Vaovao

    • lundi, 02 novembre 2015 15:31
    • Photo: fournie

    Halatra fiara : 4x4 very tao Mahajanga hita tany anaty alan'Amboromalandy

    Hamoaka fiara maraina ilay Karana tompon'ilay 4x4 vao nahatsikaritra fa nisy nangalatra ny fiarany ny sabotsy teo. Nametraka fitarainana tany amin'ny polisy ilay Karana. Natao ny fikarohana. Olona tsara sitrapo no nandrenesana fisiana fiara mampiahiahy ao anaty ala any Amboromalandy. Rehefa nojerena dia ilay fiara 4x4 tokoa. Tsy nisy olona hita teo amin'ny manodidina ilay fiara.
    Lire la suite ...
  • Hetsika fanadiovana ny tanàna Ministeran'ny Serasera
    Hetsika fanadiovana ny tanàna Ministeran'ny Serasera
    • samedi, 31 octobre 2015 07:29
    • Photo: Njaka

    Hetsika fanadiovana ny tanànan'Antananarivo sa hetsika politika?

    Toy ny fanaony isan-taona dia nanatontosa ny hetsika fanadiovana ny tanàna ny tao amin'ny ministeran'ny serasera sy ireo ministera maromaro omaly zoma 30 oktobra raha nahemotra noho ny antony tsy nazava izany fotoana izany. Niavaka kely izy tamin'ity fa dia nisy filaharam-be notronin'ireo antoko politika samihafa, ny mpomba ny fitondrana no hita maro tamin'izany.
    Lire la suite ...
  • Lalan’ny Soanindrariny
    Lalan’ny Soanindrariny
    • mercredi, 28 octobre 2015 20:05
    • Photo: Sobika Antsirabe

    Vakinankaratra : Misedra fahasahiranana sahady vao nirotsaka nisesy ny orana

    Nisesy ny orana tao Vakinankaratra tato anatin’ny herinandro izao. Faly ireo tantsaha mpamokatra saingy misedra olana sahady kosa ireo mpitatitra noho ny fahasimban’ny lalana mampifandray an’ireo Kaominina ambanivohitra amin’Antsirabe renivohitry ny Faritra toy ny lalan’ny Soanindrariny. Na ny ao tampon-tanànan'Antsirabe aza feno rano mihandrona ny lalana.
    Lire la suite ...
  • Tiko Andranomanelatra Antsirabe
    Tiko Andranomanelatra Antsirabe
    • samedi, 24 octobre 2015 19:00
    • Photo: Njaka

    Bokan'ny trosa ny Orina'asa Tiko Andranomanelatra Antsirabe, mbola voageja.

    Mivoaka tsikelikely, milaza tsy nanontaniana ny filoha teo aloha Marc Ravalomanana, raha nitsidika ny orin'asa Tiko any Andranomanelatra Antsirabe androany. Hita tamin'izany moa ny mbola mahavoageja ny taniny sy ny fananany amin'ny antoka izay nataony teo anivon'ny orin'asa mpampindram-bola SONAPAR mitentina 967 600 000 ariary, ary eo anivon'ny ARO mitentina 18 187 278 614,40 ariary. Mahatratra 19 miliara ariary mahery izany ny mbola fanagejana io orin'asa io ankoatran'ny trosa izay mbola ananan'ny fanjakana aminy amin'ny hetra tsy mbola voaloa, izay mihoatra ny 300 miliara fmg raha ny seho an-gazety hita tatoato. Hatreto moa dia tsy fantatra ny vola fanonerana takian'ny Tiko amin'ny fahapotehina nihatra taminy, sy ny tena mbola trosa ananan'ny fanjakana aminy. Fantatra fotsiny, raha nivahiny tamin'ny televizionina iray ny minisitry ny vola sy ny teti-bola dia nilaza fa tsy mifandray velively io resaka fanonerana io sy ny resaka fandoavan-ketra satria resaka politika no manapaka izany, fa ny fandoavana ny hetra sy ny haba dia tsy maintsy hefain'ny orin'asa iray, ka tsy misy fanalefahana azo atao amin'izany, na ho kaoty anaty amin'izany, fa ny fanamorana ny fandoavana azy tsikelikely hoy ihany izy no azo eritreretina sy hifampidinihana. Ny filoha teo aloha Ravalomanana moa dia nilaza androany fa efa nangataka fihaonana tamin'ny Filoha Rajaonarimampianina ny tenany, fa mbola tsy voaray hatreto. Kisary hisarihina ny mason'ny mpanara-baovao hatrany ve ity atao ity, raha niseho teny Andohatapena andro vitsy izay, dia tety Andranomanelatra indray androany, dia azo antoka fa ho any Vodiala Ambatondrazaka ihany koa tsy ho ela, ary ireo orin'asa maro n'ny SINPA sy Somacodis ary Salsa izay lasa n'ny TIKO varoboba ihany koa. Ity tany 18Ha eto Andranomanelatra Antsirabe moa raha ny taratasy naseho androany dia mitentina 41 500 000 fmg no nividianana azy tamin'ny taona 2000.
    Lire la suite ...
    • vendredi, 23 octobre 2015 15:13
    • Photo: Net

    Hetsika Fahalemana : Maty mosary ny miaramila ?

    Velon-taraina ireo vady aman-janak’ireo mpitandro filaminana mandray anjara amin’ny hetsika Fahalemena any amin’ny faritra atsimon’ny Nosy ankehitriny. Ireo miaramila moa amin’izay maha « grande muette » azy izay dia tsy hitaraina amin’ny mpanao gazety mihitsy fa ny andefomandrin’izy ireo kosa no tsy mahatanty. Nisy vadina zandary iray ary nitantara fa tsy mahazo « indemnité » akory, ireny mpitandro ny filaminana lasa manenjika dahalo ireny. Misy amin’izy ireo efa lany ny sakafo izay nataony vatsy ka toy ny vadin’ity ramatoa izay nivoaka tamin’ny fahanginany ity dia efa hatramin’ny alahady no tsy nananko-hanina ny vadiny. « Tena mankaleo sy mahasosotra ny mieritreritra ny fahorian’izy ireo any am-pandehana any kanefa ilay Praiminisitra iny aty dedaka sy matikambo ery milaza fa miasa tsara ny fanjakana manenjika ny dahalo. Ny mahazo ny vadinay tsy misy hanin-ko hanina any tsy eritreretiny » hoy ity vadina zandary iray ity.
    Lire la suite ...
    • vendredi, 23 octobre 2015 12:35
    • Photo: Net

    Tokanono : Andrasana androany ao amin’ny fitsaran’i Betroka

    Androany no tokony hiakatra fitsarana ao amin’ny tribonalin’i Betroka i Tokanono, ilay ombiasy nitana ny fanafodin’i Remenabila ilay dahalo raindahiny nampahory ny faritra atsimon’ny nosy iny tamin’ny taona 2009 sy 2010. Firaisana tsikombakomba tamin’i Remenabila sy ny namany no fiampangana miandry an’i Tokanono ka izay no antony nitadiavan’ny Kolonely Lylyson de Roland azy nandritra ny hetsika tandroka .
    Lire la suite ...
  • Solombavambahoaka Lylyette René de Roland
    Solombavambahoaka Lylyette René de Roland
    • jeudi, 22 octobre 2015 14:29
    • Photo: Assemblée Nationale

    Niharan-doza ny Solombavambahoaka Lylyette René de Roland

    Niharan-doza ny maraina teo ny fiaran’i ramatoa Solombavambahoakan’i Madagasikara voafidy tany Befandriana avaratra, Lylyette René de Roland. Tapaka hidy kodiaran'ny fiarany rehefa izy handeha hody avy namonjy ny fivoriana ara-potoana teny amin’ny Antenieram-pirenena.
    Lire la suite ...
  • RN4 voamboatra
    RN4 voamboatra
    • jeudi, 22 octobre 2015 14:08
    • Photo: FB

    Lalam-pirenena faha-4 : Afa-pahasahiranana ny mpampiasa lalana

    Notokanana androany alakamisy 22 oktobra ny fahavitan'ny asa fanamboarana ny tetezan'i Betsiboka sy ny fanatsarana ny lalam-pirenena faha-4. Napetraka androany ihany koa ny vato fototra mariky ny fanombohan'ny asa fanamboarana ny tetezan'i Kamoro.
    Lire la suite ...
  • Anosiarivo Ambodifasina
    Anosiarivo Ambodifasina
    • mercredi, 21 octobre 2015 18:43
    • Photo Fournie

    Anosiarivo Ambodifasina : Atao varoboba ny entan’ny tantsaha

    Amidy 50 Ariary ny singana laisoa iray eny amin’ny tsenan’Ivato – Ambohidratrimo rehefa tolaka ny andro. Izay hatrany no iainan’ny tantsaha avy any Anosiarivo Ambodifasina mitondra ny vokany hamidy ao amin’ity tsena ity. Tsy misy mpividy ny entana, mbola andoavana sarandalana indray anefa raha entina miverina, hany ka mampitombo masonkarena, dia ny fanaovana azy varoboba no vahaolana hitan'izy ireo sitrany ahay.
    Lire la suite ...
    • mercredi, 21 octobre 2015 18:42

    Taratasin'ny mpamaky: Fanaovana taratasy Morondava

    Mitaraina ny fianakaviana iray izay monina aty Antananarivo, fa maty tamin’ny taona 2014 ny renin’izy ireo Razafindrafara Genevieve, izay mpiasam-panjakana nanompo ny fanjakana nadritra ny 30 taona mahery, ary tao Morondava no poste-ny farany. Namela zaza iray mbola tsy ampy taona io vehivavy io. Rehefa nokarakarain'ny secours de Decès, sy pension d’orphelinat ho an’ilay zanaka navelany dia mbola tsy misy valiny foana efa ho roa taona latsaka taty aoriana nametrahana ilay dossier. Efa ho iray taona no nikarakarana ny dossier tao amin’ny Cisco Mahabo sy Dren Menabe vao lasa tany amin’ny finance Morondava ilay dossier. Tafapetraka soa aman-tsara tao amin’ny finance Morondava ilay dossier tamin’ny 20 janvier 2015 ary mbola tsy misy valiny foana efa 10 volana aty aoriana. Voatery nidina tany Morondava ny tompon’ilay dossier ny voalohandohan’ny volana oktobra teo ary nilaza ny tao amin’ny finance Morondava fa tsy misy an’izany dossier izany nandalo tao amin’ny finance Morondava. Rehefa nidrikina anefa ny tompon’ilay dossier, dia nanaiky nitady ihany ireo mpiasan’ny finance ao Morondava, ka hita ihany ny boky misy ny reference nandraisandry zareo ilay dossier. Rehefa nojerena ilay cahier de transmission dia 20 febroary 2015 no voasoratra ao, kanefa dia misy porofo mazava tsara fa naterina tao ny 20 janoary 2015 io dossier io. Izany hoe napetraka teo amin’ny reception finance Morondava ilay dossier ary iray volana aty aoriana vao voarain’ny birao mikarakara azy ao amin’ny finance Morondava ihany. Notadiavina amin’izay ireo dossiers ireo kay tsara pirina ao anaty placard ny dossier momba ny pension. Ilay dossier momba ny secours Décès kosa lazain-dry zareo fa efa lasa any Toliara tamin’ny 10 jolay 2015 ka mila jerena ao amin’ny bureau Solde ao Toliara. Nomen’ilay mpiasan’ny finance référence mihitsy ilay tompon’ny dossier ka B.E 115 du 10/07/2015 no anarahana ilay dossier secours Decès any Toliara. Voatery nandeha nankany Toliara indray ny solontenan’ny fianakaviana hanaraka ilay dossier sy hijery azy. Efa ohatrinona izay ny vola lany ?. Nony tonga tao amin’ny birao solde ny solontenan’ny fianakaviana dia milaza ilay tompon’andrakitra ao Toliara fa tsy misy izany dossier izany ao. Natao ny fikarohana ka hany herin’ny solontenan’ny fianakaviana dia niverina nody aty Antananarivo namonjy ny asany. Tsy fantatra eto na ny finance Morondava no tsy nandefa na ny finance ao Toliara no nanary ilay dossier. Ny azo antoka dia tsy manao ny asany ny mpiasan’ny finance Morondava sy Toliara satria telo volana taorian’ny nialan’ny dossier tany Morondava dia mbola tsy tonga any Toliara foana hoy izy ireo ilay dossier. Raha ny torohevitra nomen’ny mpiasan’ny finance ao Toliara dia hoe mametraha dossier vaovao indray any Morondava dia mahazo référence vaovao dia iny no andrasana any Toliara. Izany hoe raha manaraka ny tantara tetsy aloha dia mila 10 volana fanampiny indray izany vao ho vita izay rehetra izay. Marihina fa tena nisafidy ny hanaraka ny lalana ara-dalàna ny fianakaviana rehefa nikarakara io dossier io fa tsy nanisi-bola tamin’ireo mpikarakara, ka asa na izany no antony tena mampalaina ireo mpiasam-panjakana hanao azy ity. Efa ho roa taona latsaka izay no nikarakarana io dossier io fa dia mbola tsy hita foana ny marina aminy. Koa dia miantso ny Minisitry ny Finance, ny Praiminisitra Jean Ravelonarivo, ny Filohan’ny Repoblika ary ny Bianco mba hanara-maso marina ny asam-panjakana fa izao no tena iainan’ny vahoaka rehefa mikarakara taratasim-panjakana. Izao no atao hoe lenteur de service. Ianao Andriamatoa minisitry ny finance, ao amin’ny departemantanao no misy ity raharaha ity ka dia ampahafantarina anao fa tsy miasa ireo olonao any Morondava sy Toliara ka mila fanadiovana. Ianao andriamatoa Praiminisitra Jean Ravelonarivo, izay nilaza ny 28 janoary 2015 fa tsy maintsy 72 ora dia ho vita ny fikarakarana taratasim-panjakana ary 7 andro farafaha elany dia tokony ho vita sonia ny taratasy rehetra mila izany ao amin’ny administration, ampahafantarinay anao fa izao no iainanay vahoaka madinika. Ianao Andriamatoa Filohan’ny Repoblika, izao no iainan’ny vahoaka izay tarihinao, ankoatry ny delestazy sy ny tsy fandriampahalemana. Izao filohan’ny asam-panjakana toy izao ve no nifidianan’ny vahoaka anao?
    Lire la suite ...
Page 136 sur 146