Vaovao

    • mardi, 08 octobre 2019 20:40
    • Sary nindramina fampiaingoana

    Paositra Malagasy: Feno 25 taona, hotokanana ny masoivohony faha-255

    Hankalaza fety maro sosona ny Paositra Malagasy ny andron’ny 9 oktobra 2019. Eo ny Andro manerantany ho an’ny Paositra, izay ankalazaina isaky ny 9 oktobra. 1994-2019 : feno 25 taona katroka amin’ity 2019 koa izao no niofon’ny PTT ho Paositra Malagasy. Hanamarika io andron’ny 9 oktobra 2019 io ny fitokanana ny masoivoho faha-255 ny Paositra Malagasy eo Vassacos Antanimena Antananarivo. Efa nialohavana fampirantiana hajia teny Antaninarenina moa ny hetsika androany 8 oktobra 2019. Ny Paositra Malagasy no sampandraharaham-panjakana manana masoivoho maro indrindra manerana ny Nosy.    
    Lire la suite ...
    • mardi, 08 octobre 2019 20:34

    Miandrivazo: Zandary iray tazomina am-ponja vonjimaika

    Fikasana hamono olona tamin’ny basy. Tranga izay niseho tamin’ny 28 septambra 2019, no niampangana an’ity zandary ity, izay manana galona G1C (Gendarme de 1ère Classe) miasa ao amin’ny brigadin’ny Zandarimaria Ankondromena. Androany talata 8 oktobra 2019 izy no natolotra ny Fampanoavana tao amin’ny Fitsarana ambaratonga voalohany Miandrivazo, taorian’ny fanomezan-dalana avy amin’ny lehibe nirosoana tamin’ny famotorana azy. Nivoaka tamin’ny 2ora latsaka ny didy savaranonando itazomana am-ponja vonjimaika an’ity zandary ity ao amin’ny Fonjaben’i Miandrivazo. Tafakatra 57 aminy izao ireo zandary niditra am-ponja noho ny fandikan-dalana, kolikoly, firaisana tsikombakomba amin’ny jiolahy, heloka bevava vitany. Misy 51 hafa ihany koa efa vita famotorana noho ny raharaha anenjehana azy ireo, ary efa any amin’ny Fampanoavana ny dosien’izy ireo.  
    Lire la suite ...
    • mardi, 08 octobre 2019 17:17
    • Sary nindramina

    Besarety – Antananarivo: Diovina ny tatatra

    Tonga ety Besarety ireo fitaovana vaventy hisava sy hanala ireo fako manentsina ny tatatra fivarinan’ny rano izay anisany fototra mahatondraka ny rano amin’ity faritr’i Besarety sy ny manodidina, ato amin’ny Boriborintany faha-3 Antananarivo Renivohitra ity, rehefa fahavaratra. Misy ny asa tanamaro mifanindran-dalana aminy. (Jereo Sary Tohiny)  
    Lire la suite ...
    • mardi, 08 octobre 2019 14:47
    • Sary nindramina

    Swami Sivananda: 123 taona izy izao, raha ny voarakitry ny pasipaoro eny ampelan-tanany

    Raha marina sy voaporofo ny daty nahaterahany voarakitra ao amin’ny pasipaorony dia i Swami Sivananda no zokiolona indrindra miaina eto amin’ity bolantany iainantsika ity. Teraka tamin’ny 8 aogositra 1896 tany Behala, Inde izy. Na ireo mpiasan’ny seranam-piaramanidina tao Abou Dhabi, Dubai aza gaga sy zendana raha nahita ny taonan’i Sivananda, nefa mbola nahavita nitaingina fiaramanidina avy any Kolkata hiazo an’i Londres, niaraka tamin’ny fiaramanidin’ny kaompania Ethihad Airways, raha nijanona kely tao Abou Dhabi Dubaï. Vao enin-taona i Swami Sivananda dia efa kamboty, namoy ny ray sy reniny ka fianankaviany no nitaiza azy.
    Lire la suite ...
    • mardi, 08 octobre 2019 13:55
    • Sary nindramina

    Betsiaka- Ambilobe: Mitam-piadiana ireo mpamotika ny ala arovana

    Valo lahy mitam-piadiana no tra-tehaka mikapa hazo sy manao saribao ao amin’ny faritra arovana Andrafiamena, Kaominina Betsiaka, Distrika Ambilobe. Fiaraha-miasan’ny zandary avy amin’ny « Poste avancé » Betsiaka, ny foibem-paritry ny tontolo iainana sy ny fampandrosoana maharitra miaraka ny ekipan’ny Fanamby sy ny KMT (Komity Miaro ny Tontolo iainana) no nahazoana ny vokatra. Eo ampelantanan’ny Fitsarana ambaratonga voalohany Antsiranana ny raharaha ankehitriny. Manahy valifaty ny ekipan’ny Fanamby sy ny KMT (Komity Miaro ny Tontolo iainana) raha votsotra amin’izao ireto andian’olona ireto. (Jereo Sary Tohiny)
    Lire la suite ...
    • lundi, 07 octobre 2019 20:07
    • Sary MAHTP

    "Village Voara" Andohatapenaka: Mampiantrano fikaonan-doham-pirenena momba ny tanàn-dehibe

    Tanterahina nanomboka androany alatsinainy 7 oktobra 2019 etsy amin'ny "Village Voara" Andohatapenaka Antananarivo, ary haharitra telo andro ny Fikaonan-doham-pirenena momba ny tanàn-dehibe, andiany faha telo. Lohahevitry ny fankalazana amin’ity ny hoe : "Ny tanàn-dehibe, fanohitra ho an'ny fampandrosoana haingana sy maoderina". Mifanojo indrindra amin’ny alatsinainy voalohany amin'ny volana oktobra izay natao hankalazana ny Andro maneran-tany ho an'ny toeram-ponenana ity fanombohan’ny hetsika ity. Kendrena mba tena hametrahana drafi-panajariana matotra sy maharitra ary tena hampivoatra ny tanàn-dehibe sy hahatonga azy ireo ho fanohitra tokoa ho an'ny fampandrosoana ny fikaonan-doha toy izao, hoy ireo mpandray fitenenana. (Jereo Sary Tohiny)  
    Lire la suite ...
    • lundi, 07 octobre 2019 12:49
    • Sary: Njaka Nirina

    Emagnobo - Tolagnaro: Fisaram-panambadiana nivadika ho ady saritaka, olona 11 maty

    Nandriaka ny rà taty Emagnobo, Distrikan’i Tolagnaro ny faran’ny herinandro teo. Nivadika ho fifamonoana faobe ny fisaraham-bady teo amin’ny lehilahy avy ao Emagnobo sy vehivavy avy any Esira-Amboasary Atsimo. Nampakatra vehivavy hafa ralehilahy nefa tsy mbola vita ny fombafomba amin’ny fisarahana tamin’ny vadiny teo aloha. Niditra an-tsehatra ny Dina be, izay jado na malaso niova fo avy any Esira, nandamina. Omby maromaro no notakiana ho onitra ho sazin’ilay rangahy. Nanda ny hanavaka omby maro ny fianakavian-dralehilahy. Nandrahona ny handraoka ny omby teo an-tanàna ireo mpampihatra dina ka raikitra teo ny disadisa ady saritaka, niafara tamin’ny vono olona io. 11 no namoy ny ainy ka lasibatra ireo mpampihatra Dina. Atahorana ny valifaty amin'izao.    
    Lire la suite ...
    • lundi, 07 octobre 2019 08:03

    Cybercriminalité: Fisandohana kaontin’olona hitakiana vola, hosoka amin’ny varotra no be mpitory

    Manodidina ny 50 eo ny fitoriana voarain’ny Polisy misahana ny Cybercriminalité hatramin’ny fiandohan’ity taona ity. Amin’ny ankapobeny dia fisandohana kaontin’olona mba hitakiana vola, fisolokiana amin’ny varotra ifanaovana amin’ny Facebook ny ankamaroan’ny fitoriana, hoy ny tompon'andraikitra misahana ity Cybercriminalité eo anivon’ny Polisim-pirenena ity.  
    Lire la suite ...
    • dimanche, 06 octobre 2019 10:43
    • Sary ZP

    Fanafihana mitam-basy: 10 lahy nandroba ny volan’ny « Pharmacie Ivato »

    Notafihin’ny jiolahy mitam-basy ny « Pharmacie Ivato », Distrika Ambohidratrimo ny harivan’ny sabotsy 5 oktobra 2019, tokony ho tamin’ny 6ora sy 25min. Folo lahy misaron-tava, nitondra basy poleta roa no nanao ny fanafihana. Nanapoaka basy in-droa ireo jiolahy nampitahorany ny manodidina. Tao anatin’izany no nandroban’izy ireo ny vola rehetra maty nandritra ny tapakandro tao amin’ity fivarotam-panafody ity, izay tsy mbola fantatra mazava ny tontaliny. Rifatra nitsoaka ireo jiolahy taorian’izay. Tonga avy hatrany ny Zandary fito lahy avy eo Talatamaty, dimy minitra taorian’ny fampandrenesana azon’izy ireo. Nanao savahao avy hatrany izy ireo ; tonga nanampy azy ireo ny Zandary 12 avy amin’ny Kaompania Ambohidratrimo.
    Lire la suite ...
    • samedi, 05 octobre 2019 11:50

    Taom-pianarana 2019-2020: Hizara telovolana telo, hanomboka 28 oktobra 2019 ary hifarana ny 1 jolay 2020

    Voarafitra ny taom-pianarana 2019-2020 sy ireo datin’ny fanadinana ara-panjakana, sahanin’ny Ministeran’ny Fanabeazam-pirenena, ny Fampianarana ara-Teknika sy arak'Asa. Hizara telovolana telo ny taom-pianarana: - Hiditra an-tsekoly ny mpianatra manomboka 28 oktobra ka hatramin’ny 20 desambra, haharetan’ny telovolana voalohany. 21 desambra 2019 ka hatramin’ny 5 janoary 2020 ny fialantsasatry ny Noely. - Hiditra ny 6 janoary ka hatramin’ny 8 aprily 2020 ny telovolana faharoa, izay ho elanelanin’ny « Andron’ny sekoly » ny 26, 27 ary 28 febroary 2020. - Ny 20 aprily ka hatramin’ny 30 jona 2020 ny telovolana fahatelo, izay ho elanelanin’ny Fetim-pirenena, fankalazana ny faha-60 taona niverenan’ny fahaleovantena, ny 26 jona 2020. Hanomboka ny 1 jolay 2020 ny fialantsasatra lehibe. Hotanterahina manerana ny tanin’ny Repoblikan’i Madagasikara ny 7 jolay 2020 ny fanadinana CEPE. Ny 20 ka hatramin’ny 24 jolay 2020 ny BEPC.  
    Lire la suite ...
Page 9 sur 158