ny 28 martsa 2019 dia tra-tehaka tao anaty fiara manokana ilay Zandary raha hiditra tao Vangaindrano izy ireo. Naverina tao Ambanja nanaovana ny famotorana ka dia niaiky izy ireo fa atidoha nikotrika iny fanafihana iny. Zandary amperin'asa no lohany, ary ny rahalahiny sy ny zaobaviny, dia nisy miaramila nahavita ''Service légal'', ary nisy mpimasy ihany koa.
    Lire la suite ...
    • jeudi, 11 avril 2019 15:30
    • Sary Gasypatriote Sambava

    Sambava: Nahazo fampitandremana ireo midobo ny tanin’ny Lycée Mixte

    « 3ha amin'ny tany nirefy amin'ny 15ha sisa izao amin'ity tanin’ny Lycée Mixte ity » hoy i Sibo Jean Paul ary Randria Norbert (Chef Cisco teo aloha) izay nitsangana hiaro hatramin'ny farany ity fananana ho an’ny taranaka ity. Efa hatramin'ny taona 1996 no nanomboka ny fidiran'olona an-keriny tato amin’ny faritry ny sekoly fa mbola voalamina, fa amin'izao dia izahay samy mpanabe na mpampianatra ato, izay tokony hiaro, no mivarotra amin'ny hafa, ka lasa mananosarotra ny raharaha hoy ihany izy ireo. Manontany tena izahay hoy ireto fa tsy sahy mandray andraikitra amin'ity ny tompon'andraikitra eto an-toerana koa avela ho lafo avokoa ve ny tokontan-tsekoly izay vao hikoropaka satria tsy mitsaha-mitombo isa ireo izay miditra ? (Jereo Sary Tohiny)  
    Lire la suite ...
    • jeudi, 11 avril 2019 15:26

    Fanondranana olona hiasa any ivelany: Tsy misy intsony fahazoandalana any amin’ireo firenena tsy ahitana masoivohom-pirenena Malagasy

    Tapaka nandritry ny filankevitry ny minisitra omaly fa hihamafy ny sazy azon’ireo manondrana antsokosoko ireo mpiasa malagasy makany ivelany, ary ireo izay rehetra fantatra fa nandefa ireto teratany malagasy nampodiana ka niharan’ny herisetra, na tsy nandray ny tambin-karamany. Tsy misy intsony fahazoandalana hiasa makany ivelany makany amin’ireo firenena tsy ahitana masoivohom-pirenena Malagasy, sy any amin’ireo toerana tsy manaja ny zon’olombelona ary any amin’ireo firenena tsy manana fehezandàlana mifehy sy manaja ny zo maha olona ny isambatan’olona. Hisy ny laharana an-tariby manokana entina ahafahan’ny rehetra mifandray mivantana amin’ny tomponandraikitra manoloana ny kolikoly sy ny fanakanana tsy amin’antony atao ireo tera-tany malagasy miditra sy mivoaka eo amin’ny seranampiaramadina rehetra iraisam-pirenena. Ireo mpiasa malagasy manana taratasy ara-dàlana izay efa miasa any ivelany kosa dia afaka mivezivezy malalaka eto antanindrazana.  
    Lire la suite ...
Page 10 sur 134