Tselatra

    • dimanche, 16 juin 2019 19:49

    Distrikan'i Maroantsetra: Hisokatra amin'ny 15 Jolay ny taom-piotazana lavanila

    Fivoriana notarihin’ny lehiben'ny Faritra Analanjirofo omaly 15 jona 2019 izay nahitana ny fandraisana anjaran’ny mpandraharaha sy mpamboly lavanila no nanapahana an’io datin’ny taom-piotazana lavanila 2019 io. Ho hentitra ny fanaraha-maso, hisorohana ny gaboraraka, ary hanatsarana ity lalampihariana lavanila aty Analanjirofo ity.  
    Lire la suite ...
    • samedi, 15 juin 2019 15:11
    • Sary: ZP

    Isandra: Namerina basy ny dahalo

    Basy miisa folo no naverin'ny dahalo avy ao amin'ny Kaominina Ambalamidera-II sy Mahazoarivo, Distrika Isandra, Faritra Matsiatra Ambony-Fianarantsoa, ny 12 jona 2019. Mitohy ny fanentanana ataon'ny ZRPS (Zone Rurale Prioritaire de Sécurité) Alpha sy ny CIRGN Fianarantsoa hanaterana ireo basy tsy ara-dalana rehetra alohan'ny 20 jona 2019.    
    Lire la suite ...
    • samedi, 15 juin 2019 15:04
    • Sary: Polisim-pirenena

    Zaza very: 824 ny filazana voarain'ny Polisim-pirenena

    Miisa 824 ireo fitarainana zaza very voarain'ny Polisy nanomboka ny volana janoary 2019, ka ny 725 amin’ireo dia efa nahazoana fampandrenesana fa hita ilay zaza, ary ny 623 amin’ireo dia zaza nitsoaka ny tokantranony avokoa. Misy ny vanim-potoana mampirongatra ny fahaverezan-jaza, indrindra rehefa vita fety tahaka izao, ary voamarin’ny sampan-draharaha ny Polisy miandraikitra ny zaza tsy ampy taona fa isan’ny mahatonga izany ny fitondrana zaza mijery fety, indrindra ireo zaza latsaky ny 10 taona. Ao ihany koa ireo zaza mitsoaka ny tokantranony noho ny vono sy ny tahotry ny ho bedy mahazo azy ireo. Ny laharana 147 dia azon’ny rehetra antsoina maimaimpoana raha toa ka mahita tranga mahakasika ny zaza, ary efa misy ny Polisy miandraikitra izany.  
    Lire la suite ...
    • samedi, 15 juin 2019 08:53

    Solika: Hamory mpandraharaha ny filoha Rajoelina

    "Tsy maintsy midina ny vidin-tsolika ary toy izany koa ny saram-panofana ireo milina mpihary herinaratra hofain'ny JIRAMA", hoy ny filoha Andry Rajoelina raha nitafa fohy tamin'ny mpanao gazety teo ampitsidihana hetsika ara-pizahantany teny amin'ny CCI Ivato omaly izy. Hamory ireo mpandraharaha sy ireo tomponandraikitra voakasik'izany izy amin'ny alatsinainy 17 jona izao.  
    Lire la suite ...
    • samedi, 15 juin 2019 08:52

    Fifidianana: Hamoaka ny vokatra feno vonjimaika ny CENI

    Anio sabotsy 15 jona no hamoaka ny voka-pifidianana feno vonjimaika eo ampelan-tanany ny CENI, momba ny fifidianana solombavambahoaka notanterahina tamin'ny 27 mey 2019. Ny Fitsarana avo momba ny Lalampanorenana avy eo no mamoaka ny didy raikitra.  
    Lire la suite ...
    • vendredi, 14 juin 2019 23:10
    • Sary Gasypatriote Morondava

    Morondava: Mpangalatra sy mpividy kisoa halatra voasambotry ny Polisy

    Lehilahy iray malaza ratsy amin’ny halatra kisoa monina ao Ampasy, miampy roalahy mpividy kisoa halatra, ka ny iray avy ao Ambalan'omby, ny faharoa avy ao Betela no voasambotry ny Polisy eto Morondava, renivohitry ny Faritra Menabe. Atao famotorana izy ireo, ary hatolotra ny Fitsarana rahampitso. Mitohy ny fikarohana ny roa lahy naman’ireo mpangalatra nandositra.    
    Lire la suite ...
    • vendredi, 14 juin 2019 23:02
    • Sary Gasypatriote Morondava

    Morondava: Manamafy ny fiarovana sy filaminana amin’ny alina ny Polisy

    Narahina fanentanana eny amin’ny Bar sy toeram-pisotroana momba ny ora fihidiana amin’ny alina ihany koa ny hetsika ataon'ny Polisy eto Morondava, renivohitry ny Faritra Menabe, indrindra amin'izao ankatoky ny fankalazana ny fetim-pirenena izao. (Jereo Sary Tohiny)  
    Lire la suite ...
    • vendredi, 14 juin 2019 22:34
    • Sary nomena

    Antsampanana RN2: Kamiao roa, semi-remorque sy citerne nirehitra

    Tapaka fotoana naharitra ny lalam-pirenena vokatr’io lozam-pifamoivoizana nitranga teto Antsampanana amin’ny lalam-pirenena faha-2 io ny alakamisy 13 jona 2019 tokony ho tamin’ny 10ora alina. Araka ny voalazan’ny nanatri-maso ny loza dia kamiao semi-remorque mitondra kaontenera no nandona kamiao “citerne” roa mijanona amin’ny sisin-dalana. Soa fa tsy mbola misy akora tao anatin’ireo “Citerne”, nefa na izany aza may kila ihany ny iray, fa ny iray mba avotra. (Jereo Sary Tohiny)  
    Lire la suite ...
    • vendredi, 14 juin 2019 20:43
    • Sary Gasypatriote

    Andravoahangy: Mpitondra scooter, sady mamo no manompa ary mandrahona ho faty

    Nijanona ity taxibe iray, ka nisongona azy ity fiara iray, samy afaka nandeha na ilay fiara nisongona, na ilay scooter nifanena taminy, fa dia nibahana teo ampovoan-dalana ilay moto. Samy afaka anefa ary tsy nisy nifampikasoka, fa samy lasa. Nijanona noho ny fitohanana ity fiara, ka nidina nandeha tongotra ity mpitondra moto, navelany teo ampovoan'ny arabe ny moto, izay niteraka fitohanana, avy hatrany dia ompa variraraka no nataon'ity mpitondra moto, sady maimbo toaka. Noraisiny ny vozon'akanjon'ny mpamila, ary dia narahany hatrany ny fiara niaraka tamin'ny moto teny aminy, miaraka amin'ny ompa rehetra, sy fandrahonana ho faty. Nipetraka ny fitoriana an'ity mpitondra moto ity.    
    Lire la suite ...
    • vendredi, 14 juin 2019 14:11

    Fisolokiana: Karohina ilay depioten'Antsirabe II teo aloha

    Namoahana filazana fikarohana i Ravelohanitra Nirina, solombavambahoaka teo aloha voafidy tao Antsirabe II. Fivadiham-pitokisana miaro fisolokiana no anenjehana azy. Kandida tsy miankina, tao Antsirabe II tamin'ny fifidianana solombavambahoaka ny 27 mey 2019 teo i Ravelohanitra Nirina.  
    Lire la suite ...
Page 2 sur 435