Vaovao

    • vendredi, 08 novembre 2019 21:28
    • Sary Njaka

    Andranomanalina Isotry: Tsy mandry fahalemana

    Jiolahy mitam-basy miisa efatra no nanafika olo-tsotra nitondra versement patte jaune, ka nitifitra avy hatrany ny nanandrify ny fon'ity tovolahy iray, izay niaro ny sac banane nisy ilay vola teny aminy. Antsoina amin’ny anarana hoe Naivo ity tovolahy ity ary mipetraka eny Andranomanalina Isotry. Teny amin’ny tetezan’ny bekiraro io hariva io tokony ho tamin’ny fito latsaka fahefany teo no nitrangan'ny fanafihana.Maty tsy tra-drano moa i Naivo, ary nivoaka tao an-damosiny ny bala izay notifiran’ireo jiolahy azy, avy eo dia nanao tifi-danitra ireo jiolahy mba hiparitahin’ireo olona manodidina.
    Lire la suite ...
    • vendredi, 08 novembre 2019 19:23
    • Sary DGSR Mada

    Fisavana fiara tamin’ny RN7: 23 tsy tokony hifamoivoy, 2 nampidirina ambalam-pamonjana

    Manohy hetsika fidinana ifotony an-dalambe ny ekipan'ny « Service des opérations et contrôles routiers ». Tany Andohanilakaka, amin’ny lalam-pirenena faha-7, izy ireo ny 07 novambra 2019. Fiara niisa 52 no nanaovana fitsirihana ifotony teo anelanelan’ny tamin’ny 09 ora maraina hatramin’ny 05 ora sy sasany folakandro. Fiara 23 tsy ara-dalàna, ka 16 amin’ireo dia patsitsika (ratsy sy mandratra), 02 nampidirina ambalam-pamonjana noho ny fahalanian'ny paikandro fitsirihana ara-teknika na « visite technique expirée ». Teo koa ny tsy fahatomombanana ara-teknika tsikaritra toy ny faharatsiana ivelany sy anatiny. (Jereo Sary Tohiny)  
    Lire la suite ...
    • jeudi, 07 novembre 2019 22:38

    Mariarano - Mahajanga II: Mirongatra ny haromontana

    Hatramin'ity androany ity dia olona 3 no namoy ny ainy noho ny kaikitry ny alika romotra tao anatin'ny Kaominina Mariarano. Nidina any an-toerana ny ekipan'ny sampandraharaham-paritry ny fambolena, ny fiompiana ary ny jono, nanao hetsika famonoana alika faobe, saingy vao Fonkontany vitsy monja aloha no nahavitana ny hetsika. Sakana ny fomban-drazana, fady amin'ny Fonkontany sasany ao anaty Kaominina ny mamono sy mandevina alika. Niparitaka ihany koa ny feo fa tsy alika no nanaikitra ireo olona namoy ny ainy ireo fa biby hafa mihitsy, izay tsy voafaritra mazava.Mbola maro ireo tokantrano miompy ireo karazana ragidro, ny ragidro izay biby mety romotra sady mamindra haromontana ihany koa.
    Lire la suite ...
    • lundi, 04 novembre 2019 19:56
    • Sary nindramina

    Sahasinaka – Manakara: Fiara nitondra faty tra-doza, naratra ny ankamaroan'ny mpandeha

    Olana ara-mekanika, hisatra, no voalaza fa fototry ny loza, ka tsy voafehy ilay fiara fa nandika tatatra ary nifatratra tao anaty kirihitra. Naratra ny ankamaroan’ireo fianakaviana niaraka tamin’ny faty tao anaty fiara. Nisy fahasimbana goavana ny fiara, izay fanomezana avy amin’ny fikambanana Zana Gasy. Tsy nisy aina nafoy. (Jereo Sary Tohiny)
    Lire la suite ...
    • lundi, 04 novembre 2019 10:34
    • Sary nindramina

    Randriamparany Jean Bosco: Manao ranolava ireo mpanohana azy

    Ora sisa isaina dia hisokatra amin’ny fomba ofisialy ny fampielezan-kevitra amin’ny fifidianana Ben’ny tanàna sy mpanolontsain’ny tanàna, izay hatao ny tontolo andron’ny alarobia 27 novambra 2019 ny latsa-bato. Samy mandamindamina faramparany ireo kandida hiatrehana ny fanokafana rahampitso. « Ny tonga miaraka ny anay no fanombohana, ary ny miasa miaraka no fahombiazana », hoy Randriamparany Jean Bosco, kandida Ben’ny tanàna narotsaky ny Tiako i Madagasikara ao amin’ny Kaominina Ambohitrolomahitsy Distrikan’i Manjakandriana.
    Lire la suite ...
    • vendredi, 01 novembre 2019 19:01
    • Sary nindramina

    Antoko MONIMA: « Tsy vitan’ny fanjakana ny niaro ny aina sy ny fananan’ny olom-pirenena »

    Nanao fanambarana momba ny fanafihan-dahalo nitranga tao Beakanga, Kaominina Marotsiraka, Distrikan'Amboasary Atsimo tamin’ny alakamisy 24 oktobra 2019 teo ny antoko MONIMA. Omby 70 eo ho eo no voaroban’ny dahalo ; niantso vonjy tamin’ny mpitandro filaminana ireo voaroba fa tsy nisy akony. Raikitra ny fifanjevoana sy ny fifandonana teo amin’ny tompon’omby sy ireo nandroba. Olona maherin’ny 30 no maty avy amin’ny andaniny sy ankilany, hoy ny fanambarana. Nahitsy ny tenin’ny MONIMA milaza fa « tsy vitan’ny fanjakana ny niaro ny aina sy ny fananan’ny olom-pirenena, raha ity tranga ity no jerena ».
    Lire la suite ...
    • vendredi, 01 novembre 2019 17:59
    • Sary Gasypatriote Antsirabe

    Fifamoivoizana: Nanao fitsirihana tampoka taty Vakinankaratra ny avy amin’ny foibe mpitsara fiarakodia

    Nanantotosa fitsirihana sy fisavana tampoka ny fiara tamin’iny lalam-pirenena faha-34 iny ny teo anivon’ny sampandraharahan’ny fitsarana fiarakodia ny alarobia 30 oktobra. Antsirabe no nisantarana izany, ary hitohy amin’iny zotra makany Morondava sy Toliary iny. Raha ny nambaran’ny Kapiteny Razandriniherinjokiny Honoré, dia ho fisorohana ny lozam-pifamoivoizana sy famerenana ny fanarahan-dalàna no tanjona amin’izao hetsika izao.
    Lire la suite ...
    • vendredi, 01 novembre 2019 17:56
    • Sary nindramina

    Rivo Rakotovao: Nitarika delegasiona mamonjy fikaonan-doha any Maroc

    Any Rabat Maroc ny filohan’ny Antenimierandoholona, Rivo Rakotovao, mitarika delegasiona loholona Olga Ramalason sy Harisson Benessy, hiatrika fikaonan-doha lehibe iraisan’ny Antenimierandoholona rehetra manerana an’i Afrika sy ny Tany Arabo, miaraka amin’ny fikambanana iraisam-pirenena momba ny fambolena sy ny sakafo (FAO). Ny loha-hevitra amin’izany moa dia mahakasika ny Fanjariana ara-tsakafo. (Jereo Sary Tohiny)
    Lire la suite ...
    • vendredi, 01 novembre 2019 17:12
    • Sary nindramina

    Fonjan’Antanimora: Nijery imaso ny zava-misy, nampahafantatra ny fanapahan-kevitra horaisina i Andry Rajoelina

    Tonga teny amin’ny fonjan’Antanimora Antananarivo ny filohan’ny Repoblika Andry Rajoelina sy ny minisitry ny Fitsarana Randrianasolo Jacques, niaraka tamin’ireo mpiasa-miasa aminy avy, ny alakamisy 31 oktobra 2019 maraina. Miisa 4 357 ireo voafonja ao tamin’ny fotoana nahatongavany teny, raha toa ka 800 no zakan’ity fonja ity. Nitety ireo kartie itazomana ireo voafonja lahy sy vavy ary ireo tsy ampy taona, i Andry Rajoelina nahita maso ny foto-drafitrasa, ny fiainan’ireo voafonja, nihaino ny antony nahatonga azy ireo ao am-ponja sy ny sazy efain’ireo efa voatsara sy ny fitarainan’ireo maro tsy mbola voatsara.
    Lire la suite ...
    • jeudi, 31 octobre 2019 11:29
    • Sary nindramina

    Ikatelo- Ambatofinandrahana: Nisy nandoro ny EPP, mihahaka ny mpianatra 200 mahery

    May kila hotohoto nisy nandoro ny harivan’ny alatsinainy 28 oktobra teo ny EPP ao Ikatelo, ZAP Soavina, Cisco Ambatofinandrahana. Rindrina sisa mijoro, fa lasa lavenona avokoa ny fanaka sy ny kojakojam-pianarana tao. Trano misy efitrano efatra, izay ezaka madiodion’ny Fokonolona ny nanangana azy folo taona lasa, ity potika ity. Roanjato mahery ny ankizy tsy afaka mianatra noho ity voina ity. Baraingo any amin’ireo mpampianatra FRAM miisa fito nisahana azy ireo manoloana izao zava-mitranga izao. Fotoam-pambolena izao aty amin’ny Faritra Amoron’i Mania, sahirana ny tantsaha ka miantso vonjy amin’ny Fanjakana hanarenana ny foto-drafitrasa sy ny fampitaovana ary handraisana ho mpiasam-panjakana ireo mpampianatra FRAM. (Jereo Sary Tohiny)  
    Lire la suite ...
Page 4 sur 158