Politique

    • dimanche, 01 décembre 2019 18:22
    • Zakaria
    • Sary nindramina

    Lalàna mifehy ny fitantanam-bolam-panjakana 2020: Nolanian’ireo solombavam-bahoaka

    Nolanian’ny solombavam-bahoaka nivory tao amin’ny Lapan’ny Antenimieram-pirenena Tsimbazaza harivan’ny sabotsy 30 novambra 2019 ny Volavolan-dalàna laharana faha-005/2019 tamin’ny 30 oktobra 2019 momba ny Lalàna mifehy ny Fitantanam-bolam-panjakana ho amin’ny taona 2020. Vinavinaina ho 5,5% ny fitombon’ny harin-karena, ary 6,2% ny fisondrotry ny vidim-piainana amin’ny taona 2020. Vinavinaina ho 11,5%, ny taham-pampidiran-ketra.
    Lire la suite ...
    • dimanche, 01 décembre 2019 14:36
    • Zakaria
    • Sary: CENI Madagascar

    Lisi-pifidianana: Manomboka misokatra ho an'ny olompirenena isam-pokontany

    Isan-taona, ny 1 desambra hatramin'ny 15 mey no fotoana voatondron'ny lalàna hanavaozana ny lisi-pifidianana. Androany 1 desambra no manomboka misokatra ho an'ny olompirenena ny lisi-pifidianana isam-pokontany. Ny 1 desambra 2019 hatramin'ny 15 febroary 2020 no fepotoana ahazoana misoratra anarana ao anaty lisi-pifidianana eny anivon'ny Fokontany. Amin’ny 28 febroary 2020, ny famaranana vonjimaika ny lisi-pifidianana. Aorian'izay dia miakatra eny amin'ny "Centre informatique de District" (CID) ireo boky firaketana ny fanavaozana isam-pokontany, arakitra ara-kajimirindra, ary atonta vonjimaika ny lisi-pifidianana.
    Lire la suite ...
    • samedi, 30 novembre 2019 19:06
    • Zakaria

    Andranomavo-Distrikan’i Soalala: Nisy ny famenoana bileta tokana mialoha, ny vata mangarahara

    Nahazo tatitra ny CENI fa nisy ny famenoana mialoha ny vata mangarahara nataon’ireo mpikambana miisa 5 tao amin’ny birao fandatsaham-bato tao amin’ny Biraom-pifidianana iray ao amin’ny Fokontany Antsirabe, Kaominina Andranomavo, Distrikan’i Soalala. Tra-tehaky ny mpifidy io hosoka io. Karohin’ny Zandarimariam-pirenena ireo mpikambana miisa 5 nahavaonon-doza ireo amin’izao. Tsy afaka nanohy nanatontosa latsa-bato tao amin’io Biraom-pifidianana io. Tao amin’ny Fokontany Taperipia, Kaominina Tsaraiko, Distrikan’i Betroka indray dia nisy ny fifandisoan’ny bileta tokana tamin’ireo tokony ho any amin’ny Kaomininina Beapombo II. Nisy ny fepetra noraisina nanolo izany tamin’ireo bileta tokana fiandry saingy tsy misy ny vaovao momba ny fizotry ny latsabato tany an-toerana, tsy mbola tonga eny amin’ny SRMV ny vokatra. Ny Fitsarana misahana ny ady amin’ny fanjakana no manapa-kevitra mikasika izay ho tohin’ny fifidianana tao amin’ireo Kaominina roa ireo.  
    Lire la suite ...
    • vendredi, 29 novembre 2019 09:03
    • Zakaria
    • Sary nindramina

    Fisaorana sy antso avy amin'ny kandidà Rina Randriamasinoro, Antananarivo

    Misaotra an’Andriamanitra lehibe isika fa afaka namita ny adidintsika tamin’ny fifidianana Ben’ny Tanàna sy Mpanolotsaina teto Antananarivo renivohitra, ka hanehoako etoana ny fisaorana sy fankasitrahana ny vahoakan’Antananarivo tonga nifidy na dia teo aza ny tsy fahatomombanana isan-karazany ; Tsapako ny fitaintainanareo sy ny alahelo satria maro taminareo no tonga teny amin’ny Biraom-pifidianana nefa tsy afaka nifidy, na dia manana kara-pifidianana satria tsy hita indray tao anaty lisi-pifidianana ;
    Lire la suite ...
    • jeudi, 28 novembre 2019 20:14
    • Zakaria
    • Sary nindramina

    Eliace Ralaiarimanana: « Midika ho faharesen’ny fanjakana ny tsy fahatongavan’ny olona nifidy »

    Nisafidy ny tsy mbola haneho hevitra mikasika ny fifidianana kaominaly ny tenako, hoy i Eliace Ralaiarimanana, kandida Ben’ny tanàna tsy miankina teto Antananarivo Renivohitra. Misy ny fotoana hitenenana hoy izy, na izany aza « midika ho faharesen’ny fanjakana ny tsy fahatongavan’ny olona nifidy ireny », araka ny nambarany. « Fampiharana ny lalàna », izay no famerimberin’i Eliace Ralaiarimanana tamin’ireo adihevitra nifanaovan’ny samy kandida sy ny fanehoan-keviny rehefa nivahiny tamin’ny haino aman-jery nandritra ny fampielezan-kevitra. (Jereo Sary Tohiny)  
    Lire la suite ...
    • jeudi, 28 novembre 2019 19:03
    • Zakaria
    • Sary nindramina

    Babà Rakotoarisoa: "Leo politika maloto ny olona"

    "Leo politika ny olona ary leo ny politika maloto", hoy i Rakotoarisoa Faniry Alban na Babà Rakotoarisoa taorian'ny fifidianana kaominaly natao omaly, izay ambany dia ambany ny taham-pahavitrihan'ny mpifidy. Kandida Ben'ny tanàna teto Antananarivo renivohitra, amin'ny anaran'ny APM (Antoko Politika Madio) i Babà Rakotoarisoa.  
    Lire la suite ...
    • jeudi, 28 novembre 2019 15:24
    • Zakaria
    • Sary nindramina

    Kaominina Alasora: Niarahaba an'i Jimmy Randriantsoa lany soa amantsara i Marc Ramiarinjatovo

    Nisaotra ireo mpikambana MDV (Madagasikara Vaovao) tamin’ny fandraisana andraikitra sy ireo nanohana azy tamin’ny fifidianana kaominaly i Marc Ramiarinjatovo, Ben’ny tanàna teo aloha tao amin’ny Kaominina Alasora, Distrika Antananarivo Avaradrano ary kandida tamin’ny fifidianana natao omaly 27 novambra. Miarahaba an'Atoa Jimmy Randriantsoa, mpifaninana taminy ihany koa i Marc Ramiarinjatovo, « lany soa amantsara ary mirary azy hahavita soa ny asa hapetraky ny vahoaka aminy ». Kandidan’ny antoko Tiako i Madagasikara i Jimmy Randriantsoa. Lefitry ny Ben’ny tanàna nandritra ny efa-taona nitantanan’i Marc Ramiarinjatovo an’i Alasora. (Jereo sary Tohiny)  
    Lire la suite ...
    • jeudi, 28 novembre 2019 15:01
    • Zakaria

    Fanendrena Governora: « Mifanaraka amin’ny Lalampanorenana », hoy ny HCC

    Namaly ny taratasy fangatahan’ny filohan’ny Antenimierandoholona Rivo Rakotovao, tamin’ny 5 novambra 2019, ny Fitsarana avo momba ny Lalampanorenana, raha toa ka mifanaraka na tsia amin’ny Lalampanorenana ny didim-panjakana 2019-1866 tamin’ny 25 septambra 2019 nanendrena ireo Governora. Tamin’ny fanapahana 17-HCC/D3 navoakany androany 28 novambra 2019 no nilazan’ny Fitsarana avo momba ny Lalampanorenana fa mifanaraka amin’ny Lalampanorenena ny fanendrena Governora voarakitry ny didim-panjakana 2019-1866 tamin’ny 25 septambra 2019. Vonjimaika ihany ny fanendren’ny fitondrana foibe ny rafitra mpanatanteraka eny anivon’ny Faritra, mandrampametrahana ny satan’ny vondrombahoakam-paritra ary fomba fiantso ny « lehiben’ny Faritra » fotsiny ihany ny hoe : « Governora », tsy mifanohitra amin’ny voalazan’ny Lalampanorenana. Governora miisa 11 no efa voatendry tamin’ny andiany voalohany, mety ho alohan’ny faran’ity taona ity ny fanendrena ireo ambiny.  
    Lire la suite ...
    • lundi, 25 novembre 2019 23:27
    • Zakaria
    • Sary nindramina

    Rina Randriamasinoro: Vavaka no nanakatonany ny fampielezan-kevitra

    Hifarana anio misasak’alina ny fampielezan-kevitra amin’ny fifidianana Ben’ny tanàna sy Mpanolontsaina hatao ny tontolo andron’ny alarobia 27 novambra 2019 izao. Ho an’ny kandida Ben’ny tanàna eto Antananarivo renivohitra, mitondra ny laharana faha 2 eo amin'ny bileta tokana, dia vavaka iraisam-pinoana tao amin’ny kianja mitafon’Ankorondrano no nanakatonany ny fampielezan-keviny androany tolakandro. Notetezin’ity kandidan’ny antoko Tiako i Madagasikara ity avokoa ireo Fokontany 192 eto Antananarivo Renivohitra, nihaonany sy nifampiresahany nivantana tamin’ny vahoaka. Tonga maro nameno kianja Ambohijatovo ireto farany ny sabotsy teo, nandritra ny faradoboka.
    Lire la suite ...
    • mardi, 19 novembre 2019 09:33
    • Super User
    • Sary nindramina

    Andafiavaratra: Nankaiza i Raymond Ranjeva

    Ny tsy tao anaty feuille de match indray izany no nilalao, fa ny andrarezina buteur ry Njeva tsy tao? Sa nahazo karatra mena, sa niala an-daharana sa natahotra mpaka sary? Azavao kely hoe ry kapiteny Ntsay? Ary Tromlin koa toa tsy natao tanaty resaka, sa efa nilamina ny momba an'iny misy solika sy gaz marobe iny? Ho any Paris aninona? Angaha mbola averina indray ny fitsarana nataon'ny ONU? Efa didy mivoaka, fampiharana didim-pitsarana sisa no atao, tian-kano, tsy tian-kano, any amin'ny ONU izy no mitaraina raha mbola tsy tapitra ny lalana, fa ny resaka zao dia oviana isika no andeha any hametraka ny sainam-pirenentsika, ka hilaza ny Filoha hoe " Eto dia Madagasikara".
    Lire la suite ...
Page 5 sur 110