Sociale

    • samedi, 20 avril 2019 15:17
    • Sary nomena

    Cité Universitaire Ambohipo: Tonga nitsidika ireo mpianatra i Lanto RAKOTOMANGA

    Nanantanteraka fitsidihana ireo mpianatra monina eny amin’ny CUR Ambohipo ny kandida ho solombavambahoaka Lanto RAKOTOMANGA izay ao anatin'ny faritry ny boriboritany faha II iny toerana iny. Ontsa tateraka izy nahita ny trano ipetrahan’ireto mpianatra ireto, tsy vitan'ny efa kely ny efitrano, nefa mbola mahatratra hatramin’ny fito no miaramonina ao. Simba avokoa ireo fotodrafitrasa eny an-toerana ary tsy mendrika ny mpianatry ny anjery manontolo hoy izy ny mipetraka amin’ireto trano tsy manaraka ny fenitra tokony ho izy ireto. Nanana ny maha izy azy tokoa raha ny cite universitaire tamin’ny androny ary tokony ho modely eraky ny afrika sy izao tontolo izao izany mpianatry ny anjery manontolo izany.
    Lire la suite ...
    • samedi, 20 avril 2019 14:47
    • Sary nomena

    Andranomadio Toamasina: Nanohana ny fitsaboana faobe i Naharimamy Irmah

    Mitohy hatrany ny fanampiana ataon'i Kandida ho solombavambahoaka eto Toamasina I, Naharimamy Irmah. Nanao hetsika goavana izy sy ireo mpiara-miasa aminy nanohana ireo mpitsabo, nitondra fanafody hitsaboana ireo olona rehetra mila izany. Maro tokoa ireo olona tsy afaka mitsabo tena noho ny tsy fisiana, ka niteraka fanentenana ho azy ireo izao fitsaboana faobe izao.  
    Lire la suite ...
    • jeudi, 18 avril 2019 19:30
    • Sary Gasypatriote

    Ampela mijoro: Nifarana ny atrik'asa

    Nofarana androany ilay atrik'asa notanterahan'ny Ampela mijoro, vehivavy misy fahasembana, momba ny fampanana asa, izay natao tetsy Analakely. Nisy ny dihy sy talenta maro nataon'izy ireo namaranana izany. (Jereo Sary Tohiny)  
    Lire la suite ...
    • mercredi, 17 avril 2019 15:05
    • Sary nindramina

    Fenoarivobe: Enina tamin’ireo mpitrandraka volamena folo lahy maty tototry ny tany no hita

    Nitrandraka volamena tany anaty lavaka hatrany amin’ny 19m izy ireo no nihotsaka tampoka ny tany tamin’ny sabotsy 13 aprily teo. Enina, tamin’izy folo lahy, ny razana hita. Mety hatsahatra ny fikarohana ireo razana sisa noho ny fahasarotan’ny fikarohana. Hasiana marika hita maso ho fahatsiarovana eo amin’ilay toerana namoizan’izy ireo aina. Raha tsiahivina dia olona folo no maty tototry ny tany ka ny 06 no hita faty raha nandamoaka kosa ny fikarohana ny efatra ambiny. Nandefa iraka amin’ilay toeram-pitrandrahana volamena nitrangan’ny loza ny Ministeran’ny Harena an-kibon’ny tany sy ny loharanon-karena stratejika ny alatsinainy teo mba hijery ny zava-misy marina ary hitondra vahaolana, raha ilaina.
    Lire la suite ...
    • mercredi, 17 avril 2019 11:18
    • Sary Njaka

    Antaninarenina: Atrik'asa Fikambanan'ny vehivavy sembana mijoro

    Manantanteraka atrik'asa mahakasika ny olana sedrain'izy ireo, ireto vehivavy misy fahasembanana ireto nanomboka omaly talata 16 aprily 2019. Maharitra telo andro moa izy ity ka hifarana ny alakamisy ho avy izao ao amin'ny Le Pavé Antaninarenina. (Jereo Sary Tohiny)  
    Lire la suite ...
    • samedi, 13 avril 2019 13:09
    • Sary: Région Boeny

    Faritra Boeny: Trano fianarana miisa 16 no voatsangana tamin’ny tahirim-bola FDL

    Trano fianarana ho an’ny CEG miisa 14, lycée iray miaraka amin’ny tranon’ny kilasy mandry zazavavy mahazaka mpianatra 4, samy miampy fampitaovana, trano fivoahana sy vovon-drano ary zaridaina fambolena anana, ary làlan-tany mirefy 45km. Ireo no vokatry ny fampiasana ny Tahirim-bola ho an’ny fampandrosoana ifotony andiany voalohany na FDL (Fonds de Développement Local) teto amin’ny faritra Boeny. Tatitra nataon’ny Tale Jeneralin’ny FDL, Raharinjatovo Hanitra io raha nitsidika ara-pomba fanajana ny Lehiben’ny faritra Boeny mpisolotoerana, Bazezy V. Clavelah izy ny alakamisy 11 aprily 2019 tao amin’ny Bloc Administratif Ampisikina Mahajanga. Mitentina 11 tapitrisa Euros no nanaovana ireo foto-drafitr’asa ireo. Kaomina miisa 14 sy ireo Fivondronamben’ny Kaomina ao amin’ny OPCI (Organisme Public de Coopération Intercommunale) eto Boeny no nampiasana io FDL andiany voalohany io.
    Lire la suite ...
    • vendredi, 12 avril 2019 12:30
    • Sary BR

    Pierrot Matatagna: Mbola manohy fitsaboka ao amin’ny CHU Befelatanana

    Mandalo sedra ara-pahasalamana mafy ity mpanakanto ity, ary mbola manaraka fitsaboana ao amin’ny hopitaly Befelatanana efa herinandro izao. Tonga namangy azy teny amin'ny hopitaly ny BR (Banjino ny Repoblika) tamin’ny alalan’ny Sekretera Jeneralin'ny antoko, ka nanolotra vola 1 tapitrisa Ariary ho fanampiana azy amin'ny fitsaboana izay ho ataony. Anisan'ireo mpanakanto izay efa niara-niasa tamin'ny BR i Pierrot Matatagna ary anisan’ireo mpihira maro avy amin'ny faritra Vatovavy Fitovinany izay nomena sehatra ivelarana tamin'ny alalan'ireo hetsika Be Ready Event. (Jereo Sary Tohiny)  
    Lire la suite ...
    • vendredi, 12 avril 2019 12:13

    Fampiananara: Ireo sekoly Katolika eto Madagasikara

    Raha ny antontanisa (2017-2018) dia misy 478 ny «Préscolaire», nisy mpianatra 73 344 izay nosahanin’ny mpampianatra miisa 209. 2089 ny sekoly «Primaire» nahitana mpianatra 372 562 nosahanin’ny mpampianatra 9 808. 359 kosa ny Kolejy nahitana mpianatra miisa 149 806 teo ambany fiadidian'ny mpampianatra niisa 6 665, ary 138 ny Lycée nisy mpianatra 69 588 nosahanin’ny mpampianatra miisa 3 373. 22 kosa ny isan’ny sekoly ambony Katolika.  
    Lire la suite ...
    • vendredi, 12 avril 2019 11:33
    • Sary : Primatiora

    Asa: 6%-n’ny Malagasy no manana anton’asa mendrika sy mahavelona ny fianakaviany

    Ho an’izay mba miasa indray dia betsaka ireo Malagasy manana anton’asa tsy ara-dalàna. Nankalaza ny faha-100 taonan’ny Vondrona Iraisam-pirenena momba ny Asa (Organisation Internationale du Travail – OIT) i Madagasikara omaly. Lanonana natao tao amin’ny kianja mitafo Ankorondrano-Antananarivo tao anatin’ny lohahevitra « Miara-mientana ho amin’ny hoavy mamiratry ny tontolon’ny asa ». Nanamarika ny telo volana voalohan’ity taona 2019 ity ny fitarainan’ireo vehivavy malagasy niasa tany Koweit ho niharan’ny fampijaliana nataon’ireo mpampiasa azy, ka niantso vonjy hody an-tanindrazana. 106 izy ireo no nampodian’ny fanjakana, in-telo miantoana. Hatreto tsy mbola re fa nametraka fitoriana mba hanokafana fanadihana mikasika izany ambara fa fampijaliana nianjady tamin’ireo teratany malagasy ireo ny fanjakana malagasy.
    Lire la suite ...
    • jeudi, 11 avril 2019 15:48
    • Sary: CUA

    EPP FJKM Rasalama: Nisy fitsaboana sy fizarana solomaso maimaimpoana ho an’ny mpianatra

    Nahazo tombony amin’ny fizahana maso sy fizarana solomaso maimaimpoana, avy amin’ny fikambanana tsy miankina any Vardoise Frantsa, ny mpianatra ao amin’ny EPP FJKM Rasalama, Boriboritany faha-III Antananarivo Renivohitra. Ankizy mpianatra 100 mahery ao amin’ity sekoly ity no nisitraka izany. Hitohy ary hahazo izany fiahiana sosialy mahakasika ny maso izany koa ny mponina ao amin’ny Boriboritany faha -III, ka ny herinandro ho avy io no ho tontosaina izany fizahana maso sy fizarana solomaso maimaimpoana izany, hetsika izay tafiditra indrindra amin’ny vinan’ny Ben’ny Tanàna Lalao Ravalomanana ny amin’ny fiahiana ara-tsosialy ny mponina, ao anatin’izany ny vehivavy sy ny ankizy.
    Lire la suite ...
Page 1 sur 172