Vaovao

    • dimanche, 15 septembre 2019 17:37
    • Sary nindramina

    Pont Mangarivotra – Toamasina: Lehilahy iray hita faty mifatotra amin’ny tendany sady mihantona

    Namono tena sa nisy namono ? Vatana efa tsy misy aina, mifatotra ny tendany sady mikirozaroza ao ambany tetezana no hitan’ny olona androany maraina teo amin’ny Pont Mangarivotra. Tombanana manodidina ny 50 taona eo ilay lehilahy.    
    Lire la suite ...
    • samedi, 14 septembre 2019 19:29
    • Sary: ZP

    Hetsika "Ady Jamala": Rongony 150 000 fototra sy 2980 kg nopotehina

    Nahitam-bokatra ny folo andro naharetan’ny hetsika « Ady Jamala » nataon’ny Zandarimaria tao anatin'ny Distrikan'Ambanja sy Ambilobe. Rongony 150 000 fototra, milanja 1680 kg, tamina velaran-tany 20ha tao Andohan'ifasy, sy rongony maina saika hamidy mitontaly 1300 kg, tratra teny amin'ireo kizo Mevadoany-Mahadera, Kaominina Marotolana sy Ambohitrandriana-Betaindambo, Kaominina Marovato, no nopotehin’ny Zandary nandritra ny hetsika. Nodorana ny andron'ny 13 septambra 2019, teo anatrehan'ny Lehiben'ny Distrika sy ny Fitsaràna ary ny Fonkotany ireo loza mitatao rehefa vita ny taratasy momba izany. (Jereo Sary Tohiny)  
    Lire la suite ...
    • samedi, 14 septembre 2019 18:04
    • Sary Njaka

    Mpivarotra art Malagasy digue: Mangataka ny tany ho azy, sy fanampiana amin'ny fatiantoka ateraky ny fanam-boaran-dalana

    23 taona no nampisy ny art malagasy Digue FIMPIAMA. Mangataka ny fitondram-panjakana ireo mpivarotra eny amin'ny route digue mba hanomezana ny toerana ho azy ireo ho titré-borné noho ny lalana izay efa nafindra toerana. Izany indrindra no nanatontosana ny dinika niarahana tamin'ireo mpivarotra sy mpanao asa tanana malagasy tamin'ny fiadiadiana ny Repoblika, izay natao teny amin'ny Live hôtel Andavamamba.
    Lire la suite ...
    • vendredi, 13 septembre 2019 13:50

    Fifidianana: Kaominina miisa 21 tsy nisy kandida Ben’ny tanàna

    Nanao tatitra vonjimaika ny Vaomiera mahaleotena misahana ny fifidianana (CENI) ny atoandro teo. Fantatra tamin’izany fa Kaominina miisa 21 amin’ireo 1695 no tsy nisy mpirotsaka ho fidiana Ben’ny tanàna ; Kaominina miisa 77 amin’ireo 1695 kosa no tsy nisy mpirotsaka ho fidiana ho mpanolontsain’ny tanàna. Miisa 5483 ireo antotan-taratasy firotsahan-kofidiana Ben’ny tanàna, voaray teny amin’ny OVEC miisa 119, mitsinjara amin’ny Kaominina miisa 1674, naharaisana filatsahan-kofidiana, manerana ny Nosy. Miisa 4020 kosa ireo antotan-taratasy firotsahan-kofidiana ho Mpanolontsain’ny tanàna mitsinjara amin’ny Kaominina miisa 1618, naharaisana filatsahan-kofidiana, manerana ny Nosy.
    Lire la suite ...
    • jeudi, 12 septembre 2019 17:54
    • Sary BNGRC

    Tsarahasina – Ambohimangakely: Hatomboka ny 16 septambra ny fanesorana ilay vatobe mandondona

    Hatomboka amin’ny 16 septambra 2019 ny famakiana tsikelikely ilay vatobe izay mandondona eny Ambohibary, Fokontany Tsarahasina, Kaominina Ambohimangakely, Distrika Antananarivo Avaradrano. Taorian’ny fivoriana nataon’ny teknisianin’ny BNGRC, niarahana tamin’ny Distrika Antananarivo Avaradrano, sy taorian’ny fidinana ifotony natao ny 30 aogositra 2019, no nanapahana ny hevitra fa hovakiana tsikelikely ilay vatobe. Vinavinaina ho vita ao anatin’ny efa-bolana ny asa. (Jereo Sary Tohiny)  
    Lire la suite ...
    • jeudi, 12 septembre 2019 16:59
    • Sary: Abdallah Rosalie Tvhfb

    Mpiasa tany Comores: 27 lahy no an-tanindrazana

    Nahatsiaro voafitaka ireto Malagasy 27 lahy ireto, raha nentina avy aty Madagasikara mba hiasa any Comores. Nisy fifanarahana tsy tanteraka teo amin’ireo mpiasa sy ny mpampiasa azy ireo. Nisy ny fifanantonana teo amin’ny mpitondra malagasy, tamin’ny alalan’ny ministeran’ny raharaham-bahiny sy ry zareo Kaomoriana, nahafahana nampody ireto Malagasy ireto. Nandeha sambo niverina tao Mahajanga izy ireo, tonga ny talata teo. (Jereo Sary Tohiny)  
    Lire la suite ...
    • jeudi, 12 septembre 2019 16:52

    Fanandevozana vaovao: Na ny sarandalana hodiana aza saika tsy azon’ireto mpiasa

    Mpiasa maromaro avy any Faratsiho, Antsirabe, Mandoto, Fianarantsoa … no nentin’ny orinasa iray nankany Antsiranana, hanao asa lalana. Telo volana niasana izy ireo, mitaraina ho tsy nandray karama. Andraso lava no valintenin’ny mpampiasa rehefa mitaky ny valin-kasasarany ireo mpiasa. Nanambana ny hitokona ireo mpiasa, ary saika handoro ireo fitaovana, toy ny fiaran’ny orinasa, vao nisy vola kely azo. Tapa-kevitra ireo mpiasa fa hiala satria nanomboka nahatsapa fanararaotana izy ireo. Teo no tena olana ho azy ireo, satria na sarandalana hodiana aza saika tsy azo. Nanao dia an-tongotra nandritra ny 13 ora ireo mpiasa, niala tany amin’ny toerana niasana (chantier) vao tonga tao Antsiranana renivohitra, handray fiara taksiborosy niazo an’Antananarivo. Tonga ny alin’ny talata ny ampahany voalohany ; 28 lahy izy ireo, ny sasany mbola tany aorina, nisy nandraiky narary. Izay hahatongavana eo anivon’ny fianakaviana, tsy maty fo aman’aina no zava-dehibe aminay, hoy izy ireo.  
    Lire la suite ...
    • mercredi, 11 septembre 2019 20:57
    • Sary: Lovasoa Joella‎

    Roland Ratsiraka: Nirotsaka fanintelony ho kandida Ben’ny tanàna eto Toamasina

    Androany alarobia 11 septambra 2019 i Roland Ratsiraka no nametraka ny antotan-taratasy firotsahan-kofidiany ho Ben’ny tanàna eto amin’ny Kaominina ambonivohitr’i Toamasina. Izy no kandida faharoa tonga teo anivon’ny OVEC Toamasina nametraka ny antotan-taratasy firotsahan-kofidiany, taorian’ny kandida tsy miankina Yvan Fabius. Namorona ny fikambanana Toamasina Tonga Saina (TTS) i Roland Ratsiraka tamin’ny 1998, avy eo voafidy Solombavambahoakan’i Toamasina. Efa Ben’ny tanànan’i Toamasina i Roland Ratsiraka tamin’ny 1999. Naato tamin’ny asany ny taona 2002. Voafidy ho Ben’ny tanàna indray ny taona 2003.
    Lire la suite ...
    • mardi, 10 septembre 2019 16:01

    Tafika Malagasy: Manamboninahitra iray iharan’ny « affectation disciplinaire » sy « sanction administrative »

    Nitondra fitaovam-panjakana tamin'ny filàny manokana no nandraisan’ny teo anivon’ny ministeran’ny fiarovam-pirenena fepetra avy hatrany an’ity miaramila manamboninahitra ity, ka nafindra toeram-piasana any Atsimo, ary arahina fepetra famaizana (affectation disciplinaire ainsi qu'une sanction administrative). Noraisina izao fepetra izao, hoy hatrany ny avy eo anivon’ny Tafika Malagasy, mba tsy hisian'ny fihoaram-pefy amin'ny endriny maro samihafa, izay mety ataon'ny miaramila mandritra ny fanatanterahany ny asany, ary ihany koa ahalalan'ny Vahoaka fa manaja ny lalàna ny Tafika Malagasy. Miteraka adihevitra hatrany moa itony karazana sazy famindran-toerana, na affectation disciplinaire itony, satria izay fakon'olona manao adalana rehetra ve dia alefa any amin'ny faritra efa sahirana sy saro-dalana. Anga toera-mpamonjana, na toeran'olom-boasazy ireny toerana ireny? Tsy ny famaizana sy ny fanonerana ny nalainy tsy ara-drariny ve no mila jerena, eny na miafara amin'ny fandroahana mihitsy aza.  
    Lire la suite ...
    • lundi, 09 septembre 2019 13:14
    • Sary Gasypatriote sy sary nindramina

    Fitsidihan’i Papa Fransoa: Hentitra ny fitandroana ny filaminana

    Nilamina tamin’ny ankapobeny ny fitandroana ny filaminana nialoha sy nandritra ny fitsidihana Apostolika nataon’i Papa Fransoa teto Madagasikara ny 6 ka hatramin’ny 8 septambra 2019. Hentitra ny fitandroana ny filaminana, nihoatra ny tokony ho izy aza, hoy ny sasany. Re ihany fa nisy nikasa hanakorontana saingy, na tsy sahy, na tsy nahavanona. Teny Ivato, ny alina nialohan'ny fahatongavan'i Papa Ray Masina dia nisy nanaparitaka fako teny amin’ny arabe. Nandray andraikitra avy hatrany ny Ben’ny tanàna dia voadio ara-potoana izany. Naharenesana feo ihany koa teny Sabotsy Namehana fa hisy andian-jatovo hanakorontana ny alim-bavaka teny Soamandrakizay niarahan’ny Tanora tamin’i Papa Fransoa ny sabotsy 7 septambra 2019. Nandray fepetra hentitra (Dispositif de dissuasion) ny mpitandro ny filaminana dia voasoroka izany.
    Lire la suite ...
Page 1 sur 146