Sociale

    • samedi, 08 février 2020 18:57
    • Sary: MEDD

    Soamahamanina: Zanaka tapia 3500 no novolena androany

    Nifarimbona namboly hazo tao amin'ny Fokontany Mandrosoa, Kaominina Soamahamanina, Faritra Itasy, androany, ny Ministeran'ny Tontolo iainana sy ny Fandrosoana Lovainjafy sy ny foibem-pitondrana ankapobeny misahana ny tetikasan’ny filoha-pirenena ary ny Faritra Itasy. Tanjona manokan'ny Ministera ny hamerina indray ny ala tapia izay mitahiry ny vakoka maha-malagasy. Zana-kazo 6000 no novolena ka Zanaka tapia ny 3500 tamin’izany, nifarimbonana niaraka tamin’ny Fokonolona teny an-toerana. Ny ala tapia no iveloman'ireo landy izay mampiavaka antsika Malagasy. Ao amin'ny Faritra Itasy sy Amoron'i Mania ihany no ahitana ala tapia sy ny landy eto Madagasikara. Zana-kazo 100 000 no tanjon'ny ONG DEFI izay miaro ny tontolo iainana sy ny Ala tapia aty Itasy. (Jereo Sary Tohiny)  
    Lire la suite ...
    • vendredi, 07 février 2020 14:55
    • Sary nindramina

    Antananarivo Renivohitra: Handray mpamonjy voina miisa 100

    Hahazo fampitaovana, fiara 4X4 sy moto, ny mpamonjy voinan’ny tanànan’Antananarivo Renivohitra. Hamboarina ireo fiara simba. Handray mpamonjy voina miisa 100 ihany koa, izay hatomboka amin'ny 50 aloha, hanampy ireo efa amperin’asa. Nivoitra ireo taorian’ny fitsidihan’ny Ben’ny tanàna Naina Andriantsitohaina ny foiben’ny mpamonjy voina eo Tsalalana omaly.    (Jereo Sary Tohiny)
    Lire la suite ...
    • jeudi, 06 février 2020 23:17
    • Sary nindramina

    Coronavirus: Maty ilay dokotera sinoa nanao fanairana voalohany amin’ny fisian’ity valanaretina ity

    Nindaosin’ny fahafatesana, androany zoma 07 febroary, i Dr Li Wenliang, dokotera miasa ao amin’ny hopitalin’i Wuhan, ary nanao fanairana voalohany amin’ny fisian’ny valanaretina Coronavirus sy ny zavadoza aterany ny 30 desambra 2019. 34 taona i Dr Li Wenliang, dokotera maso izy, ary ny 30 janoary 2020 no voamarina fa voan’ny coronavirus, dia izao maty izao. Nisy fanjevoana ihany izy ity, raha nilaza omaly ny OMS sy ireo angom-baovao maro fa maty omaly alakamisy 06 febroary izy, nefa avy eo nandiso izany indray ny hopitaly mbola nitsabo azy fa tsy maty izy, fa manaraka fitsaboana na dia sarotra aza, fa tamin'ny 2 maraina dia nanambara ny hopitaly fa maty i Dr Li Wenliang.
    Lire la suite ...
    • jeudi, 06 février 2020 17:41
    • Sary nomena

    AKAMASOA - Oniversiten'i Fianarantsoa: Nidinika ireo sehatra mety hiaraha-miasa

    Nitsidika ny Foibe Akamasoa eny Andralanitra ny Profesora Rafamantanantsoa Fontaine, Filohan'ny Oniversiten'i Fianarantsoa niaraka tamin'ny Tale Kabinetran'ny Oniversite Dr Rakotonirina Jean Raymond, ny marainan’ny alarobia 5 febroary 2020. Nitafatafa sy nidinidinika tamin’ny Mompera Pedro izy ireo nanoritsoritana ny mety ho fiaraha-miasa amin'ny Oniversiten'i Fianarantsoa sy ny Université Saint Vincent de Paul, ity farany izay misy sampam-piofanana maromaro toy ny « Sciences de l'éducation », Paramed, Informatika, ... (Jereo Sary Tohiny)
    Lire la suite ...
    • mercredi, 05 février 2020 22:35
    • Sary nindramina

    Traboina noho ny rano be: Niainga androany ireo fanampiana avy amin’ny BNGRC

    Nanainga androany 05 febroary 2020 maraina ireo kamiao miisa enina, izay hanatitra an’ireo fanampiana avy amin’ny BNGRC ho an’ny traboina any amin’ireo faritra izay voa mafy tamin’ilay ranobe ny volana janoary teo. Hisitraka izany ireo traboina ao amin’ny Distrikan’Ambato-Boeny sy Mampikony ary Port Bergé. Toy izany koa ireo traboina tao amin’ny Kaominina Tsaramasoandro, Anjiajia, Andranofasika ary Ambondromamy izay amin’iny lalam-pirenena faha-4 iny. Tokantrano miisa 3 198 no voakasik’ity fanampiana niainga androany ity.  
    Lire la suite ...
    • mercredi, 05 février 2020 22:28
    • Sary nindramina

    Saran’ny « fourrière »: Nifampiresaka ny Ben’ny tanàna sy ny Fikambanan’ireo kôperativa mpitatitra eto Antananarivo Renivohitra

    Nifampiresaka tamin’ireo Fikambanan’ireo kôperativa mpitatitra eto Antananarivo Renivohitra ny mpitantana ny tanàna, notarihan’ny Ben’ny tanàna Naina Andriantsitohaina androany. Tao amin’ny lapan’ny tanàna ny fihaonana « nahafantarana ny tena manahirana azy ireo, ary indrindra ny filan’ny Kaominina sy ny mponin’Antananarivo eo amin’ny fandrindrana ny fifamoivoizana sy ho fanatsarana ny fitaterana ». Nandritra izany koa no nanazavan’ny Ben’ny tanàna ny momba ny saran’ny « fourrière » izay maha be resaka taorian’ny nandanian’ny mpanolontsain’ny tanàna ny tetibolan’ny Kaominina Antananarivo Renivohitra taona 2020. « Raha mahay mifanabe sy manara-dalàna isika dia tsy hisy fiara lasa an’ny amin’ny « fourrière » izany », hoy i Naina Andriantsitohaina. Tsy mbola mihatra aloha ny saran’ny « fourrière » vao nofaritana sy nankatoavin’ny mpanolontsaina. Hitohy amin’ny zoma izao ity fihaonana androany ity. (Jereo Sary Tohiny)
    Lire la suite ...
    • mercredi, 05 février 2020 18:33
    • Sary Gasypatriote Morondava

    Bemanonga-Morondava: Mirongatra ny ambalavelona, naato vonjimaika ny fianarana

    Mirongatra ny ambalavelona, aretin’ny maizina, ao amin’ny Kaominina ambanivohitr’i Bemanonga, Distrikan’i Morondava. Nanomboka ny Alatsinainy 3 febroary teo izy io. Ny ankizivavy no tena voa, efa ho telopolo izao. Nisy nentina ao amin’ny FLM Bemanonga ivavahana sy ametrahan-tanana hanalana ny fanahy ratsy mangeja sy mampahery fihetsika ireo ankizy voa. Nanapa-kevitra ny mpitondra ao an-toerana nampiato vonjimaika ny fianarana ao amin’ny EPP Marovoay sy ny CEG ary Lycée ao Bemanonga mandrapahitana vahaolana. Nidina eny an-toerana ny Ben’ny tanàna sy ny lehiben’ny fari-piadidiam-pampianarana Morondava. (Jereo Sary Tohiny)
    Lire la suite ...
    • mercredi, 05 février 2020 18:27

    CRAAD-OI sy ny Fikambanana TANY: Mitsipaka ny fanomezana tany 60 000 ha ho ampiasain’ny orinasa Elite Agro LLC

    Nanao fanambarana miaraka ny CRAAD-OI (Centre de Recherches et d’Appui pour les Alternatives de Développement - Océan Indien) sy ny Fikambanana TANY manohitra ny fanomezana tany 60 000 hekitara eto Madagasikara ho ampiasain’ny orinasa Elite Agro LLC avy any Emirats Arabo Mitambatra. Tsipahanay ny fampiasàna io karazana fiombonana antoka io hanatrarana ny fahavitan-tena ara-tsakafo, hoy ny fanambarana, satria « fananana iombonan’ny vahoaka Malagasy ny tany fa tsy entam-barotra ». Toherinay mafy, hoy hatrany ny fanambarana, ny paik’ady nosafidian’ny mpitondra izay miantehatra indrindra amin’ny mpampiasa vola sy ny vondron’orinasa avy amin’ny firenena vahiny eran-tany amin’ny fambolena ny tany malagasy, fa tsy manao ho laharam-pahamehana ny fampiroboroboana ny hery velon’ny firenena amin’ny alàlan’ny fampitomboana isa hatrany ny fepetra fanohanana sy fanampiana ny tantsaha sy ny mpandraharaha avy eto an-toerana.
    Lire la suite ...
    • mardi, 04 février 2020 16:38
    • Sary nindramina

    OTIV Boeny: Mahatsiaro voarirarira ireo mpikambana nanana petrabola tao

    Tsy very hafoy, nefa koa tsy hita hantenaina ny volanay mihitsoka ao amin’ny OTIV Boeny, hoy ny mpikambana manana petrabola tao. Alefa mankany amin’ny Paositra izahay, fa hoe efa nisy fifanarahana eo amin’ny PAOMA (Paositra Malagasy) sy ny OTIV Boeny rehefa noraisin’ny fitondram-panjakana an-tànana mivantana ny famahana ny olan’ny OTIV Boeny, amin’ny alàlan’ny fidirana an-tsehatry ny Ministeran’ny Paositra sy ny Fifandraisan-davitra ary ny Fampiroboroboana ny Haitao ara-kajy mirindra. Nisy ny fanaovan-tsonia ny fifanaraham-piaraha-miasa mikasika izay famahana ny olan’ny OTIV Boeny izay tao Antananarivo.
    Lire la suite ...
    • mardi, 04 février 2020 15:52

    Aretina homamiadana: 1600 isan-taona ny olona tsaboina amin’ireo hôpitaly eto Madagasikara

    Mankalaza ny Andro manerantany hiadiana amin’ny homamiadana, isaky ny 04 Febroary, i Madagasikara. Ny lohahevitry ny fankalazana tato anatin’ny telo taona 2019-2021 dia ny hoe “I am … and I will” izay azo adika amin’ny teny Malagasy hoe :“Fantatro ny tenako, ary fantatro ny tokony hataoko” na koa hoe : “Handray fanapahan-kevitra mifandraika amin’izany aho”. Ny fankalazana ny andro iadiana amin’ny homamiadana amin’ity taona 2020 ity dia mifantoka indrindra amin’ny fampiasam-batana. Raha ny antotanisa dia eo ho eo amin’ny 1600 isan-taona ny olona voan’ny homamiadana tsaboina any amin’ireo hôpitaly eto Madagasikara. Ny vinavina nokajian’ny OMS anefa dia mety ho mahatratra 18 400 isan-taona izany.  
    Lire la suite ...
Page 3 sur 205