Vaovao

    • mercredi, 30 octobre 2019 23:21
    • Sary nindramina

    Fitaterana: Naverina ny sidina Tsaradia Antananarivo – Ambatondrazaka – Toamasina

    Naverina nosokafana androany 30 oktobra 2019 ny sidina Tsaradia, izay mampitohy an’Antananarivo – Ambatondrazaka – Toamasina. Sidina roa no hotanterahina isan-kerinandro. (Jereo Sary Tohiny)
    Lire la suite ...
    • mercredi, 30 octobre 2019 23:17

    Fifidianana kaominaly: Nisy fizaram-baovao teny amin’ny CENI Alarobia

    Nisy ny sehatra ifampidinihana nanasan'ny CENI ireo mpisehatra rehetra amin'ny fifidianana (antoko politika, fiarahamonim-pirenena, rafi-panjakana, mpampahalala vaovao), teny amin’ny foibe Alarobia Antananarivo androany, niresahana momba ny fifidianana Ben’ny Tanàna sy Mpanolotsainan’ny Tanàna. Niompana tamin’ny fizaram-baovao momba ny fizotry ny fanomanana ny fifidianana, ny fampielezan-kevitra ary ny fikirakirana ny voka-pifidianana ity sehatra ifampidinihina ity, ary narahina fanontaniana arahim-baliny sy fandraisan'ny CENI ny fanamarihana avy amin'ireo mpisehatra nandray anjara. Nisy ihany koa ny famelabelarana ny "Teny ierana hanompo vahoaka" (charte de bonne conduite des candidats aux élections communales et municipales), izay niarahan'ny komity iombonana namolavola, toy ny tamin'ny fifidianana Filoham-pirenena sy ny fifidianana Solombavam-bahoaka, ivondronan'ny CENI, CNIDH, CSI, SAMIFIN, HCDED, CFM, ROHY, SAFIDY, Transparecy International Initiative Madagascar, ny Chaîne d'honnêteté.  
    Lire la suite ...
    • mardi, 29 octobre 2019 22:05
    • Sary Sénat

    Tana Masoandro: Mangataka hihaona amin’ny Filoham-pirenena ireo vahoaka voakasiky ny tetikasa

    Tonga tetsy amin’ny lapan’Anosikely androany ny solotenan’ny vahoaka avy amin’ireo Kaominina voakasika amin’ny tetikasa Tana Masoandro, nihaona tamin’ireo Loholona, ho tohin’ny fankan-kevitra efa nataon’ireo Loholona teny Ambohitrimanjaka ny alatsinainy 21 oktobra 2019. Mangataka ny hihaona mivantana amin’ny Filoham-pirenena izy ireo, satria tsy ahitambaha-olana ny fihaonana tamin’ireo solotena izay nalefan’ny Fiadidiana ny Repoblika, sy ny taratasy izay nalefan’ny mponina amin’ireo tompon’andraikitra isan-tsokajiny. Nangataka ireto loholona ireto ny solontenan’ny mponina mba hitady ny vahaolana sy hitondra ny feon’izy ireo any amin’ny Filoham-pirenena.
    Lire la suite ...
    • mardi, 29 octobre 2019 07:04
    • Sary Zandarimaria

    Fanafihan-jiolahy: Dimy lahy nandroba « épicerie » tao Arivonimamo, voasambotra tany Ankadinondry Sakay

    Toeram-pivarotana enta-madinika iray tao Arivonimamo no notafihin’ny jiolahy miisa dimy, nitondra fitaovam-piadiana ny alarobia 23 oktobra 2019 tokony ho tamin’ny 5ora hariva. Noraofin’izy ireo ny entana mora entina sy maivana toy ny sigara, finday miarana amin’ny fahana ary vola 2 080 000 Ariary, dia rifatra nitsoaka izy ireo. Vao nahazo fampandrenesana ny Zandary avy amin’ny « Brigade territoriale » Arivonimamo dia nanao fanarahan-dia avy hatrany amin’izay lalana noheverina fa nitsoahan’ireo olon-dratsy, nampiasa moto, ary nampilaza ireo Zandary manodidina. Sarona nandritra ny fisavana fiara mampitohy an’Analavory amin’i Tsiroanomandidy, teo amin’ny sakana nataon’ny Zandary avy amin’ny brigadin’Ankadinondry Sakay izy dimy lahy, niaraka tamin’ny ambin’ny entana sy vola halatra. Nakarina nankao amin’ny brigady Arivonimamo izy ireo natao famotorana. (Jereo Sary Tohiny)  
    Lire la suite ...
    • lundi, 28 octobre 2019 21:53
    • Sary nomena

    « Petite Plage » - Mahajanga: Nomena hatramin’ny 30 oktobra ireo mpivarotra hiala

    Fianakaviana maro, manao antom-pivelomana amin’ny varotra eny amin’ny « Petite Plage » no nandefasan’ny Kaominina ambonivohitr’i Mahajanga filazana voatery hiala noho ny fandaminana. Nomena hatramin’ny 30 oktobra 2019 izy ireo tsy hitoetra 25 metatra manoloana ny ranomasina. Fanilihana no andraisan’ireo fianakaviana nivelona teo amin’ny « Petite Plage » izao fanapahan-kevitry ny fiadidiana ny tanànan’i Mahajanga izao, satria fantatra fa tsy hisy toerana ho azon’izy ireo hivarotana aoriarian’ny 25 metatra satria efa toeram-ponenana misy trano miorina. Ho maro noho izany, hoy izy ireo, no tsy an’asa noho ity fepetra ity, ary tsy trano maharitra ilay nahorina, no tsy nanembatsembana ireo mpilomano. Izahay aza, hoy hatrany izy ireo no manome fahafam-po amin'ny sakafo sy entana ilain'ireo tonga mitsidika ety an-toerana. (Jereo Sary Tohiny)  
    Lire la suite ...
    • lundi, 28 octobre 2019 19:03
    • Sary nindramina

    Itaosy: Ritra ny lavadrano, ny « forage »-n’ny Jirama tsy mbola mamokatra

    Valaka ny mponin'i Itaosy amin'ny tsy fisian'ny rano, vao maika talanjona nahita ny « forage » ataon’ny Jirama hisitonana rano. Efa iray volana sy tapany no tsy misy rano mitete amin’ny paompy amin’ny kartie sasany ety Itaosy, ny lava-drano ritra tsy misy azo tovozina noho haintany. Mamatsy rano amin’ny « citerne » ny Jirama miaraka amin’ny ministeran’ny angovo sy rano ary ny akoran’afo, saingy filaharam-be amin’ny daba mavo vao mahazo ; sahirana ireo mitaiza kely. (Jereo Sary Tohiny)  
    Lire la suite ...
    • samedi, 26 octobre 2019 17:34
    • Sary Gasypatriote Sambava

    Sambava: Olona telo sarona niaraka tamin’ny vola sandoka 10 tapitrisa Ariary

    Natolotra ny Fitsarana omaly zoma 25 oktobra 2019, ary tazomina am-ponja vonjimaika ao Antalaha ireo olona telo, izay voarohirohy ho tompon'antoka amin'ny fanamboarana vola sandoka ato amin'ny Faritra SAVA. Nanao velam-pandrika ny Polisy taorian’ny fanomezam-baovao avy amin'ny tsara sitrapo ka tra-tehaka tao an-trano, tao Antanambao Soaline Fokontany Antaimby - Sambava, ny roa mianadahy, ary tany Antalaha ny iray mpiara-miasa amin’izy ireo. Efa lasibatr’izy ireo ny tantsaha iray nivarotra lavanila tetsy amin'ny « parcage » Antanifotsy II, tapa-bolana lasa izay. Nifanaraka izy ireo fa iray tapitrisa Ariary ny iray kilao, kinanjo vola sandoka ny ankamaroan’ny vola voarain’ilay tantsaha rehefa namerina nanisa vola izy nony tonga tany an-tranony. Mbola karohina ireo mpiray tsikombakomba amin’izy ireo. (Jereo Sary Tohiny)
    Lire la suite ...
    • samedi, 26 octobre 2019 10:20
    • Sary nomena

    Andron’ny Firenena Mikambana: Nomarihina tamin’ny fambolena honko tao Manombo

    Nomarihina tamin’ny fambolena zanaka honko tao Manombo, Distrikan’i Toliara faharoa ny fankalazana ny Andron’ny Firenena Mikambana, ny alakamisy 24 oktobra 2019. Nitarika ny hetsika ny Praiminisitra, Lehiben’ny governemanta, Ntsay Christian. Ilaina ny mamorona ala vaovao noho ny fiovaovan’ny toetr’andro, hoy hatrany ny Praiminisitra, ka tsy tokony hatao fombafomba fotsiny izao hetsika izao, fa mila fikojakojana ireo zana-kazo novolena, satria miteraka harena vaovao izy ireny, ary mitondra fampandrosoana ho an’ny faritra misy azy.
    Lire la suite ...
    • jeudi, 24 octobre 2019 14:51

    Aéroport Ivato: Zandary iray tra-tehaka nitaky vola tamina vazaha vavy

    Vazaha vavy iray, isan’ireo mpandeha tamin’ny sidina Kenya Airways avy any Nairobi, nigadona teny amin’ny Aéroport Ivato no tonga nitaraina tao amin’ny Polisy miaro ny sisintany (PAF), fa nitakiana zandary iray vola manodidina ny 280 000 Ariary (70 euros) saran’ny « VISA » idirany eto Madagasikara. Omaly alarobia 23 oktobra tamin’ny efatra ora tolakandro no nisehoan’ity tranga ity, ary zandary mitondra galona « 1ère classe », miasa eny an-toerana, saingy mbola tokony any ampialan-tsasatra no tompon’antoka. Ny alarobia alina, tamin’ny 9ora sy sasany, ihany dia efa nataon’ny Polisy ny famotorana azy, natrehin’ny manamboninahitra ao amin’ny kaompania mifehy azy.
    Lire la suite ...
    • mardi, 22 octobre 2019 17:40
    • Sary ZP

    Nosy-Be: Mpiasan’ny Jirama efa-dahy tratra nangalatra gazoala

    Gazoala natao hampihodinana ny milina ao amin’ny foibe famokarana herinaratra eto Nosy-Be no nangalarin’izy ireo, natao tao anaty jerikanina. Fito ny jerikanina efa feno, nisy valo hafa efa vonona hofenoina no tra-tehaka. Mpiasa efa-dahy ao amin’ny foibe famokarana herinaratra no tratra tao ampiasana andro alina nanao ireo, nitsoaka ny mpiambina roa lahy ary tadiavina. Anatin’ny famotorana ny Zandary, hamantarana raha efa tambazotra ireto mpangalatra gazoala an’ny Jirama ireto. (Jereo Sary Tohiny)  
    Lire la suite ...
Page 5 sur 158