Mahajanga: Avotra soamantsara ireo Kaomaorianina miisa 13 nafefiky ny ranomasina nandritra ny 14 andro

  • vendredi, 10 janvier 2020 16:04
  • Zakaria
  • Sary: Abdallah Rosalie TVHFB

Kaomaorianina nandeha vedety avy any Anjouan ho any Mohéli no nafefiky ny ranomasina noho ny andro ratsy. Tamin’ny 28 desambra 2019 izy ireo no niainga tany Moheli, dia androany vao hitan'ny mpanjono teny Ampahazony Mahajanga. Simba ny moteran’ny lakana nitondra azy ireo, ka natopatopan’ny ranomasina nandritra ny 14 andro teny.

Miisa 13 izy ireo no tao anatiny, nahitana vehivavy bevoka iray sy zazakely iray izay samy avotra avokoa, saingy hita fa tena reraka tokoa. Nentina ao amin'ny Espace Médical Mahajanga izy ireo atao fanaraha-maso ny toe-pahasalamana.

Niara-nisalaha tamin'ny fanavotana ireto teratany Kaomaoriana ireo ny ekipa TVHFB sy ireo Zandary ao amin'ny Brigade Port ary ny APMF.

 

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.