Vaovao

    • samedi, 15 septembre 2018 22:38
    • Sary Gasypatriote Sambava

    Vohémar: Tovovavy Malagasy efa nahavita sazy 8 volana any Koweit nefa mbola tsy nomena fahafahana

    Mitalaho amin'ny fitondram-panjakana ny Ray aman-dreniny Atoa Armand sy BE Eugenie izay monina eto Manakana, Kaominina Antsarabaria Vohémar momba ny zanaka vavin'izy ireo, izay nosazin'ny fanjakana any amin'ny tany arabo, raha fikasana nandeha nitady no nialany taty Madagasikara tamin'ny Janoary 2017. 24 taona i BE Jacqueline Antonia, ary raha ny fitantarany tamin'ny ray aman-dreniny dia tsy fifanarahana tamin'ny mpampiasa voalohany nahatongavany tany Koweït rehefa nifindra toeram-piasana hafa izy.
    Lire la suite ...
    • vendredi, 14 septembre 2018 19:22
    • Sary Gasypatriote Mahajanga

    Tanambao-Andranolava: Fiara sprinter iray nivadika, vehivavy 1 maty tsy tsa-drano, olona 5 hafa naratra mafy

    Nitrangana lozam-pifamoivoizana mahatsiravina 1 km miala an'i Tanambao Andranolava ny asaboty lasa teo, tokony ho tamin'ny fito ora hariva. Fiara Sprinter mitrandraka ny zotra nasionaly avy any Antananarivo ho aty Mahajanga no nivadika. Raha ny fanazavan'ny mpamily, izay velona soamantsara dia tafalatsaka tamin'ny sisin'arabe ny kodiarana afara ankavanana ka izy hanarina ny fiara iny no vaky ilay kodiarana nilatsaka. Tsy voafehy intsony ny familiana ka niodina nitodika toy ny hiverina ho any Antananarivo indray ny lohan'ny fiara, ary nivadika avy eo. Maty tsy tsa-drano ny vehivavy iray nipetraka teo amin'ny “devant” raha efa niala tany Andranofasika ny olona niara-nipetraka taminy. Mpandeha 5 hafa no naratra mafy.
    Lire la suite ...
    • jeudi, 13 septembre 2018 12:33
    • Sary Gasypatriote Sambava

    Faritra SAVA: Raikitra ny “Opération Mandio”

    Haharitra iray volana ity “Opération MANDIO” ity. Nambara omaly tetsy amin’ny tobiny Zandarimariam-pirenena Sambava ny fanombohan’ny hetsika. Ny tanjona lehibe dia hampandry fahalemana ny tany satria izahay hoy ny komandin’ny Groupement SAVA, Colonel BESOA Sirnot dia tompon’andraikitra amin’izany ary ny vaindohan-draharaha aty SAVA dia ny ady amin’ny tsy fandriampahalemana momba ny lavanila, ary ny ady amin’ny famotsiana omby halatra. Na izany aza ny fitandroana ny fandriampahalemana dia tsy misy fetra, hoy ity tompon’andraikitra ity. (Jereo Sary Tohiny)
    Lire la suite ...
    • mercredi, 12 septembre 2018 22:51
    • Sary Gasypatriote Sambava

    Tranga: Tonga tao Antananarivo hividy moto, nanjavona niaraka tamin’ny 6 tapitrisa Ariary

    Ny alatsinainy 10 septambra 2018 i Andriamanjaka Félix no tonga tao Antananarivo. Hividy entana no anton-dia, anatin’izany ny fividianana moto. Niara-dia tamin’ny zanaka hanabaviny antsoina hoe : Dezy izy tamin’io. Nitsofoka tao anaty tranombarotra hanontany vidina moto ity farany, fa i Félix nijery izay ho safidiny tetsy ivelany niaraka tamin’ny kitapo misy vola manodidina ny 6 tapitrisa Ariary. Raha nivoaka ilay toeram-pivarotana hijery azy i Dezy, dia nanjavona tampoka i Félix ary tsy hita hatramin’izao.Manana fihaviana avy aty Sambava, monina ao Andranojoby, Kaominina Tanambao-Daoud i Andriamanjaka Félix. Efa naparitaka eny amin’ny mpitandro filaminana any an-drenivohitra ity toe-javatra ity hoy ny fianakaviany izay vonona hanome valisoa ho an’izay manome vaovao hahitana an’i Félix.    
    Lire la suite ...
    • mercredi, 05 septembre 2018 13:48
    • Sary Gasypatriote Sambava

    Dr Rakotonirina David: Tonga nitondra fihavanana ho an’ny Mpino FLM aty SAVA

    Ny teny voasoratra ao amin’ny Salamo 133 no nentin’ny Filohan'ny Fiangonana Loterana Malagasy eto Madagasikara, Rakotonirina David, ho an’ireo mpino izay tonga nitsena azy teto amin’ny seranam-piaramanidina Sambava, omaly tolak’andro. Hoy izy hoe : ’’Tsy hoe mamoha fota-mandry fa lazaina hoe mba mahatsiaro ny lasa hahaizana mitsako raha kenda, ary raha solafaka dia hahay mamindra. Fa tamin’ny Janoary 2017 raha tonga namangy teto izahay sy ny filoha lefitry ny Fiangonana Loterana Malagasy ka tamin’izany no nisian’ny rivo-doza tato anivon’ny mpino samy FLM taty SAVA dia henika fivakivakisana sy ny fisarahana, hotsahivina fa tsy hoe : hodiana tsy hita ny fakam-panahy lehibe saika nampivaky roa ny sinodam-paritany, fa amin’izao andro ahatongavanay 04 Septambra 2018 dia isaorantsika an’Andriamanitra fa niravona izany. Ny azo hamehezana azy dia hoe nikija ny orana tao anatiny andro maro fa nibaliaka izy izao .’’
    Lire la suite ...
    • mercredi, 05 septembre 2018 13:46
    • Sary nomena

    Mpizara lay misy odimoka: Mitaky ny tambinkaramany ireo ACCMID

    Mbola mitohy ny fitakiana ataon'ny ACCMID (Assistant Communal de Campagne MID (Moustiquaires Impregnées D'insecticide) hatramin'izao. Misy amin’izy ireo no voalaza fa tsy mbola nahazo tambin-karama volana martsa sy aprily 2018 ka hatramin'izao nefa nahavita ny asany soa amantsara, toy ny ACCMID DIANA. Efa nahazo tambin-karama martsa sy aprily ny ankamaroan'ny ACCMID, fa ny sasany kosa tsy mbola naharay na dia Ariary aza, nefa ny fifanaraham-piaraha-miasa andiany voalohany efa tapitra tamin'ny volana jona 2018. Tsy nahazo tambin’ny solika izay nampanantenain’ny fanjakana tamin'ny “1er contrat” ihany koa ny ACCMID, nefa efa madivadiva ho tapitra ny fizaràna lay misy ody moka. Manao izay ho afany ihany ny tompon'andraikitra eny ifotony mampahatsiahy io tambin-karama tsy voaloa io fa tsy misy tohiny avy any amin’ny ministera.
    Lire la suite ...
    • mardi, 04 septembre 2018 14:18
    • Sary Gasypatriote Sambava

    Sambava-BEPC 2018: Nanomboka ny fitsarana laza adina, 1.063 no tsy niatrika fanadinana

    Nanomboka tamin’ny 9 ora maraina teto amin’ny sekoly Filadelfia FJKM ny dinidinika niharahan’ireo mpampianatra hitsara ny taratasim-panadinana BEPC, ka ny taranja malagasy sy SVT (Science de la Vie et de la Terre) izay efa vita, ny andro voalohany, no nisantarana izany. Nivoaka teto ny fahavitsian’ny mpitsara raha oharina amin’ny isan-taona, ary tsy nahitana mpampianatra avy amin’ny Lycée Mixte izay tokony ho mpandrindra isaka ny taranja, ka voatery izay vonona teto ihany no nifanarahana. Nanaitra, hoy ireo mpitsara ny laza adina SVT, fa zavatra tsy tafiditra tao anaty programa mihitsy nefa nivoaka, hoy izy ireo, ary isa 5 be izao izay tena manan-danja.
    Lire la suite ...
    • dimanche, 02 septembre 2018 17:37

    Toamasina: Miverina indray ny fahatapatahan’ny herinaratra tato ho ato

    Maro ny nahatsapa fa manomboka tsy mitombina ny herinaratra eto Toamasina tato ho ato izay, saika misy hatrany fahatapahan’izany herinaratra izany matetika nefa tsy mbola misy ny fanazavana ofisialy avy amin’ny Jirama Toamasina ny antony, nefa maro ny fiharian’ny olona sy ny filan’ny olona no simba sy mikorontana vokatr'izany. Saika isan’andro manomboka amin’ny 06ora hatramin’ny 09ora maraina ny fahatapahana voalohany, manodidina ny amin’ny 12ora hatramin’ny 02 na amin’ny 03ora kosa ny faharoa, ary ny hariva no tena somary lavalava kokoa satria mazàna manomboka amin’ny 05ora izany ka tsy miverina raha tsy amin’ny 08ora na amin’ny 09ora alina arakaraka ny Fokontany sy ny tamban-jotra misy.
    Lire la suite ...
    • dimanche, 02 septembre 2018 17:15
    • Sary Gasypatriote Sambava

    SEMPAMA Nosy: Manao fitetezam-paritra aty SAVA ny Filoha Nasionaliny

    Nifamotoana teto amin’ny CIRNFP ny zoma 31 aogositra ireo mpampianatra mikambana ao anatin’ity sendika ity, izay namelabelaran’ny Filoha nasionaly Ratolojanahary Arsène: ’’Mitolona isika, tsy finiavana ny hanao takalon’aina ny zaza Malagasy fa miara resy lahatra isika fa ratsy loatra ny fiainantsika mpampianatra ankehitriny, ary amin’ny mpiasam-panjakana rehetra eto Madagasikara dia ny mpampianatra no faralahy indrindra, nefa tsy maintsy nobeazina mpampianatra ianao vao nandalo tamin’io toerana misy anao io. Na iza na iza tafapetraka eo amin’ny seza dia tokony hitodika izy, fa tsy tonga teo raha tsy nisy mpampianatra. Ary ny tena mampalahelo dia izao, na dia eny andalam-be fotsiny dia efa fantatra iny fa mpampianatra, na ny fomba famindrany, ilazana amintsika fa raha misy mpiasam-panjakana sahirana eto Madagasikara dia isika mpampianatra. Ny olona rehetra mitaingin-tseza ,dia tokony miara-mijery ny asa fampianarana sy ny mpampianatra, ary tsy ekentsika raha mbola izao zavatra iainantsika izao no hodimbiasin’ireo zanakatsika ho amin’ny rahampitso ka mitolona isika.’’
    Lire la suite ...
    • samedi, 01 septembre 2018 14:55
    • Sary Gasypatriote Sambava

    Sambava: Lafarina sy vary 200 gony miampy Spaghetti sy paty 100 baoritra efa simba, sarona tamina mangazay iray

    Nandritra ny fisafoana nataon’ny sampandraharahan’ny varotra sy ny fanjifana ato SAVA ny 28 aogositra 2018 no nahitana ireto entana efa simba ireo, nefa mbola nokasaina hamidy amin’ny mpanjifa. Nomena toromarika haingana ilay tompony mba hanao fampilazana ny amin’ireo entana na tsy lany daty aza fa simba noho ny antony mety avy tamin’ny fitaterana na mety ho vokatry ny fitehirizana ratsy azy. Raha ity manokana ity ohatra dia mbola tokony any amin’ny desambra 2018 izy vao tsy azo ho anina intsony nefa hita fa efa simba nialohan’ny fotoana ka tsy misy azo atao.
    Lire la suite ...
Page 10 sur 121