Vaovao

    • dimanche, 13 octobre 2019 17:57
    • Sary nindramina

    Ankaboka - Sakaraha: Avotra ireo mpianaka takalon'aina, dahalo roa azo sambo-belona

    Roalahy, mpianaka, nitondra sarety haka kitay tao analan'Ankaboka no notafihin'ny dahalo efatra nitondra basy telo ny marainan’ity alahady 13 oktobra 2019 ity. Nalain'ireo dahalo ny ombin-tsarety roa ary nataony takalon'aina izy mianaka. Roso avy hatrany sady nanaradia no niantso vonjy tamin'ny Zandary ny Fokonolona vantany vao naheno izany. Sendra ny Zandary notarihin'ny komandin'ny tobi-paritry ny Zandarimaria Sakaraha nanao fisafoana teny Andranomaintso Sakaraha amin'ny RN7 izy ireo.
    Lire la suite ...
    • samedi, 12 octobre 2019 19:25
    • Sary nomena

    Ambatofitorahana – Ambositra: Basy vita gasy roa saron’ny Zandary

    Nahazo fanomezam-baovao avy amin’ny tsara sitrapo ny Zandary fa misy olona mitazona basy mampiahiahy ao Miadrifaikona, Kaominina Ambatofitorahana, Distrika Ambositra. Nidina tao an-toerana avy hatrany ny Zandary avy amin’ny kaompania Ambositra. Vao nahatazana ireo Zandary ilay olona voatondro fa mitazona basy dia nitsoaka any anaty ala. Nanao fisavana ny tranony ny Zandary ka tamin’izay no nahitana basy roa vita gasy. Nogiazana avy hatrany ireo fitaovam-piadiana ireo. Nanokatra fanadihadiana ny Zandary, mitohy ihany koa ny fikarohana ilay tompon’ny basy.  
    Lire la suite ...
    • vendredi, 11 octobre 2019 19:16
    • Sary nindramina

    Tetikasa Tana Masoandro: Tonga ny iraky ny fanjakana, notsenain’ny mponin’Anosibe Zaivola sorabaventy

    Nidina teny Anosibe Zaivola, Boriborintany Faha-6 Ambohimanarina, Antananarivo Renivohitra androany ny mpikambana roa ao amin’ny governemanta, nahitana ny minisitry ny fanajariana ny tany, ny trano fonenana ary ny Asa vaventy Andrianainarivelo Hajo sy ny minisitry ny fambolena sy ny fiompiana ary ny jono Ranarivelo Fanomezantsoa Lucien, niaraka tamin’ireo mpiara-miasa aminy avy, teo koa ny Tale jeneralin’ny APIPA Rateloson Philippe.
    Lire la suite ...
    • vendredi, 11 octobre 2019 14:08
    • Sary nindramina

    Jeneraly Rakotonirina Richard: « Tsy hisy famindram-po mihitsy amin'ny asan-dahalo »

    Nihaona tamin'ireo tompon'andraikitra ara-panjakana, sivily sy miaramila teto Fianarantsoa ny Minisitry ny Fiarovam-pirenena, ny Jeneraly Rakotonirina Richard. Hentitra ny teniny fa « tsy hisy famindram-po mihitsy amin'ny asan-dahalo ». Tsy mendrika ny hiaina ao anatin’ny tahotra intsony ny vahoaka Malagasy, hoy ny Minisitry ny Fiarovam-pirenena. Nanentana ny hisian'ny fiaraha-miasan’ny rehetra ny tenany, ary nanamafy fa ny fandraisana andraikitry ny olom-pirenena tsirairay no ahafahana manafoana ny asan-dahalo.
    Lire la suite ...
    • vendredi, 11 octobre 2019 09:22
    • Sary Gasypatriote Sambava

    Sambava: Prefen’i Sambava mampiasa fitaovan'ny BNGRC ho amin’ny tombotsoany ?

    Miteraka resa-be ato amin'ny Faritra SAVA ny mahita ireo fitaovan'ny BNGRC manao asa maro samihafa ka misy voatonona ho ao ambadik’izany ny Prefen’i Sambava. Nitondra fanazavana izy tenany, Rabenandriamanitra Louis Sabatin, Prefen’i Sambava fa tsy mitombina izany fanakianana azy izany. Ny alakamisy 10 oktobra 2019 ihany dia nampijery ifotony ny asa izay ataon'ireo fitaovan'ny BNGRC ireo izy, sady namela malalaka ny hanaovana fanadihadina amin'izany.
    Lire la suite ...
    • jeudi, 10 octobre 2019 14:35
    • Sary ZP nomena

    Ambilobe: Rongony 800kg nodorana, fototra rongony tamina velaran-tany 2,5 Ha nopotehina

    Mitohy ny fandravana ny tambazotra mpanao trafika rongony aty anaty ala amin’ny Distrika Ambilobe. Ny alin’ny 9 oktobra 2019 dia olona miisa 11 ka vehivavy ny 3, no saron’ny Zandary tany anaty ala niaraka tamin’ny rongony 35 gony, milanja any amin’ny 800kg, ary nodorana rehefa nahazo fahazoan-dalana. Nandritra ity hetsika ity ihany koa dia fototra rongony amina velaran-tany 2,5 hekitara no nopotehina. (Jereo Sary Tohiny)  
    Lire la suite ...
    • jeudi, 10 octobre 2019 14:20
    • Sary Gasypatriote Sambava

    Sambava - Tranga manaitra: Fikambanana mampiasa fitomboka mena

    Tonga nanatona ny lehiben’ny Fokontany Ambatofitatra, Kaominina ambonivohitra Sambava ireo olona nahazo fanamarihana tamin'ny fandoavana adidy amin'ny fidirana amin'ny tany voatondro hozaraina ka samy mandoa 1 000 Ar, fa ny tsy mazava amin'izy ireo dia nahoana ny an’ny sasany toa fitomboka manga no tamin’ny karne nanamarihana ny fandoavam-bola ary ao kosa ny fitomboka mena? Nanipika mazava tsara ny lehiben’ny Fokontany rehefa nanontaniana fa tsy izy no tompon'andraikitra amin'ity fa ireo milaza ho mpitarika ilay Fikambanana, ary na izy tenany aza mba taitra raha nahita izao fampiasana fitomboka mena izao, ka mametra-panontaniana hoe : tsy fahaizana sa fanahy iniana mba hamitahana ny mponina fa hoe ara-panjakana ny fizarana ny tany ? Voatokana ho an’ny fanjakana ihany mantsy ny fampiasana ny fitomboka mena. (Jereo Sary Tohiny)  
    Lire la suite ...
    • jeudi, 10 octobre 2019 12:37

    Amoronakona: Misy « fuite » ny famokaran-drano

    Nitondra fanazavana ny minisitry ny angovo sy ny rano ary ny akoran’afo, Andriamanga Vonjy, manoloana ny tsy mbola maha tomombana ny famatsian-drano miainga avy amin’ny foibe famokaran-drano vaovao naorina eny Amoronakona hamatsiana ny mponina amin’ny ilany atsinanan’Antananarivo. Tapabolana izay no efa nahavitan'ny fotodrafitrasa eny an-toerana saingy mbola tsy afaka misitraka ny rano fisotro madio ireo mponina mijaly rano noho ny olana ara-teknika samihafa. Misy « fuite » maro, hoy ny fanazavana. Noho io fanatsarana ny lafiny teknika io, izay hiasana andro aman'alina, dia lasa mitarazoka ny fanatsarana ny famatsiana rano ho an'ny faritra atsinanan'Antananarivo.  
    Lire la suite ...
    • mercredi, 09 octobre 2019 22:13

    Fianarantsoa: Hanao diabe am-pahanginana

    Hisy diabe am-pahanginana hotanterahina eto an-drenivohitry ny Faritra Matsiatra Ambony ny zoma 11 oktobra 2019. Natao ho fahatsiarovana sy fanomezam-boninahitra ireo namoy ny ainy vokatry ny lozam-pifamoivoizana nisesy teto Fianarantsoa, ho fifanohanana amin'ny fianakaviana namoy havana, ary ho fanairana ny fandraisana andraikitry ny rehetra sy ny tompon'andraikitra isan-tsokajiny ity hetsika ity. Hiainga eo amin'ny Vigie Police Talatamaty ity diabe am-pahanginana ity, manomboka amin'ny dimy ora latsaka fahefany hariva, avy eo mihazo eny amin’i Aridera. Hisy fametrahana fehezam-boninkazo eo amin'ny toerana nitrangan'ny loza eo Talatamaty tamin’ny zoma 3 oktobra 2019. Mitohy mihazo an'Ambalapaiso Ambony ny diabe, ary hisy koa fametrahana fehezam-boninkazo, toerana nahafaty ilay renim-pianakaviana mpangataka ny 7 oktobra 2019.
    Lire la suite ...
    • mardi, 08 octobre 2019 21:24

    Sambava: Vola sandoka no nandoavan’ireo mpisoloky ny vidin’ny lavanila 22kg, mitentina 22 tapitrisa Ariary

    Fahavoazana tsy roa aman-tany no nahazo an’ity tantsaha mpamokatra lavanila iray avy any amin’ny Kaominina Nosiarina, tonga teto Sambava omaly alatsinainy 7 oktobra 2019. Lasan’olona ny lavanila 22kg, vola voarainy anefa sandoka avokoa. Nipenimpenina, efa teo ambavahaonan’ny famonoan-tena ilay tantsaha voasoloky. Nifanao fotoana teo Antanifotsy 2, Fokontany iray eto Sambava tampon-tanàna, ilay tantsaha niaraka tamin’ny lavanila maina 22kg sy ny mpividy lavanila. Telo lahy ireto farany no tonga. Natao ny ady varotra. Nifanaraka ny andaniny sy ankilany fa iray tapitrisa Ariary ny vidin’ny iray kilao. Nanome vola mbola tao anaty fonosana an’ilay tantsaha ireo mpividy. Nilaza ireto farany fa holanjaina aloha ny entana, hohamarinina. Tsy nanana ahiahy ilay tantsaha, ny vola be 22 tapitrisa Ariary rahateo efa anaty fonosana eny an-tanany.
    Lire la suite ...
Page 8 sur 158