Vaovao

    • lundi, 28 mai 2018 15:37

    Ikalamavony: Olona miisa 15 no matin’ny dahalo hatramin’ny fiandohan’ny taona 2018

    Sesilany ny fanafihan-dahalo ato Ikalamavony tampon-tanàna sy amin’ireo tanàna sy Kaominina manodidina hany sisa manana omby. Mitondra basy mahery vaika ireo dahalo manafika ary tsy misalasala mamono, mampiomana mialoha mihitsy aza izy ireo rehefa ho avy, mihantsy mpitandro ny filaminana nefa dia misy Kaompania miaramila Holafy 219 sy Borigadin’ny Zandary raha eto Ikalamavony. Hatramin’ny 14 janoary 2018 ka hatramin’izao 28 may 2018 izao dia mahatratra 15 ireo Fokonolona maty novoin’ny dahalo. Omby aman-jatonjatony no very.
    Lire la suite ...
    • lundi, 28 mai 2018 12:06
    • Sary nindramina

    Fizahantany: Hisy zotra roa vaovao hampifandray an’i Nosy Be amin'ny any ivelany

    Nivoitra io nandritra ny fandalovan’ny minisitry ny fizahantany Roland Ratsiraka teto Nosy Be tamin'ny zoma 25 marsa 2018 . Taorian'ny zotra trandrahan’ny kaompania Ethiopian Airlines, izay mampifandray an’i Ethiopie-Comores ary Nosy Be dia fantatra ihany koa izao fa hisokatra ny zotra Maurice-Nosy Be ary Pologne-Nosy Be. Mpizahatany manodidina ny 100.000, entin'ireny sambo goavana ireny na Paquebot ireny no andrasana eto Madagasikara amin’ity taom-pizahantany 2018-2019 ity, handalo eto Nosy Be, Antsiranana Toamasina ary Tolagnaro. (Jereo Sary Tohiny)  
    Lire la suite ...
    • samedi, 26 mai 2018 21:51

    Doany miarinarivo efadahy manankasina Mahajanga : Tsy tafapetraka ny Ampanjaka vaovao

    Ny maraina teo no fotoana voatondro fa hametrahana ny Ampanjaka vaovao, Rasamimanana sy ny Fahatelo izay hiara-hiasa aminy hitantana ny Doany eny Tsararano, saingy tsy tontosa izany. Rehefa hiditra tao amin'ny toerana tokony hisy azy tao amin'ny valamena dia tsy hita ny fanalahidy fa nogiazan'ny mpiara-dia amin'ny Ampanjaka Soamody izay nesorina tamin'ny toerana maha mpanjaka azy.
    Lire la suite ...
    • vendredi, 25 mai 2018 18:11
    • Sary Gasypatriote Ambalavao

    Teloambinifolo - Ambalavao: Nahazo fotodrafitrasa arifomba

    Notanterahina tamin'ity zoma 25 mey ity ny fitokanana trano fianarana misy efitrano telo eo amin'ny EPP Teloambinifolo. Fiaraha-miasa amin'ny tetik'asa Ny Tanintsika ary famatsiam-bola Feedback Madagascar no nazahoana izany. Naorina tamin'ny 2016 io trano fianarana io mba hanatevina ny teo an-toerana hatramin'ny taona 1967 niorenany.
    Lire la suite ...
    • vendredi, 25 mai 2018 10:48
    • Sary Gasypatriote Fianarantsoa

    Fianarantsoa: Disadisa momba ny ambin-tany nanorenana trano mora

    Manohitra ny vinan'asa ataon'ny olom-bitsy amin'ny ambin-tany nanamboarana ny trano mora ny Fokonolona eo Ambatolahy V - Andrainjato. Mitombo ny herin'izany fifanoherana izany ankehitriny noho ny famariparitana sy fanombohana asa famefena atao amin'io tany voalaza io. Milaza fa nahazo alalana tamin'ny tetik'asam-panjakana ANALOGH (Agence Nationale d'Appui au Logement et à l'Habitat) mba hanao fanorenana fotodrafitrasa eo an-toerana ny olom-bitsy voalaza etsy ambony. Fantatra tamin'ny loharanom-baovao azo antoka anefa fa tsy naniraka olona na nanome fahefana hanao izany velively io tetik'asa ara-panjakana nanankinana ny asa fanorenana trano mora io.
    Lire la suite ...
    • jeudi, 24 mai 2018 21:56
    • Sary Gasypatriote Toamasina

    Bd Joffre - Toamasina: Lasan’ilay mpiambina ny vola be tao anaty GAB

    Ny peratra teny amin’ny rantsan-tanany nitovy tamin’ny sary voarakitra tamin’ny “caméra de surveillance” no niampanga an’ilay mpiambina. Niaiky rahateo izy rehefa nofotoran’ny Polisy misahana ny heloka bevava eto Toamasina. Nilaza izy fa izy irery ihany no nanatontosa ny halatra. Nohararaotin’ilay mpiambina ny fahanginan’ny tanàna ny alatsinainy pantekôty 21 mey 2018 teo sady nanorana rahateo ny andro namakiana ny “coffres” tao anaty birao, rehefa tsy tontosany izany dia ilay milina elektronika fizarana vola na “Guichet Automatique de Banque na GAB” no nopitsohiny nakana ny vola.
    Lire la suite ...
    • jeudi, 24 mai 2018 12:09
    • Sary nindramina

    Mpiasan’ny lisea J.J.Rabearivelo nisy namono: Horaisina ho mpiasan’ny ministeran’ny fanabeazam-pirenena ilay vady navelan’ny maty

    Namoy ny ainy tamin'ny 17 may 2018 nandritry ny lalao tao amin'ny Lapan'ny Fanatanjahantena Mahamasina i Rakotomalala Andrianjafy Sederaniaina, 27 taona, izay responsable TIC teo anivon'ny lisea J.J.Rabearivelo-Antananarivo. Mankahery ny fianakaviana fa indrindra ny vady aman-janany ny minisitry ny fanabeazam-pirenena Paul Rabary ary nanapa-kevitra ny hanampy an'i Adriana zanany, 7 taona hahatody hatramin'ny farany ny fianarany. Randrianarisoa Harilalao Marie Lauremah Doré vadiny kosa dia ho raisina ho mpiasa ato amin'ny Ministeran’ny Fanabeazam-pirenena hahafahany miatrika ny fiainana sy mitaiza an'i Adriana.    
    Lire la suite ...
    • jeudi, 24 mai 2018 08:33
    • Sary Gasypatriote Antsirabe

    Antsirabe: Rongony 30kg saron’ny Zandary

    Rongony nilanja 30 kg indray no saron’ny Zandary avy amin’ny BPR “Brigade de la Police Routière” Antsirabe, nialoha kely ny fetin’ny Pantekôty teo. Niainga tany Ihosy ireto rongony ireto ary nokasaina haondrana any Antananarivo, izao tra-tehaky ny Zandary izao, ka olona tsara sitrapo no nampandre mialoha ny mpitandro filaminana ny fisian’ny entana tao anatin’ny fiara sprinter nitondra azy. Tsara fonosana tao anaty gony, ary avy eo dia mbola nofonosana harona plastika sy nogejaina mafy tamin’ny alalan’ny scotch ihany ireo rongony. Marihina nefa fa misy ny anaran’ny tompon’entana avokoa ny entana rehetra mifatotra any ambony mba hisorohana ny fivadihan’ny entana saingy nahagaga fa ireo rongony ireo dia tsy mba nisy anarana sy famatarana mihitsy, ary nodidinina entana maro, sy nantao tao afovoany indrindra, izany hoe : tsy ho tazana mihitsy raha topazana maso ivelany fotsiny ihany.
    Lire la suite ...
    • mardi, 22 mai 2018 20:16

    Fianarantsoa: Hidina an-kianja ny vovonan'ny sendika

    Nifampitaona teo amin'ny CAPR Mahamanina ity andron'ny talata 22 mey ity ny sendika isany avy amin'ireo sampan-draharaha nanapa-kevitra ny hitokona. Ny DREN Matsiatra Ambony no nanome io toerana io taorian'ny fifanarahana tamin'ny Prefe sy ny mpitarika avy ao amin'ny SEMPAMA. Hiova endrika ny fitokonana amin'ny alakamisy 24 mey izao. Hidina eny an-kianja izy ireo araky ny tapaky ny rehetra nandritra ny fihaonana androany.
    Lire la suite ...
    • vendredi, 18 mai 2018 21:11
    • Sary Gasypatriote

    Kianjan'ny 13 mey: Hanao ampamoaka ireo solombavambahoaka ho an'ny fanovana

    Eo ampiandrasana ny didy havoakan'ny Fitsarana avo momba ny Lalampanorenana mikasika ny fitorian'ireo depiote ho an'ny fanovana miisa 73 mitaky ny fametraham-pialan'ny filoham-pirenena, hiroso amin'ny ampamoaka ireo dosie maloton'ny mpitondra ny eo amin'ny Kianjan'ny 13 mey ny sabotsy 19 mey 2018. Teny Ambohidahy ireo depiote ho an'ny fanovana androany, nilaza fa tsy hamaly intsony ny taratasy fiarovan-tenan'ny filohan'ny Repoblika izay takian'izy ireo ny fialany, na dia nomen'ny HCC dimy andro hamaliana an-taratasy izany aza izy ireo.
    Lire la suite ...
Page 4 sur 105