Vaovao

    • mercredi, 13 novembre 2019 21:32
    • Sary: MAEP

    Fambolem-bary: Hampiditra masomboly vary safiotra « Wechu 902-3 » milanja 300T ny orinasa sinoa Yuan's Madagascar

    Notoloran’ny orinasa sinoa Yuan's Madagascar masomboly vary safiotra « Wechu 902-3 » milanja 300 taonina ny Governemanta Malagasy, ka 100 taonina amin’izany no efa tonga sy azo ampiasaina amin’ity taom-pambolem-bary 2019-2020 ity. Ho aparitaka any amin’ny Faritra Alaotra, izay sompitr’i Madagasikara ny ampahany betsaka amin’ireo masomboly ireo, ary ny ambiny dia hozaraina amin’ny Faritra Analamanga sy ny Faritra Itasy, izay hanantanterahana ny Fanokafana amin’ ny fomba ofisialy ny taom-pambolena 2019-2020 ny 16 novambra ho avy izao, ao amin’ny Kaominina Sarobaratra Ifanja.
    Lire la suite ...
    • mardi, 12 novembre 2019 20:13

    Andapa: Lehilahy mamo nahiana ho mpamaky trano saika niharan’ny fitsaram-bahoaka

    Handeha hividy sigara ao amin'ny mpivarotra iray efa mihidy tao amin’ny Fokontany Antangena, Kaominina ambonivohitra Andapa ity rangahy ity omaly. Nododominy ilay trano fivarotana ka noheverin'ny olona fa hamaky trano izy dia nosamborin'izy ireo, ary saika niharan'ny fitsaram-bahoaka. Zandary nanao fisafoana no nanavotra azy. Nandritra izany no nahitana fa mamo io olona io. Nentina tao amin’ny brigadin’ny Zandary Andapa ilay rangahy natao famotorana.  
    Lire la suite ...
    • mardi, 12 novembre 2019 20:00
    • Sary Fiarovam-pirenena

    Hopitaly Miaramila: Havaozina mba ho faka-tahaka aty amin'ny Ranomasim-be Indianina

    Hanana foto-drafitrasa manara-penitra ka tsy voatery hitsabo tena any ivelany intsony ny Malagasy. Izay no tanjona hoy ny Minisitry ny Fiarovam-pirenena, jeneraly Rakotonirina Richard raha nihaona tamin'ireo mpitsabo miaramila ao amin’ny HOMI na Hopitaly miaramila Soavinandriana – Antananarivo androany maraina nampahafantatra io tetikasa fanavaozana ny hopitaly HOMI io, mba ho faka-tahaka aty amin'ny Ranomasim-be Indianina. (Jereo Sary Tohiny)  
    Lire la suite ...
    • lundi, 11 novembre 2019 18:51
    • Sary nindramina

    JIRAMA: Sarotra ny toe-draharaha

    Miaiky ny mpitantana ny JIRAMA fa ny fahataran’ny solika mampiodina ny vondrona mpihary herinaratra no isan’ny mahatonga ny fahatapahan-jiro, manampy trotraka ny faharitran’ny rano ao Mandraka, izay mamatsy 24MW an’Antananarivo, sy ny fahanteran'ireo fotodrafitrasa ary ny fiakaran'ny isan'ny mponina. Milaza ny hametraka « sous station » vaovao miisa 6 manampy ireo 6 efa misy ny mpitantana ny orinasa JIRAMA, tarihin’ny Filohan’ny Filankevim-pitantanana ny orinasa, Rasamoelina Soloniaina Andriamanampisoa, sy ny Tale jeneraly mpisolo toerana, ny dokotera Ravelojaona Albert, hamahana ny olana.
    Lire la suite ...
    • lundi, 11 novembre 2019 08:07
    • Sary nindramina Net

    Bolivie: Nametra-pialana ny filoha Evo Morales

    Nanao fanambarana i Evo Morales, omaly, fa hiala tsy ho filohan’i Bolivie. Mitranga izany ora vitsy taorian’ny fanambarana nataon’ny jeneraly Williams Kaliman, komandy ambonin’ny Tafika bolivianina, teo ihany koa ny hetsi-panoherana efa naharitra telo herinandro teo izay, taorian’ny nahavoafidy fanin’efatra ho filohan’i Bolivie. 60 taona izao Evo Morales, tamin’ny 22 janoary 2006 izy no teo amin’ny fitondrana tany amin’ity firenena iray any Amerika atsimo ity, ary izao nametra-pialana ny 10 novambra 2019, rehefa naharitra 13 taona sy 9 volana ary 19 andro teo amin’ny fitondrana. (Jereo Sary Tohiny)  
    Lire la suite ...
    • samedi, 09 novembre 2019 19:40
    • Sary nindramina

    Ambohibola RN 44: Fiara mpitatitra notafihin’ny jiolahy, voaroba ny mpandeha ary nisy naratra

    Lasibatry ny mpanakan-dalana teo Ambohibola, tanàna anelanelan’i Morarano Gara sy Ambohimanarivo amin'ny lalam-pirenena faha-44, ny fiara mpitatitra olona iray, manao lava alina, niainga tao Amparafaravola ny zoma 8 novambra 2019 hiazo an'Antananarivo Renivohitra. Nanao fanamiana toy ny an’ny mpitandro filaminana ireo olon-dratsy, sady nirongo basy sy zava-maranitra. Nampiasa vato sy hazo no nataon’izy ireo sakan-dalana, sady nanapoaka basy, mba hampijanona izay fiara mandalo. Voaroba daholo ireo mpandeha tao anaty fiara. Lasan'ireo jiolahy ny entana sarobidy, toy ny firavaka sy vola. Nisy ireo mpandeha naratra noho ny kapoka sy daroka nahazo azy ireo. (Jereo Sary Tohiny)  
    Lire la suite ...
    • samedi, 09 novembre 2019 19:31
    • Sary nindramina

    Fianarantsoa: 17,41% ny taham-pahafahana Bakalôrea andiany manokana

    Nivoaka androany ny voka-panadinana Bakalôrea andiany manokana natao ny 23 ka hatramin’ny 26 oktobra 2019 ho an’ny Faritanin’i Fianarantsoa. 17,41% ny taham-pahafahana ankapobeny. Ny foibem-panadinana Manakara no ambany indrindra ny vokatra: 5,96% ny taham-pahafahana, foibem-panadinana Imito, Distrikan’i Fandriana kosa no tsara indrindra ny voka-panadinana: 62,90%.  
    Lire la suite ...
    • samedi, 09 novembre 2019 14:14
    • Sary nindramina Net

    Brezila: Nivoaka ny fonja ny filoha teo aloha Lula da Silva

    Nahazo fahafahana i Luiz Inacio Lula da Silva rehefa notazomina am-ponja nandritra ny 580 andro. Voampanga ho nanao kolikoly sy fanadiovam-bola izy ary nomelohin’ny fitsarana higadra valo taona sy folo volana sazy mihatra. Niaro tena, nanohitra hatrany ny fiampangana sy fanamelohana azy i Lula. Mpitsara enina no nanaiky ny hanafahana azy, dimy kosa nandà nandritra ny fitsarana omaly. Omaly zoma 8 novambra, hariva ihany dia efa nivoaka ny fonjan’i Curitiba nitazomana azy i Lula da Silva. Filohan’i Brezila teo anelanelan’ny 1 janoary 2003 ka hatramin'ny 1 janoary 2011 i Lula. 74 taona izy ankehitriny. (Jereo Sary Tohiny)  
    Lire la suite ...
    • samedi, 09 novembre 2019 14:07
    • Sary nomena

    Mahabo: Amperin’asa Rafidson Yves Norbert, Sefo Cisco vaovao

    Tontosa ny 7 novambra 2019 ny famindram-pitantanana teo amin’i Mahefa Jean Oliver, Sefo Cisco teo aloha teto Mahabo sy Rafidson Yves Norbert, Sefo Cisco vaovao mandimby toerana azy. Nanome voninahitra ny fotoana ny avy amin’ny Talem-paritry ny fanabeazam-pirenena, ny fampianarana teknika sy arak’asa Menabe, Rabe Emmanuel.  
    Lire la suite ...
    • vendredi, 08 novembre 2019 22:03
    • Sary Niry Ratovoarivony

    Fanafihana mitam-basy: Maty notifirin’ny jiolahy i Zafindrafidy Hamad, Ben’ny tanànan’Antsiranambe

    Fira famaky sy tifitra basy teo amin’ny tendany no nahafaty an-dRakotonirina Zafindrafidy Hamad, nandritra ny fanafihana mitam-basy nitranga ny alin’ny alakamisy hifoha ity zoma 8 novambra ity, nanodidina ny misasakalina. Tao amin’ny Fokontany Ambalanomby, Kaominina ambonivohitr’i Farafangana no nisehoan’ity vono olona ity. Ben’ny tanàna amperinasa ao amin’ny Kaominina ambanivohitra Antsiranambe, Distrikan’i Farafangana i Rakotonirina Zafindrafidy Hamad. Tsy isan’ireo kandida nirotsaka hofidiana amin’ny fifidianana hatao amin’ny 27 novambra 2019 ho avy izao intsony izy. Hamita iraka no niakarany teto Farafangana, niaraka tamin’ny vady aman-janany, no izao niharan’ny herisetra nitarika tamin’ny fahafatesany izao.
    Lire la suite ...
Page 3 sur 158