Vaovao

    • vendredi, 18 janvier 2019 18:15
    • Sary Gasypatriote Sambava

    Vohémar: Makamba 108 kg sarona

    Saron'ireo tompon’andraikitra avy amin'ny jono aty amin'ny Faritra SAVA, omaly 17 janoary 2019, ireto makamba milanja 108 kg ireto. Androany maraina, raha vao tonga teto Sambava dia nanaovana asa fanasoavana ho an’ny Akany fitaizana zaza kambonty tantanan-dry masera ao amin'ny sekoly Saint Famille Tsararivotra. Nanipika mazava ny Talem-paritry ny harena anaty rano sy ny jono Atoa Bezandry Bruno fa mbola ao anatin'ny vanim-potoana hikatonan’ny jono makamba (crevettes) isika izao, nanomboka ny fiandohan’ny volana Desambra teo ka any amin'ny faran’ny volana Febroary any vao hisokatra indray izany, nefa ireto dia tra-tehaka raha nokasaina hampidirina aty SAVA avy any Ambilobe (DIANA).
    Lire la suite ...
    • vendredi, 18 janvier 2019 17:27
    • Sary Gasypatriote Antsirabe

    Antsirabe: Lehilahy hita faty teny amoron-dalana

    Nahitana fatin-dehilahy iray tokony ho 45 taona teo ho eo tao Mahafaly-Vatofotsy ny marainan’ity zoma 18 janoary ity. Tombanana ho olona nodomin’ny fiara ity lehilahy ity ka nitsoaka ny fiara. Raha tamin’ny fotoana nahitana ny razana dia mety ny maraindraina no nahavoa azy, satria mbola nalefaka dia nalefaka ilay razana tamin’ny fotoana nitsirihan’ny mpitsabo avy amin’ny BMH azy. Raha ny nambaran’ny olona nahita azy dia mbola niantso fanampiana tamin’ny mpandalo izy mba hanarina azy, tokony ho tamin’ny 5 ora sy sasany tany ho any, mba hampiakatra azy amin’ny posy sy hitondra azy ho any amin’ny hopitaly, saingy tsy nisy nanampy ny olona noho ny tahotra amin’ny fanadihadiana angamba. Nitarika azy tamin’ny fahafatesana anefa ny habetsaky ny rà very taminy.
    Lire la suite ...
    • mercredi, 16 janvier 2019 13:51

    Sambava: Mirongatra sahady ny halatra lavanila tsy mbola matoy

    Androany maraina io no tra-tehaky ny Fokonolona tao Benavony, Kaominina Farahalana, ny renim-pianakaviana iray, izay teraka tany am-ponja, ka vao nahavita sazy dia izao namerin-keloka izao sahady, nangalatra lavanila tsy matoy milanja 13kg. Ny taona 2017 ity renim-pianakaviana ity no nidoboka am-ponja noho halatra lavanila. Bevohoka izy tamin’izay ary teraka tany am-ponja, dia izao naterina any amin’ny tobin’ny Zandarimaria Farahalana izao indray ary efa atao famotorana momba ity tranga ity. Nitrangana halatra in-droa miantoana ihany koa tao amin’ny Fokontany Soavinandriana, Kaominina ambonivohitra Sambava ny herinandro lasa iny, izay nahaverezana lavanila tsy matoy milanja any amin’ny 40kg, izay an’Atoa Avizara, ary ny tranga faharoa dia mbola teny an-tanimboly ny an’Atoa Honoré Tarimy no nisy nangalatra.  
    Lire la suite ...
    • lundi, 14 janvier 2019 20:44

    Sambava: Zaza menavava nigogogogo nitomany irery teo akaikin-dreniny maty tao anaty trano mihidy

    Ny marainan'ny zoma 11 janoary 2019 teo nanaitra ny manodidina ny naheno zaza menavava nitomany tsy nanam-pitsaharana tao anaty trano mbola mihidy. Rehefa nandre izany ny manodidina dia nanapa-kevitra fa hosokafana ny trano, kanjo loza inona no niseho fa mitomany teo anatrehan'ny reniny efa maty ity zaza vao valo volana nahaterahana ity. Mpivahiny ireto ary hatreto mbola tsy fantatra iza no fianakavian'izy ireo fa manana anarana hoe Nirina, 30 taona eo, ity reny namoy ny ainy tao an-trano foana teto Mahatsara Fokontany Antohomaro. Efa nalevina omaly ny razana fa ny zaza kosa dia mbola ny mpifanila-bodirindrina no honena ka nandray an-tanana vonjy maika ny zaza. Efa tonga teny ny polisim-pirenena nijery ny zava-misy.  
    Lire la suite ...
    • lundi, 14 janvier 2019 10:08

    Fahasalamam-bahoaka: Raikitra ny Fanaovam-baksiny miaro amin'ny kitrotro

    Nanomboka androany ary haharitra hadimiana, 14 ka hatramin’ny 18 janoary 2019, ny Hetsika fanaovam-baksiny faobe miaro amin’ny aretina kitrotro karakarain’ny Ministeran’ny Fahasalamam-bahoaka. Ny zaza rehetra 9 volana ka hatramin’ny 9 taona no tsinjovina manokana ary tanjona ny ahavitana farafahakeliny vaksiny ny 95% amin’izy ireo. Distrika miisa 25 ao anatin’ny Faritra 13 eto Madagasikara no hisantarana izany dia Ambatondrazaka, Amparafaravola, Moramanga, Toamasina I, Toamasina II, Maevatanana, Marovoay, Mahajanga I, Antalaha, Morondava, Ambatolampy, Antanifotsy, Antsirabe I, Antsirabe II, Ambositra, Fianarantsoa I, Toliara I, Tsiroanomandidy, Arivonimamo, Ambohidratrimo, Andramasina, Manjakandriana, Antananarivo Renivohitra, Atsimondrano ary Avaradrano. Hisitraka ny hetsika ny distrika miisa 41 hafa amin’ny volana febroary 2019 ary ny distrika miisa 48 ambiny amin’ny volana aprily 2019.  
    Lire la suite ...
    • jeudi, 10 janvier 2019 21:24
    • Sary Gasypatriote Antsirabe

    Fisilokiana: Miaramila Adjidà Sefo tra-tehaka teto Antsirabe, nalain'ny lehibeny tao amin'ny polisy

    Miaramila iray manana grady Adjidà Sefo iray indray no sarona tamina fisolokiana tamin’ireny toeram-pifanakalozana vola MVola sy Airtel Money ireny. Efa nahoraka teto Antsirabe ny fomba fiadin’ity miaramila ity, ary toerana niisa 3 no efa fantatra fa nahazoany volabe. Efa nisy ny tratrany teny akaikin’ny hotely Ravitsara-Andranomadio teny, ary niely ny resaka ka mailo sy nifampiresaka ny rehetra, ary nampitandrina ny teo anivon’ny orinasa iray. Raha ny nahatratrarana azy teo Vatofotsy moa dia saika haka vola 600.000 Ar ny tenany, ary nolazaina fa tsy manana finday izy fa mba hindrana kaonty MVola fotsiny. Efa nahafantatra ny fomba fiadiny ilay mpivarotra ka nandefa mesazy tamin’ny vadiny mba hiantso polisy avy hatrany.
    Lire la suite ...
    • jeudi, 10 janvier 2019 14:33
    • Sary Gasypatriote Antsirabe

    Antsirabe: Fanafihana mitam-basy, lasa ny vola amina hetsiny, olona roa naratra

    Nitrangana fanafihan-jiolahy tao Mahafaly Vatofotsy-Antsirabe ny harivan’ny alarobia 9 janoary 2019. Olona mpianaka roa no naratra mafy sy manaraka fitsaboana ao amin’ny hopitalin’Andranomadio vokatr’izany. Mpivarotra ity voatafika ity, ary jiolahy niisa efatra teo ho eo no nanao ny fanafihana, izay nitondra basy lava misy hazo ny vodiny. Tokony tamin’ny 8 ora sy sasany hariva io fanafihana io, izay tao anatin’ny nahatapaka ny jiro tamin’izay.
    Lire la suite ...
    • mercredi, 09 janvier 2019 18:29
    • Sary fanehoana

    Sambava: Ankizy avy nihinana bokom-bolo iray maty, iray hafa marary mbola tsaboina

    Tranga nanaitra ny mponina ao amin’ny Fokontany Maevatanana, Kaominina Bemanevika ny nahafatesana zaza izay manodidina eo amin’ny 7 taona ny marainan’ny alatsinainy 07 janoary 2019, ary natao veloma farany androany maraina. Misy zaza iray hafa mbola manaraka fitsaboana amin’ny fomba Malagasy fa tsy nanaiky ho entina amin'ny tobim-pahasalamana ny fianakaviany. Tsy fantatra na fifandrian-javatra na mety misy fanapoizinana niaraka fa ‘’sarotra aminay ny miditra amin’io tranga io » hoy ny tompon’andraikitry ny fahasalamam-bahoaka eto amin’ny Distrikan’i Sambava satria « tsy mba nandeha tany amin’ny hopitaly ireo fa nitsabo tany ho any ihany » koa araka izany dia mety hijanona ho baraingo mandrakariva ny antony nitarika izao fahafatesana izao. Fa ny fantatry ny fianakaviana dia nisy ankizy maromaro samy tao Maevatanana io nanenjika bokom-bolo kely (kazarana ragidro) dia niara-nanenjika azy dia rehefa azo dia ireto roa ireto nitondra azy nody dia nihinana azy. Nalevina androany ilay zaza nodimandry.    
    Lire la suite ...
    • mercredi, 09 janvier 2019 08:36
    • Sary Gasypatriote Mahajanga

    Mahajanga: Voasambotra ilay Frantsay nisintom-bola tamin’ny GAB BMOI tamin’ny karatra tsy ara-dalàna

    Voasambotry ny Zandary teto Mahajanga ny 7 janoary 2019 ny lehilahy teratany frantsay iray 32 taona, tompon’antoka tamin’ny fangalarana vola tamin’ny banky BMOI Antananarivo ny 4 janoary 2019 teo. Fomba fiady tsy dia fahita eto Madagasikara no nampiasain’ity vazaha ity. Manana ireo karazana « carte bancaire » ity farany, izay tsy miasa eto Madagasikara ka ireny no nentiny nampiasaina tamin’ireny GAB (Guichet Automatique de Banque) ireny nisarihana vola.
    Lire la suite ...
    • mardi, 08 janvier 2019 13:20
    • Sary nindramina

    Mandritsara: Ombivavy sambany vao niteraka, namoaka omby sampona

    Nitangorona ny olona teto an-drenivohitr’i Mandritsara, Faritra Sofia, androany raha nahita ity tranga ity. Veterinera no nantsoina nampiteraka ilay ombivavy rehefa hitan’ny tompony fa nanao sarotra. Teraka ihany androany tokony ho tamin’ny 10 ora maraina. Omby sampona anefa no nivoaka tao, toy ny omby ny tapany ambany fa toa ireny alika vahiny avo karazana ireny kosa ny lohany. Vao teraka moa ilay zanak’omby dia maty, salama kosa ny reniny. Sambany niteraka ilay ombivavy hoy ny tompony. (Jereo Sary Tohiny)
    Lire la suite ...
Page 5 sur 122