Sociale

    • samedi, 23 mars 2019 19:34
    • Sary nindramina

    Fishery Improvement Project: Tetikasa hanatsarana ny jono ORITA

    Tetikasa vaovao santarina eto Madagasikara ity Fishery Improvement Project (FIP) ity, hanatsarana ny jono ORITA (poulpe). Tsy misy antotanisa mazava mikasika ny vokatra na ny filan’ny tsena anatiny na dia efa aman-taonany maro aza ity lalampihariana ity no trandrahan’ny Malagasy, na ny mpanjono, mpanangombokatra ary ny mpanondrana. Ny hampaharitra ity jono ORITA ity indrindra no antom-pisian’ny tetikasa FIP, ary misy ny komity natsangana, ahitana ireo mpisehatra rehetra, hanara-maso ny ezaka atao hanatsarana sy hampaharitra ity lalampihariana ity.
    Lire la suite ...
    • samedi, 23 mars 2019 19:12
    • Tahirin-tsary

    « Vary mora »: Hanomboka anio sabotsy 23 martsa ny fivarotana

    Hosantarina eto Toamasina ny fanapariahana ireo vary mora ampahany amin’ny 16 500 taonina tonga tamin’ny 16 martsa, ary haparitaka any amin’ny Faritra rehetra manerana an’i Madagasikara. Hamidy arivo Ariary (1000 Ar) ny kilao. Ferana ho telo (3) kilao ny vary mora hamidy ho an’ny tokatrano iray, ary indroa isan-kerinandro eny anivon’ny Fokontany. Amin’ny alalan’ny kara-pokontany no ahafahana mividy ny vary mora. Ny fianakaviana sy sokajin’olona tena sahirana no hisitraka azy.
    Lire la suite ...
    • vendredi, 22 mars 2019 22:37
    • Sary nindramina

    FJKM Ambodihady Vaovao - Ambohimanarina: Hanatanteraka Tafika Masina ankalamanjana

    Ny sampana Sekoly Alahady ao amin’ny FJKM Ambodihady Vaovao Ambohimanarina, Antananarivo faha-6 no hanatanteraka ity Tafika Masina ankalamanjana ity miaraka amin’i Zook Davids, ny sabotsy 23 martsa ao amin’ny kianja kariera Ambodihady. Hialohavana filaharana manodidina ny tanàna miala eo amin’ny Fiangonana izany. Manodidina ny 1.000 no isan'ny mpianatra Sekoly Alahady ao amin’ny FJKM Ambodihady Vaovao ary 60 eo ny mpampianatra.(Jereo Sary Tohiny)  
    Lire la suite ...
    • mardi, 19 mars 2019 10:09
    • Sary ZP

    Jeneraly Richard Ravalomanana: Nanavotra ain'olona tra-doza

    Lehilahy iray no hitan’ny Jeneraly Richard Ravalomanana, Sekreteram-panjakana miadidy ny Zandarimaria (SEG), nitsirara tsy nahatsiaro tena teo amin'ny arabe lalam-baovao Rocade Tsarasaotra miaraka amin'ny "moto" nentiny, ny 15 martsa 2019 tolakandro, ka nijanona izy hamonjy. Nakarina tao anaty fiaran’ny SEG ilay tra-doza ary nentiny haingana tao amin'ny OSTIE Anosivavaka ho vonjena. Nahatsiaro tena izy rehefa nahazo ny fitsaboana famonjena nataon'ireo mpitsabo "urgentistes" tao, izay nanao asa maimaimpoana noho ny vonjy aina. Niala mpandeha an-tongotra iray niampita arabe tampoka no nitarika ny fianjeran’ilay mpitondra moto. Avy any Betroka namita iraka mikasika ny ady amin'ny tsy fandriam-pahalemana ny Jeneraly Richard Ravalomanana no sendra olona tra-doza io.
    Lire la suite ...
    • lundi, 18 mars 2019 19:57
    • Sary nomena

    Andravoahangy – Antananarivo III: Amboarina ny tsenan’ny solomaso

    Mba hialana amin’ireo trano hazo izay mora mirehitra, izay mpitranga matetika, dia nanapa-kevitra ny Kaominina Antananarivo Renivohitra fa hosoloina ireo trano hazo, ary atao trano biriky, etsy amin'ny mpivarotra solomaso Andravoahangy. Miisa 153 ny isan'izy ireo, ary hatao mitovy avokoa ny trano fivarotana, ka ireo mpivarotra ihany no miantoka ny fananganana azy, fa ny Kaominina kosa no manara-maso ny fananganana ny foto-drafitrasa, ary manome toerana vonjimaika ho an'ireo mpivarotra. Nanomboka androany 18 martsa 2019 ny fandravana, ary haharitra iray volana eo ny asa. (Jereo Sary Tohiny)  
    Lire la suite ...
    • dimanche, 17 mars 2019 22:49

    Lalana ratsy : Mamboly vary ny Malagasy fa tsy mivoaka ny vokatra

    Araky ny hitatsika amin'ny sary eto, ny faritra miloko mena dia mihinam-bary fa tsy mahavelon-tena ara-bary. Betsaka noho ny vary voleny ny vary hoaniny. Ireo faritra miloko mavo no manana ambim-bokatra omeny ireo faritra mena. 4 millions tonnes ny filan'ny Malagasy rehetra vary isan-taona. Tsy ampy 400 000 tonnes eo isan-taona. Izany hoe mihinam-bary 12 000 tonnes isan'andro izany isika. Lanintsika indray andro sy tapany izany ny vary mora 16 500 tonnes nafarana.
    Lire la suite ...
    • dimanche, 17 mars 2019 11:44
    • Sary nindramina

    Finoana Katolika: Inona ny Konfesy?

    Amin'ny finoana Katolika, dia anisan'ireo Sakramenta 7 ny Fampihavanana izay singa iray ao anatiny ny Konfesy (Confession) Ireo Sakramenta Fito: - Ny Batemy (Baptême)- Ny Eokaristia (Eucharistie)- Ny Fankaherezana (Confirmation)- Ny Fampihavanana (Sacrement de réconciliation, appelé aussi sacrement de pénitence)- Ny Fanosorana ny marary (Onction des malades, appelée aussi sacrement des malades, anciennement extrême-onction)- Ny Fanambadiana Kristianina (Mariage)- Ny Filaharana (Ordination, fanamasinana Pretra sy Relijiozy) Ny Sakramentan'ny Fampihavanana izany, dia fandinihan-tena aloha, sy ny zavatra tsy nety rehetra natao, examen de conscience. Fieken-tena fa diso na teo anatrehan'ny tena, na teo amin'ny olon-kafa na teo amin'ny fiarahamonina.
    Lire la suite ...
    • jeudi, 14 mars 2019 12:02
    • Sary nindramina

    Oniversiten’i Mahajanga: Voafidy ho filoha Pr Tiandaza Odilon

    Telo ny kandida nifaninana ho filohan’ny Oniversiten’i Mahajanga, dia i Pr Randrianirina Jean Baptiste, Pr Tiandaza Odilon ary Pr Rajaonarison Jean François. Pr Tiandaza Odilon no hitantana indray ny Oniversiten’i Mahajanga mandritra ny telo taona haharetan’ny taom-piasana. Miandry ny didim-panjakana raisina amin’ny filankevitry ny minisitra ny fanamafisana ny fahalaniany mialoha ny handraisany fahefana feno.  
    Lire la suite ...
    • mardi, 12 mars 2019 07:07
    • Sary nomena

    Loholona Brigitte Rasamoelina: Nizara traikefa ho an’ny tanora

    Nanatanteraka famelabelaran-kevitra sy fampianarana narahina fanontaniana ho an’ny tanora eo anivon’ny fikambanana FIFITAMA sy Kintan’ny Gasikara teny amin’ny Centre Universitaire Jésuite d’Ambohidempona Antananarivo II ny Loholona Brigitte Rasamoelina sy ireo mpiara-miasa aminy ny sabotsy 09 martsa 2019. « Tanora sy ny fitiavana manoloana ny finoana sy ny fanatontolona ary ny soatoavina malagasy », io ny lohahevitra niompanan’ny famelabelaran-kevitra noho ny fahatsapana fa manana andraikitra amin’ny fanabeazana maha olom-pirenena sy fitaizana ny tanora ny vehivavy mpanao politika.
    Lire la suite ...
    • lundi, 11 mars 2019 11:47
    • Sary nomena

    Sambava: Simbain'ny olona ny "barrière de corail"

    Lasa akora amidy na ampiasan'ny olona amin'ny fanaovana lavapiringa ireto vatohara avy amin'io "barrière de corail" io, nefa anisany miaro ny trozona tsy ho fefika ary indrindra indrindra toeram-ponenan'ny karazana hazandro sy zava-maniry an-dranomasina aman'arivony, saingy jerem-potsiny. Raha potika anefa ny "récif corallien" dia ho maro ny zavamanaina sy zavamaniry an-dranomasina mety hanjavona sy ho lany tamingana. Hihena miandalana ny vokatra an-dranomasina rehefa potika ny vatohara ary dia ho very asa manaraka an'izay ireo mpanjono madinika. (Jereo Sary Tohiny)  
    Lire la suite ...
Page 1 sur 168