Tselatra

    • mercredi, 14 août 2019 20:22

    Morondava: Mpanao trafika hazo arovana tafatsoaka teny ampelan-tanan’ny Zandary

    Hazo sarobidy, hazo arovana, toy ny voamboana aman-jatony isa no sarona tao amina tranon’olontsotra iray tao Bemanonga, Distrikan’i Morondava, Faritra Menabe nandritra ny fisavana niainga tamina loharanom-baovao ny alakamisy 8 aogositra 2019. « Natolotra ny Zandarimaria teto Morondava ilay olona. Indrisy anefa ary mahagaga fa votsotra ary nitsoaka ilay olona ka ankehitriny dia apetraka amin’ny Fitsarana ny tohin'izao raharaha izao », hoy ny avy amin'ny foibem-paritry ny tontolo iainana Menabe.  
    Lire la suite ...
    • mercredi, 14 août 2019 20:00
    • Sary Njaka

    FIP Toliara: Nahatratra mpamatsy basy dahalo

    Ny 11 aogositra 2019 lasa teo tany Tsimenatra II Toliara dia lehilahy 01, 26 taona no voasambotry ny Polisy miasa ao amin’ny « Force d’intervention de Police » FIP Toliara noho ny resaka fanamboarana basy vita gasy. Andro maromaro talohan’io dia nahazo loharanom-baovao ny Polisin’ny FIP Toliara fa misy lehilahy 01 manamboatra sy mivarotra basy any amin’iny faritra iny. Natao ny fanarahan-dia ka tra-tehaka tao Tsimenatra II ilay tovolahy voalaza fa tompon’antoka amin’izany.
    Lire la suite ...
    • lundi, 12 août 2019 17:09
    • Sary ZP

    Ambohimangakely-Antananarivo: Tratra ireo mpangalatra fiara Sprinter

    Fiara Sprinter nipetraka tao anaty garazy teny Ikianja Ambohimangakely, no nisy nangalatra ny 03 aogositra 2019. Nofitahin’ireo mpangalatra ny “gardien”, nolazaina fa hitondra marary ilay fiara. Nanomboka teo no tsy hita ilay fiara. Nanao ny fikarohana ny Zandary avy amin'ny tobim-paritra Soamanandrariny. Nisy ny olona telo noahiahiana taorin’izay ka nosamborina sy natolotra ny Fitsarana. Naiditra am-ponja vonjimaika tany Tsiafahy ny iray tamin’ireo, nahazo fahafahana vonjimaika kosa ny roa. Teny amin’ny faritra Ambohidratrimo no hita ilay fiara ny 09 aogositra 2019, ka nidina teny ny Zandary ary tratra tao anaty tanànan’olona ilay fiara ; olona maromaro no voasambotra. Tany Ankazobe no nisamborana ny lehilahy iray atidohan’ity halatra fiara ity. Miisa fito mianadahy no voasambotra tamin’ity raharaha ity. Natolotra ny Fitsarana teny Anosy androany izy ireo, ary nivoaka ny didy ka roa nidoboka any Tsiafahy, efatra Antanimora, iray nahazo fahafahana vonjimaika. Efa naverina amin’ny tompony kosa ilay fiara.  
    Lire la suite ...
    • lundi, 12 août 2019 16:05

    Antsirabe: Tafidina 0°C ny maripana

    Mangatsiaka ny andro aty afovoantany. Nidina ambanin’ny 10°C ny maripana ambany saika mandritra ity herinandro ity. Raha ny tao an-drenivohitr’i Vakinankaratra izao tamin’ity androany ity dia teo amin’ny 0°C ny maripana tamin’ny 6ora sy sasany maraina.  
    Lire la suite ...
    • lundi, 12 août 2019 12:09

    Parlemanta: Hivory tsy ara-potoana manomboka anio

    Haharitra 12 andro, manomboka amin’ity 12 aogositra 2019 ity, ny fivoriana tsy ara-potoana voalohan’ny Antenimieram-pirenena sy ny Antenimierandoholona. Lahadinika amin’izany ny fandinihana sy fandaniana ny lalàna 2011-013 nasiam-panitsiana, mifehy ny fanoherana sy ny antoko mpanohitra eto Madagasikara. Lalàna efa lany tamin’ny 2011, ary nankatoavin’ny Fitsarana Avo momba ny Lalàmpanorenana, fa tsy mbola namoahana didy fampiharana ity averina hodinihina eny anivon’ny Parlemanta ity. Mandritra ity fotoam-pivoriana ity ihany koa no handrosoan’ny Praiminisitra lehiben’ny governemanta ny Politika ankapoben’ny Fanjakana. Ho an’ny Antenimieram-pirenena manokana dia isan’ny lahadinika ny fanitsiana ny Fitsipika anatiny.  
    Lire la suite ...
    • dimanche, 11 août 2019 19:55

    Morondava: Tara ny famatsiana solika ny JIRAMA

    Misy fahatapahany nanomboka androany tolakandro ny herinaratra eto Morondava – renivohitry ny faritra Menabe sy ireo faritra manodidina azy akaiky. Fahataran’ny famatsiana solika avy amin’ireo orinasa mpamatsy ny JIRAMA no voalaza fa antony.  
    Lire la suite ...
    • samedi, 10 août 2019 20:10

    10 aogositra 1991 - 10 aogositra 2019: Zary angano sisa

    Nandriaka ny rà, maro ny aina nafoy, hikiakam-pahoriana noho ny pilotra, grenady, tifi-basy nosedrain'ny Vahoaka tanam.polo. Izay no namarana ny "Diaben'ny fahafahana" ny 10 aogositra 1991 niazo an'i Mavoloha, Atsimondrano. 28 taona aty aoriana, na ny tantara aza mila hanadino, zary angano sisa.  
    Lire la suite ...
    • vendredi, 09 août 2019 13:34

    Toamasina: Karana nisy naka an-keriny saingy votsotra teny an-dalana

    Lasibatry ny mpaka an-keriny i Iltaf Fibasom, Karana tompon’ny magazay « Fibasom » eo Bazary be. Ny alakamisy 8 aogositra tokony ho tamin’ny 8ora sy sasany alina no nisehoany, tsy lavitry ny tranony amin’ny Bd Joffre iny. Nosakanan’ireo andian-jiolahy mirongo basy ny lalana nombany raha iny izy hiditra ny tranony. Nitaky ny volamena sy safira tao an-tranony ireo mpaka an-keriny, niaraka tamin'ny basy poleta sy antsy lava. Nilaza ity karana efa 65 taona ity fa tsy misy izany ao aminy. Dia nofatorandreo tady ny vadiny sy ny zanany tao an-trano, ary dia noteren’izy ireo hiverina niaraka tamin’ny fiara, nentiny tany amin’ny mangazay hakana vola any anaty « coffre ». Tazan'ny vinantony anefa ny fiaran'ity karana ity, nefa olon-kafa no nitondra ny fiara fa tsy ny rafozany, izay izy hatrany no mpitondra ny fiarany.Niantso ny fianakaviana avy hatrany izy, nefa tsy nisy nandray ny finday. Nandeha tany an-trano vao hita fa voafatotra izy mianaka, ka dia nampandre aingana ny mpitandro ny filaminana.
    Lire la suite ...
    • jeudi, 08 août 2019 21:54
    • Sary Gasypatriote Sambava

    Lalana Sambava-Andapa: Lozam-piarakodia roa nielanelana andiny 5 tamin’ny toerana iray

    Maty avy hatrany ilay mpamilin’ny kamiao iray raha vao tonga teny amin'ny hopitaly Besopaka Sambava tamin'ity lozam-pifamoivoizina nahatsiravina, izay niseho tao Andongona Andranomifototra, Distrikan’Andapa androany tokony tamin'ny 4ora maraina. Olona telo no tao amin'ny ''devant'' an’ity kamiao ity, ka vehivavy mitondra vohoka enim-bolana ny iray. Samy nisokirina avokoa no nahafahana azy ireo.
    Lire la suite ...
    • jeudi, 08 août 2019 21:36

    Trafika lavanila: Voasazy 10 volana an-tranomaizina, sazy mihatra i Jimmy Georges

    Niakatra fitsarana androany 08 aogositra 2019 i Jimmy Georges, mpandraharaha lavanila aty Fenoarivo Atsinanana. Tratra nitondra lavanila 200kg tao anaty fiara niaraka tamina olona efatra izy, nefa tsy mbola nisokatra ny taom-piotazana lavanila. Notazomina am-ponja vonjimaika izy ireo nanomboka tamin’ny 08 may 2019, niandry ny fotoam-pitsarana azy. In-droa nangataka fahafahana vonjimaika izy taorian’izay, fa nolavin'ny Fitsarana hatrany. Raha nivoaka ny didy androany 08 aogositra 2019, dia 10 volana an-tranomaizina sazy mihatra no saziny sy ireo olona efatra tra-tehaka niaraka taminy nitondra lavanila.  
    Lire la suite ...
Page 3 sur 457