Sociale

    • mercredi, 20 novembre 2019 07:48
    • Sary nomena

    Mpilatsaka an-tsitrapo Peace Corps: Nisy 40 nanao ny fianianany

    Nanao ny fianianany ny talata 19 novambra, teo anatrehan’ny Masoivoho Amerikana Michael Pelletier, ny mpilatsaka an-tsitrapo Peace Corps vaovao miisa 40. Notanterahana teny amin’ny tranon’ny Masoivoho Amerikana teny Ambaranjana ny lanonana momba izany ny tolakandro. Hiasa eo amin’ny sehatry ny fampianarana ny teny anglisy ireto mpilatsaka an-tsitrapo ireto. Naharitra 11 herinandro ny fihofanana izay nianaran’izy ireo ny kolontsaina sy ny teny ary ny teknika ilainy mandritra ny asa hataony eny anivon’ireo fiarahamonina samihafa manerana an’i Madagasikara, izay hampiantrano azy ireo mandritra ny 2 taona manaraka. Hanatevin-daharana ireo mpilatsaka an-tsitrapo hafa miisa 115 efa amperin’asa eo amin’ny sehatry ny fampianarana sy ny tontolo ambanivohitra ary ny fahasalamana, izay mipariaka manerana an’i Madagasikara ireto mpilatsaka an-tsitrapo Peace Corps ka nanao fianianana ireto. (Jereo Sary Tohiny)
    Lire la suite ...
    • mardi, 19 novembre 2019 23:51
    • Sary nindramina

    Fahadiovana: 42% ny mponina eto Madagasikara no tsy mbola mampiasa kabone

    19 novambra, Andro manerantany amin'ny fampiasana kabone. Tetsy Anatihazo Isotry – Antananarivo no nanaovana ny fankalazana ofisialy ho an’i Madagasikara, sady nanentanana ireo mponina manodidina ny lakandranon’Andriantany amin’ny fahadiovana, indrindra ny fananana kabone. Nanambara ny Sekretera Jeneralin'ny Ministeran’ny Angovo, ny Rano ary Ankoranafo, Rakotoarisoa Indriamanga fa « Manodidina ny 42% ny mponina eto Madagasikara no mbola tsy mampiasa kabone, na lavapiringa na WC amin’izao fotoana izao ». Nandritra ity fotoana ity no nampatsiahivana sy nanentanana ny tsirairay avy ny tokony hananana kabone isan-tokatrano, satria dia zava- dehibe ny fitandrovana ny fahadiovana. (Jereo Sary Tohiny)  
    Lire la suite ...
    • samedi, 16 novembre 2019 15:17
    • Sary nindramina

    Famokarana rano fisotro madio: Hitarina ny foibe famokarana eo Mandroseza

    Hasiana fanitarana ny toby famokarana rano eny Mandroseza ho famahana ny olan'ny rano fisotro madio eto Antananarivo. Sahabo ho 40 000 metatra toratelo ny fanitarana hatao. Hatomboka amin'ny herinandro ny asa atao amin'izany ary vinavinaina ho vita ao anatin'ny efa-bolana.  
    Lire la suite ...
    • vendredi, 15 novembre 2019 19:42
    • Sary nindramina

    Fitantanana « parking »: 20%-n’ny vola ampidirin’ny « Horodateur » Easy Park no mirotsaka any amin’ny CUA isan-taona

    Nitondra fanazavana miakasika ny fitantanana ny fiantsonan’ny fiara na « parking » sahanin’ny « Easy Park » eto Antananarivo Renivohitra ny Sekretera jeneralin’ny Kaominina, Raveloson Landy. Nambarany fa fifanarahana voasonia tamin’ny taona 2014 no mamaritra fiaraha-miasan’ny Kaominina Antananarivo Renivohitra sy ny orinasa Easy Park hatramin’izao amin’ny fitantanana « parking ». 20% amin’ny vola miditra voarain’ny « Horodateur » no mirotsaka any amin’ny Kaominina isan-taona. Voarotsaka ara-dalàna ny vola ary tafiditra ao anatin’ny tetibola iasan’ny Kaominina Antananarivo Renivohitra araka ny fanazavan-dRaveloson Landy hatrany. (Jereo sary Tohiny)  
    Lire la suite ...
    • mercredi, 13 novembre 2019 22:26
    • Sary nomena

    Ady amin’ny tsy fanjarian-tsakafo: Nanome fanampiana vola mitentina 500 000 dolara ny Amerikanina

    Nanome fanampiana ny Sampandraharahan’ny Firenena Mikambana momba ny Sakafo, ny Fanjakana amerikana hikarakarana zaza miisa 15 550 tratry ny tsy fanjarian-tsakafo any atsimon’i Madagasikara. Maro ny olona tratry ny tsy fanjarian-tsakafo any amin’iny faritra iny. Miditra eo amin’ny vanimpotoanan’ny maitso ahitra ny faritra atsimon’i Madagasikara ka mahakely ny sakafo azo hohanina. Hividianana sy hizarana famenon-tsakafo vita eto an-toerana ny vola mitentina 500 000 dolara.
    Lire la suite ...
    • mercredi, 13 novembre 2019 21:06
    • Sary Gasypatriote Sambava

    Sambava: Vehivavy tsy manan-kialofana tera-dahy teny amoron-dalana

    Renim-pianakaviana iray tsy manan-kialofana no teraka amoron-dalana ny talata 12 novambra, tokony tamin’ny 1ora maraina, tao amin’ny Fokontany Bel Souvenir, Kaominina ambonivohitra Sambava. Feon’olona toa mitaraina no nanaitra ny manodidina, ka rehefa nozahan’ny manodidina dia vehivavy hiteraka. Teraka soa amantsara izy, lahikely ny zaza. Olona tsara sitrapo no nampiantrano ny reniny, tsy mbola misy mpiahy kosa ilay zaza menavava. (Jereo Sary Tohiny)  
    Lire la suite ...
    • mardi, 12 novembre 2019 19:34
    • Photos fournies

    Université de Fianarantsoa: Mise en place d'une formation en géologie

    Une délégation de l'Université de Fianarantsoa, dirigée par le Président Rafamantanantsoa Fontaine, effectue une mission officielle en Italie, du 8 au 17 novembre 2019. La délégation a rencontré ce 11 novembre, le Recteur de l'Université Federico II Naples. À l'issue de la rencontre, un accord de coopération est établi en vue de la mise en place d'une formation en géologie à l'Université de Fianarantsoa et dont l'ouverture sera réalisée dans un proche avenir. Il en est de même pour la mise en place d'un laboratoire de géologie à l'Université de Fianarantsoa. Cette coopération est d'une grande importance, vu les potentialités minières de Madagascar en général et de la province de Fianarantsoa en particulier. (Voir Suite Photo)  
    Lire la suite ...
    • mardi, 12 novembre 2019 16:13
    • Sary nomena

    Antsiranana: Daba mavo no mameno ny toby mpaninjara solika

    Raha eny amin’ny paompin-drano no ahitana daba mavo mitandahatra ao Antananarivo, dia eny amin’ny toby mpaninjara solika no ahitana maro azy ireny, toy ny hita eo amin’ny Galana Karibo ankilan'ny Lycée Technique. Nahazoana alalana ve ny toy itony, izay tranga mampiahiahy ny mpanjifa sao fambara amin’ny tsy fisiana solika. (Jereo Sary Tohiny)  
    Lire la suite ...
    • samedi, 09 novembre 2019 19:50
    • Sary nindramina

    Soamandrakizay: Lasa toeram-pamokarana zanakazo hiatrehana ny taom-pambolenkazo ho avy

    Zanakazo manodidina ny 8 000 000 isa no hovokarin’ny ministeran’ny tontolo iainana sy ny fampandrosoana maharitra, hiatrehana ny taom-pambolenkazo ho avy izao. Eny Soamandrakizay, nandraisana ny Papa Ray Masina tamin’ny fitsidihana masina notanterahiny teto Madagasikara ny fiandohan’ny volana septambra 2019 lasa teo, no toerana natokana hanaovana izany ho an'ny Faritra Analamanga. Ireo mpiasan’ny Ministera no manatanteraka izany teny an-toerana isaky ny Talata sy Zoma. (Jereo Sary Tohiny)
    Lire la suite ...
    • jeudi, 07 novembre 2019 22:54
    • Photos fournies

    Réunion avec le CSM: Lutte contre la corruption et amélioration des conditions carcérales

    Le président de la République Andry Rajoelina a présidé ce 07 novembre la réunion des membres du Conseil Supérieur de la Magistrature (CSM) au Palais d'Ambohitsorohitra. Une occasion pour lui de rappeler les attentes de la population vis-à-vis de la Justice. « La lutte contre la corruption et l'amélioration des conditions carcérales. C'est dans ces domaines précis que le changement doit être opéré », a soutenu le Chef de l'Etat. En effet, face aux nombreuses doléances reçues concernant les imperfections et dysfonctionnements constatés, Andry Rajoelina propose une véritable réforme de la Justice.
    Lire la suite ...
Page 1 sur 195