Sociale

    • lundi, 16 septembre 2019 15:16

    Fifaninanana hidirana IST Antananarivo: Sanganehana ireo tanora vao hiatrika bakalôrea 2019

    Hotanterahina ny alarobia 23 sy alakamisy 24 oktobra 2019 ny fifaninanana hidirana taona voalohany ao amin’ny Institut supérieur de Technologie d'Antananarivo (IST-T). Hifarana amin’ny sabotsy 21 septambra 2019 amin’ny mitatao vovonana ny fisoratana anarana amin’ity fifaninanana ity. Bakalorea no diplaoma farafahakeliny takiana amin’ny mpifaninana, ary 25 taona raha zokiny indrindra. Ekena hifaninana anefa ireo tanora vao hiatrika bakalôrea amin’ity taona 2019 ity, saingy misy taratasy fenoin’izy ireo. Sanganehana ireto tanora vao hiatrika bakalôrea 2019 ireto, izay maro no maniry hanohy fianarana eny amin’ny IST-T. Hatao ny 30 septambra 2019 ka hatramin’ny 04 oktobra 2019 ny adina an-tsoratra ho an’ny bakalôrea sokajy ankapobeny, sy ny andiany voalohany (Première série) ho an’ny sokajy teknika. Hitohy ny 07 oktobra 2019 ka hatramin’ny 10 oktobra 2019 ny « Deuxième série » ho an’ireo mpiadina bakalôrea sokajy teknika sy teknôlôjika.
    Lire la suite ...
    • dimanche, 15 septembre 2019 17:26
    • Sary nomena

    Toamasina: Nijery ny toerana hanorenana « building » i Andry Rajoelina

    Hisitraka ny trano mora sy « building » mora ny mponina eto Toamasina. Hanomboka tsy ho ela ny fanamboarana ireo trano ireo, hoy ny filoha Andry Rajoelina androany 15 septambra 2019 raha tonga nijery sy namaritra ny toerana hanaovana izany teo Ambohijafy, niaraka tamin'ireo tompon'andraikitra isan-tsokajiny izy. (Jereo Sary Tohiny)  
    Lire la suite ...
    • samedi, 14 septembre 2019 19:09

    Tetikasa « Base Toliara »: Nandefa taratasy misokatra ho an'ny Filohan'ny Repoblika Malagasy ny CRAAD-OI

    Nanao fanairana maika ny Filohan’ny Repoblika ny CRAAD-OI (Centre de Recherches et d’Appui pour les Alternatives au Développement - Océan Indien) tamin’ny taratasy misokatra nataony androany 14 septambra 2019, mahakasika ny "radioactivité" ao Ranobe izay itrandrahan’ny tetikasa Base Toliara fasimainty ao amin’ny Faritra Atsimo Andrefana mba ahazoana ilmenita (« ilménite »), sy zirkôna (« zircon ») ary rotila (« rutile »). « Tandindomin-doza ny Fokonolona », hoy ny taratasy, « noho ny mety ho fiantraika mamoheha-dozan’ity tetikasa ity aminy, koa miandry ny fanambaràna amim-pomba ofisialy » avy amin’ny filohan’ny Repoblika « ny hanohizana na hampijanonana ny tetikasa, satria mandritra izany fiandrasana izany dia manohy ny asany am-pianjonanjonana ireo mpitantana azy ».
    Lire la suite ...
    • vendredi, 13 septembre 2019 14:32
    • Sary nindramina

    Erramatti Mangayamma: 73 taona, sambany vao niteraka, nahazo kambana mirahavavy

    Teratany indianina i Erramatti Mangayamma. 73 taona izy izao, tantsaha. Tamin’ny 1962 izy no nanambady, 80 taona izao rangahy vadiny. Tsy nety nahazo zaza mihitsy izy mivady hatramin’izay nivadian’izy ireo. Ny taona 2018, tapa-kevitra izy mivady fa hanantona klinika mahay manokana momba ny fampitsehana ny tsirinaina lahy sy vavy ivelan’ny tranon-jaza (fécondation in vitro). Nahomby izany taorian’ny andrana samihafa natao. Teraka omaly 12 septambra 2019 i Erramatti Mangayamma. Kambana roa vavy ny zaza teraka, taorian’ny fandidiana natao (césarienne) noho ny renin-jaza efa nahazo taona. Mbola arahi-maso mandritra ny 21 andro ny fahasalamany taorian’izao fiterahany izao. Heverina fa i Erramatti Mangayamma no vehivavy antitra indrindra manerantany vao niteraka. (Jereo sary Tohiny)  
    Lire la suite ...
    • jeudi, 12 septembre 2019 16:40
    • Sary nindramina

    Fahasalamam-bahoaka: Notolorana mari-pankasitrahana ireo mpilatsaka an-tsitrapo teny Soamandrakizay

    Mpizaika niisa 1356 no noraisin'ireo mpilatsaka an-tsitrapo an-tanana nandritra ny hetsika teny Soamandrakizay, ny 7 sy 8 septambra 2019. Nanolotra mari-pankasitrahana ho an'ireo rehetra niantsehatra, ho fahatsiarovana ny nandraisan'izy ireo anjara tamin’ny adidy masina sy lehibe, nandritra ny fitsidihan’ny Papa Fransoa teto Madagasikara ny Ministeran’ny fahasalamam-bahoaka, ho mariky ny asa rehetra vitan'ireo mpilatsaka an-tsitrapo am-pitiavana. Nitarika ny lanonana ny Pr Rakotonirina Julio, Ministry ny Fahasalam-bahoaka. Navitrika ireo mpilatsaka an-tsitrapo nijery sy nanara-maso ireo mpizaika teny Soamandrakizay nandritra iny fitsidiana masina iny. Isany nahazo fisaorana manokana ny Ministeran'ny fahasalam-bahoaka tamin'ny ezaka sy ny asa vita nandritra ny fandalovan'ny Papa Fransoa teto Madagasikara. (Jereo Sary Tohiny)
    Lire la suite ...
    • mercredi, 11 septembre 2019 20:21
    • Sary nindramina fanehoana

    Lalam-pirenena: Mampidi-doza ny haratsy sy haterin’ny lalana

    Matetika no isehoana lozam-pifamoivoizana ny lalam-pirenena eto Madagasikara, indrindra ny lalam-pirenena faha-2 sy faha-4 ary faha-6 iny. Ny tsy fahatomombanana ara-teknikan’ny fiara no voalaza hatrany fa fototry ny loza, na dia fiara vita fitsirihana ara-teknika ara-dalàna izao aza no mifamoivoy. Manamarika ireo mpamily, indrindra ireo kaoperativa mpitatitra olona, fa ny haratsian’ny lalana sy ny hatereny no isan’ny tena mahatonga ny loza amin’ny lalam-pirenena. Noho io haterin’ny lalana io dia matetika latsaka any anaty « accotement » ny fiara rehefa mifanena, indrindra raha fiara lehibe toy ny kamiao no mifanena, dia matetika eo no miseho ny loza fa tsy tafaverina anaty arabe ny fiara lasa anaty « accotement ». Hetahetan’ny mpamily ny hisian’ny fikojakojana ny lalana ara-potoana fa sady fisorohana ny lozam-pifamoivoizana no tsy manimba fiara ihany koa.  
    Lire la suite ...
    • mercredi, 11 septembre 2019 16:59
    • Sary nindramina

    Zotra an-dalamby: Mitsirika ireo lohamasina roa ho an’ny FCE ny teknisianina

    Tonga any Balmaseda, Bilbao, Espagne ireo teknisianina roalahy nalefan'ny Ministeran'ny fitaterana, ny fizahantany ary famatarana ny toetrandro, hijery ifotony ireo lohamasina roa ho an'ny FCE (Fianarantsoa-Côte Est). Raha tsy misy ny fiovana dia ho tonga ao Fianarantsoa alohan'ny faran'ity taona 2019 ity ireo lohamasina ireo. Fampanantenan'ny Filoham-pirenena Andry Rajoelina ny hahazoana ireo lohamasina ireo, ho an’ny FCE. (Jereo Sary Tohiny)  
    Lire la suite ...
    • mardi, 10 septembre 2019 21:02
    • Sary nindramina

    Vatsim-pianarana CRBC: Tonga any Xi'an ireo mpianatra malagasy 15 mianadahy handalina momba ny asa vaventy

    Tonga soa amantsara ao Xi'an renivohitry ny faritanin’i Shaanxi any Chine ireo mpianatra malagasy 15 mianadahy, nahazo vatsim-pianarana handrato fahaizana any an-toerana. Mpianatra avy amin'ny polyteknika Vontovorona sy IST izy ireo, ary haharitra dimy taona ny fianarany any Chine, amin'ny lalam-piofanana injenieran'ny Asa Vaventy, araka ny vatsim-pianarana nomen'ny orinasa China Road and Bridge Corporation (CRBC) azy ireo, tamin'ny alalan'ny ministeran'ny Fanajariana ny tany, ny toeram-ponenana sy ny Asa Vaventy.
    Lire la suite ...
    • mardi, 10 septembre 2019 20:45

    Filoha Andry Rajoelina: Maniry hanangana « Fondation »

    Naka ny hevitry ny Fitsarana avo momba ny Lalampanorenana ny filohan’ny Repoblika, raha mifanaraka amin’ny Andininy faha-49 ao amin’ny Lalampanorenana ny fananganana « Fondation », izay rafitra tohanan’ny olontsotra tsara sitrapo na orinasa manao tolo-tanana hanaovana asa soa ho an’ny daholobe. Voaray ao amin’ny firaketan’ny HCC ny 6 septambra 2019, nifanojo indrindra tamin’ny andro nanombohan'ny fitsidihana Apostolika nataon’ny Papa Ray Masina Fransoa teto Madagasikara, io taratasin’ny filohan’ny Repoblika io. Ny Andininy faha-49 amin’ny Lalampanorenanana dia milaza fa « Ny asan’ny Filohan’ny Repoblika dia tsy azo ampirafesina aminà asampanjakana nahavoafidim-bahoaka, asa aman-draharaha hafa, asa ao anatin’ny antoko politika, vondrona politika, na fikambanana, ary fisahanana andraikitra eo anivon’ny fikambanampivavahana. Izay rehetra fandikana ireo fepetra voalazan’ity andininy ity, voamarin’ny Fitsarana Avo momba ny Lalàmpanorenana, dia zary ho antony amin’ny tsy fahafahana miasa tanteraka ho an’ny Filohan’ny Repoblika ».  
    Lire la suite ...
    • mardi, 10 septembre 2019 08:56
    • Sary Gasypatriote Antsirabe

    Fanadinana BEPC: 21 467 ireo mpiadina manerana an’i Vakinankaratra

    Nilamina ny fanombohan’ny fanadinana BEPC tamin’ireo fari-piadidiam-pampianarana miisa fito ato amin’ny faritra Vakinankaratra omaly alatsinainy 09 septambra, hoy ny Talem-paritry ny fanabeazam-pirenena, ny fanofanana teknika sy arak’asa DRENTP Vakinankaratra, Rakotoarimanana Heriniaina. Miisa 21 467 ny mpiadina voasoratra anarana ka ato amin’ny Cisco Antsirabe ny 5 706 amin’ireo. Mitsinjara amin’ny foibem-panadinana miisa 78 manerana ny faritra izy ireo. 9 taona ny zandriny indrindra amin’ireo mpiadina, izay avy any amin’ny Cisco Mandoto, ary 51 taona no zokiny indrindra avy ao Betafo. (Jereo Sary Tohiny)  
    Lire la suite ...
Page 1 sur 187