Vaovao

    • vendredi, 18 octobre 2019 12:59
    • Sary Gasypatriote Sambava

    Faritra SAVA: Amperinasa ny Governora Tokely Justin

    « Tena isika izao tokoa no hanomboka ny tantara vaovao mahakasika ny fampandrosoana ny Faritra SAVA », io no nanombohan'ny Governoran’ny Faritra SAVA, Tokely Justin, ny lahateniny nandritra ny lanonana nametrahana azy tamin'ny fomba ofisialy, handraisany ny asany ny 17 oktobra 2019 teto Sambava. Nozarainy telo lehibe ireo laharam-pahamena hitany ho entina mampandroso ny Faritra, dia ny ady amin'ny kolikoly satria « efa lasa fomba ratsy iainana, indrindra ho an'ireo mpitondra fanjakana voatendry hiasa aty amin'ny faritra » hoy izy ka « tsy ho ekena intsony izany manomboka izao, ary hatsangana eto amin'ny renivohi-paritra ny sampan’ny Bianco ».
    Lire la suite ...
    • vendredi, 18 octobre 2019 12:38
    • Sary Gasypatriote Sambava

    Antohomaro - Sambava: Taolam-paty 96 nampisavoritaka ny mponina

    Omaly alakamisy 17 oktobra, andiana ankizy sendra nilalao no taitra raha nahita valizy iray mbola nihidy amin'ny gadanà, ka nifarombahan'izy ireo ny entana satria nihevitra izy ireo tamin'ny voalohany fa vola na zavatra sarobidy. Raikitra ny adivarotra fa izay nahita azy voalohany no mahazo anjara be noho ny hafa. Voavohan’izy ireo ilay gadanà nihidy ka vao nisokatra ilay valizy vao samy nanao tongotra an-katoka ka nampandre ireo olobe tao an-tanàna. Nanao be midina niaraka tamin'ny lehibeny Fokontany Antohomaro, ary ity farany no niantso ny Zandarmaria Sambava, izay eo amin'ny 8km miala ny toerana nahitana an’ity taolam-paty ity. Tonga ny mpitandro filaminana notarihin'ny Komandin’ny brigady tamin'ny 4ora30 harivan'ny omaly.
    Lire la suite ...
    • mercredi, 16 octobre 2019 21:43
    • Sary nindramina

    Belgrade – Serbie: Ambohimpihaonan’ny Parlemantera manerantany

    Natao tao Belgrade renivohitr’i Serbie ny 13 ka hatramin’ny 17 oktobra 2019 teo ny fihaonambe faha-141 ny Fivondronan’ny Parlemantera manerantany. Mandray anjara amin’izany i Madagasikara amin’ny alalan’ny solombavam-bahoaka isany: Rabenirina Jean Jacques, filoha lefitry ny Antenimieram-pirenena sady nitarika ny delegasiona ; Rafenomantsoa Tsirimaharo Ny Aina, mpampakateny ankapobeny eo anivon’ny Antenimieram-pirenena; Raharimampionona (Ikalamavony) ; Rasolomanana Beby Olivier (Mandritsara) ; Bernando Germain Berton Ndrianasy (Nosibe An’Ala) ary Randriamahafanjary Calvin, Sekretera jeneralin’ny Antenimieram-pirenena.
    Lire la suite ...
    • mercredi, 16 octobre 2019 21:23
    • Sary nindramina

    Vavatenina: Sarona ny vola sandoka 20 tapitrisa Ariary

    Fanomezam-baovao avy amin’ny olontsotra tonga teo anivon’ny Zandary tao Fenoarivo Atsinanana, fa misy olona mitondra vola sandoka 400 tapitrisa Ariary ho any Vavatenina Nanao sakana-fitsirihana avy hatrany ny Zandary ka tratra tao Vavatenina, ny 15 oktobra 2019, ny fiara 4x4 pickup Ford Ranger iray izay nitondra vola sandoka 20 tapitrisa Ariary sy vola tena izy 80 tapitrisa Ariary. Olona miisa dimy no efa voasambotra. Nanokatra fanadihadiana avy hatrany ny Zandary manodidina ity raharaha ity. (Jereo Sary Tohiny)
    Lire la suite ...
    • mercredi, 16 octobre 2019 10:47

    Trangam-piarahamonina: Tovolahy, 30 taona, nitsoaka niaraka tamin'ny 20 tapitrisa Ariary avy nangalariny

    Roa herinandro izao no nitsoaka niaraka tamin'ny vola halatra io tovolahy io. Voatery nosamborin'ny mpitandro filaminanana ny Rainy ary natolotra ny Fitsarana tany Antalaha. Nahazo fahafahana vonjimaika io rainy io miandry ny fitsarana azy amin'ny 07 novambra 2019 taorian'ny fanaovana raharaham-pihavanana izay nanekeny tsy fidiny hizaka ny heloka nataon'ny zanany. Natao antoka ny trano fonenany sy tokontany mandrampahita ny vola 20 tapitrisa Ariary hanonerana ny volan'olona. Tranga niseho teto Andranomatsiko Fokontany Antanifotsy 2, Kaominina ambonivohitr'i Sambava.  
    Lire la suite ...
    • mardi, 15 octobre 2019 17:00
    • Sary nomena

    Ambatondrazaka: Ny fahavitan’ny asa no tena andrasan’ny vahoaka

    Maro sosona ny filazana fisantarana asa taty Ambatondrazaka ny andron’ny 14 oktobra 2019, nifanojo indrindra tamin’ny faha-61 taona nanambarana ny fiverenan’ny fahaleovantenan’i Madagasikara ary firenena manana sata Repoblikana. Harenina ny lalam-pirenena faha-44, ny RN3A eo Manaingazipo, ny lalana mampitohy an’i Feramanga avaratra avy any amin’ny seranam-piaramanidina miazo an’Ambatondrazaka tampon-tanàna. Hatao manarapenitra ny Kianja Rasolonjatovo, hisy fanorenana EPP manarapenitra ihany koa. Eo koa ny fanitarana ny fitrandrahana rano ao Ambodiakondro Ambalavato, hanatsarana ny famatsiana rano eto Ambatondrazaka… Maro ihany izay filazana fanombohan-javatra natao teto izay, fa ny zava-dehibe aminay, hoy ny mponina eto Ambatondrazaka, dia ny fahavitan’izy ireny satria mendrika ny hahazo fotodrafitra manarapenitra ny aty Alaotra Mangoro, miohatra amin’ny otrikarena ananany, na voly vary izany, na hazandrano, na fiompiana, na harena ankibon’ny tany, na vokatry ny ala, hoy izy ireo. (Jereo Sary Tohiny)  
    Lire la suite ...
    • mardi, 15 octobre 2019 15:47
    • Sary nomena

    Lylison René de Rolland: Mandray ny asa maha Governoran’i Sofia azy

    Tontosa ny alatsinainy 14 oktobra 2019, nifanojo indrindra tamin’ny fankalazana ny faha-61 taona nanambarana fa firenena mahaleotena i Madagasikara ary mitsangana ny Repoblikan’i Madagasikara, ny famindram-pahefana teo amin’ny lehiben’ny Faritra Sofia mpisolo toerana sy ny Governoran’i Sofia, Lylison René de Rolland. Natao tamin’io andro io ihany koa ny fametrahana ofisialy an’ity farany, sady nanamarika ny fandraisany ofisialy ny asany. Tonga teto Antsohihy, renivohitry ny Faritra Sofia, nanotrona ny lanonana ny minisitry ny Ati-tany sy ny fitsinjaram-pahefana Razafimahefa Tianarivelo sy ny minisitry ny fitsarana Randrianasolo Jean Jacques ary ireo depiote voafidy tato amin’ny faritra Sofia. (Jereo Sary Tohiny)
    Lire la suite ...
    • mardi, 15 octobre 2019 11:44
    • Sary nomena

    Ntsay Christian: Nanao fitsidihana ofisialy tatsy amin’ny Nosy Kaomoro

    Nigadona tao Beit-Salam, Nosy Kaomoro ny folakandron’ny 14 oktobra 2019 ny delegasiona izay notarihin’ny Praiminisitra, Lehiben’ny governemanta, no sady Minisitry ny Raharaham-bahiny misolo toerana Ntsay Christian. Fitsidihana ofisialy ara-pirahalahiana manamarika ny fifandraisana no anton’izao dia izao. Nihaona avy hatrany tamin’ny Filoha kaomorianina, Azali Assoumani ny delegasiona, ka nifantoka tamin’ny fanamafisana orina ny fifandraisana ara-diplomatika sy ny fifanakalozana mikasika ireo paik’ady entina mampandroso an’i Kaomôro sy i Madagasikara ny dinika. 43 taona izao no nisian’ny fifanarahana ara-diplaomatika teo amin’ny firenena roa tonta ; voalohany kosa izao no misy komity ahitana ny andaniny sy ny ankilany, izay handinika ny lafiny rehetra hahafahana mahita vahaolana amin’ny fampandrosoana miaraka an’i Madagasikara sy i Kaomaro. (Jereo Sary Tohiny)  
    Lire la suite ...
    • lundi, 14 octobre 2019 15:26

    Andramahavola – Ambohidrapeto: Telo herinandro izao no mijaly rano ny mponina

    Velon-taraina, ny mponina amin’iny faritra Andramahavola Kaominina Ambohidrapeto, Distrika Antananarivo Atsimondrano iny, fa efa mananika ny telo herinandro izao no tsy mandeha ny rano, raha toa ka mba nandeha ihany teo aloha, manomboka amin’ny misasak’alina hatramin’ny efatra ora maraina. Tena ifanotofana ny fakana rano amin’ireo manana lavadrano, vidiana mazava loatra. Mijaly ireo fianakaviana mitaiza kely manoloana izany, ka miantso vonjy mba hamahana haingana izao olana izao. Ny mpianatra efa miditra, ny vanimpotoana maintany ihany koa mitsidika ka mampitombo ny filàna rano.  
    Lire la suite ...
    • dimanche, 13 octobre 2019 20:10
    • Sary nindramina

    Antsohihy: Sady hametraka Governoran'ny Faritra Sofia no hankalaza ny 14 oktobra

    Hanamarika ny andron’ny alatsinainy 14 oktobra 2019 ny fametrahana ny Governora vaovao n'ny Faritra Sofia, Kolonely Lylison René de Rolland. Nosafidiny ny hametrahana azy amin’io 14 oktobra io noho io daty manan-tantara eto amin'ny firenena, nanambarana ny fijoroan'ny Repoblikan'i Madagasikara teny amin'ny efitrano filanonan'ny lycée Galliéni - Antananarivo. Hatao eo amin’ny « Rond point Philibert Tsiranana » Antsohihy ny lanonana, sady ho fanomezam-boninahitra an’i Philibert Tsiranana, filohan'ny Repoblika teo aloha, sady Rain'ny fahaleovantena.
    Lire la suite ...
Page 7 sur 158