Sociale

    • mardi, 24 mars 2020 09:17
    • Sary: Ministeran’ny Mponina

    Covid-19: Nalefa eny amin’ny Centre Social Anosizato ireo fianakaviana tsy manan-kialofana teto an-drenivohitra

    Nangonina ireo fianakaviana tsy manan-kialofana teto an-drenivohitra ary natoby eny amin’ny Centre Social Anosizato izay toerana an'ny Kaominina Antananarivo Renivohitra. Nifarimbona ny Minisiteran'ny Mponina sy ny Kaominina Antananarivo Renivohitra nametraka ireo fianakaviana ireo amin'ny toerana milamina, azo antoka ary ahafahana manome sakafo azy ireo sy hanomezana azy ireo ny fiahiana ara- tsosialy sy fanofanana mendrika azy ireo, fa indrindra ho fisorohana ny fihanaky ny valanaretina coronavirus misy amin'izao fotoana. (Jereo Sary Tohiny)  
    Lire la suite ...
    • lundi, 23 mars 2020 21:30

    Coronavirus: Miantso vonjy ireo Mpianatra malagasy any Indonezia

    Miaina anaty tebiteby ireo mpianatra malagasy any Indonezia manoloana ny toe-draharaha izay mifamahofaho maneran-tany ary anisan’ny voakasik’izany i Madagasikara sy Indonezia izay mikasika ny valan’aretina coronavirus. Miantso vonjy ireto mpianatra malagasy any Indonezia ireto noho ny tsy mbola naharaisan’izy ireo ny "allocation financière 2018-2019”, izay vola tokony nivoaka tamin’ny Desambra 2019 kanefa « tsy mbola tonga aty noho ny antony izay mbola tsy mazava », hoy ny fitarainan’ireto mpianatra ireto. Efa nisy, hoy izy ireo, ny fitarainana maro, sy fitadiavam-bahaolana naroso tamin'ny tompon'andraikitra, toy ny CONABEX (Commission Nationale des Bourses Extérieures) sy ny Ministera isan'ambaratongany, saingy nandamòka daholo izay natao rehetra.
    Lire la suite ...
    • lundi, 23 mars 2020 20:24
    • Sary nindramina

    Coronavirus: Nijery toerana azo ametrahana ireo fianakaviana tsy manan-kialofana ny Minisiteran'ny mponina

    Nijery toerana azo ametrahana ireo fianakaviana tsy manan-kialofana ny Minisiteran'ny mponina, ho fiatrehana ny fianaky ny coronavirus. Ny EPP Nanisana no nojerena niaraka tamin'ny avy eo amin'ny Kaominina Antananarivo Renivohitra, ny BNGRC... Ho entina eo anivon'ny Komity misahana ny fandrindrana ny fisoroana (Centre opérationnel de commandement COVID-19 Ivato) ity coronavirus ity ny volavolan-kevitra ahitana ny fomba ahafahana manatanteraka azy.  
    Lire la suite ...
    • lundi, 23 mars 2020 19:27
    • Sary: MENETP

    Famatsiana PPN: Nivadika tsena ny sekolim-panjakana sasany

    Niverina ny « TSENA MORA », fepetra isany noraisin’ny fanjakana hanampiana ny mponina amin’ny fitadiavana ireo filàna fitotra toy ny vary sy menaka. Ho an’ny teto Antananarivo renivohitra dia nampiasaina ho « TSENA MORA » ny sekolim-panjakana sasany. Nidina ifotony nanara-maso izany ireo tomponandraikitra teo anivon’ny ministeran’ny fanabeazam-pirenena sy ny fampianarana teknika sy arak’asa izay notarihin’ny Minisitra Andriamanana Josoa Rijasoa Iarintsambatra androany maraina, nijery ny fanarahana ireo fepetra rehetra tokony hajaina mba hisorohana ny fihanaky ny valan’aretina coronavirus na Covid-19.    
    Lire la suite ...
    • samedi, 21 mars 2020 14:05

    Andro manerantany ho an’ny rano: Nahemotra ho amin’ny andro hafa ny fankalazana

    Ankalazaina isan-taona isaky ny 22 marsa ny Andro manerantany ho an’ny rano, manoloana ny fisian’ny valanaretina coronavirus eto Madagasikara sy ho fanajana ny fepetra mandrara ny fitangoronana sy ny havoriana ato anatin’ny 15 andro, hisorohana ny fiparitahan’ity valanaretina ity dia nanapa-kevitra ny ministeran’ny rano fa ahemotra ho amin’ny fotoana manaraka ny fankalazana nasionaly tokony hatao ao Betambatra, Distrikan’i Manjakandriana, Faritra Analamanga ny 22 martsa 2020 araka ny lohahevitra « Rano tsara tantana, fanoitra amin’ny fivoaran’ny toetrandro ».  
    Lire la suite ...
    • samedi, 21 mars 2020 13:28
    • Tahirin-tsary nindramina

    Fianarantsoa: Aorian’ny 15 andro vao hisy indray ny fisoratam-panambadiana ankoatry ny androany

    Miomana hiatrika ny fiparitahan’ny coronavirus ny eto amin’ny Faritra Mahatsiatra Ambony, nohamafisina ny paik’ady hiarovana ny fahasalamam-bahoaka. Ho an’ny Kaominina ambonivohitr’i Fianarantsoa dia aorian’ny 15 andro vao hisy indray ny fisoratam-panambadiana ankoatry ny androany. Foanana ihany koa ny tsena Zoma sy Talata mandritra ny 15 andro.    
    Lire la suite ...
    • samedi, 21 mars 2020 13:12
    • Sary: Polisim-pirenena

    Coronavirus: Nidina ifotony nandrara ireo hetsika famoriam-bahoaka ny Polisim-pirenena

    Nidina teny Ankadindratombo, Kaominina Alasora, Distrika Antananarivo Avaradrano ny Polisim-pirenena, androany maraina, nandrara ireo hetsika mahavory vahoaka toy ny tao amin'ny Fiangonana iray. Izany dia ho fanatanterahana ny fepetra noraisin'ny fitondram-panjakana amin'ny tsy tokony hisian'ny hetsika famoriam-bahoaka manoloana ny fisian’ny valanaretina coronavirus eto Madagasikara. Hidina eny amin'ireo tsena maro samihafa sy ireo toeram-pivarotana isan-karazany ihany koa ny Polisim-pirenena hisoroka ny mety ho fanararaotana amin’ny endriny samihafa. (Jereo Sary Tohiny)  
    Lire la suite ...
    • samedi, 21 mars 2020 12:28

    Andro iraisam-pirenena ho an’ny Ala: Nofoanana ny fankalazana saika hatao eny amin’ny Valan-javaboahary Tsimba

    Ho fampiharana avy hatrany ny fanambaran'ny Filohan'ny Repoblika, Andry Rajoelina ny amin'ny fanafoanana ny famoriam-bahoaka sy hetsika rehetra mandritra ny 15 andro noho ny coronavirus dia nanapa-kevitra ny ministeran’ny tontolo iainana sy ny fandrosoana lovainjafy fa foana ny fankalazana nasionaly ny Andro iraisam-pirenena ho an’ny Ala izay saika hatao eny amin’ny Valan-javaboahary Tsimbazaza-Antananarivo.  
    Lire la suite ...
    • vendredi, 20 mars 2020 22:33
    • Sary nindramina fampiaingoana

    Coronavirus: Mila mikaon-doha haingana ny manam-pahaizana Malagasy sy ireo mpitsabo nentim-paharazana, hoy ny SECES

    Nivory ny SECES (Sendikan’ny Mpampianatra-Mpikaroka sy Mpikaroka-Mpampianatra) Sampana Antananarivo, androany 20 Martsa 2020, manoloana ny zava-misy ankehitriny, ary miantso ny rehetra mba « hiray hina tanteraka, hifanome tànana », ny SECES manoloana ny fiparitahan’ny areti-mandoza « Coronavirus » ary « tsy hiroaroa saina manoloana ireo toromarika avy amin’ny fitondrana, tsy hamafy lainga ary samy handray ny andraikitra manandrify azy avy ». Mila mikaon-doha haingana ny manam-pahaizana Malagasy sy ireo mpitsabo nentim-paharazana mba hanomana ny lisitra mirakitra ireo karazam-panafody misy eto an-toerana ka mety ho zakan’ny fahefa-mividin’ny valalabemandry, heverina fa mety mahasitrana an’io aretin-dratsy io. « Ny tsara fiomanana hono tsy ho tampohin’ny loza » ary « Ny sery vitan’anamalaho tsy hamonoana vantotr’akoho ».    
    Lire la suite ...
    • mercredi, 18 mars 2020 12:32
    • Sary: JIRAMA

    Antsiranana: Misedra olana amin’ny famatsian-drano nanomboka ny alahady teo

    Nisy fantsona lehibe roa lasan’ny rano ary nisy ihany koa ireo fantsona nilatsahan’ny vato ka mitaky fanamboarana, hoy ny avy eo anivon’ny Jirama. Ny ora-nikija no nitarika ny fahasimbana, ka izany no fototr’ity fikorontanan’ny famatsian-drano eto an-drenivohitry ny Faritra DIANA ity, hoy hatrany ny fanazavana. Vahaolana vonjimaika ny fitaterana rano amin’ny "camions citerne", izay irahan’ny JIRAMA sy ny orinasa STAR miasa, hamatsiana ireo Fokontany samihafa. Ireo mponina akaikin’ny tobim-panadiovan-dranon’ny JIRAMA, PK7 kosa dia nomena alalana haka rano mivantana eo amin’io toby io. Hisy « citerne » fanampiny avy any Antsohihy hanampiana ny famatsiana rano sy eo ampiandrasana ireo fitaovana fanampiny avy any Antananarivo, ilaina amin’ny fanamboarana ireo fantsona simba. (Jereo Sary Tohiny)  
    Lire la suite ...
Page 4 sur 212