Sociale

    • vendredi, 06 juillet 2018 19:01
    • Sary Gasypatriote Sambava

    Sambava: Vary simba 10 taonina no nodorana

    Nampiahiahy ny mponina ny nanovan’ireto mpanafatra vary tampoka ny lokon’ny gonim-bary ka nanavaka ny vary simba sy lo tamin’izay mbola azo raofina. Niditra an-tsehatra ny avy amin’ny sampandrahanan’ny varotra rehefa nahazo fampilazana mialoha ka niroso tamin’ny figiazana sy famotehana ireo vary samba miisa 200 gony ireo, omaly 05 Jolay, mba tsy hiparitaka ka hisy fiantraikany amin’ny fahasalamam-bahoaka. “Sady nodorana no nalevina”, hoy ny fanazavan’ny talem-paritry ny varotra sy ny fanjifana aty SAVA, Be Christophe.
    Lire la suite ...
    • jeudi, 05 juillet 2018 21:01
    • Photos fournies

    Tsihombe-Androy: Un lycée technique professionnel ainsi qu’un bloc opératoire remis à la population

    Avec la mise en place du bloc opératoire, la population de Tsihombe, et de tout le district, n’a plus besoin de rejoindre Ambovombe pour les interventions chirurgicales classiques ; les soins et les services sont gratuits, et, pour l’heure, il s’avère nécessaire de renforcer l’effectif du personnel médical. Pour ce qui est du Lycée Technique Professionnel de Tsihombe, il dispense, pour le moment, des formations en bâtiment et travaux publics ainsi qu’en comptabilité et gestion. Il a été aussi réalisé sur fonds propres de l’Etat, et l’AFD, Agence Française pour le Développement, apporte son appui au programme d'enseignement en BTP.
    Lire la suite ...
    • jeudi, 05 juillet 2018 20:22
    • Sary nomena

    Madirovalo Ambato-Boeny: Tanimbary 300ha no avotra ho azo volena indray

    Difotry ny rano sy atsanga tamin’ny 1995 ny velaran-tany 300ha tao an-tanànan’i Adamalandy ary tsy afaka novolena. Nanapa-kevitra ny Fokonolona tompontany fa hanokatra lakandrano vaovao hahafahana manondraka indray io velarantany io ho azo ambolem-bary. Mirefy 3,5km ny halavan’ny lakandrano nohadiana, ary efa nanomboka roa volana lasa ny asa momba izany.
    Lire la suite ...
    • mercredi, 04 juillet 2018 13:47

    Manao ahoana ny famoahana vaovao eto amin'ny Gasypatriote sy Facebook

    - Manana solontena manerana ny Nosy ny Gasypatriote, ka ireny mpanao gazety na correspondant any ireny no mitrandraka ny vaovao sy sary any an-toerana. Malalaka tokoa izy ireo amin'ny vaovao omeny sy ny fanehoan-kevitra tiany ampitaina ao anatin'izany.Miankina amin'ilay mpanao gazety any an-toerana izany ny fomba fanoratra sy ny teny ampiasaina ao anatiny.
    Lire la suite ...
    • mercredi, 04 juillet 2018 13:18
    • Sary Gasypatriote Anivorano

    Anivorano Avaratra: Mijaly rano ny mponina

    Sahirana amin’ny fahazoana rano fisotro ny mponina aty amin’ny Kaominina Anivorano, Distrikan’Antsiranana II. Nampanatena ny hamaha olana ity fitondrana Rajaonarimampianina ity saingy tsy tanteraka izany hatramin’izao.  Efa nisy paompy fatsakana 40 eo teto an-toerana nefa tsy misy mandeha na iray aza amin’izao. Lavadrano no akana rano amin’izao, tena sahirana ny mponina ka miantso ny hamahana olana.
    Lire la suite ...
    • mardi, 03 juillet 2018 12:10
    • Sary Gasypatriote Sambava

    Sambava: Nieren-doza ny banky Microcred tamin’ny haintrano mahatsiravina

    Ny 02 jolay 2018 tamin’ny folo ora alina no taitra ny manodidina tetsy Antanifotsy I raha nahita afo nipoitra tamin’ny trano iray izay nifanila tamin’ny foibe Banque Microcred eto Sambava. Vetivety foana dia niitatra tamin’ireo trano ampolony manodidina ny afo. Tonga ihany ny fiara mpamonjy voina avy amin’ny ADEMA saingy efa kila forehitra ny fananana rehetra tao amin’ny trano fivarotana, tao ny hotely, tao ny mpivarotra lamba ranofotsiny, tao ny “coiffure” lehibe, ary trano fonenan’olon-tsotra. Hatramin’ity talata tamin’ny 8 ora maraina teo dia tsy mbola maty tanteraka ny afo na voafehy tsy hiitatra aza.
    Lire la suite ...
    • lundi, 02 juillet 2018 10:51

    Ady amin'ny zava-mahadomelina, ny toaka, ny sigara, ny paraky

    Betsaka ny tanora no tsy an'asa, tsy mianatra, tsy misy fialam-boly, tsy misy fotodrafitrasa amin'ny sport atao, betsaka ireo film sy hirahira tsy hay fototra sy mamoafady, ny Ray aman-dreny tsy maharaka intsony ny fanabeazana, ny fiaraha-monina mikorontana tsy manabe ny tanora intsony, ny mpitondra be kolikoly, tsy manome modely. Fositra manimba ny tanora ny zava-mahadomelina izay misarika azy, ka dia programa goavana amin'ny tetikasa "Vitatsika io" ny hiatrehana izany ady amin'ny zava-mahadomelina izany manomboka any amin'ny fenenjehana ireo mamboly izany sy izay manamboatra azy, ny kolikoly ao anatiny ary ny famarotana sy fanondranana izany any ivelany.
    Lire la suite ...
    • dimanche, 01 juillet 2018 19:12
    • Sary nomena

    Bazary Kely - Toamasina: Niova endrika rehefa nanorenana "Bloc Commercial"

    Notokanana ny zoma 29 jona teo ny Bloc Commercial, nanome endrika ny tanànan'i Toamasina. Herimpon’ny fiadidiana ny tanànan’i Toamasina, araka ny nambaran’ny Ben’ny Tanàna Elisée Ratsiraka, no nenti-nanana azy niaraka tamin'ireo mpiara-miombon'antoka sy ny fiaraha-miasa amin'ireo matihanina amin'ny fanorenana ary ny mpivarotra sy ny vahoaka izay hampiasa azy.
    Lire la suite ...
    • vendredi, 29 juin 2018 19:15
    • Sary Gasypatriote Antsirabe

    Vakinankaratra: Faritra manana taha ambony amin’ny tsy fanjarian-tsakafo mitarazoka

    Nampahafantarina ny mpanao gazety ny alakamisy 28 jona 2018, teto Antsirabe ny hetsika « Andro Nasionaly hoan’ny Fanjarian-tsakafo », andiany faha 14, izay ho tontosaina manoloana ny gara ny 6 sy ny 7 jolay 2018 ho avy izao . Ny foibem-pirenena ho an’ny fanjarian-tsakafo na ny ONN no tompomarika amin’io hetsika mandritra roa andro io. Isan’ny mbola nisafidianana an’i Vakinankaratra hanaovana ity hetsika ity moa ny mbola fananan’ity faritra ity taha ambony amin’ny tsy fanjarian-tsakafo mitarazoka eo amin’ny kilonga, izay mbola mahatratra 65,3% izany. « Ankohonana sehatry ny fanjarian-tsakafo lavorary, fanoitra ho an’ny fampandrosoana », moa no lohahevitra nampitondraina ity hetsika andiany faha-14 eto Antsirabe ity. (Jereo Sary Tohiny)  
    Lire la suite ...
    • vendredi, 29 juin 2018 14:05
    • Sary Gasypatriote Antsirabe

    Antso nataon’ny Filoha: Namaly bontana ny sendikan’ny mpampianatra aty Vakinankaratra

    Na nisy aza ny antso avo nataon’ny Filohan’ny Repobilika sy ny Praiminisitra, hiantso ny mpampianatra hiverina hampianatra dia namaly bontana izany ny sendikan’ny mpampianatra ato Vakinankaratra. “Ataovy tonga any am-paosin’ny mpampianatra avokoa, tahaka ny natao tamin’ny mpitatitra aloha ny tombontsoanay dia hiverina hampianatra ihany koa izahay”, hoy ireo mpampianatra, izay nidina an-dalambe teto Antsirabe androany zoma 29 jona, niala teo amin’ny biraon’ny DREN nihazo ny biraon’ny Cisco, saingy tsy nahita mpiasa tao.
    Lire la suite ...
Page 6 sur 162