Tselatra

    • mardi, 14 août 2018 13:40

    Ambohidahy: Niampy roa ireo kandida nametraka dosie ny tapakandro maraina

    Tonga nanatitra ny antontan-taratasy firotsahan-kofidiana amin’ny fifidianana filoham-pirenena, hatao amin’ny 7 novambra 2018, teny amin’ny Fitsarana avo momba ny Lalampanorenana ny tapakandro marainan’ity talata 14 aogositra ity Rtoa Rabeharisoa Saraha (Parti Libéral Démocrate (PLD)) sy Randriamorasata Solo Norbert (Union Démocrates Chrétiens de MAdagascar (UDCMA-KMTP)). Miisa sivy hatreto ny kandida nametraka dosie eny Ambohidahy. Amin’ny talata 21 aogositra 2018 amin’ny 5ora hariva no fara-fandraisana ny antontan-taratasy firotsahan-kofidian’ireo kandida.  
    Lire la suite ...
    • mardi, 14 août 2018 13:23
    • Sary Gasypatriote Fianarantsoa

    Fianarantsoa: Mizotra ny fanadinana CEPE, mitohy ny fitokonan’ireo mpampianatra

    Nisokatra toy ny mahazatra ny foibe-panadinana 11 misy eto amin'ny fari-piadidiam-pampianarana Fianarantsoa ny marain'ity 14 aogositra ity. 5.044 no tontaliben'ny mpiadina manerana ireo toerana ireo ka ny 196 amin'izany no maka ny diplaoma CEPE Fotsiny ihany, izany hoe sokajy C. Tsy nisy fanamafisana fiarovana ny lafiny fitandroana filaminana. Tetsy ankilany kosa dia nanohy ny fitokonana eny amin'ny CAPR Mahamanina ireo mpampianatra mpikambana ao amin'ny vovonana sendika eto Fianarantsoa. Marihin'izy ireo eny an-toerana ny finiavan'izy ireo tsy handray anjara amin'ny fanadinana sy ny tsy hiteraka fikorontanana.
    Lire la suite ...
    • mardi, 14 août 2018 12:20
    • Sary Njaka

    CEPE: Nontanterahina androany ny fanadinam-panjakana

    Nontanterahina androany ny fanadinam-panjakana CEPE. Nilamina ary nizotra ara-dalana amin'ny ankapobeny na dia eo aza ny tebitebin'ireo ankizy mpanalana fanadiana sy ireo ray aman-dreny. Manao ny asa araka izany ireo mpitandro ny filaminana ary manome toromarika ho an'ireo ray aman-dreny mba samy hamonjy ireo zanany rehefa vita ny fotoam-panadinana. Izany no natao dia mba hialana ny mety ho tsy fahandriam-pahalemana manoloana ny toe-draharaha misy eto amin'ny tany sy ny firenena. Tamin'ny fito ora sy sasany katroka no nanomboka ny fiantsoana. Mirary soa sy fahombiazana ho an'ireo ankizy manala fanadinana ny eto amin'ny Gasy Patriote. (Jereo Sary Tohiny Galerie Photo na Album Photo)  
    Lire la suite ...
    • mardi, 14 août 2018 12:18
    • Sary Gasypatriote

    Finoana Katolika: Hotokanana ilay sary Masina Maria goavambe

    Hanamarika ny 15 aogositra izay fankalazana ny Fampakarana velona an'i Masina Maria any an-danitra ho an'ny Diosezin'Antananarivo amin'ity taona ity ny fitokanana ilay sary Masina Maria goavambe eo Andohalo.    
    Lire la suite ...
    • mardi, 14 août 2018 07:52

    CEPE 2018: Miisa 39 315 ny kandida aty SAVA

    Tanterahina anio manerana an’i Madagasikara ny fanadinam-panjakana voalohany CEPE. Raha misy 551 655 ny mpiadina voasoratra anarana manerana ny Nosy dia ato amin’ny DREN SAVA ny 39 315 amin’ireo, izay mitsinjara amin’ny foibem-panadinana miisa 86 izay misy efitrano 856 ampiasaina. SOA Risca, teraka ny 03 jona 2012 no zandriny indrindra voasoratra anarana aty SAVA miadina ao amin’ny EPP Andravinambo, ary ny zokiny indrindra dia i Antoinette ao amin’ny Sekoly tsy miankina FENOSOA Antsirabe Nord, teraka tamin’ny taona 1989. Samy ao amin’ny Cisco Vohémar izy roa ireo.  
    Lire la suite ...
    • mardi, 14 août 2018 07:49

    14 aogositra: 181 taona lasa izay no nandefonana an-dRasalama maritiora

    Rafaravavy Rasalama ilay nantsoina hoe: Rasalama, no maritiora Kristianina malagasy voalohany, maty nolefonina teny Ambohipotsy-Antananarivo tamin'ny 14 aogositra 1837.  
    Lire la suite ...
    • mardi, 14 août 2018 07:48

    14 aogositra

    Tanterahina anio manerana ny Nosy ny fanadinana CEPE.  
    Lire la suite ...
    • lundi, 13 août 2018 21:42

    Pety Rakotoniaina: Hapetraky ny HFI amin'ity herinandro ity ny fitoriana an'i Andry Rajoelina

    Nanamafy androany i Pety Rakotoniaina fa dia hapetraky ny Hetsi-bahoaka ho an'ny tena fanovana sy fanorenana ifotony (HFI) eny anivon'ny Fitsarana ny taratasy fitoriana ny filohan'ny tetezamita teo aloha Andry Rajoelina. Raisin'izy ireo ho tompon'andraikitra amin'izay hiseho kosa ny praiminisitra Ntsay Christian sy ny mambra ny governemanta raha mikiry hanatanteraka fifidianana amin'ity taona ity. Dinika nasionaly no ambaran'ireo mpikamban'ny HFI fa vahaolana amin'izao krizy izao.  
    Lire la suite ...
    • lundi, 13 août 2018 20:49
    • Sary FB

    Fifidianana 2018: Hanohana an'i Andry Rajoelina ny antoko MMM

    Nanao fanambarana androany ny antoko Malagasy Miara-Miainga na MMM tarihin'i Hajo Andrianainarivelo fa hanohana ny kandida Andry Rajoelina amin'ny fifidianana filoham-pirenena hotanterahina amin'ny 7 novambra 2018. Kandida tamin'ny 2013 i Hajo Andrianainarivelo, nanapa-kevitra tsy hirotsaka fa hanohana olon-kafa amin'ny fifidianana ho avy. Mpikambana ao amin'ny ARMADA ny MMM. (Jereo Sary Tohiny)  
    Lire la suite ...
    • lundi, 13 août 2018 17:50
    • Sary nomena

    Marovoay: Dahalo roa matin'ny Fitsaram-bahoaka

    Daholo telo lahy nanafika tao Marovoay, Kaominina Bemanonga Distrikan'ny Morondava omaly tamin'ny 5ora hariva. Mafy ny fifandonana satria tsy nanaiky mora ny Fokonolona ka maty ny roa tamin'ireo dahalo, tafaverina ny omby 5 nangalarin'izy ireo. Mbola afaka nandositra ny dahalo iray na dia naratra mafy aza.    
    Lire la suite ...
Page 2 sur 312