Sociale

    • mardi, 11 juin 2019 19:28
    • Sary Gasypatriote Antsirabe

    CHRR Antsirabe: Nahazo toeram-pitsaboana "Maman Kangourou"

    Nahazo ny "Centre de soin Maman Kangourou" ny hopitaliben'Antsirabe, notokanana androany talata 11 jona, izay ahitana efitrano natokana handraisana ireo renin-jaza miteraka zaza tsy ampy lanja na latsaky ny roa kilao sy sasany. Ny Fondation Orange Madagascar sy ny fikambanana Compassion Madagascar no nahazoana izao fanatsarana izao. 200 isam-bolana eo ny Reny miteraka ao amin'ny Hopitaly Atsimo na CHRR Antsirabe, ka ny 10% n'izany no mbola tratran'izay tsy fahampian-danja izay, ka zava-dehibe ny fahazoana ity toerana ity. Isan'ny paika manomboka malaza maneran-tany ity "Maman Kangourou" ity, izay mpitsabo kolombianina no nahita izany, ary manan-tombo kokoa noho ny fampiasana ny fitaovana "couveuse". (Jereo Sary Tohiny)  
    Lire la suite ...
    • lundi, 10 juin 2019 18:03

    Herinaratra: 8 lavitrisa Ariary ho an'ny tontolo ambanivohitra

    Manokana vola 8 lavitrisa Ariary ny Ministeran'ny Angovo, ny Rano sy ny Akoranafo hampiroboroboana ny famatsiana herinaratra ho an'ny tontolo ambanivohitra. Hanamora ny fanatanterahana izany ny ADER (Agence de Développement de l'Electrification Rurale), izay manamarika ny faha-15 taona nijoroany.  
    Lire la suite ...
    • dimanche, 09 juin 2019 15:06
    • Sary nomena

    “I-TOROKA”: Fitorohana tsy mitonona anarana eo anivon’ny Bianco

    Natao ny zoma 07 jona tetsy amin'ny Carlton Anosy-Antananarivo, ny lanonana ofisialy nampahafantarana ny fitaovana vaovao ”i-toroka”, fitorohana tsy mitonona anarana eo anivon’ny Birao Mahaleotena Iadiana amin’ny Kolikoly (Bianco), izay iaraha-miasa amin’ny tetikasa GIZ avy amin’ny governemanta Alemana. Nilaza ny praiminisitra Ntsay Christian, ny fametrahana izao sehatra fitorohana izao dia manamafy fa hentitra ny governemanta amin’ny fanoherana ny fahantran’ny vahoaka sy ny firenena, ka teo no nanentanany ny mpiray tanindrazana mba tsy hisalasala na hatahotra amin’ny fampiasàna ny ”i-toroka”, ary indrindra mba hatao araka ny tokony ho izy ny fitorohana, ka dia hitambatra ny hery, na ho toy inona na ho toy inona ny mety ho vokatr’izany.
    Lire la suite ...
    • dimanche, 09 juin 2019 14:51
    • Sary: ZP

    Zandarimariam-pirenena: Namangy sy nanampy ireo Zandary tsaboina ao amin'ny HOMI

    Tonga namangy an'ireo tsy salama vokatry ny fifandonana tamin'ny asan-jiolahy sy teo am-panatanterahana ny asany, ka tsaboina amin'ny hopitaly miaramila Soavinandriana - Antananarivo ny Jeneraly Richard Ravalomanana, Sekreteram-panjakana miadidy ny Zandarimariam-pirenena, omaly. Notolorana taratasy marim-pankasitrahana ankoatry ny sandam-pikirizana roa tapitrisa ariary (prime de bravoure) ny Lieutenant Monja Léonard izay voatifitra tany Toamasina herinandro lasa izay. Novangiana ihany koa ny Zandary mpiana-draharaha, tsy salama avy any Mananjary.
    Lire la suite ...
    • samedi, 08 juin 2019 12:56
    • Sary Njaka

    Palais de sport Mahamasina: Foara ho an'ny ronono

    Notanterahina omaly zoma 07 jona ny fanokafana ofisialy ny foara ho an'ny ronono, izay atao etsy amin'ny lapan'ny fanatanjahan-tena. Ity foara ity moa dia efa nisokatra ho an'ny daholo be ny alakamisy ka haharitra telo andro izay hifarana anio sabotsy 08 jona 2019. (Jereo Sary Tohiny)  
    Lire la suite ...
    • samedi, 08 juin 2019 12:21
    • Sary nindramina

    Corps de la paix: Ny tantarany

    Ny Filoha Amerikana John F. Kennedy no namorona ny Corps de la Paix tamin’ny 1 Martsa 1961, tamin’ny alàlan’ny didy hitsivolana. Efa nihoatra ny 58 taona izao no nanapariahan’ny Corps de la Paix ny fandriampahalemana sy ny firahalahiana manerana izao tontolo izao. Raha ny ara-tantara, efa mihoatra ny 220 000 izao no isan’ireo Amerikana efa nanao asa fanompoana tao amin’ny Corps de la Paix, hampisy ny fifankazahoana eo amin’ny Amerikana sy ny mponina amin’ireo firenena 139 izay nampiantrano azy reo. Amin’izao fotoana izao dia, 7 000 no isan’ireo mpilatsaka an-tsitrapo miasa amina firenena miisa 60 manerantany. Mpilatsaka an-tsitrapo miisa 152 no eto Madagasikara amin’izao, izay miasa eo amin’ny sehatry ny fampianarana, ny fambolena ary ny fahasalamana. Efa mihoatra ny 1 400 ny isan’ireo mpilatsaka an-tsitrapo efa niasa teto Madagasikara hatramin’ny taona 1993. (Jereo Sary Tohiny)  
    Lire la suite ...
    • samedi, 08 juin 2019 12:11
    • Sary nomena

    Mpilatsaka an-tsitrapo: Miampy 42 hisehatra eo amin’ny fambolena sy fiompiana ary ny fahasalamana

    Mpilatsaka an-tsitrapo avy amin’ny Corps de la Paix miisa 42 no nampanaovin’ny Masoivoho Amerikana Michael Pelletier fianianana nandritra ny lanonana izay natao teny amin’ny trano fonenany teny Ambaranjana ny 6 Jona 2019. Vao nahavita fiofanana ara-kolontsaina sy ara-teknika ary fiteny Malagasy nandritra ny 10 herinandro izy ireo, ary handeha hiasa eny anivon’ny fiarahamonina samihafa manerana an’i Madagasikara mandritra ny roa taona. Hiasa eo amin’ny sehatry ny fahasalamana, fambolena sy fiompiana, ireo mpilatsaka an-tsitrapo vaovao ireo.
    Lire la suite ...
    • vendredi, 07 juin 2019 21:14

    Sainam-pirenena Malagasy: Ireo refy sy loko ekena ho ampiasaina rehetra manomboka izao

    « Ny halavan’ny sainam-pirenena dia tokony ho avo roa heny ny sakany » ; io no fampahafantarana nataon’ny avy ao amin’ny ministeran’ny Fiarovam-pirenena amin’izao ankatoky ny fankalazana ny fetim-pirenena izao. Mikasika ny karazan-doko tokony ampiasaina mba tsy hisian’ny fiovaovan’ny loko amin’ny fanevam-pirenena indray dia RAL no loko ampiasaina ka ny fotsy dia 9010 ny karazany, ny mena 3028 ary ny maitso 6037, ho an’ireo saina atao amin’ny rindrina. Ho an’ireo saina vita amin’ny taratasy, na lamba na vy dia Pantone ny loko ampiasaina ka Cool grey 1 ny karazan’ny loko fotsy, 185C ny loko mena ary 355C ny loko maitso. Ireo no ekena fa loko tena maneho ny sainam-pirenena Malagasy ary tokony ampiasain’ny rehetra manomboka izao.  
    Lire la suite ...
    • vendredi, 07 juin 2019 19:15
    • Tahirin-tsary nindramina sy Gasypatriote

    OTIV Boeny: Andrasana anio ny vahaolana

    Tapitra amin’ity zoma 7 jona 2019 ity ny fe-potoana nomen’ny filoha Andry Rajoelina ireo tompon'andraikitra roa tao amin’ity OTIV (Ombona Tahiry Ifampisamborana Vola) Boeny ity, navoriny tao amin’ny Lapam-panjakana Ambohitsorohitra ny harivan’ny Talata 4 jona 2019, natrehin’ny solontena roa avy amin’ny Vaomiera mpanaramaso ny banky sy sehatra fampindramambola, handrosoan’izy ireo ny drafitra hamerenana ny volan’ireo mpikambana mitaraina fa very vola na mihitsoka tsy azo ao amin’ny OTIV Boeny ny tahirim-bolany efa aman-taonany izao. Nanome fe-potoana hatramin’ity anio Zoma 7 jona ity ny filoha Rajoelina iandrasany ny vahaolana.
    Lire la suite ...
    • jeudi, 06 juin 2019 22:30
    • Sary: Zandarimaria

    Mahajanga: Mankalaza ny faha-59 taona niverenan’ny fahaleovantena

    Natomboka androany 06 jona 2019 ny fankalazana ny faha-59 taona niverenan’ny fahaleovantena sy fetin'ny Foloalindahy ihany koa, ho an’ny Tanànan'i Mahajanga. Ho an'ny Zandarimaria manokana dia nisy ny fananganan-tsaina tao amin'ny Toby kolonely Jean Philippe. Nisy toy izany koa teny anoloan'ny Lapan'ny Tanàna Mahajanga izay niarahana tamin'ireo solontena avy amin'ny sampan-draharaham-panjakana sy ireo olon-tsotra. (Jereo Sary Tohiny)  
    Lire la suite ...
Page 9 sur 185