Tselatra

    • mardi, 08 janvier 2019 12:44

    Ambodin’Isotry: « Cash Point » iray notafihin’ny jiolahy mitam-basy

    Lasan’ireo olon-dratsy ny vola 1.600.000 Ariary sy finday lafo vidy maromaro, tao amin’ilay toerana fakana sy fandefasana vola amin’ny finday Ambodin’Isotry-Antananarivo androany maraina. Nanapoaka basy in-telo ireo jiolahy saingy tsy nipoaka ny basy, nieren-doza ilay mpiandraikitra ilay « Cash Point ». Tonga teny an-toerana ny Polisy. Efa dila ireo jiolahy. Bala efatra no hita teo amin’ny toerana nisian’ny fanafihana. Voalaza fa bala ratsy no nampiasain’ireo jiolahy ka izay no tsy nampipoaka azy.  
    Lire la suite ...
    • mardi, 08 janvier 2019 12:39

    Amparibe: Tsy hianatra ireo sekoly katolika eny an-toerana anio tolakandro

    Nisy ny fampilazana taorian’ny fanapahan-kevitry ny mpitantana ny sekoly Saint Michel sy La Providence Amparibe-Antananarivo, fa tsy hisy fianarana anio talata tolakandro. Misy ifandraisany amin’ny famoahan’ny Fitsarana avo momba ny Lalampanorenana (HCC) voka-pifidianana filoham-pirenena fihodinana faharoa no voalaza fa antony, eo koa ny filaminana. Tsy azo handehanana rahateo ireo lalana manodidina ny lapam-panjakana HCC eo Ambohidahy.  
    Lire la suite ...
    • mardi, 08 janvier 2019 12:37
    • Sary : Minisiteran'ny Asa Vaventy sy ny Fotodrafitrasa

    Lalam-pirenena faha-6: Tapaka eo Marivorahona (PK 588 + 500)

    Dibo-drano ny lalana aty Marivorahona amin’ny lalam-pirenena faha-6, mampitohy an’Ambilobe sy Antsiranana, noho ny rotsak’orana be loatra tety an-toerana ny faran’iny herinandro iny. "Transbordement" no nampitana ny olona sy entana na hiakatra na hiazo an'Antsiranana noho io fahatapahan'ny lalana io. Efa am-perinasa ankehitriny ireo tekinisian’ny Minisiteran’ny Asa Vaventy sy ny Fotodrafitrasa hamerenana amin’ny laoniny ny fifamoivoizana ety an-toerana.
    Lire la suite ...
    • mardi, 08 janvier 2019 11:46

    Fifidianana filoham-pirenena : Hamoaka valim-pifidianana ofisialy ny HCC anio

    Anio Talata 8 janoary 2019, amin’ny 3 ora tolakandro, no hamoahan’ny Fitsarana avo momba ny Lalampanorenana (HCC) ny voka-pifidianana ofisialy amin’ny fifidianana filoham-pirenena fihodinana faharoa notanterahina tamin’ny 19 desambra 2018.  
    Lire la suite ...
    • lundi, 07 janvier 2019 15:50
    • Sary nindramina

    Akorondrano: May tsy nisy azo noraisina ny foibe fanaovan-gazety sy Radio Télévision RLM - On Air

    Ny alin'ny alahady hifoha alatsinainy androany 07 janoary, dia rotiky ny afo tanteraka ny immeuble STOI Ankorondrano, foibe fanaovana gazety RLM COMMUNICATION, izay ahitana ny Ligne de Mire, Triatra, La Dépêche de Madagascar, LaChasseInfo.com, 24h Mada, ary ny On Air Tv/Radio. Tsy fantatra hatreto ny niavian'ny afo. Mamelona fianakaviana mpanao gazety aman-jatony ity orin'asa serasera ity. (Jereo Sary Tohiny)  
    Lire la suite ...
    • lundi, 07 janvier 2019 15:00
    • Sary nindramina

    Hatreto dia tsy afaka idiran'ireo mpanao hetsika fitakiana ny fahamarinan'ny fifidianana ny kianjan'ny 13 mey.

    Tsy nanakana azy ireo nanao ny fotoam-pivavahana ety ivelan'ny kianja anefa izany. (Jereo Sary Tohiny)  
    Lire la suite ...
    • lundi, 07 janvier 2019 14:57

    IST: Mikonokonina ny angataka fanakanana tsy hivoaka an'i Madagasikara ho an'ireo mpitarika hetsika ny fitondrana

    Taorian'ny fametrahan'i Primatiora fitoriana an'ireo mpitarika ny hetsika fitakiana ny fahamarinan'ny fifidianana etsy amin'ny kianjan'ny 13 mey, dia re izao fa mikonokonina ny angataka Interdiction de sortie du territoire na IST, ho fanakanana an'i Mbola Rajaonah, Fidèle Razarapiera, Rahajason Harry Laurent (Rolly Mercia), Eliane Virginie Bezara (Ninie Donia), Fernand Cello, James Ratsima ary Fanirisoa Enarivo (Faniry), tsy hivoaka an'i Madagasikara ny mpitondra ankehitriny. Re ihany koa fa efa mandeha ny ketrika ny hisamborana azy ireo.  
    Lire la suite ...
    • lundi, 07 janvier 2019 13:05
    • Sary nindramina

    Gabon: Nitrangana fanonganam-panjakana

    Lietnà Ondo Obiang Kelly, mpikambana ao amin’ny vondron-tafika mpiambina ny filoha no nitarika andiana miaramila misatro-maitso namaky fanambarana tao amin’ny radio nasionaly androany vao mangiran-dratsy ary nilaza fa mijoro izao ny « Conseil national de la restauration ». Tsy eo an-toerana efa hatramin’ny 24 oktobra 2018 ny filoham-pirenena tompon-toerana, Ali Bongo, noho ny AVC (Accident Vasculaire Cérébral) manjo azy, ka nitsaboany tena tany Arabie Saoudite ary manohy izany fitsaboan-tenany izany any Maroc ankehitriny. Nanao fanambarana ny atoandro teo ny minisitry ny filazam-baovao any an-toerana, sady mpitondratenin’ny governemanta Guy-Bertrand Mapangou, fa efa voasambotry ny zandary avy amin’ny GIGN (Groupe d'intervention de la Gendarmerie Nationale) ireo miaramila mpikomy ary voafehy ny toe-draharaha. (Jereo Sary Tohiny)  
    Lire la suite ...
    • lundi, 07 janvier 2019 12:42
    • Sary nindramina

    Anosibe-Antananarivo: Nisy nandoro ny biraon’ny tsena

    Ny alahady 6 janoary misasak’alina tany no niandoha ny afo, saingy nalaky voafehy tsy niitatra tamin'ny tsena be. Nahitana « bidon »n-dasantsy, lahin’afo (mèche) ary taratasy nalahatra hitarika afo tao amin’ilay birao. Tsy nisy akoson’aratra satria mandeha ny jiro ka niahiahiana fa fandoroana niniana natao izy ity. Ny trano rahateo nihidy.  
    Lire la suite ...
    • lundi, 07 janvier 2019 11:50
    • Sary TVM

    Iavoloha: Mandray fitenenana ny filoham-panjakana Rivo Rakotovao

    Ny filoham-pirenena, mpisolo toerana, no mamarana ny andian-kabary amin’ny lanona Asaramanitra tanterahina ety amin’ny Lapam-panjakana Iavoloha.    
    Lire la suite ...
Page 9 sur 370