Tselatra

    • mercredi, 30 septembre 2015 18:12
    • Photo: Sobika

    Ampanihy Andrefana : Dahalo raindahiny 5 voasambotra, zanaka sefo Fokontany ny 2

    Vokatry ny fiaraha-miasan’ireo Jama sy ny Fokonolona ary ny Zandary avy ao Ampanihy Andrefana no nahasamborana dahalo raindahiny miisa dimy nangalatra omby 23 tao Fotadrevo. Zanaka sefo Fokontany ny roa tamin’ireo dahalo ireo, izay manoro lalana ireo dahalo na mijery ny toerana tokony ho tafihana. Tafaverina amin’ny tompony avokoa ny omby rehetra. Hatolotra ny fitsarana ao Ampanihy Andrefana izy ireo.
    Lire la suite ...
    • mercredi, 30 septembre 2015 18:09

    Ambatondrazaka : Fasana efatra no vaky tao anatin’ny roa andro

    Mirongatra indray ny vaky fasana any Ambatondrazaka. Lasibatra ny tao amin’ny zanabohitra Mangalaza Kaominina Feramanga Avaratra. Fasana efatra no vaky tao anatin’ny roa andro tamin’ny fiandohan’ity herinandro ity. Voakorontana avokoa ireo faty tao am-pasana eny hatramin’ireo faty mbola lena. Ny nahavariana ny mponina tao an-toerana dia natsangan’ireo mpamaky fasana avokoa ny ankamaroan’ireo faty tao am-pasana. Tsy ny velona ihany no mandry andriranantsy ankehitriny fa hatramin’ny maty any am-pasana.
    Lire la suite ...
    • mercredi, 30 septembre 2015 11:30
    • Photo: Sobika

    Polisim-pirenena : Mankalaza ny faha-54 taona nijoroany

    Fanadiovana toeram-piasana sy ny fanatanjahantena no nanamarihan’ny Polisim-pirenena ny faha-54 taona nijoroany tamin’ity andron’ny 30 septambra ity.
    Lire la suite ...
  • Mpanarato farihin'Anosy
    Mpanarato farihin'Anosy
    • mardi, 29 septembre 2015 19:36
    • Photo: Njaka

    Farihin'Anosy

    Tratran'ny mpitandro ny filaminana tetsy amin'ny farihin'Anosy ity mpanarato iray, izay fantatra moa fa voarara izany satria maloto io rano io ka ny trondro ao anatiny dia atahorana ampidi-doza mihitsy.
    Lire la suite ...
    • mardi, 29 septembre 2015 12:31
    • Photo: Net

    Tsararano Anosikely : Tsy eken’ireo mponina ny fananganana «pylône»

    Niteraka savorovoro tao Tsararano Anosikely – Mahajanga ny fananganan’ny orinasa momba ny fifandraisan-davitra iray “pylône” ao amin’io Fokontany io, noho ny antony ara-pahasalamana. Nitaraina tany amin’ny Kaominina sy ny Faritra ny solontenan’ny mponina saingy mbola manohy ny fanamboarana amin’ny fanangana ny fitaovany ilay orinasa.
    Lire la suite ...
    • mardi, 29 septembre 2015 12:01
    • Photo: Net

    Fiahiana ara-tsosialy : 10%-n’ny Malagasy no manana

    Mbola ny 10%-n’ny Malagasy no manana fiahiana ara-tsosialy kanefa ny mpamokatra izay 85% dia tsy mba manana izany. Fantatra io nandritra ny fankalazana nasionaly ny fiahiana ara-tsosialy tao Antsirabe, niarahana tamin’ny Cnaps sy ny Fifata ary ny fitondram-panjakana. Tanjona hoy ny Tale jeneralin’ny Cnaps ny hampidirana ireo tantsaha ireo amin’izay fiahiana izay.
    Lire la suite ...
    • dimanche, 27 septembre 2015 18:37
    • Sobika Toliara

    Andabizy Toliara : Haintrano namoizana zaza roa mianadahy

    Zaza mianadahy, 10 taona ny lahy raha 4 taona ny vavy, no maty may kila hotohoton’ny afo tao an-tranony ao Andabizy Amboanio Toliara ny sabotsy alina tokony ho tamin’ny 8 ora sy sasany. Nohidin-dreniny tao an-trano ireto ankizy rehefa natory ary nentiny ny fanalahidy, dia lasa izy nanaraka ny vadiny nisotrosotro tany ivelany, nefa ny afon-dabozia mirehitra ihany. Ny lelafo niredareda no nanaitra ny teo amin’ny manodidina ary nifanome tanana namono ny afo, saingy ireto zaza mianadahy efa nikainkona tsy nisy aina intsony no hita. Latsa-panenenana mafy ny ray aman-drenin’ireo zaza maty.  
    Lire la suite ...
    • samedi, 26 septembre 2015 09:39

    Nodimandry ny Ben'ny Tanàna CR Mahavoky Nord District Mananjary

    Nodimandry ny 24 septambra teo ny Ben'ny Tanàna voafidy tamin'ny anaran'ny Mapar tao Mahavoky Nord distrikan'ny Mananjary, Randriamaro Jean Bonheur. Nandao vady sy zanaka 4 ary zafikely roa izy izao nondaosin'ny fahafatesana tamin'ny faha 55 taonany izao.
    Lire la suite ...
    • vendredi, 25 septembre 2015 22:10

    Famindram-pahefana : Tsy nahandry fa niroso ny tao Andranomanelatra

    Vita ny alatsinainy lasa teo ny famindram-pahefana teo amin’ny Ben’ny tanàn’Andranomanelatra - Antsirabe II teo aloha sy ny mpandimby azy ary efa am-perinasa ny Ben’ny tanàna voafidy tao an-toerana na eo aza ny didy navoakan’ny ministeran’ny Ati-tany nandrara ny fanaovana ny famin-dram-pahefana raha tsy mahazo taratasy fampilazana ireo izay voakasin’izany.
    Lire la suite ...
    • jeudi, 24 septembre 2015 16:30
    • Photo: Njaka

    Habibiana tany Ambondromamy

    RANDRIAMADISON Justin 40 taona, nisy nanindrona antsy tany Ambondromamy, izay tsy fantatra ireo nanao ny habibiana. Tsy ela akory izay izy no nandeha niasa tao amin'ny hotely iray any an-toerana. Marihina moa fa na dia mpampiasa azy aza dia tsy mahalala ny nety nahatonga izao zava-nitranga izao. Namela kamboty iray i Justin.
    Lire la suite ...
Page 457 sur 465