Tselatra

    • samedi, 20 juillet 2019 13:39

    Fonjan'Ambalatavoahangy: Votsotra nataon'ireo gadra takalon'aina ny mpiambina fonja 3 lahy, vaky loha ny iray

    Tokony tany amin'ny 9ora maraina, raha andray ny asany ireto mpiambina fonja, no nirongatra ny gadra tao amin'ny fonjan'Ambalatavoahangy Toamasina, ka nahazo mpiambina telo nataon'izy ireo takalon'aina, ka nanereny ny mpiambina hafa hanokatra ny vavahadiben'ny fonja. Feno tanteraka, ary mihoatra ny tokony ho zakan'ny fonja ny gadra tazonina ao, ary tsy nisy fanamboarana ny fonja taorian'ireny rivo-doza nanimba ny fonjabe ireny, ka dia misy vy sy vato ao amponja nampiasain'ireto gadra ireto. Raikitra ny pao-vasy fanairana nataon'ireo mpiambina hafa, ka dia tora-bato no nasetrin'ireto gadra marobe ireto. Votsotra teny ampela-tanan'izy ireo ihany ireto mpiambina telo lahy ireto, fa ny iray kosa dia vaky ny lohany tratran'ny herisetra sy tora-bato. Efa noentina notsaboina izy, ary efa milamina sy voafehy ny toe-draraha ankehitriny. Manaitra ny tompon'andraikitra ireo misahana ny fandriam-pahalemana eny anivon'ny fonja, sy ny ao amin'ny fitsarana fa antitra sy feno hipoka ny fonjan'Ambalatavoahangy ka manasarotra ny asa fampandriana fahalemana.  
    Lire la suite ...
    • samedi, 20 juillet 2019 12:53

    Fonjan'Ambalatavoahangy: Mirefodrefotra ny basy

    Nanaitra ny mponina manodidina ny firefodrefotry ny poa-basy ao amin'ny fonjan'Ambalatavoahangy - Toamasina io maraina io. Tsy mbola nahazoam-baovao hatreto ny eo anivon'ny fandraharaharana ny fonja na nisy voafonja nikomy, na nikasa hitsoaka na efa nisy tafatsoaka.  
    Lire la suite ...
    • vendredi, 19 juillet 2019 21:40
    • Sary nindramina

    Praiminisitra: Ny teo ihany no eo

    Notendrena ho Praiminisitra, Lehiben’ny Governemanta Andriamatoa Ntsay Christian, araka ny fepetra voalazan’ny andininy faha 54n’ny Lalampanorenana, ary nohamafisina tamin’ny didim-panjakana laharana faha-2019-1407 tamin’ny 19 jolay 2019, novakian’ny Sekretera jeneraly lefitry ny Fiadidiana ny Repoblika, Andriamaholy Dina teny amin’ny lapam-panjakana Iavoloha androany tolakandro. (Jereo Sary Tohiny)  
    Lire la suite ...
    • jeudi, 18 juillet 2019 22:17

    Mpampianatra FRAM: Haloa afaka andro vitsivitsy ny tambinkarama janoary – jona 2019

    Nivoaka ny talata teo ny fanomezan-dalana avy amin’ny fanjakana ireo DREN manerana ny Nosy handoa ny tambinkaraman’ireo mpampianatra FRAM. Tenimita tamin’ny 31 mey 2019 miaraka amin’ny lalàna fanitsiana ny tetibola no mitaky ny tsy maintsy ilana io fanomezan-dalana io vao afaka aloa ny tambinkaraman’ireo mpampianatra FRAM. Efa mandeha ny fikarakarana rehetra mikasika izany amin’izao fotoana izao, ka raha ny loharanom-baovao dia haloa miaraka afaka andro vitsivitsy ny tambinkarama volana janoary ka hatramin’ny jona 2019.  
    Lire la suite ...
    • jeudi, 18 juillet 2019 19:50

    Fitaterana - RN5: Mandrahona hampakatra saran-dalana ny mpitatitra

    Mandrahona ny hampakatra saran-dalana ireo kaoperativa mpitatitra amin’ny lalam-pirenena faha-5 (RN5). Hanomboka amin’ny fiandohan'ny volana aogositra izao izany raha ny filazan’izy ireo. Efa tena ratsy be ny lalana amin’izao fotoana izao, hoy izy ireo ka sady manimba fiara no mandany fotoana. Misy vanim-potoana aza mihitsoka anaty lavaka be feno rano sy fotaka ny taksibrosy, hoy hatrany ny fanazavana. Vinavinain'izy ireo ho 20 000 Ariary ny saran-dalana Toamasina - Soanierana Ivongo (160 km), raha 15 000 Ariary izany amin'izao. Hiakatra ho 15 000 Ariary ny saran-dalana Toamasina - Fenoarivo Atsinanana (100 km), raha toa ka 10 000 Ariary ankehitriny.  
    Lire la suite ...
    • jeudi, 18 juillet 2019 19:28

    Andriamena - Tsaratanana: Lehilahy 40 taona, nisy naka an-keriny

    Nitrangana fakana an-keriny tany Andriamena, Distrika Tsaratanana. Lehilahy iray manambady aman-janany, teratany Malagasy, manodidina ny 40 taona, tantsaha mpamboly sy mpiompy manana omby maro, izay fantatra amin’ny anarana hoe : Nesta no lasibatra. Ny alarobia 17 jolay tamin’ny 9ora alina, no nitranga ny fakana an-keriny. Tsy mbola misy fitakiam-bola heno ataon’ireo mpaka an-keriny aloha hatreto. Nisy naka an-keriny toy izao ihany koa ny mpivady, ray aman-drenin’i Nesta, tamin’ny janoary 2019. Ny taolambalon’izy ireo sisa no hita tapabolana lasa izay, dia izao misy tranga vaovao indray miseho amin’ny fianakaviana.  
    Lire la suite ...
    • jeudi, 18 juillet 2019 16:13
    • Sary nindramina

    Kitra - Barea « Jeux des Iles »: Nozaraina mitovy tamin’ny mpilalao tsirairay ny vola rehetra azo

    Nozaraina tamin'ireo mpilalao Barea « Jeux des Iles » androany nialoha ny hanaingana hiazo ny Nosy Maorisy ny vola rehetra azo avy amin'ireo ministera maro nanampy, hiatrehan’izy ireo ny Lalaon’ny Nosy andiany faha-X. Navoaka ho hitan'ny rehetra izany avy eo dia nozaraina mitovy ho an'ny tsirairay. (Jereo Sary Tohiny)
    Lire la suite ...
    • mercredi, 17 juillet 2019 20:49
    • Sary: ZP

    Zandarimaria - Atsinanana: Fankasitrahana sy fampitaovana

    Notolorana taratasy mari-pankasitrahana, ny 15 jolay teo, ireo Zandary maherifo nandray anjara tamin'ny fanavotana olona nalaina an-keriny tao Toamasina tamin'ny volana novambra 2018. Nandritra io fotoana io ihany koa no nandraisina ny fiara 4X4 vaovao roa ho an'ny Vondrotobim-pileovan’ny Zandarimaria - Atsinanana. (Jereo Sary Tohiny)  
    Lire la suite ...
    • mercredi, 17 juillet 2019 20:11
    • Sary nindramina

    Melvin Adrien: Atsy La Réunion mihaona amin’ireo mpanohana Barea

    Mandalo ao La Réunion, misy ny ray aman-dreniny i Melvin Adrien, mpiandry haraton’ny Barea an’i Madagasikara, sy ireo mpilalao ao amin’ny Barea hafa tamin’ny fiadiana ny amboaran’i Afrika andiany faha-32 tany Egypta. Hisy ny fihaonan’izy ireo mivantana amin’ireo mpanohana ny Barea rahampitso alakamisy 18 jolay 2019, manomboka amin’ny 4 ora ka hatramin’ny 6 ora hariva any an-toerana, karakarain’ny Consulat Général de Madagascar ao La Réunion, hatao ao amin’ny CREPS. Hisy fiarahana maka sary mandritra izany.  
    Lire la suite ...
    • mardi, 16 juillet 2019 22:50
    • Sary gasypatriote Sambava

    Sambava: Tafakatra 8 000Ar ny litatry ny lasantsy androany

    Efa ho andro maromaro no mitsitapitapy ny fisian'ny solika eto Sambava. Ny famenoana zerikana no vaindohan-draharaha eny amin'ny toby mpaninjara solika ka sahirana ny fiara. Vokany tsy ny lasantsy no tsy misy eto Sambava fa ny eny amin'ny toby mpaninjara no ritra. Feno mpivarotra lasantsy eny anelakelan-trano, ary samy manana ny vidiny. Nanomboka teo amin'ny 7 000Ar androany maraina ary tafatraka 8000Ar izany ny hariva. Nikorontana ny fiainan'ny mponina. Ny Taxi-ville nampakatra ny sarandalana avo roa heny ka lasa 2000Ar raha 1000Ar izany teo aloha. Nametrahana Polisy eny amin'ny toby mpaninjara na tsy mbola misy solika aza. (Jereo Sary Tohiny)
    Lire la suite ...
Page 10 sur 457