Vaovao

    • mercredi, 05 juin 2019 09:53
    • Sary Gasypatriote Sambava

    Ambolimadinika – Nosiarina: Nofatoran’ny Fokonolona tady ilay Sefo Fokontany

    Nigadona vao mangiran-dratsy tao amin'ny Fokontany Ambolimadinika, Kaominina Nosiarina, Distrikan’i Sambava, omaly talata 4 jona 2019, ny Zandary niaraka tamin'ny mpandraharaha iray nitondra azy ireo handeha hisambotra tanora iray izay voalaza fa mipetraka ao amina Katekista amin’ny Fiangonana iray tao an-tanàna, noho izy io nisy nitory amin'ny raharaha ady tany. Rehefa tsy hita tao ny notadiavina, ary tsy nilaza izay toerana misy io tovolahy io ilay Katekista dia nentina haingana ho any amin'ny biraon’ny Zandarimaria Sambava. Vao naheno izany ny Fokonolona dia nirohotra nankany amin'ny Sefo Fokontany ao an-toerana izay tondroin'ny vahoaka fa izy no ao ambadika miara-miasa amin'ity mpandraharaha mitondra ireo mpitandro filaminana hisambotra olona ireo, ary ny Katekista izay “tsy manan-tsiny”, hoy ny Fokonolona, lasa nentina any amin'ny birao.
    Lire la suite ...
    • lundi, 03 juin 2019 15:46
    • Sary nindramina

    Faty telo hita tao Antanifotsy: Tamin’ny alakamisy no andro farany nahitan'ny havany azy ireo velona

    Mivoatra ny raharaha mikasika ireo lehilahy telo hita faty tao amin’ny reniranon’i Onive, ao Ampitatafika, Distrika Antanifotsy, Faritra Vakinankaratra ny marainan’ny zoma 31 mey 2019. Fantatra fa avy any amin’ny Distrikan’Ambohimahasoa, Faritra Matsiatra Ambony izy ireo, ary Kaominina samihafa no fiaviany ary olona tsy mifankafantatra ihany koa izy ireo.Tsy mandry fahalemana iny Distrikan’Ambohimahasoa iny, misy hetsika fampandriantany miady amin’ny dahalo any an-toerana. Raha ny fanazavan'ireo havany dia efa-dahy no nosamborina tamin'ny 20 mey 2019 ary nolazaina fa mitazona basy « noho ny endrikendrika ». Tamin’ny alakamisy 30 mey 2019 izay andro faha-10 nitazomana azy ireo dia nakarina tao anaty kamiao izy ireo.
    Lire la suite ...
    • lundi, 03 juin 2019 12:43
    • Sary nindramina

    Kidnapping: Sady tsy hita velona no tsy re maty i Owne Alek

    Dimy lahy mitam-basy no naka an-keriny an’ity tovolahy karana ity tao Ambohijafy Toamasina tamin’ny 24 jona 2014, teo anatrehan’ny reniny sy ny anabaviny. Hatramin’izao tsy fantatra ny nanjo an’i Owne Alek na velona na maty, na dia efa nandoa vola notakian’ireo mpaka an-keriny ho tambin’ny famontsorana azy aza ny fianakaviny, ny 28 jona 2014. Naseho tamin’ny takelaka lehibe teto Toamasina ny sariny mba hanamorana ny fahitana azy, ary nanokana 40 tapitrisa Ariary ihany koa ny fianakaviany ho an’ireo olona afaka manome vaovao hahitana an’i Owne Alek, fa tsy nahitam-bokatra izany hatreto. Voalaza fa manana aretina mitaiza i Owne Alek. Diabetika izy, ary manaraka fitsaboana tsy tapaka, mitsindrona « insuline » isan’andro.  
    Lire la suite ...
    • dimanche, 02 juin 2019 17:03
    • Sary MESUPRES

    Oniversite Antsiranana: Mandray ny fitantanana ny filoha vaovao Dr Ratsaramody Justin

    Notanterahina tao amin'ny Campus Lazaré ny zoma 31 mey 2019 ny lanona fanomezam-pahefana azy, notarihin'ny minisitry ny fampianarana ambony sy ny fikarohana ara-tsiansa, Profesora Rejo Fienena Félicitée. Hatao vaindohan-draharaha, hoy ny filoha vaovao ny fametrahana ny fitantanana marina sy mangarahara, ny fanatsarana ny fepetran'ny fampianarana ambony sy ny fikarohana ary ny torolalana tsara indrindra ao anatin'ny fampiharana ny rafitra LMD. Nanambara ny minisitra Rejo Fienena Félicitée fa efa misy ny famerenana an-daharana ireo mpampianatra mpikaroka na ny "reclassement", izay efa nandrasana hatramin'ny taona 2006. (Jereo Sary Tohiny)  
    Lire la suite ...
    • samedi, 01 juin 2019 11:05
    • Sary nindramina

    Mahazoarivo: Nidinika ny sehatry ny filaminana taorian’ny fifidianana

    Nisy, omaly, teny amin’ny Lapan’i Mahazoarivo, fivoriana mahakasika ny filaminana taorian’ny fifidianana solombavahoaka notarihin’ny Praiministra Ntsay Christian, niaraka tamin’ireo minisitra voakasiky ny sehatry ny filaminana. Nampita hafatra fankasitrahana avy amin’ny Governemanta ny Praiministra, noho ny fahendrena sy fahamatorana nasehon’ny vahoaka Malagasy, ka nampilamina ny fotoam-pifidianana ary nahatontosàna soa aman-tsara izany. Mahatsapa ny governemanta fa misy ny kandida sasantsasany, amina tanan-dehibe vitsivitsy, manohitra ny mety ho voka-pifidianana ka mikasa hitarika hetsika izay mety hanakorontana ny filaminam-bahoaka.
    Lire la suite ...
    • vendredi, 31 mai 2019 22:34
    • Sary ZP

    Fandrobana banky BGFI Toamasina: Maty voatifitry ny Zandary ny jiolahy roa

    Nahazo vaovao tamin'ny olona tsara sitrapo ny Zandary fa misy olona mampiahiahy mitondra vola be miriorio tao Ambohitaloha, tanàna any amin'ny 25km miala an'i Toamasina. Nidina tany ny Zandary ary voamarina fa ireo jiolahy isany nanafika ny banky BGFI Toamasina tamin'ny febroary 2019 ireto. Nisy ny fifandonana, ny alin'ny alakamisy 30 mey 2019 ka tamin'izay no nahalavo ny roa tamin'ireo jiolahy.
    Lire la suite ...
    • vendredi, 31 mai 2019 16:41
    • Sary nindramina

    Ampitatafika-Antanifotsy: Faty telo noloarana avy ao anaty rano

    Lehilahy avokoa ireo faty telo. Ny nanaitra dia samy mifatotra ny tongotr’izy ireo tsirairay avy, ary samy nahitana diana fatotra ny tenda. Tao amin’ny reniranon’i Onive, mandalo eto Ampitatafika, Distrikan’Antanifotsy, Faritra Vakinankaratra no nahitana ny faty androany maraina. Nakarina an-tanety ary naterina tao amin’ny tranompatin’ny hopitalin’Antanifotsy ny razana miandry ny havany. Mandeha any amin’ny vono olona niniana natao ny ahiahy. Misokatra ny fanadihadiana hamantarana ny antony sy hikarohana izay tompon’antoka tamin’izao vono olona izao. (Jereo Sary Tohiny)  
    Lire la suite ...
    • vendredi, 31 mai 2019 09:11
    • Sary nindramina

    Senatera Tsangadahy Eugène Simon: Voahosopotaka tamin’ny haino aman-jery

    Niala tamin’ny fahanginany ny Senatera Tsangadahy Eugène Simon manoloana ny fanambarana nataona olona iray avy any Midongy Atsimo, niditra mivantana tamin’ny fotoanan’ny fampahalalam-baovaon’ny fahitalavitra tsy miankina iray teto an-drenivohitra, ny alin’ny 30 mey 2019, ary nilaza fa “mitondra tafika hanakorontana ny CENI any an-toerana ity Senatera ity, mba hanodina ny valim-pifidianana”. Nilaza ny Loholona Tsangadahy Eugène Simon fa « fitompoan-teny fantatra (affirmation gratuite) miampy fanalambaraka ankarihary no nataon’ilay olona tao amin’io fahitalavitra tsy miankina io satria nanonona ny anarany. Araka ny filazan’i Tsangadahy Eugène Simon dia manohana kandida tsy miankina iray ny tenany, izay mitarika vonjimaika amin’ny elanelam-bato mihoatra ny 400 manoloana ny kandidan’ny vovonana “Isika rehetra miaraka amin’i Andry Rajoelina” izay faharoa vonjimaika. “Manao ny tetika rehetra ny IRD mba hanilihana an’ilay kandida tsy miankina izay tohanako ary mitana ny laharana voalohany vonjimaika” hoy izy.
    Lire la suite ...
    • mardi, 28 mai 2019 16:17

    Beraketa - Maintirano: Tamin’ny 10 ora sy sasany maraina vao nisokatra ny biraom-pifidianana

    Nisokatra avokoa ireo birao fandatsaham-bato rehetra miisa 25 388 ny andron’ny fifidianana. Nisy, hoy ny teo anivon’ny CENI, ny fahatarana teo amin’ny fisokafan’ny birao fandatsaham-bato maromaro. Tao amin’ny Kaominin’i Beraketa, ao amin’ny Distrikan’ny Maintirano, no tara indrindra tamin’izany, satria tamin’ny 10 ora sy sasany maraina vao nisokatra ny biraom-pifidianana. Izany dia noho ny fakana ireo entana nampiasaina nandritra ny latsa-bato.  
    Lire la suite ...
    • lundi, 27 mai 2019 18:22
    • Sary nindramina

    Trafika "héroïne": Voasambotra i Papa Freddy

    Voasambotry ny ladoany malagasy tao an-tranony eny Andoharanofotsy - Antananarivo Atsimondrano ny marainan'ny sabotsy 25 mey teo i Lusinga Adam Martin, na Papa Freddy, atidohan'ny trafika zavamahadomelina mahery vaika toy ny "héroïne". Teratany afrikana tatsimo i Papa Freddy, manambady vehivavy gasy manan-janaka roa izy ireo. Izy no tao ambadik'ilay "héroïne" milanja 41kg tratra tao Toamasina ny 22 aprily 2019. Iray volana taty aoriana vao tratra izy rehefa nifampitadiavana. Avy any Tanzania no fanafaran'i Papa Freddy "héroïne" ary aparitany aty amin'ireo nosy aty amin'ny faritry ny ranomasimbe indianina dia i Madagasikara (Nosy-Be, Mahajanga, Toamasina), La Réunion ary Maorisy. (Jereo Sary Tohiny)
    Lire la suite ...
Page 3 sur 134