Sociale

    • samedi, 18 janvier 2020 17:09
    • Sary nindramina

    Faritra Atsinanana: Zanakazo miisa 1 271 933 fototra no hovolena

    Homarihina rahampitso alahady 19 janoary ny fanombohan’ny taom-pambolenkazo taona 2020. Ho an'ny Faritra Atsinanana dia amina velaran-tany mirefy 778,7 hektara no hanaovana izany, manomboka any Marolambo hatrany Mahavelona Foulpointe, ary zanakazo 1 271 933 fototra no hovolena amin'izany. Mirefy 40ha kosa ho an'i Toamasina-I, ka hatao any Antetezana, 37km miala an'i Toamasina tampon-tanana, ka zanakazo 600 000 fototra no hovolena amin'izany. Misy ny tolo-tanana hanofàna fiara hitatitra ireo olona te andeha hamboly hazo any Antetezana tanterahina manoloana ny « Esplanade » lapan’ny tanànan’i Toamasina androany sabotsy tontolo andro. (Jereo Sary Tohiny)
    Lire la suite ...
    • vendredi, 17 janvier 2020 19:22
    • Sary nomena

    Fahasalamam-bahoaka: Nanolotra fitaovana ara-pitsaboana maoderina mitentina 4,5 tapitrisa dolara ny Amerikanina

    Hanampiana ny mpiasan’ny fahasalamana hanatsarana ny kalitaon’ny asa ara-pahasalamana amin’ireo tobim-pahasalamana eto Madagasikara ireo fitaovana ara-pitsaboana maoderina mitentina 4,5 tapitrisa dolara, natolotry ny fanjakana amerikanina, amin'ny alàlan'ny Sampandraharaha Amerikana Misahana ny Fampandrosoana Iraisam-pirenena (USAID) ireo. Homena ny tobim-pahasalamana any amin'ny faritra 10 eto Madagasikara iasan’ny tetikasa ACCESS ny fitaovana ara-pitsaboana, izay ahitana fandrianan’ny hopitaly, fangalana tosi-drà, stéthoscopes sy maro hafa, raha toa ka atokana ho an'ny tobim-pahasalamana fototra sy ny hopitalin’ny Distrika ary ny biraon'ny fahasalamana ao amin'ny Distrika ny solosaina « tablette » sy ny laptop. (Jereo Sary Tohiny)
    Lire la suite ...
    • vendredi, 17 janvier 2020 12:41
    • Sary nindramina

    Firarazana-Tampoketsa: Zanakazo maherin’ny 1 tapitrisa no hambolena amin’ny alahady 19 janoary 2020

    Efa vonona ny toerana, toy izany koa ny zanakazo hovolena amin’ny alahady 19 janoary 2020, hanombohana ofisialy ny taom-pambolenkazo taona 2020, izay hatao eny Firarazana, Tampoketsa, Distrikan’Ankazobe. Zanakazo maherin’ny 1 tapitrisa no hambolena eny an-toerana amin’io andro io, olona an’arivony no andrasana hanatanteraka izany eny an-toerana, tarihin’ny avy eo anivon’ny Fiadidiana ny Repoblika sy ny Ministera misahana ny Tontolo Iainana, ny avy amin’ny andrim-panjakana, ny ministera ary ny mpitandro filaminana. (Jereo Sary Tohiny)
    Lire la suite ...
    • mardi, 14 janvier 2020 19:21

    Anjahamany-Brickaville: Olona efatra nilatsaham-baratra, zazakely roa taona maty tsy tra-drano

    Fianakaviana amina tokantrano iray maka aina eo an-tokontany noho ny hafanana no nilatsaham-baratra tampoka tao Tsarahizana, Kaominina Anjahamany Distrikan’i Brickaville ny alatsinainy 30 desambra 2019. Efa-mianaka izy ireo no voa ka maty tsy tra-drano ny zazakely iray vao roa taona, naratra kosa ny telo, izay vehivavy mitondra vohoka dimy volana ny iray, ary rafozambavy sy ny zanany lahy ny roa ambiny. Mbola tsaboina ao amin’ny hopitaly be Analakininina Toamasina ilay ramatoa bevohoka noho ny hamafin’ny fahavoazany ; efa afaka nody kosa ny roa hafa rehefa avy nandalo fizahana sy nahazo fitsaboana sahaza. Manao antso avo amin’ireo malalatanana afaka hanampy azy ilay ramatoa fa tena sahirana ara-bola ny tenany.  
    Lire la suite ...
    • mardi, 14 janvier 2020 11:00

    Lalàna « VBG » : Nankatoavin’ny Fitsarana avo momba ny Lalampanorenana

    Araka ny fanapahana laharana faha-02-HCC/D3 ny 13 janoary 2020 dia nankatoavin’ny Fitsarana avo momba ny Lalampanorenana fa mifanaraka amin’ny Lalampanorenana sy amin’ireo fifanarahana iraisam-pirenena nankatoavin’i Madagasikara ny lalàna « loi n°2019-008 relative à la lutte contre les violences basées sur le Genre ».  
    Lire la suite ...
    • mardi, 14 janvier 2020 08:21
    • Sary nindramina

    Inde: Tsy mahazo miteraka mihoatra ny 02 ny mpiasam-panjakana

    Mahatratra 1.34 miliara ankehitriny ny isan'ireo Indianina, faharoa maro indrindra eran-tany aorian'ny Sinoa miisa 1.38 miliara amin'ny mponina maneran-tany eo amin'ny 8 miliara eo. Hiakatra 1.67 miliara, raha ny tombana, ny isan'ny Indianina, izay mitombo 25 tapitrisa isan-taona, izany hoe mitovy amin'ny isan'ny Malagasy isan-taona ny fiakaran'ny isan'ny mponina ao Inde. Tsy maharaka ny famokarana sakafo ho an'ny mponina, tsy maharaka ny trano, ny fitaterana, ny fitsaboana, ka napetraky ny fanjakana ny lalàna hamerana ny isan'ny mponina. Ka efa mihatra ny tsy fahafahan'ireo mpiasam-panjakana hiteraka mihoatra ny roa. Ankehitriny, dia misy solombavam-bahoaka 100 mahery no te hametraka lalàna hanitarana an'io fepetra io amin'ny rehetra, mba hamerana ny zaza teraka, izay arahina fepetra ho an'ireo mbola miteraka ambon'izany, toy ny fanalana ireo fanampiana omen'ny fanjakana, fanesorana ny fiala-tsasatry ny ray niteraka, eny hatramin'ny tsy fahafahana mifidy sy fidiana intsony. (Jereo Sary Tohiny)
    Lire la suite ...
    • lundi, 13 janvier 2020 10:44
    • Sary Tafika Malagasy

    Bekotro maroholatra: Misy ny fanisana ireo akanga sisa nanamborana

    Midina ifotony mitety Distrika miisa 22 ny mpiasa eo anivon'ny vondron'ny mpiady tia Tanindrazana, ao amin’ny Rezimanta Voalohany etsy Analakely-Antananarivo, mba hanamarinana sy hanisana ireo bekotro maroholatra mbola velon’aina, ambany fiahian'ny foibem-pitondran'ny Mpiady tia Tanindrazana. Voakasik' izany ny Distrikan’Antanifotsy, Vohipeno, Farafangana, Lalangina, Isandra, Fianarantsoa, Ambalavao Tsienimparihy, Ambohimahasoa, Ambositra, Ifanadina, Manakara, Ikongo, Vangaindrano, Vondrozo, Toamasina, Brickaville, Vatomandry, Antanambao Manampotsy, Mahanoro, Ambatondrazaka, Moramanga, Anosibe an'Ala, Manjakandriana, Marolambo ary Ambovombe. (Jereo Sary Tohiny)  
    Lire la suite ...
    • dimanche, 12 janvier 2020 14:58
    • Sary: Tafika Malagasy

    Mahajanga: Mitsabo ireo traboina ny Tafika

    Mandray ny andraikitra amin'ny fitsaboana ireo traboina taorian’ny fiakaran’ny ranobe vokatry ny rotsak’orana ny herinandron’ny taombaovao teto Mahajanga ny miaramila mpitsabo avy ao amin'ny RM4 na Faritany Miaramila fahaefatra eto Mahajanga, mitety ireo Fokontany miisa dimy lasibatry ny rano be, miaraka amin’ireo « Clinique Mobile » nalefan'ny fitondrana. (Jereo Sary Tohiny)  
    Lire la suite ...
    • jeudi, 09 janvier 2020 14:34
    • Sary: Commune Urbaine de Mahajanga

    Andry Rajoelina: Nofoanany ny dia saika hatao aty Mahajanga androany

    Nanao fampitam-baovao ny teo anivon’ny fiadidiana ny tanànan’i Mahajanga fa « voatery nanafoana ny fitsidihany aty Mahajanga ny Filoham-pirenena, izay tokony natao tamin’ity andro alakamisy ity noho ny tondradrano misy ao an-drenivohitra izay nahamoizana ain'olona ». Nisy na izany aza ny fizarana fanampiana ho an’ireo traboina noho ny ranobe teto an-drenivohitr’i Boeny ny herinandron’ny taombaovao lasa iny, izay natao teo amin'ny EPP Fiofio androany maraina, izay notarihin’ny Lefitry ny Antenimieram-pirenena faritany Mahajanga, Rahantanirina Lalao na Ninà. Ireo traboina namonjy ny "site d'hébergement" efa voasoratra anarana tamin’ny fotoan'ny voina no nisitraka ny fanampiana.
    Lire la suite ...
    • jeudi, 09 janvier 2020 13:35
    • Sary nomena

    Fambolen-kazo 2020: Hosantarina eny Tamponketsa Ankazobe amin’ny 19 janoary

    Hatao ny 19 janoary 2020 izao ny fanokafana ny fambolen-kazo ho an’ny taona 2020, ka any Tamponketsa Ankazobe no hanatanterahana izany. Miara-mandrindra ny fanatanterahana azy ny minisiteran’ny tontolo iainana sy ny fampandrosoana maharitra, ary ny Fiadidiana ny Repoblika. Efa mivonona amin’ity fambolen-kazo ity ihany koa ny foibe iraisam-paritry ny tontolo iainana sy ny fampandrosoana maharitra Atsimo Atsinanana, Anosy ary Androy. Zanakazo an-tapitrisany no vokariny amin’ireo tanin-janakazo miisa telo ho fanatanterahana izany, toy ny ao Fanjahira, Kaominina Ifarantsa, Distrikan’i Tolagnaro, misy velarantany 10 hektara, ary efa misy zanakazo 3 tapitrisa vonona. Misy tanin-janakazo ihany koa ao Mangarivotra ho an’ny Faritra Androy sy Namohora Farafangana ho an’ny Faritra Atsimo Atsinana, izay samy afaka mamokatra zanakazo 5 tapitrisa. (Jereo Sary Tohiny)
    Lire la suite ...
Page 6 sur 204