Sociale

    • jeudi, 19 septembre 2019 20:29
    • Sary nomena

    Ady amin’ny areti-mifindra: Nanolotra laboratoara mitety vohitra ny fanjakana amerikana

    Mipetraka ambony fiara tsy mataho-dàlana ity laboratoara ity, izay hampiasain’ny Institut Pasteur de Madagascar (IPM) ho fanohanana ny asa fanaraha-maso sy fiadiana amin’ny areti-mifindra ataon'ny Ministeran'ny Fahasalamam-bahoaka. Mitentina 200 000 dolara ity laboratoara ity izay ahitana fitaovana tena raitra, ary afaka mandeha amin’ny làlan-dratsy. Tamin’ny taona 2017, mandritra ny fihanaky ny valan’aretina pesta, no tsapa fa tena ilaina ny laboratoara mitety vohitra. Izy ity dia hanao fisedrana sy analizy mikrobiolojika ary fanadihadiana any amin’ny faritra lavi-toerana. Hanamora ny fanadihadiana mikasika ny fihanaky ny areti-mifindra koa izy, toy ny tazomoka, ny pesta sy ny kitrotro.
    Lire la suite ...
    • jeudi, 19 septembre 2019 13:26
    • Sary MAHTP

    Tetikasa « Tana Masoandro »: Mahaliana mpandraharaha avy any Sina

    Nanao fitsidihina ny toerana hametrahana ny fotodrafitrasa amin'ireo tetikasa « Tana Masoandro », sy fanorenena trano fonenana mirary ireo mpandraharaha Sinoa mikambana ao amin'ny "Organisation Mondiale de l'Economie Solidaire et Sociale", niaraka tamin'ny solontena avy amin'ny Ministeran'ny Fanajariana ny Tany, ny Toeram-ponenana ary ny Asa Vaventy. Nanambara ny fahavononany hiara-hiasa amin'ny fitondrana ankehitriny ireto delegasiona ireto hanatanterahana ny tetikasa rehetra ho fampandrosoana ao amin'ny vinan'ny Filohan'ny Repoblika. (Jereo Sary Tohiny)  
    Lire la suite ...
    • mercredi, 18 septembre 2019 23:19

    Liste des Etablissements Publics Nationaux

    Liste des Etablissements Publics Nationaux, arrêtée au mois de décembre 2018, appelés aussi "Organismes rattachés" Le ministère des finances effectue régulièrement une mise à jour de la liste, mais nous avons pu nous procurer celle de décembre 2018, susceptible d'être déjà modifiée. Parmi ces Etablissements donc la liste que le conseil des ministres doit publier pour le déclassement ou la suppression, à la demande du Président de la République, car considérés budgétivores. (Voir liste Galerie Photo)
    Lire la suite ...
    • mercredi, 18 septembre 2019 20:57
    • Sary nindramina

    18 septambra: Andro iraisam-pirenena natokana ho an'ny volobe

    Volobe na « bambou » ; ahitana 35 karazany amin'izy ity eto Madagasikara, ary eto amintsika ihany no ahitana ireo karazany ireo. Ny fikambanana INBAR no mikarakara ny fampiroboroboana ny sehatra mahakasika ny volobe. Firenena miisa 45 no efa mpikambana ao amin'ny INBAR, ary isan'izany i Madagasikara. Azo anaovana fanaka, anamboarana trano, sekoly, hopitaly, tetezana, fitarihan-drano, zavamaneno, solosaina, akanjo, atin'akanjo … ny volobe. Mora maniry izy, ary miaro ny tontolo iainana. (Jereo Sary Tohiny)  
    Lire la suite ...
    • mardi, 17 septembre 2019 21:51
    • Sary nindramina, fanamboaran-dalana Fénerive-Est

    Fantatrao ve: Inona izany garantie de construction?

    Retsika tatoato, fa anisan'ny nisafidianana ilay orinasa hanao ilay lalana mampitohy an'i Toamasina sy Fenoarivo atsinanana, dia izy orinasa malagasy, ary nanome antoka na "garantie" 50 taona amin'ny asa ataony, ka raha misy ny fahasimbana, hoy ny filoham-pirenena ao anatin'ny 50 taona, dia ilay orinasa no manamboatra ny simba. Raha raisina amin'izay tokoa, dia tena mahavelombolo satria dia izay asa natao tsy hiverenana intsony ao anatin'ny 50 taona fa mandry ivohon'ny vato. Fa inona tokoa moa izany ny antsoina hoe "garantie de construction"? Ny fotodrafitrasa iray, toy ny lalana, dia eo ampiheverana ny fanamboarana azy, dia kajiana hoe aharitra firy taona ity lalana amboarina ity? Ka dia miainga amin'izay avokoa ny kajy rehetra. Eto izany dia matoa ny mpanamboatra lalana manolotra antoka 50 taona, dia heverina izany fa aharitra 50 taona ny fotodrafitrasa na ilay lalana atao (durée de vie 50 ans).
    Lire la suite ...
    • mardi, 17 septembre 2019 20:08
    • Sary nindramina

    Morondava: Ankizy miisa 1 000 nizarana « kit scolaire » maimaimpoana

    Notoloran’ny Association SOATIRY fitaovam-pianarana maimaimpoana ny ankizy miisa 1 000 avy amin’ireo Fokontany miisa 18 eto an-drenivohitry ny Faritra Menabe. Fikambanana misehatra amin’ny ara-tsosialy, fa indrindra ny fampianarana sy ny fahasalamana ny Association SOATIRY. Tolo-tanana ho an’ireo Ray aman-dreny ho fiatrehana ny fidiran’ny mpianatra izao no anton’ity hetsika nataony.  
    Lire la suite ...
    • lundi, 16 septembre 2019 15:16

    Fifaninanana hidirana IST Antananarivo: Sanganehana ireo tanora vao hiatrika bakalôrea 2019

    Hotanterahina ny alarobia 23 sy alakamisy 24 oktobra 2019 ny fifaninanana hidirana taona voalohany ao amin’ny Institut supérieur de Technologie d'Antananarivo (IST-T). Hifarana amin’ny sabotsy 21 septambra 2019 amin’ny mitatao vovonana ny fisoratana anarana amin’ity fifaninanana ity. Bakalorea no diplaoma farafahakeliny takiana amin’ny mpifaninana, ary 25 taona raha zokiny indrindra. Ekena hifaninana anefa ireo tanora vao hiatrika bakalôrea amin’ity taona 2019 ity, saingy misy taratasy fenoin’izy ireo. Sanganehana ireto tanora vao hiatrika bakalôrea 2019 ireto, izay maro no maniry hanohy fianarana eny amin’ny IST-T. Hatao ny 30 septambra 2019 ka hatramin’ny 04 oktobra 2019 ny adina an-tsoratra ho an’ny bakalôrea sokajy ankapobeny, sy ny andiany voalohany (Première série) ho an’ny sokajy teknika. Hitohy ny 07 oktobra 2019 ka hatramin’ny 10 oktobra 2019 ny « Deuxième série » ho an’ireo mpiadina bakalôrea sokajy teknika sy teknôlôjika.
    Lire la suite ...
    • dimanche, 15 septembre 2019 17:26
    • Sary nomena

    Toamasina: Nijery ny toerana hanorenana « building » i Andry Rajoelina

    Hisitraka ny trano mora sy « building » mora ny mponina eto Toamasina. Hanomboka tsy ho ela ny fanamboarana ireo trano ireo, hoy ny filoha Andry Rajoelina androany 15 septambra 2019 raha tonga nijery sy namaritra ny toerana hanaovana izany teo Ambohijafy, niaraka tamin'ireo tompon'andraikitra isan-tsokajiny izy. (Jereo Sary Tohiny)  
    Lire la suite ...
    • samedi, 14 septembre 2019 19:09

    Tetikasa « Base Toliara »: Nandefa taratasy misokatra ho an'ny Filohan'ny Repoblika Malagasy ny CRAAD-OI

    Nanao fanairana maika ny Filohan’ny Repoblika ny CRAAD-OI (Centre de Recherches et d’Appui pour les Alternatives au Développement - Océan Indien) tamin’ny taratasy misokatra nataony androany 14 septambra 2019, mahakasika ny "radioactivité" ao Ranobe izay itrandrahan’ny tetikasa Base Toliara fasimainty ao amin’ny Faritra Atsimo Andrefana mba ahazoana ilmenita (« ilménite »), sy zirkôna (« zircon ») ary rotila (« rutile »). « Tandindomin-doza ny Fokonolona », hoy ny taratasy, « noho ny mety ho fiantraika mamoheha-dozan’ity tetikasa ity aminy, koa miandry ny fanambaràna amim-pomba ofisialy » avy amin’ny filohan’ny Repoblika « ny hanohizana na hampijanonana ny tetikasa, satria mandritra izany fiandrasana izany dia manohy ny asany am-pianjonanjonana ireo mpitantana azy ».
    Lire la suite ...
    • vendredi, 13 septembre 2019 14:32
    • Sary nindramina

    Erramatti Mangayamma: 73 taona, sambany vao niteraka, nahazo kambana mirahavavy

    Teratany indianina i Erramatti Mangayamma. 73 taona izy izao, tantsaha. Tamin’ny 1962 izy no nanambady, 80 taona izao rangahy vadiny. Tsy nety nahazo zaza mihitsy izy mivady hatramin’izay nivadian’izy ireo. Ny taona 2018, tapa-kevitra izy mivady fa hanantona klinika mahay manokana momba ny fampitsehana ny tsirinaina lahy sy vavy ivelan’ny tranon-jaza (fécondation in vitro). Nahomby izany taorian’ny andrana samihafa natao. Teraka omaly 12 septambra 2019 i Erramatti Mangayamma. Kambana roa vavy ny zaza teraka, taorian’ny fandidiana natao (césarienne) noho ny renin-jaza efa nahazo taona. Mbola arahi-maso mandritra ny 21 andro ny fahasalamany taorian’izao fiterahany izao. Heverina fa i Erramatti Mangayamma no vehivavy antitra indrindra manerantany vao niteraka. (Jereo sary Tohiny)  
    Lire la suite ...
Page 5 sur 192