Vaovao

    • lundi, 04 février 2019 16:05
    • Sary Gasypatriote Ambatondrazaka

    CENI: Nahavita trano hiasan’ireo rantsamangaikany aty Ambatondrazaka

    Tonga nitokana azy taty an-toerana ny sabotsy 02 febroary teo ny mpikambana maro eo anivon'ny Vaomieram-pirenena mahaleotena misahana ny fifidianana (CENI), notarihan-dRakotomanana Yves Herinirina, filohany. Trano lehibe ahitana efitra enina ity, ho fiasanan’ireo rantsamangaikan’ny CENI dia ny Commission électorale de district (CED) sy ny Commission Electorale Régionale (CER) ary ny Centre Informatique Régional (CIR). Mitentimbidy 200 tapitrisa Ariary ny foto-drafitrasa, izay io no voalohany vitan’ny CENI hatramin’izay nijoroany izay.
    Lire la suite ...
    • mardi, 29 janvier 2019 18:31
    • Sary Gasypatriote Antsirabe

    Antsampanimahazo-Tombontsoa: Taolana sisa navelan'ny jiolahy tamin'ny omby very

    Toy ny mahazatra dia mifoha maraina misafo ny omby ao an-tokontany ny tompony ka gaga fa tsy tao ny ombin-tsarety iray lehibe inndrindra. Noheverina fa tapa-tady ilay omby ka nojerijerena teo amin'ny manodidina ihany. Rehefa nazava ny andro dia tapa-kevitra fa nampandre ny Fokonolona ihany ka natao ny fitadiavana sy fanarahan-dia. Afa-nenina ny rehetra fa tena lasan'ny mpangalatra ilay omby ka nody. Nony tonga tany an-tanana dia nisy nahita teo avaratry ny sekoly Tombontsoa Antsirabe II ny fatin'omby iray efa nesorina avokoa ny nofony ka nampandre ireo olona fa sao io ilay omby.
    Lire la suite ...
    • mardi, 29 janvier 2019 09:11
    • Sary primatiora

    Helikôptera nianjera tany Tsaratanana: Horaisin’ny fitondrana an-tanana tanteraka ny fitsaboana ireo niharan-doza

    Tonga teny amin’ny Hopitaly Miaramila Soavinandriana, omaly hariva, nisolo tena ny Filohan’ny Repoblika, nitsidika sy nampahery ary nirary fahasitranana haingana ho an’ireo niharan-doza, vokatry ny fianjeran’ny angidim-by nitondra tompon’andraikitry ny Faritra sy Zandarimariam-pirenena ao amin’ny Faritra Betsiboka, ny Praiminisitra Lehiben’ny governemanta, Ntsay Christian. Nanambara ity farany fa araka ny fandinihina nataon’ny mpitsabo dia tsy misy atahorana ny ain’izy ireo. Nomarihiny koa fa horaisin’ny fitondrana an-tanana tanteraka ny fitsaboana.
    Lire la suite ...
    • lundi, 28 janvier 2019 08:10
    • Sary Gasypatriote Sambava

    SAVA: Niely ny tsaho fa tsy ho azo ampiasaina ny rano

    Nanao valan-dresaka ho an'ny mpanao gazety omaly alahady maraina ireo sampandraharaha telo voakasika, dia ny avy amin’ny rano, ny mponina ary ny fahasalamam-bahoaka. Nanambara ny talem-paritry ny rano Tsirinasy Fenoriky : ’’Avy amin’ny tsaho momba rano malaza avy aty amin’ny Faritra SAVA nanomboka ny sabotsy hariva dia manambara izahay fa tsy marina izany fa tsaho niniana naely ny hoe : tsy azo sotroina, tsy azo androana rehefa miaka-masoandro androany Alahady 27 janoary 2019. Tsy maintsy tadiavina kosa iza nampiely io tsaho io fa tany misy fanjakana eto, ka sotroy ny rano, ampiasao ny rano".
    Lire la suite ...
    • vendredi, 25 janvier 2019 21:09
    • Sary Gasypatriote Antsirabe

    Andranomanelatra-Antsirabe II: Nahazo fiara fitondrana marary ny hopitaly

    Ezaky ny Kaominina madiodio no nahazoana izany noho ny fahatsapan’ny Ben’ny Tanàna, Rasolofondramaria Réné Arnaud fa ilaina izany. Efa nahazo hopitaly moa ity renivohitry ny Distrikan’Antsirabe II kanefa dia fijaliana ho an’ny mponina manodidina ny fanatonana izany raha sendra misy ny hamehana. Nambaran’ny Ben’ny Tanàna moa fa 10.000 Ariary monja no hakan’ny mponina ity fiara ity raha misy ny tranga miseho fa dia ny Kaominina no misahana ny solika sy ny fikojakojana ilay fitaovana.
    Lire la suite ...
    • vendredi, 25 janvier 2019 17:14
    • Sary Gasypatriote Toamasina

    Toamasina: Rongony mahery vaika tratra tao amin'ny Port

    Nivoaka tao anatin’ny fahanginany momba ilay raharaha rongony mahery vaika tratra tao anatin’ny sambo MSC Lucia, miantsona ao amin’ny seranan-tsambon’i Toamasina, ireo tompon’andraikitra misahana ny fanadihadiana, ahitana ny Ladoany, ny Zandary sy ny Polisy miasa eo anivon’ny seranana, ary ny “Capitainerie” ny seranan-tsambon’i Toamasina, misahana ny fampidirana sy famoahana ireo sambo tonga sy hiala eto Toamasina. Telo fonosana ireto rongony mahery vaika tratra tao anaty fonosana matevina ireto, ka milanja 03kgs sy 138g izany raha ialan’ireto fonosanana nanafenana azy. Tombanana ho 600 tapitrisa Ariary ny vidiny. Teo amin’ny “pont” ny sambo sy tamina “palette” misy entana alefa any Maurice, ary tany anaty lakalin'ny sambo no nahitana azy ireo nandritra ny fisavana.
    Lire la suite ...
    • mardi, 22 janvier 2019 20:38

    BANI Ivato: Nisy nanaparitaka teny an-kianja filalaovana basikety ny Komonio sy Kalisy tao amin'ny Chapelle Militaire

    Vaky trano sa famingavingana finoana Kristianina, hatairana sy alahelo ny an'ny mpino Katolika mpivavaka ao amin'ny Chapelle Militaire raha nahita ireo fitaovana tao anaty Tabernakla niparitaka teo ambony kianja filalaovana basikety ao amin'ny Base Aéro-Navale Ivato-Antananarivo (BANI) ny marainan'ny alatsinainy 21 Janoary 2019. Mifandimby mampiasa ny Chapelle Militaire ao amin'ny BANI, ny Protestanta ny maraindraina, anjaran'ny Katolika kosa ny atoandro. Toerana saro-pady ny Toby miaramila ary tena hentitra ny fiarovana sy fidiran'ny olontsotra ny Faritra. Eo no mipetraka ny fanontanian'ny olona ny anton'izao fanaparitahan'ny fitaovan'ny Katolika tao amin'ny Chapelle izao.  
    Lire la suite ...
    • mardi, 22 janvier 2019 15:42
    • Sary Gasypatriote Morondava

    Morondava: Nikatso ny nomeraon’ny findainy, ritra tao avokoa avy eo ny vola tao amin’ny kaontiny

    Olom-panjakana iray miasa ao an-drenivohitr’i Menabe no niharan’ity tranga ity rehefa nikatso tsy mandray antso sy tsy afaka anaovana antso ny findainy. Tonga tany amin’ny « Shop » misy masoivohon’ilay orinasa lehibe misehatra amin’itony tambazotran-tserasera itony, ilay manampahefana nanao fitarainana rehefa « bloqué » ny nomeraon’ny findainy. Vahaolana naroson’ny tao ny hoe : manao « récupération » ka nomena « puce » vaovao. Niverina tokoa ny nomeraon’ny findain’ilay manampahefana, saingy tsy nivy vola intsony tao anatiny amin’itony « mobile banking » itony. Nametraka fitoriana izy. Nosokafana ny fanadihadiana. Vehivavy iray, miasa any amin’ny foiben’ilay orinasa lehibe misehatra amin’itony tambazotran-tserasera itony no voasambotra ary nentina aty Morondava, natolotra ny Fampanoavana androany. Araka ny loharanom-baovao akaiky ny mpanao famotorana dia tsy miasa irery fa miisa efatra ireto mpiasa ireto no mitsikombakomba maka ny volan’ny mpanjifan’ny orinasa iasany amin’itony « mobile banking » itony.  
    Lire la suite ...
    • mardi, 22 janvier 2019 15:33

    Sambava: Nitsoaka ilay Pasitera voarohirohy ho nanao fanararaotana ara-nofo tamina vehivavy vao tera-bao

    Akory ny hatairan’ny mpino sy ny mponina tao amin'ny Kaominina Maroja, Distrikan’i Sambava momba ny tranga izay niseho ny alatsinainy 14 janoary lasa teo tamin'ny fito ora maraina. Toy ny fanaony mahazatra dia mamangivangy ny mpifanila vodirindrina aminy ilay pasitera ka tamin'izany indrindra dia nitsofoka tamina tokantrano iray ka sendra ity ramatoa ity mitsotsotra eo ambony fandriana, noho izy vao avy namoy ny zanany teo ampiterahana. Noheveriny fa hitondra fampaherezana azy ilay pasitera, kinanjo nanomboka nanao vazivazy zary tenany ary nanohy ny resany fa « tsy maintsy ataontsika fo eky raha ty androany na tiana na tsy tiana e ». Nihevitra ilay vehivavy fa mbola sangisangy masina ihany no nataon’ny pasitera kanjo zavatra tena izy ary nanomboka nipetapetaka teny an-tehezany izy ka voatery nivoaka ny trano ary lasa nivantana tany amin'ny tranon'ny rafozam-baviny ilay ramatoa nitantara ny zava-nihatra taminy.
    Lire la suite ...
    • samedi, 19 janvier 2019 21:15
    • Sary Gasypatriote Sambava

    Sambava: Zava-pisotro lany daty iray 4x4 saron'ny sampandraharan'ny varotra sy ny fanjifana

    Voatery nosimbana teny Ampandrozonana ireo zava-pisotro lany daty izay saron'ireo tompon'andraikitra nandritra ny fidinan'izy ireo tamin'ny tranom-barotra maromaro teto Sambava. Nisy bisky sy fanafody lany daty sarona ihany koa.
    Lire la suite ...
Page 4 sur 122