Sociale

    • mercredi, 17 juillet 2019 21:06
    • Sary: MICA

    Antsirabe: Nodorana ireo entana simba sy lany daty tratra

    Notontosaina androany ny fanapotehana sy fandoroana ireo entana simba sy lany daty sarona taty Antsirabe, ny 04 jolay 2019 teo, nandritra ny fanaraha-maso nataon’ny tompon’andraikitra avy eo anivon’ny ministeran’ny indostria, varotra ary asa tanana Antsirabe, renivohitry ny faritra Vakinankaratra. Entana aman-taonina nahitana menaka, vary, lafarina, paty, ronono mandry amin’ny boaty ary voatabia amin’ny boaty, lafarina 660 kitapo amin’ny 50kg efa simba no tratra tao amin’ny trano fanatobiana entan’ny mpandraharaha karana iray tao an-toerana tamin’io, izay nifangaro tamin’ireo vokatra simika. Nogiazana avy hatrany ny entana ary izao nopotehina sy nodorana ampahibemaso izao. (Jereo Sary Tohiny)  
    Lire la suite ...
    • mardi, 16 juillet 2019 17:31
    • Sary: Aurélien Andriamaroelahy

    Amboronabo – Bekily: Mbola sekoly tafo lanitra sy ladina an-tany

    Mazoto mampiana-janaka ny ray aman-dreny eto Amboronabo, Kaominina Manakompy, Distrikan’i Bekily, Faritra Androy. Hetahetan’izy ireo ny mba hananana foto-drafitrasa sahaza ho an’ny fampianarana eto amin’izy ireo, satria mbola tafo lanitra, tsy misy dabilio fa ladina an-tany no ianaran'ny ankizy amin’ny fanabeazana fototra. (Sary: Aurélien Andriamaroelahy) (Jereo Sary Tohiny)
    Lire la suite ...
    • vendredi, 12 juillet 2019 12:38

    Tsaratanàna: Nihena ny fakana an-keriny, ny famonoan’olona

    Efa nahazoana vokany ny ezaka nataon’ireo mpitandro ny filaminana, taty amin’ny Distrikan’i Tsaratanana, hoy ny Praiministra Ntsay Christian tamin’ny diany taty an-toerana. Nihena ny fakana an-keriny, ny famonoan’olona, ny tsy fifampitokisana teo amin’ny vahoaka sy ny mpitandro ny filaminana, na dia mbola misy tranga vitsivitsy indraindray aza. Tsy maintsy mbola hisy ezaka vaovao hatao hoy izy, ary hodinihina tsirairay ny toerana hanamafisana ny fiarovana sy ny vokatra mety ho azo amin’ny fepetra raisina amin’izany toerana izany. Nanolotra fisaorana ho an’ireo mpitandro ny filaminana izay mandray anjara amin’ny fametrahana ny fandriampahalemana maharitra ny Praminisitra, nandritra ny fitsidihana rehetra nataony taty an-toerana.  
    Lire la suite ...
    • jeudi, 11 juillet 2019 19:55
    • Sary Njaka

    Gasy Jiaby: Firaisan-kina hanohanana ny Barea

    Fandraisana anjaran'ny Gasy Jiaby amin'ny firaisankina entina hanohanana ny ekipan'ny Barea amin'ny hiatrehany ny lalao ampahefadalana amin'ny CAN. Fanentanana maro samihafa niarahana tamin'ny mpanao gazety, mpanankanto, mpiasan'ny ministera samihafa, fiarahamonim-pirenena, olon-tsotra, ireo vondron'ny olona samihafa.(Jereo Sary Tohiny)  
    Lire la suite ...
    • jeudi, 11 juillet 2019 13:20
    • Loharanom-baovao CNaPS Madagascar

    CNaPS: Nanao fanamiana miavaka ny tao amin’ny foibe Ampefiloha

    Niavaka ny fanamiana sy fandraisana ireo olona tonga mikarakara taratasy etsy amin’ny foibe CNaPS Ampefiloha androany, ho fiarahana miombom-po amin’ny Malagasy amin’izao andro iatrehan’ny ekipam-pirenena malagasy amin’ny baolina kitra na Barea an’i Madagasikara ny lalao ampahefa-dalana amin’ny fiadiana ny amboaran’i Afrika amin’ny baolina kitra, andiany faha-32, tanterahina any Egypta. Anisan’ny nahatafiakatra ny Barea an’i Madagasikara tamin’ny fifanintsanana CAN teny amin’ny Kianjan’ny CNaPS Vontovorona i Njiva mpilalao CNaPS Sport taloha ; ary i Leda izay mpiandry harato izay isan’ireo mpilalao nosafidian’ny mpanazatra Nicolas Dupuis. (Loharanom-baovao CNaPS Madagascar) (Jereo Sary Tohiny)  
    Lire la suite ...
    • jeudi, 11 juillet 2019 13:10
    • Sary Njaka

    La pavé: Hetsika HIRATRA

    Notanterahina tao amin'ny le pavé Antaninarenina ny Hetsika HIRATRA, izay fanentanana atao hiatrehana ny ho avy sy fampahafantarana izay tokony atao eo amin'ny fiainana. Maro ireo olona tonga nanatrika ity fanentanana ity, indrindra ireo tanora izay mitady asa no ankamaroany, ary ao ihany koa ireo izay mbola mpianatra.(Jereo Sary Tohiny)  
    Lire la suite ...
    • mercredi, 10 juillet 2019 15:18
    • Loharanom-baovao: Polisim-pirenena

    Anosizato - Antananarivo: Tra-tehaka teny am-pampiadiana akoho ilay mpanolana sady mpanendaka

    Mpivady tratra alina no nosakanana lehilahy miisa 03 rehefa tonga tany amin’ny toerana mangingina, teny an-dalana hamonjy fodiana. Nodarohan’izy ireo ilay raim-pianakaviana ka rehefa tsy nahatsiaro tena dia nalefany tao anaty tatatra. Ilay renim-pianakaviana, izay nitondra vohoka roa volana, kosa dia nentin’izy ireo tamina toerana iray tsy lavitra teo ka dia nanaovan’izy ireo filan-dratsy ary mbola lasan’ireto jiolahy ny firavaka sy ny vola tany amin’izy mivady. Nametraka fitoriana tany amin’ny Polisy izy mivady. Nanokatra fanadihadiana sy nanao famotorana avy hatrany ny mpitandro ny filaminana. Fantatra tamin’izany ny toerana nipetrahan’ireto olon-dratsy. Nidina ifotony avy hatrany ny Polisy, saingy efa nitsoaka tsy tao intsony ireto jiolahy. Nitohy ny fikarohana ka tra-tehaka teny am-pampiadiana akoho teny Anosizato ny iray tamin’ireo jiolahy. Niaiky ny heloka vitany ity jiolahy ity ary fantatra fa mpirahalahy avokoa izy ireo no nanao io asa ratsy io. Mitohy ny fanadihadiana ataon’ny Polisy.    
    Lire la suite ...
    • mardi, 09 juillet 2019 13:30
    • Sary Gasypatriote Sambava

    Antsiranana: Tontolon'ny asa fanaovan-gazety

    Notontosaina ny 08 Jolay 2019 teto amin’ny Alliance Française Antsiranana ny fakan-kevitra isam-paritany momba ny fanitsiana ny lalàna mifehy ny serasera. Tanjona hoy i Lalatiana Rakotondrazafy Andriatongarivo, Minisitry ny serasera sy ny kolontsaina, izay nitarika izany, dia ny mba hisian’ny fiantohana sy fiarovana betsaka ny mpanao gazety. Mba hahaleo tena tanteraka ihany koa ny avy ao amin'ny Holafitry ny mpanao gazety, fa tsy hobaikon’ny Ministera na ny mpitondra intsony, ary ny faniriana dia mba izay tena tapaka mandritra ny fakan-kevitra tokoa no hivoaka any, fa tsy hoy toy ny lalana 2016-029 tamin’ny 14 Jolay 2016, izay maro ny zavatra tsy tafiditra na nisy ihany koa no tokony hahitsy na hohesorina mihitsy.
    Lire la suite ...
    • vendredi, 05 juillet 2019 20:22
    • Loharanom-baovao: Zandarimariam-pirenena

    Fotadrevo- Ampanihy Andrefana: Dahalo 13 voasambotra, omby 45 tafaverina amin'ny tompony

    Nitrangana halatr'omby 45 tao Tovobato, Kaominina Fotadrevo, Distrika Ampanihy Andrefana, ny alarobia teo. Vao nahazo fanairana ny Tobi-paritry ny Zandarimaria (Brigady) tao Fotadrevo dia nanao fanarahan-dia avy hatrany ny Zandary miisa valo sy Tafika malagasy miisa roa, izay notarihin'ny Komandin'ny Brigady. Tsy lasa lavitra akory ireo dahalo dia raikitra ny fifandonana, nifamaliana tifitra teo amin’ny mpitandro ny filaminana sy ny dahalo. Dahalo roa no lavo, 13 voasambo-belona niaraka tamin'ireo basy enina sy karazan'ody ary fitaovana samihafa. Tafaverina amin'ny tompony avokoa ny omby 45. (Jereo Sary Tohiny)  
    Lire la suite ...
    • vendredi, 05 juillet 2019 20:14
    • Sary: MEEH

    Fiaraha-miasa: Manome fampitaovana an’ny MEEH ny Unicef

    Talem-paritra miisa 10 (Androy, Anosy, Atsimo Andrefana, Atsimo Atsinanana, Analanjirofo, Boeny, Vatovavy fito Vinany, Melaky, Sofia ary Analamanga) eo anivon’ny Ministeran’ny Angovo, ny Rano ary ny Ankoranafo (MEEH) no nahazo fampitaovana (solosaina sns...) avy amin’ny Unicef, hanatsarana sy hanafainganana ny asa. (Jereo Sary Tohiny)  
    Lire la suite ...
Page 1 sur 179