Vaovao

    • jeudi, 13 juin 2019 11:21
    • Sary nindramina

    Lozam-pifamoivoizana: Ny milefa no ataon’ny ankamaroan’ny mpamily nahavanon-doza

    Sprinter nandona scooter sy fiara nijanona amoron-dalana, ka nahafaty olona telo, lehilahy iray sy vehivavy roa mpianaka, teny amin’ny By-pass ny harivan’ny zoma lasa iny. Nitsoaka ny mpamily taorian’ny loza, ny fiara nentiny no tavela teo satria nitsikasina. Teo Antsahabe-Antananarivo faha-3 indray, ny alatsinainy hariva, fiara BMW nandona moto. Nentin’ny mpamily nitsoaka ilay fiara taorian’ny loza. Nindaosin’ny fahafatesana tao amin’ny hopitaly HJRA ilay mpitondra moto. Santionany tamin’ireo tranga niseho ireo. Tahotra fitsaram-bahoaka sa tsy firaharahana tsotra izao fa tsara mpiaro no mampitsoaka ireo mpamily fiara nahavanon-doza ? (Jereo Sary Tohiny)  
    Lire la suite ...
    • mercredi, 12 juin 2019 21:49
    • Sary Gasypatriote Toamasina

    Antananarivo: Voasambotra i Ramaromisa, nisoloky 800 tapitrisa Ariary

    Tratra ny Zandary mpanao fikarohana heloka bevava eto Toamasina i Ruffin Ramaromisa, 34 taona, isan'ireo telo lahy nisoloky mpandraharaha lavanila tao Sambava ny 05 mars 2019 teo. Vola 800 tapitrisa Ariary no lasan'izy ireo nandritra izany tamin'ny fampiasana taratasim-bola efa tsy miasa eo anivon'ny banky voatondro tamin'izay. Ny roa lahy efa voasambotra tao Soanierana Ivongo sy teto Toamasina, fa i Ruffin kosa nitsoaka tamin'izay fotoana izay. Niazo an'i Mandritsara izy ary namonjy an'Antananarivo avy eo, ary tao Antananarivo izy no tratra. Nahitana vola sandoka 20 000 Ariary maromaro koa tao aminy tamin'ny fotoana nahatrarana azy. Teo koa ny taratasy mitovy habe amin'ny vola 20 000 Ariary izay entin'izy ireo misoloky mpanangom-bokatra fanondrana.
    Lire la suite ...
    • mardi, 11 juin 2019 21:08
    • Sary Gasypatriote Toamasina

    Toamasina: Rongony 55kg saron'ny Polisy

    Natao tao anaty valizy maromaro ireo rongony 55kg ireo ary notaterina tuc-tuc no saron'ny Polisy teo Ankirihiry Bazary, ny alin'ny 6 jona teo. Avy nalaina tao amin'ny "Gare Routière" ilay rongony ary nokasaina haterina tany amina mpamongady rongony iray ao Andranomadio no tra-tehaka. Tovolahy iray, 19 taona, no tratra niaraka tamin'ity rongony ity, tratra ihany koa ilay mpamily tuc-tuc nanaiky nitondra izany tamin'io alin'ny 06 jona io. Mbola karohina kosa ilay mpamongady rongony tompony. Tsy fantatra ny tena fiavian'ny rongony. (Jereo Sary Tohiny)  
    Lire la suite ...
    • lundi, 10 juin 2019 21:21
    • Sary nindramina

    Andry Rajoelina: Niazo an’i Genève misy ny foiben’ny OIT

    Mankalaza ny faha-100 taonany ny Fikambanana iraisam-pirenena momba ny asa. Mandavantaona ny fankalazana, nanomboka tamin’ny 22 janoary 2019 ary hitohy hatramin’ny 31 desambra 2019. Hanamarika ity faha-100 taonan’ny OIT ity ny fanambarana ofisialy hatao amin’ny alarobia 12 jona izao, fa hatokana ho “Andro manerantany iadiana amin’ny fampiasana ny ankizy” ny 12 jona isan-taona. Hiatrika io fotoana io ny filoha Andry Rajoelina. Niala an-tanindrazana ny alin’ny Pantekôty, alahady 9 jona, izy niazo an’i Genève Soisa, misy ny foiben’ny OIT. Tafaraka sidina taminy i mompera Pedro Opeka, ity farany izay nitsodrano ny ekipam-pirenena amin’ny baolina kitra na Barea nandritra ny fanazarantena nataon’izy ireo teny amin’ny kianja Saint Pierre – Akamasoa, Andralanitra Antananarivo ny tolakandron’ny Pantekôty, izay hiatrika ny fiadiana ny Amboaran’i Afrika hatao any Egypta ny 21 jona ka hatramin’ny 19 jolay 2019. Raha ny tatitra farany nataon’ny Birao iraisam-pirenena momba ny asa, dia zaza iray amin’ny enina, eo anelanelan’ny 5 ka hatramin’ny 17 taona, tombanana ho 246 tapitrisa no miasa ary ny 179 tapitrisa amin’ireo manao asa mampidi-doza.  
    Lire la suite ...
    • lundi, 10 juin 2019 14:26
    • Sary nomena

    RN4 Ankazomanga – Andraharo : Hita-maso ny firoson’ny fanamboarana lalana

    Malalaka sady voarakotra tara matevina. Izay no fahitan’ny olona ny ampahan’ny lalam-pirenena faha-4 asiam-panamboarana eo anelanelan’Ankazomanga miazo an’Andraharo mipaka eny Ambodivoninkely Ambohimanarina. Mandatsaka tara matevina ny orinasa nahazo ny tsenan’asa manatanteraka azy iny, ary efa andalam-pahavitana io ampahan-dalana io amin’izao. (Jereo Sary Tohiny)  
    Lire la suite ...
    • samedi, 08 juin 2019 20:00
    • Sary nomena

    Vatolava Isorana: Basy efatra sy bala maromaro, nisy nanatitra teny amin’ny Zandary

    Ray aman-drenina dahalo no nanatitra an-tsitrapo an’ireo basy mahery vaika ireto teo anivon’ny Zandary ao Vatolava Isorana – Faritra Matsiatra Ambony. Efa eo anivon’ny komandin’ny fari-piadidian’ny Zandary Fianarantsoa hatramin’ny 5 jona 2019 teo ireo basy ireo. Nanokatra fanadihadiana ny Zandary hamantarana ny tompon'andraikitra tamin’ny fanodikondinana na fangalarana ireto basy mahery vaika, fitondra an’ady ireto. Nandray fepetra ny fanjakana, hetsika tafiditra amin’ny famerenana ny fandriampahalemana eto Madagasikara, fa izay mamerina basy tsy ara-dalàna teny ampelan-tanany alohan’ny 20 jona izao eny amin’ny mpitandro ny filaminana, dia tsy iharan’ny sazy.  
    Lire la suite ...
    • samedi, 08 juin 2019 11:55
    • Sary Gasypatriote Toamasina

    Toamasina: Mitaiza amin'ny fampiasana ny "Passage à niveau"

    Sambany i Madagasikara no nankalaza ny Andro iraisam-pirenena momba ny "Passage à niveau". Niara-nankalaza sy nanomana izany teto Toamasina ny Madarail sy ny orinasa Ambatovy, izay natao teo anivon'ny Lapan'ny Tanàna mandritra ny roa andro, zoma sy sabotsy 08 jona. Ireo aro loza amin'ity resaka "Passage à niveau" ity no naranty sy nampahalalana ny maro teto Toamasina, Toamasina izay miaina ireo fiarandalamby isaky 20min an'Ambatovy sy Madarail mandritra ny fitaterana ireo vokatra hanodinana ny nikela vokarin'ny orinasa Ambatovy. Eto amintsika dia 05 hatramin'ny 10 isan-taona ny loza eny amin'ny "Passage à niveau" ity, ka ilay loza nifandonan'ny taksibrosy tao Ambatondrazaka tamina fiarandalamby nitondra kraoma no tena nahatsiravina be indrindra niainan'ny Madarail.
    Lire la suite ...
    • vendredi, 07 juin 2019 21:18
    • Sary: Polisim-pirenena

    Faritra 67ha: Nakaton’ny Polisy izay toeram-pisotroana alim-pihidy

    Nakaton’ny Polisy avy ao amin’ny Kaomisarian’ ny Boriborintany fahafito avokoa ireo toeram-pisotroana sy toeram-pialamboly eny amin’ny faritra 67ha izay mbola nivoha aorian’ny 09 ora alina. Ho fampianarana ireo mpivarotra hanara-dàlana sy hitandroana ny filaminana ary hiarovana ireo olona mody amin’ny alina moa no anton’izao hetsika izao. Nahatratra 22 ireo olona notazomina tany amin’ny biraon’ny polisy nandritra izany hetsika izany ary maro amin’izy ireo no tsy nitondra kara-panondro.
    Lire la suite ...
    • jeudi, 06 juin 2019 22:48
    • Sary Gasypatriote Toamasina

    Fanatanterahana didim-pitsarana: Mampiaka-peo ny Holafitry ny vadintany

    Mampiaka-peo ny Holafitry ny vadintany tarihan'i Me Rasamimaka Mahafalahy taorian'ny zava-nanjo ny namany tany Amparafaravola. Tsy mpitsara, tsy mpamoaka didy, tsy isan'ny mpiady eny amin'ny Fitsarana ny vadintany, fa mpanatanteraka ny didy avokoan'ny Fitsarana ihany mba ho tany tan-dalana i Madagasikara, nefa izy ireo hatrany no mizaka ny vokany. Ireo mpitandro filaminana natao hanampy azy ireo hampanjaka ny tany tan-dalana ihany koa mandritra izany, miala an-tsehatra raha raikitra ny olana, nefa ny lalàna no manasa azy ireo hiaro ny mpanantanteraka ny didim-pitsarana mba tsy ho anjakan’ny Baroa i Madagasikara.
    Lire la suite ...
    • jeudi, 06 juin 2019 15:12
    • Sary Gasypatriote Sambava

    Trangam-piainana: Tafaverina eo anivon’ny fianakaviany ilay zaza bevohoka narian'ny rain-janany

    Vao nahita ny vaovao notaterina teto ireo zanak’Analalava mielimpatrana manerana ny Nosy sy ireo mila ravinahitra any ampitan-dranomasina, dia nanao ny fomba rehetra mba hanavotana sy hamerenana an-dRaherimalala Angela eo anivon’ny fianakaviany, rehefa narian’ny rain-janany teto Sambava, nefa zaza tsy ampy taona, 14 taona ary mitondra vohoka dimy volana. Ny alatsinainy 3 jona 2019 izy no niala teto Sambava. Zandary telo lahy, iraka avy any Analalava no niara-dia aminy namonjy ny fianakaviany. Avy any Analalava, Faritra Sofia i Raherimalala Angela. Raha ny filazany dia efa ho iray volana no nialany sy Daniel, rain-janany, tao Befitiana Ambany - Analalava. Nijanona tao Nosiarina Sambava izy ireo nandritra roa herinandro ka ny alakamisy 30 mey 2019 no tapa-kevitra izy roa fa ho aty an-drenivohitr'i Sambava.
    Lire la suite ...
Page 2 sur 134