Tselatra

    • lundi, 05 août 2019 20:07
    • Sary ZP

    Mpanakan-dalana eo Vohiposa (RN7): 3 azo sambo-belona, 1 maty voatifitra

    Voasambotry ny Zandary ny sabotsy 3 aogositra 2019, ireo jiolahy tompon’antoka tamin’ny fanakanan-dàlana tao Antaretra, Fokontany Sahamadio, Kaominina Vohiposa ny alin'ny zoma 26 jolay 2019. Azo sambo-belona ny telo ary atao famotorana ao amin’ny « Poste Avancé » ny Zandary Vohiposa. Maty voatifitra ny iray rehefa nanohitra. Mbola karohina kosa ny naman’izy ireo. Avy ao Vohiposa sy Ambohimahasoa izy ireo. (Jereo Sary Tohiny)  
    Lire la suite ...
    • lundi, 05 août 2019 18:19
    • Sary nindramina

    Betsiaka - Ambilobe: Nakatona ireo toeram-pitrandrahana volamena tsy ara-dalàna tao

    Fokontany maromaro any amin’ny Kaominina Betsiaka, 32 km miala an'Ambilobe, izay misy fitrandrahana volamena tsy ara-dalàna ataon'ny Sinoa no nakatona ao anatin'ny fokontany Ankatôko, Marogadra ary Andrafialava. Nidina ifotony, nahita maso ireo fitrandrahana volamena tsy ara-dalàna ireo ny minisitry ny Harena ankibon'ny tany sy ny Loharanon-karena Stratejika, Fidiniavo Ravokatra sy ny mpiara-dia aminy ny zoma 02 aogositra 2019. Antony nandraisana ny fanapahan-kevitra ny fahafoananan'ny fiaraha-miasa teo amin'ireo vahiny sy ny orinasa KRAOMA tompon'ny faritra itrandrahana, ny taratasy fahazoan-dalana hitrandraka sy ny fahazoan-dalana ara-tontolo iainana tsy ara-dalàna, ny tsy fisian'ny bokin'andraikitra.
    Lire la suite ...
    • lundi, 05 août 2019 09:35

    Fandraharahana ny fonja: Nafindra any Tsiafahy ireo voafonja nikomy tao Ambalatavoahangy

    Nitarika fikomiana tao amin’ny fonjan’Ambalatavoahangy ireo voafonja ireo, miisa valo, ny marainan'ny 21 jolay 2019. Naka takalon’aina sady nandratra mpandraharahan’ny fonja iray, ary nikasa ny hitsoaka. Nalefa ao amin’ny fonjaben’i Tsiafahy izy ireo hiarovana ny fandriampahalemana ao Ambalatavoahangy.  
    Lire la suite ...
    • samedi, 03 août 2019 15:53

    Sambava: Zandary iray miady amin'ny fahafatesana

    Naratra mafy voatifitr'ireo dahalo mpanao fanafihana mitam-basy mampihorohoro an'i Sambava ny Zandary iray. Tokony tamin'ny 2ora maraina no nitrangan'izany fanafihana izany, tao amin'ny tanàna vao niforona antsoina hoe Tsaramasoandro. Avy namita iraka tany Cap Est ity Zandary ity, ka izy andalana hiverina any Amboangibe, natory tao amin'ny fianakaviany no izao nisy nitifitra izao.  
    Lire la suite ...
    • jeudi, 01 août 2019 22:02

    Ikongo: Adin’ny enina no mandeha ny jiro, mbola tsinjaraina

    Miaina tsy fahampian’ny herinaratra ny eto Ikongo efa herinandro teo izay. Tapatapaka ny jiro, ary adin’ny enina no misy. Eo anelanelan’ny amin’ny telo ora sy sasany tolakandro ka hatramin’ny sivy ora sy sasany alina no misy jiro, ary tsinjaraina amin’ireo kartie misy eto an-tanàna, samy manana adin’ny telo eo. Fahanteran’ny milina mpihary herinaratra no voalaza fa anton’io tsy fahampiana io. Efa ratsy lalana i Ikongo no mbola miaina tsy fampiana herinaratra ihany koa, ka mitaraina ny mponina, indrindra ny mpandraharaha.  
    Lire la suite ...
    • jeudi, 01 août 2019 21:10
    • Sary Njaka

    Finday: Nopotehina ireo tsy misy IMEI

    Fiaraha-miasa teo amin'ny ARTEC sy ny Fadintseranana no namotehina ny finday miisa arivo mahery noho ny tsy fisian'ny IMEI. Ny IMEI na "International Mobile Equipment Identity" dia isa eo amin'ny 15-17 eo, izay hita ao ambadikin'ny finday, na ao anaty fitoerana batterie, na tsindrio ny *#06# (Etoile dièse 06 dièse) OK na appel, dia mivoaka ny IMEI, izay isa tokana ananan'ny finday tsirairay, ka amantarana izay tompony. Raha double puce na double SIM ny finday dia misy IMEI roa.
    Lire la suite ...
    • mercredi, 31 juillet 2019 22:17

    Tanambao – Tolagnaro: Karana lahy iray sy mpiambina naratra mafy notifirin’ny jiolahy

    Nirefotra ny basy teo Tanambao ny hariva teo. Lasibatry ny fanafihana mitam-basy ny Karana iray mpivarotra sy mpiambina ao aminy. Nitifitra ireo jiolahy, maratra mafy iretsy farany, ary tsaboina ao amin’ny hopitalibe Amboanato – Tolagnaro. Lasan’ny jiolahy ny vola be.  
    Lire la suite ...
    • mercredi, 31 juillet 2019 22:05
    • Sary nindramina

    Manolotrony-Ambositra: Nirehitra ny trano, 23 no traboina

    Trano lehibe iray misy fianakaviana enina teo Manolotrony, atsimon'ny Lycée Rakotoarisoa, no nirehitra androany maraina. Tsisy aina nafoy, olona 23 no traboina, ankoatra ireo fananana main’ny afo. Vao nandre ny voina, dia tonga nijery ny zava-misy sy nampahery ireo traboina teny an-toerana ny solombavambahoaka voafidy teto Ambositra, Rasoazananera Maria Monique. (Jereo Sary Tohiny)  
    Lire la suite ...
    • mercredi, 31 juillet 2019 21:57
    • Sary nindramina

    Toliara: Hanamboarana dobo olimpika

    Manana tetikasa hanorina dobo olimpika eto Toliara ny fanjakana. Tonga nijery ny toerana eny amoron-driaka an-damosin'ny "Kianjan'ny Marimar" hanorenana azy ny Minisitry ny Tanora sy ny Fanatanjahantena, Tinoka Roberto, androany alarobia 31 jolay 2019. Heverina ny hamitana haingana ny asa rehetra, izay ahitana dobo filomanosana manara-penitra mirefy 50m, sy dobo fiomanana mirefy 25m, ary toerana izay mahazaka 1000 isa, natokana ho an'ny mpijery, ankoatra ny fefy sy toerana fiantsonan’ny fiarakodia. (Jereo Sary Tohiny)  
    Lire la suite ...
    • mercredi, 31 juillet 2019 21:29
    • Sary nomena

    Amparafaravola: Avotra teo ampelan-tanan’ny mpaka an-keriny i Aina

    Tafaverina eo anivon’ny ray aman-dreniny omaly atoandro i Radoharintsoa Sombiniaina Risnah na i Aina, zazavavy kely, 6 taona, nisy naka an-keriny tao an-tranony, tany amin’ny Kaominina Ambodirano, Distrika Amparafaravola, ny Alakamisy 25 jolay 2019 tamin’ny 8ora alina. Mifarimbona amin’ny fikarohana sy fanenjehana ireo mpaka an-keriny ny fianakavin’i Aina sy mpitandro filaminana.  
    Lire la suite ...
Page 5 sur 457