Vaovao

    • jeudi, 26 juillet 2018 20:32
    • Sary Gasypatriote Sambava

    Nosiarina - Sambava: Nakaton’ny Fanjakana androany ny abatoara

    Nidina teto amin’ny Kaominina Nosiarina ny avy amin’ny sampandraharahan’ny varotra sy ny fanjifana ato SAVA, notarihin’ny tale BE Christophe. Namory avy hatrany ireo mpivarokena miasa eto Nosiarina, teo anatrehan'i Benin’ny Tanàna IMBE Clarel izy noho ny antony nanorenana WC mifanila amin’ny famonoana omby, izay loza mitatao amin’ny fahasalam-bahoaka. Efa ela no nampitaraina ny mpanjifa ity toe-javatra ity, saingy nifanilika any amin’ny tsy fahitana toerana hamindrana azy fotsiny ny mpitondra teto an-toerana, ka androany no nanambarana fa mikatona ary tsy azo anaovana tsenan’omby intsony eto Nosiarina raha tsy mahita toerana hafa. Ny mampanontany tena dia mba misy ve ny mpiasan’ny fahasalamana manao fitsirihina ny henan’omby amin’ity toerana ity sa hodian-tsy hita? (Jereo Sary Tohiny)  
    Lire la suite ...
    • mercredi, 25 juillet 2018 08:08
    • Sary Primatiora

    Fiarakodiam-panjakana: Efatra andro sisa ny fanovàna ho loko mena ny takela-pamantarana

    Mifarana ny 28 jolay 2018 ho avy izao ny fe-potoana farany hanovàna ho loko mena ny takela-pamantarana ho an’ny fiarakodiam-panjakana rehetra. Nanao fampahatsiahivana mikasika izany ny Primatiora omaly. Manamafy ny Praiministra lehiben’ny governemanta, amin’ny maha lehiben’ny fitantanana ny raharaham-panjakana azy, ny amin’ny maha- zavadehibe io fepetra noraisina io, ary tamberin’andraikitra izany ka tsy maintsy tanterahin’ny mpiasam-panjakana rehetra.
    Lire la suite ...
    • mercredi, 25 juillet 2018 08:07
    • Sary Primatiora

    Antananarivo renivohitra: Misokatra ny ankamaroan’ny sekolim-panjakana

    Raha ny tarehimarika navoakan’ny ministeran’ny Fanabeazam-pirenena dia toeram-pianarana miisa 105 amin’ireo 115 ao anatin’ny ZAP miisa 6 eto Antananarivo renivohitra no niverina nisokatra indray taorian’ny fiatoana roa volana teo. EPP 88 amin’ireo 93 no niverina nampianatra. Mbola mikatona kosa ny EPP Avaradoha, Vohibola, Amboniloha, Andraisoro ary Tsarahonenana. Efa nisokatra avokoa ireo CEG miisa 15 fa ny mpampianatra no mbola misy tsy tonga. Lisea 2 ihany amin’ireo 7 misy eto Antananarivo renivohitra kosa no nisokatra. Mitaona ireo izay mbola tsy niverina nampianatra ny praiminisitra Ntsay Christian mba hampianatra, mba tsy hisian’ny fahataràna eo amin’ny famitàna ny fandaharam-pianarana mialohan’ny fanadinana ôfisialy. Tanjona, hoy izy, ny hampisokatra indray, tsy misy hatakandro ireo toeram-pianarana rehetra manerana an’i Madagasikara.    
    Lire la suite ...
    • lundi, 23 juillet 2018 20:45
    • Tahirin-tsary Gasypatriote Toamasina

    Toamasina: Manazava ireo tetikasa tanterahina ny Ben’ny Tanàna

    Nitafa tamin’ny mpanao gazety ny faran’ny herinandro teo ny Ben’ny Tanànan’i Toamasina Elisée Ratsiraka, nampahafantatra amin’ny antsipirihany ny momba ny tetikasa fanamboarana ny tsena eto Toamasina, indrindra fa ilay Bloc Commercial, izay efa natomboka tamin’ny fitokanana ny Centre Commercial, efa notokanana ny faran’ny volana jona teo iny. Nambarany fa mizara telo mazava tsara ilay tetikasa, dia ilay Centre Commercial, ny Fast Food, ary izay noheverina ho an’ny mpivarotra rehetra. Re koa anefa fa mitaraina ireo mpivarotra sasantsasany ao Bazary Kely nisy ilay Centre Commercial vao notokanana fa lafo loatra ny vidiny, ary matahotra izy ireo sao dia hoesorina amin’ny toerana misy azy raha mbola hitohy ilay tetikasa.
    Lire la suite ...
    • dimanche, 22 juillet 2018 18:16
    • Sary nomena

    Holafitry ny vadintany sy ny mpanao lavanty: Voafidy ho filoha i Me Rasamimaka Mahefalahy

    Nandritra ny fivoriam-be natao teto Antananarivo ny alakamisy sy zoma teo no nanavaozana ny biraon'ny Holafitry ny vadintany sy ny mpanao lavanty Malagasy. Voafidy taorian'ny fihodinana faharoa, tamin'ny latsa-bato, i Me Rasamimaka Mahefalahy avy aoToamasina, izay nahazo isam-bato 70 tamin’ireo mpifidy miisa 105, nanoloana an'i Me Baholiariniony Annie Sylvie, nahazo vato 32. Sambany izao vao nisy vadintany sy mpanao lavanty miasa ivelan'Antananarivo voafidy ho filohan’ny Holafitra. Mpanatanteraka didim-pitsarana sy ny didin’ny mpitsara no asan'ny vadintany. (Jereo Sary Tohiny)  
    Lire la suite ...
    • vendredi, 20 juillet 2018 15:00
    • Sary nomena

    Fitokonan'ny mpampianatra: Manamafy ny grevy ireo mpitokona, nampihesona ny TVM

    Nifanao fotoana teo amin'ny tokotaniben'ny ministeran'ny fanabeazam-pirenena ireto mpampianatra marobe anio maraina. Nanamafy izy ireo fa mitohy ny fitakiana ataon'ny mpampianatra manerana ny Nosy. Nikasa ny ho eny amin'ny TVM Anosy kosa izy ireo handisoina ny filazan'ny DREN Analamanga sy ny Chef Cisco fa hoe miverina mianatra ny eto Analamanga. Nisy ny fifampiresahana tamin'ireo mpitandro ny filaminana niandry ny vavahady, ny mba hiresahana amin'ny Talén'ny Tvm, fa nolazaina fa tsy ao i DG fa hisy mpanao gazety Tvm ho avy ao amin'ny MEN, haka sary anareo ary ho alefa amin'ny TVM, kinanjo niandry vasoka tao amin'ny ministera fa tsy nipoitra ny Tvm.
    Lire la suite ...
    • mercredi, 18 juillet 2018 14:35
    • Sary Gasypatriote Antsirabe

    Antsirabe: Miitatra ilay fandrobana tao Betafo

    Niitatra teto Antsirabe ny fandrobana ny tranon’ilay mpandraharaha niharan’ny fandrobana sy rava fananana tao Betafo ny Alatsinainy teo, vokatry ny feo niely fa misy mangala-jaza mihazo halatra taova. Manana trano eto Andrefantsena-Antsirabe ihany koa ilay mpandraharaha ka omaly Talata maraina dia efa niely ny feo fa hisy andian’olona avy any Betafo handrava ny tranony, izay mpanofa no mipetraka ao. Mailo ireo mpanofa vao nandre izany ka nanala avy hatrany ny entana azo raisina, ary nampian'ny fokonolona tao Andrefantsena mihitsy aza. Ny tolakandro dia tomefy olona tokoa teo an-toerana, izay efa toa niandriandry zavatra fotsiny.
    Lire la suite ...
    • mercredi, 18 juillet 2018 09:15

    Mahajanga: Feran’ny Prefektiora ny fivezivezena ao amin’ny Doany Miarinarivo efadahy Manankasina

    Namoaka naoty ny prefektioran’i Mahajanga ny maraina teo fa tsy azon’iza n’iza atao afa-tsy ny ben’ny varavarana ihany ny mifamezivezy ao amin’ny Doany Miarinarivo efadahy Manankasina nanomboka omaly 17 jolay 2018 maraina ary hatramin’ny fotoana tsy voafetra. Noraisina io fanapahan-kevitra io ho fandaminana amin’ny fitandroana ny filaminana sy ny fampandriana fahalemana eny amin’ny Doany. Raikitra indray mantsy ny sakoroka teny an-toerana ny alatsinainy teo. Nisy ny naratra vokatry ny tora-bato sy ny vely kibay.
    Lire la suite ...
    • mercredi, 18 juillet 2018 08:42
    • Sary MTPM

    Lalam-pirenena faha-44: Vinavinaina hatomboka amin'ny 2019

    Vonona ny hanohana ny tetikasa fotodrafitrasa eto Madagasikara ny Banky Iraisam-pirenena. Nivoitra io, tetsy Anosy ny alatsinainy 16 jolay 2018, nandritra ny fihaonan’ny minisitry ny Asa Vaventy sy ny Fotodrafitrasa, Andriantiana Jacques Ulrich sy ny delegasiona notarihin’ny solontena maharitra ny Banky iraisam-pirenena eto Madagasikara, Coralie Gevers. Voaresaka nandritra io fihaonana io ny fandinihina ny fitohizan’ny fiaraha-miasa eo amin’ny roa tonta eo amin’ny sehatry ny asa fanamboaran-dalana ao anatin’ilay tetikasa vaovao antsoina hoe « Appui à la connectivité de transports ».
    Lire la suite ...
    • mardi, 17 juillet 2018 20:27
    • Sary MEN

    « Cours » maimaimpoana: Hanomboka ny asany ny APELM

    Namaly ny antson’ny APELM (Association des professeurs des écoles libres de Madagascar) sy ny mpianatry ny oniversite ny Minisiteran’ny Fanabeazam-pirenena, ka nanolotra fitaovana hanampiana azy ireo amin’ny hanatanterahany ny « cours » maimaimpoana hanampiana ireo mpianatra amin’ny sekolim-panjakana izay hiatrika fanadinana (T5, T9, Terminale). Ny alarobia 18 jolay avy hatrany no hanomboka ny “cours” ho an’ny faritra Analamanga, efa noraisina ny fepetra hiarovana ny filaminana amin’izay hoy ny minisitra Horace Gatien. Voalaza mantsy fa mahazo fandrahonana ho faty ny filohan’ny APELM, Rakotonirina Justin Etienne noho izao tolo-tanana ataon’izy ireo izao.
    Lire la suite ...
Page 6 sur 113