Sociale

    • vendredi, 31 janvier 2020 20:34
    • Sary nindramina

    Rakotovelomanantsoa Voahary: Laharam-pahamehana ny famatsiana rano fisotro madio ny Malagasy rehetra

    Naverina hitokana ny Ministeran’ny Rano, ny Fanadiovana, sy ny Fidiovana, nosarahina tamin’ny Ministeran’ny Angovo sy ny Rano ary ny Akoranafo. Rakotovelomanantsoa Voahary no voatendry hitantana ity Ministeran’ny Rano, ny Fanadiovana, sy ny Fidiovana ity, araky ny didim-panjakana laharana 2020-070 nivoaka ny alarobia 29 janoary 2020. Tontosa omaly teny Faravohitra ny fifamindram-pahefana teo amin’i Christian Ramarolahy, Minisitra mpisolo toerana sy Rakotovelomanantsoa Voahary, Minisitry ny Rano, ny Fanadiovana, sy ny Fidiovana. Nambaran’ny Minisitry ny Rano, ny Fidiovana ary ny Fanadiovana fa laharam-pahamehana ny famatsiana rano fisotro madio ny Malagasy rehetra, miainga avy eny anivon'ireo distrika no hametrahana izany.  
    Lire la suite ...
    • vendredi, 31 janvier 2020 15:58
    • Sary nomena

    Faritra mando: Manana 20 i Madagasikara misandrahaka amin'ny velaran-tany 2 094 910 ha

    Ankalazaina isan-taona, isaky ny 2 febroary ny « Andro erantany ho an'ny faritra mando ». Naroso androany zoma 31 janoary 2020 ny fankalazana ho an’i Madagasikara, ka teny amin'ny « Parc Tsarasaotra » Antananarivo no nanatanterahana izany, izay notarihin'ny Minisitra Baomiavotse Vahinala Raharinirina. Ity rahateo no hetsika ara-panjakana voalohany nisehoany taorian’ny nanendrena azy ho minisitry ny tontolo iainana sy ny fampandrosoana maharitra, ny alarobia 29 janoary teo. Ny « Parc Tsarasaotra » no kely velarana indrindra amin'ireo faritra mando miisa 20 eto Madagasikara izay voakilasy ao anatin'ny "Site Ramsar" ary misandrahaka amin'ny velaran-tany mirefy 2 094 910ha. Misy karazam- borona 68 ato amin'ity parc Tsarasaotra ity, ka miankina amin'ny rano na faritra mando ny 20 amin'ireo ary atahorana ho lany tamingana ny vorona miisa 4.
    Lire la suite ...
    • vendredi, 31 janvier 2020 15:34
    • Sary Ambatovy

    Ambatovy: Namonjy fianakaviana 400 traboina ao amin’ny Distrikan’Ambatondrazaka

    Nanolotra sakafo sy kojakoja vonjiranovaky miteti-bidy 20 tapitrisa Ariary sahaza fianakaviana traboina 400 ao amin’ny Distrikan’Ambatondrazaka ny orinasa Ambatovy, omaly. Ahitana vary 4 taonina, tsaramaso 1 taonina, menaka fihinana 600 litatra, siramamy 8 gony, ary savony 30 baoritra izany fanomezana izany.  
    Lire la suite ...
    • lundi, 27 janvier 2020 23:05
    • Sary nomena

    RN44: Hatomboka ny asa fanarenana taorian’ny andro ratsy

    Nidina taty amin’ny faritra Alaotra Mangoro ny delegasiona notarihin’ny Praiministra, Lehiben’ny governemanta, Ntsay Christian, androany, nijery ireo distrika tena voamafy sy ny vahoaka tra-boina, vokatry ny rotsak’orana niteraka tondra-drano nitranga tamin’ny herinandro lasa teo. Nivoitra tamin’ity dia ity fa hatomboka rahampitso ny asa fanarenana ny RN44, ary ny alakamisy kosa ny RN3A, mba hamerenana ny famatsiana ny solika izay iankinan’ny sehatry ny famokarana.
    Lire la suite ...
    • lundi, 27 janvier 2020 22:50
    • Sary: BNGRC

    Fanampiana ireo traboina: Nitondra ny anjara birikiny Faneva Ima sy Nicolas Dupuis

    Nifandimby tonga teny amin’ny BNGRC Antanimora, nitondra ny anjara birikiny ho an’ireo Malagasy niaram-boina noho ny ranobe, ny fianakavina Andriatsima Faneva IMA, kapitenin’ny Barea teo aloha, nanome vary 30 gony. Ny rainy sy ny anabaviny no nisolotena azy nanatitra ny fanomezana. Tonga teny ihany koa i Nicolas Dupuis, mpanazatra ny Barea nanatitra vary 20 gony. Teo koa Rakotoarivony Arsène nanolotra vola 100 000 Ariary sy Randrianandrasana Andrianitafika izay monina any ivelany nanome akanjo fitafy roa fatorana. (Jereo Sary Tohiny)  
    Lire la suite ...
    • lundi, 27 janvier 2020 22:15
    • Sary Njaka

    Mpanao gazety: Nitondra am-bavaka ireo traboina

    Ho fiaraha-mientana ho an'ireo traboina tany amin'ny faritra dia nanatontosa fotoam-bavaka ny mpanao gazety, izay natao teny amin'ny Katedraly Analakely io maraina io. (Jereo sary Tohiny)  
    Lire la suite ...
    • lundi, 27 janvier 2020 20:29
    • Sary Njaka

    Ny Rado RAFALIMANANA: Hanolotra fanampiana ho an'ireo traboina eto Madagasikara

    Efa miandry any ny fanampiana aman-taonina maro izay atolotry ny ONG WFDP hanampiana ireo traboina any amin'ny faritra, araka ny fanambaran'andriamatoa Ny Rado RAFALIMANANA tamin'ny mpanao gazety. Efa vonona ny fiaramanidina hitondra an'io fanampiana io ho eto Madagasikara izay hiandrasana ny fanapaha-kevitry ny avy eo anivon'ny fiadidiana ny Repoblikan'i Madagasikara. Asa fanampiana no atao hoy ity farany ka tsy ilaina ny resabe, ka dia manolotra izany hantsitrapo ny tenany sy ny avy amin'ny fikambanana misy azy. (Jereo Sary Tohiny)
    Lire la suite ...
    • dimanche, 26 janvier 2020 22:07

    Fanampiana ny traboina: Tsy manam-pahefana anakana izany ny ministry ny ati-tany

    Hatraiza moa ny herin'ny "Filazana" avoakan'ny minisitry ny ati-tany mandrara ny Malagasy, ny fikambanana hanao hetsika hanangonam-bola hanampiana ny mpiray Tanindrazana? Lalàna no nanome alalana ny fikambanana hitady vola, ka ny volan'ny fikambanana tsy zaraina amin'ny mpikambana fa anaovana ny asan'ny fikambanana. Ny vondrom-bahoaka voatendry no eo ambany fiadidian'ny ministeran'ny Atitany, fa tsy ny Malagasy. Raha misy ny hanao Télé-thon, ny fanaovana fivoriana angamba no ilana fierana, fa izay hanangom-bola, na hanao rakitra, na hanangona fanampiana tsy misy afaka andrara izany, fanaparam-pahefana ny ambonin'izany, satria ny "Filazana" 'ny minisitra tsy ambony noho ny lalàna sy ny fahalalahan'ny olom-pirenena arovan'ny Lalampanorenana.
    Lire la suite ...
    • dimanche, 26 janvier 2020 21:59
    • Sary nomena

    Ehoala-Tolagnaro: Hentitra ny fanaraha-maso ireo vahiny miditra ny seranana

    Nanome baiko ny sampan-draharahara miadidy ny ranomasina na APMF Anosy fa tsy maintsy atao fizahana daholo ny sambo mihantsona, na tsy avy any amin’ny firenena misy an’ilay valanaretina « coronavirus » aza, mba hisorohana ny valan’aretina. Nanao fanaraha-maso teo anivon’ny seranan-tsambon’i Ehoala Tolagnaro ny avy eo anivon’ny ministeran’ny fahasalamana amin’ny fitsapana hafanana ireo mpizahatany miisa 1020 tonga teto Tolagnaro androany. Ny sambo MS Artania niainga avy atsy Richards Bay - Afrika Atsimo, hiazo an’i La Réunion no nitondra ireto mpizahatany ireto. (Jereo Sary Tohiny)
    Lire la suite ...
    • samedi, 25 janvier 2020 22:49
    • Sary nindramina

    Seranam-piaramanidina Ivato: Hentitra ny fanaraha-maso ny fahasalaman'ireo olona mivoaka sy miditra an’i Madagasikara

    Nidina ifotony teny amin'ny Seranam-piaramanidina Ivato androany sabotsy 25 janoary ny Minisitry ny fahasalamam-bahoaka Pr Julio Rakotonirina, nitarika ny ekipa avy ao amin'ny Ministera, nijery ny fanatanterahina ireo fepetra noraisina amin'ny fisorohana ny tsy hidiran'ny "Coronavirus" eto Madagasikara. Hentitra ny fanaraha-maso ny fahasalaman'ireo olona mivoaka sy miditra eny anivon'ireo seranam-piaramanidina sy seranan-tsambo eto Madagasikara. (Jereo Sary Tohiny)
    Lire la suite ...
Page 11 sur 211