Sociale

    • lundi, 30 septembre 2019 15:27
    • Sary nindramina

    Parc Ankarafantsika: Voafehy tanteraka ny afo tamin’ireo toerana telo nisy firehetana

    Efa tamin'ny 27 septambra no voalaza fa tsy nisy afo nirehitra intsony ao amin’ny Parc Ankarafantsika. Toerana telo no nisy afo, dia tao Ampijoroa, Ampombilava ary Andranobaka. Efa samy voafehy avokoa ny afo ary maty tanteraka, teo anelanelan’ny 23 ka hatramin'ny 26 septambra 2019. Manana valerana 103 ha eo ny ala nolalovan'ny afo tamin’ireo toerana ireo. Niara-nientana namono ny afo ny Fokonolona, ny « brigade de feu », ny « pompiers » an'ny Faritra, ny mpitandro filaminana, ary ny solontenam-panjakana aty an-toerana. (Jereo Sary Tohiny)  
    Lire la suite ...
    • dimanche, 29 septembre 2019 19:36
    • Sary nindramina

    Ankamasoa: Niraradraraka ny fanomezana amin'ny fankalazana ny faha-30 taonany

    Tonga teny Andralanitra nanotrona ny fankazalana ny faha-30 taonan’ny Akamasoa, tantanan’ny Mompera Pedro ny filoham-pirenena Andry Rajoelina io tolakandro io. Nanolotra fanafody aman-taoniny ho an’ny Akamasoa ny filoha, ary nampanantena fa hitohy tsy tapaka izany tohana ara-panafody izany. Hananganana oniversite eny an-toerana manomboka amin’ity taona ity. Notoloran’ny fanjakana mariboninahi-pirenena ambony "Grand Croix de 2e classe de l'Ordre National Malagasy" ihany koa i Mompera Pedro ho fankasitrahana ny asa soa nataony teto Madagasikara. (Jereo Sary Tohiny)  
    Lire la suite ...
    • vendredi, 27 septembre 2019 22:15
    • Sary nomena

    Fitsaboana: Mikasa hiverina ny sambo hopitaly « Mercy Ships » amin’ny 2020

    Nisy ny fihaonan’ny praiminisitra Ntsay Christian tamin’ireo tompon’andraikitry ny sambo hopitaly « Mercy Ships », omaly, tao New York. Efa misy fifanarahana mipetraka eo amin’i Madagasikara sy ity fikambanana ity, izay mikasa ny hampiantsona ny sambo ao Toamasina indray amin’ny taona ho avy, ka hohavaozina izany fifanarahana izany. Maro ny Malagasy no hahazo fitsaboana amin’ny alalan’ny fandidiana, ary nambaran’ireo tompon’andraikitry ny « Mercy Ships » fa misy sampana iray nosokafana ao amin’ny hopitalin’i Toamasina, hahafahan’izy ireo manampy antsika eo amin’ny fandidiana marary. Mikasa ny hametraka birao maharitra eto Madagasikara ny « Mercy Ships » ka hiarahana mandinika amin’ny ministeran’ny Raharaham-bahiny sy ny ministeran’ny Fahasalamam-bahoaka ny momba izany. (Jereo Sary Tohiny)  
    Lire la suite ...
    • vendredi, 27 septembre 2019 22:04
    • Sary nomena

    Fambolena sy ny sakafo: Isan’ireo firenena telo hisitraka tetikasa vatsian’ny FAO vola 20 tapitrisa dolara i Madagasikara

    Nihaona tamin’i Dongyu, Tale Jeneralin’ny FAO misahana ny fambolena sy ny sakafo, eo anivon’ny Firenena Mikambana ny praiminisitra Ntsay Christian, ny 26 septambra 2019. Hisitraka tetikasa iray vaovao vatsian’ny FAO vola mitentina 20 tapitrisa dolara, hampitomboana ny famokarana vary i Madagasikara. Firenena telo, dia i Sina, i Madagasikara, ary ny FAO no voakasik’ity tetikasa telo zoro ity. Nodinihina ihany koa ny olana ateraky ny olitra eo amin’ny fambolena katsaka, sy ny ady amin’ny valala. Noresahina ny hifantohan’i Madagasikara kokoa amin’ny fampiasana masomboly nohatsaraina, eo amin’ny sehatry ny fambolena.
    Lire la suite ...
    • vendredi, 27 septembre 2019 21:47
    • Sary nomena

    Mahamanina-Fianarantsoa: Hisy EPP manarapenitra hahazaka mpianatra 600

    Natomboka androany ny fanamboarana EPP manarapenitra eo Mahamanina Fianarantsoa. Nisantatra ny asa fanamboarana izany ny filoha Andry Rajoelina. Hisy efitra 12 ny fotodrafitrasa vaovao, ary hahazaka mpianatra eo amin’ny 600. Ahitana birao, toeram-pisakafoana, toerana famakiam-boky sy kianja filalaovan’ny ankizy. Nampanantena ny Filoha Andry Rajoelina fa hahazo “tablette numérique” avokoa ireo mpianatra hianatra amin’ity EPP manarapenitra ity.  
    Lire la suite ...
    • vendredi, 27 septembre 2019 20:17

    Bakalôrea 2019: 26 291 ny isan’ny mpiadina manerana ny faritanin’i Toamasina

    Hanomboka amin’ny alatsinainy 30 septambra 2019 ny fanadinana bakalôrea. Miisa 26 291 ireo mpiadina voasoratra anarana manerana ny faritanin’i Toamasina, ka amin’ny sokajy ankapobeny ny 25 087 amin’ireo ary 1 204 ny mpiadina bakalôrea teknika. 11 taona, mpianatra ao Tanambe Ambatondrazana, no zandriolona indrindra amin’ireo mpiadina. Sokajy A2 no misy azy, ary 72 taona, sokajy A1, ny zokiolona indrindra amin’ireo mpiadina ato amin’ny Faritanin’i Toamasina, ary avy any Maroentsetra. Nisy fihenany miohatra ny tamin’ny taon-dasa, latsaka 2 000, ny isan’ny mpiadina tamin'ity taona ity, izay tsy mazava ny antony. Nametraka fepetra ny fiadidiana ny oniversiten’i Toamasina tamin'ity taona ity noho ireo zava-nisy sy tratra ny taona lasa, fa tsy maintsy mamoaka sofina avokoa ao anaty trano fanadinana ireo vehivavy misarom-boaly rehetra, ny tsy fanarahana izany dia mitarika amin’ny tsy fahafahana manao fanadinana.  
    Lire la suite ...
    • vendredi, 27 septembre 2019 13:22
    • Sary nomena

    Naharimamy Lucien Irmah: Niaino ny hetaheta sy fitarainan'ireo mponina teto Toamasina

    Nandray sy niaino ny hetaheta sy fitarainan'ireo mponina teto Toamasina ny Minisitry ny Mponina sy ny fiahiana ara-tsosialy ary ny fampivoarana ny vehivavy, Naharimamy Lucien Irmah, nandritra ny fandalovany teto an-toerana, nifanandrify tamin’ny fankalazana ny Taom-baovao malagasy. Tsy noferana ny fotoana nandraisana tsirairay ireo olona naniry hiaona manokana tamin’ny minisitra fa dia afaka nifampidinika tsara teto amin'ny foibe-paritry minisiteran'ny mponina eto Toamasina ny roa tonta. Nahatratra 30 mahery ny olona sy fikambanana nihaona mivantana noraisina nandritra io fandalovana teto Toamasina io. Hitondrana vahaolana avy hatrany, sy hampitaina amin'ny governemanta ny hetaheta sy fitarainan'ireo mponina. (Jereo Sary Tohiny)
    Lire la suite ...
    • jeudi, 26 septembre 2019 13:50
    • Sary nomena

    Nantenaina: Nitarika ny mpiaradia aminy nanome rà

    « Manome Rà, manome aina » ary « Mizara rà, mifamatotra am-pitiavana » io no manosika an’i Nantenaina ka nitaomany ireo mpiaradia aminy niazo ny Hôpitaly Be CHU Analankininina Toamasina ny alarobia 25 septambra 2019 nanome rà maimaimpoana. Kandidà amin’ny fifidianana Ben’ny tanàna hatao amin’ny 27 novambra 2019 i Nantenaina, mitondra ny laharana voalohany (1) amin'ny bileta tokana. Nambarany fa fanehoam-pahavononana hanasoa an’i Toamasina izao nasehon’ny ekipa IRD tarihiny izao, miaraka tamin’ireo kandidà ho Mpanolontsaina ary mpikambana tsotra.  
    Lire la suite ...
    • jeudi, 26 septembre 2019 08:51

    Tsena Mora: Haverina manomboka amin'ny herinandro ambony

    Fepetra vonjimaika ahafahana mitsinjo ny fianakaviana tena sahirana no voalaza fa nandraisana ny fanapahan-kevitra hamerenana ny « Tsena Mora », nandritra ny filankevitry ny minisitra ny alarobia 25 septambra 2019. Ahitana ireo entana ilaina andavanandro amin'ny vidiny tena mirary ny « Tsena Mora ». Tsy hihoatra ny 3 000 Ar ny litatry ny menaka fihinana, tsy hihoatra ny 1 000 Ar ny kilaon’ny vary, ary tsy hihoatra ny 2 000 Ar ny kilaon’ny siramamy.  
    Lire la suite ...
    • mercredi, 25 septembre 2019 19:40

    Jirama: Ireo mpikamban’ny Filankevi-pitantanana vaovao

    Nandritra ny filankevitry ny minisitra ny 18 septambra 2019 no nanendrena ireo mpikambana vaovao ao amin’ny Filankevi-pitantanan’ny orinasa Jirama. Miisa folo izy ireo dia : - Andriamanampisoa Rasamoelina Soloniaina, Solontenan’ny Fiadidiana ny Repoblika - Tsaboto Roger, Solontenan’ny Primatiora, - Maitre Ratovondrajao Fredon, noho ny traikefany manokana, - Ramaroson Andry Heriniaina, Solontenan’ny Ministeran’ny angovo, ny rano ary ny akoran’afo - Raoelijaona Bien Aimé Victorien, Solontenan’ny Ministeran’ny toekarena sy ny fitantanam-bola ,
    Lire la suite ...
Page 3 sur 192