Tselatra

    • mardi, 05 février 2019 18:19

    Antenimierandoholona: Lalàna roa lany tsy nasiam-panovana

    Nolanian’ny Loholona tsy nasiam-panovana androany tamin’ny tapakandro maraina ny lalàna 001/2019 tamin’ny 24 janoary 2019 manome fahefana ny Filohan’ny Repoblika hisolo toerana ny Antenimeram-pirenena amin’ny fanaovan-dalàna sy ny lalàna fehizoro 002/2019 ny 24 janoary 2019 mikasika ny fifidianana depiote ao amin’ny Antenimieram-pirenena.  
    Lire la suite ...
    • lundi, 04 février 2019 21:40
    • Sary Gasypatriote Morondava

    Morondava: Ravan'ny Polisy ny tambazotra iray mpanao fanafihana mitam-basy

    Olona efatra iray tarika tamin'i Tody, ilay jiolahy raindahiny lavon'ny Polisy omaly, no voasambotra androany. Jiolahy mpiara-manatanteraka fanafihana tamin'i Tody ny iray, mpimasin'izy ireo ny iray ary ny mpandray entana halatra. Lasibatr'izy ireo ny Faritra Menabe sy Melaky. Mbola misy naman'izy ireo karohina.  
    Lire la suite ...
    • lundi, 04 février 2019 15:59

    Finoana Katôlika: Mompera 2 sy Diakra 6 nohamasina teto Toamasima

    Nitombo isa ny mpanompon’Andriamanitra manatevina ny fikambanana masina Oblats de Marie-Immaculée (OMI). Nitarika ny fanamasinana sy velirano nataon’izy ireo tao amin’ny EKAR Notre Dame de Lourdes eo Anjoma, omaly alahady 3 febroary ny Kardinaly Tsarahazana Désiré. Nalaza fa nikasa ny hanotrona ity fotoana ity ny filohan’ny Repoblika Andry Rajoelina saingy nofoanana tamin’ny ora farany indray ny diany ho aty Toamasina.  
    Lire la suite ...
    • lundi, 04 février 2019 15:17

    Ambohimanjaka-Ambohidratrimo: Vavy antitra iray maty, omby 25 lasan’ny dahalo tao anatin’ny 2 andro

    Mijaly amin’ny asan-dahalo ny mponina ao amin’ny Kaominina Ambohimanjaka, Distrika Ambohidratrimo. Ny faran’ny herinandro teo izao dia Fokontany roa no nasesin’ny dahalo notafihana tao anatin’ny 48ora. Tao Ambohidrazaka dia tsy nilentika akory ny masoandro ny zoma 1 febroary teo dia efa niakatra an-tanàna ny dahalo 14 lahy mitam-basy sady manao akanjo t-shirt mitovy tamin’ny propagandy fifidianana filoham-pirenena ny taona 2018 ireny. Vavy antitra iray, 76 taona, maty tsy tra-drano notifirin’ny jiolahy teo amin’ny vavany. Lasan’ny dahalo ny omby miisa 22 tao an-tanàna. Tsy mbola voalevina akory ny razana dia efa niverina nanafika tao amin’ny Fokontany Andranomasina indray ny dahalo. Omby miisa enina no lasan’izy ireo, saingy niverin-dalana ny telo, ka ny telo no lasan’izy ireo. Miraviravy tanana ny tantsaha manoloana izao tsy fandriampahalemana mirongatra sady mihatra aman’aina izao.  
    Lire la suite ...
    • lundi, 04 février 2019 12:08
    • Sary nindramina

    Ivato sy Marais Masay: Vehivavy roa hita faty amin’ny fomba mampiahiahy

    Androany avokoa no nahitana ireto tranga ireto. Vehivavy iray no hita faty natsingevan’ny rano teo Marais Masay, Antananarivo V. Mbola nahitana vola, finday tany aminy. Vehivavy zokiolona iray ihany koa hita faty teny Fitroafana, Fokontany iray ao amin’ny Kaominina Talatamaty, Distrika Ambohidratrimo. (Jereo Sary Tohiny)  
    Lire la suite ...
    • lundi, 04 février 2019 12:00
    • Sary nomena

    Morondava: Midanika ny hafanana

    Mafana be ny andro eto an-drenivohitry ny Faritra Menabe. Efa ho efatra andro izao no toy izao ny toetr’andro eto. Misedra fahasahiranana noho izany ireo be antitra sy marefo ara-pahasalamana. (Jereo Sary Tohiny)  
    Lire la suite ...
    • lundi, 04 février 2019 11:40
    • Sary nomena

    Morondava: Lavon’ny Polisy i Tody, jiolahy nikoizana

    Tra-tehaky ny Polisy teto Tsimahavaobe Morondava ny alahady 03 febroary 2019 i Tody, rehefa ela nikarohana azy. Malaza ratsy amin’ny vaky trano sy vono olona ato amin’ny Faritra Menabe sy Melaky i Tody. Halatra fitaovana informatika no manavanana azy, ary tsy mandre izay ambonin’ny tany ny olona ao amin’ny tokantrano tafihiny. Lehilahy sahabo ho telopolo taona avy eny Ankilivalo, Distrikan’i Mahabo i Tody. Efa nigadra noho ny asa ratsy nataony. Namaly ny Polisy izy io omaly io noho ny fitaovana nananany, dia basy vita gasy iray mifahana bala, miampy « pince » sy lakile maromaro. Nampiasa ny fitaovana teny aminy ny mpitandro ny filaminana.
    Lire la suite ...
    • lundi, 04 février 2019 11:16

    Tsimbazaza: Fivoriambe anoloran’ny Praiminisitra ny fandaharanasany ho fampiharana ny Politika ankapoben’ny fanjakana

    Ho fampiharana ny andininy faha-99 amin’ny Lalampanorenana, ny Praiminisitra lehiben’ny governemanta dia manolotra ny fandaharanasany manoloana ny Parlemanta ho fampiharana ny Politika ankapoben’ny fanjakana ao anatin’ny telopolo andro taorian’ny nanendrena azy. Afaka mandroso sosonkevitra amin’izany ny Parlemantera. Tanterahina amin’izao tapakandro maraina izao ny eny Tsimbazaza, ary ny tapakandro hariva ny ao amin’ny Antenimieran-doholona.  
    Lire la suite ...
    • dimanche, 03 février 2019 20:03

    Ambatoboeny: Mitohy ny fifampitifirana eo amin'ny Zandary sy dahalo

    Miandry ety amin'ny arabe izao ny olona amin'izao alina izao, fa mbola tsy mivoaka ao anaty alan'Ankarafantsika ireo Zandary manenjika ireo dahalo naka an-keriny an'i Housna Ramjanaly. Ity farany izay nalain'ny dahalo an-keriny natao takalon'aina moa dia efa tafavoaka. Ireo dahalo nitsoaka no mbola tadiavin'ny Zandary ao anaty ala izao. Toerana fanafenan'ireo dahalo omby ihany koa io toerana io.  
    Lire la suite ...
    • dimanche, 03 février 2019 16:44

    Ambatoboeny: Avotry ny Zandary i Housna

    Namelatra velam-pandrika ny Zandary, nilazana ireo dahalo fa hanatitra ilay vola 400 tapitrisa ariary notakian'ireto dahalo tamin'ny fanafihana nataondrao tao amin'ny tokantranon'ity Karana mpandraharaha ao Ankijabe, Distrika Ambatoboeny ny alakamisy 31 janoary tokony ho tamin'ny 11 ora alina, ka nandratrandreo raimpianakaviana ary nitondran'ireto dahalo 40 an'i Housna Ramjanaly ho takalon'aina. Nipoitra ireto dahalo haka ny vola, nefa ny Zandary efa niafina tato aoriana, tao anaty ala. Tazan'ireto dahalo anefa ireo Zandary ka nindesindreo nilefa i Housna, ity farany anefa sady efa narary no reraka be dia tsy afaka nandeha, ka dia naleon'ireto dahalo ireto navela ilay takalon'aina, fa nitsoaka ireo. Manohy manenjika ireo dahalo amin'izao ireo Zandary, i Housna kosa dia avotra soa aman-tsara.  
    Lire la suite ...
Page 5 sur 380