Politique

    • lundi, 16 septembre 2019 14:56
    • Britto

    Depiote kandida Ben’ny tanàna: Afaka miverina depiote raha tsy voafidy ho Ben’ny tanàna

    Moana ny lalàna manoloana ireo solombavambahoaka mirotsaka hofidiana Ben’ny tanàna ka tsy voafidy, nefa mbola anatin’ny fe-potoana iasany. Ny hany ambaran’ny Lalampanorenana, ao amin’ny andininy faha-71, dia tsy azo ampirafesina amin’ny asam-panjakana, na olom-boafidy hafa ankoatra ny asa fampianarana ny maha solombavambahoaka. Azo atao didy fakan-tahaka anefa ny tranga tao Fianarantsoa tamin’ny 2015. Solombavambavambahoaka amperinasa voafidy tao Ambatofinandrahana, Faritra Amoron’i Mania, avy amin’ny MAPAR, Razanamahasoa Christine, no narotsak’io vovonana politika io ho kandida Ben’ny tanànan’ny Kaominina ambonivohitr’i Fianarantsoa tamin’ny fifidianana natao ny 31 jolay 2015.
    Lire la suite ...
    • samedi, 14 septembre 2019 20:29
    • Britto
    • Sary Njaka

    Fifidianana kaominaly: Henika kandida Ben’ny tanàna ny Kaominina rehetra

    Misy kandida mpirotsaka fidiana ho Ben’ny tanàna avokoa ireo Kaominina miisa 1 695 manerana ny Nosy. 6129 ny isan’ny antotan-taratasy firotsahan-kofidiana voaray teny anivon’ireo OVEC (Organe de Vérification et d'Enregistrement des Candidatures) miisa 119. Kaominina roa ao anatin’ny Distrikan’Ambatondrazaka, dia Antsangasanga sy Amparihitsokatra, amin’ireo Kaominina miisa 1 695 manerana ny Nosy kosa no tsy nisy firotsahan-kofidiana ho mpanolontsain’ny tanàna voaray teny anivon’ny OVEC. Miisa 4 609 ireo antotan-taratasy firotsahan-kofidiana voaray, izay mitsinjara amin’ireo Kaominina 1 693.
    Lire la suite ...
    • samedi, 14 septembre 2019 17:00
    • Njaka
    • Sary Njaka

    CENI: Namoraina ny fandraisana ny taratasim-pirotsahana kandida Ben'ny Tanàna

    Tapitra tamin'ny 12 septambra lasa teo ny fe-potoana farany nametrahana ny antotan-taratasy amin'ny fifidianana ben'ny tanana sy ny mpanolontsainan'ny tanana, izay atao amin'ny 27 novambra ho avy izao, teny anivon'ny OVEC manerana ny Madagasikara. Hita taratra fa dia malaindaina ihany ny taha-pavitrihina ho an'ireo kandida, nefa tamin'ny andro farany vao tonga ny atotan-taratasy amin'arivony maro.
    Lire la suite ...
    • vendredi, 13 septembre 2019 18:28
    • Britto

    Fifidianana Ben’ny tanàna: Nandrotsaka kandida amina Kaominina miisa efatra ny antoko Tia Tanindrazana

    Ny Kaominina Vinany, Distrikan’i Mandoto, Faritra Vakinankaratra sy ny Kaominina Andoharanofotsy, Distrika Antananarivo Atsimondrano ary ny Kaominina Ambavahaditokana, Distrika Antananarivo Atsimondrano samy ato amin’ny Faritra Analamanga. Samy misy kandida Ben’ny tanàna sy lisitra kandida mpanolontsain’ny tanàna amin’ny anaran’ny antoko Tia Tanindrazana avokoa ireo Kaominina telo ireo. Kandida Ben’ny tanàna kosa ny ao amin’ny Kaominina Mahazoarivo, Distrikan’i Fandriana, Faritra Amoron’i Mania. Am-polony ihany koa ireo kandida tsy miankina tohanan’ity antoko ity manerana ny Nosy amin’ny fifidianana Ben’ny tanàna hotanterahina amin’ny 27 novambra 2019. Nijoro ara-panjakana tamin'ny taona 2009, folo taona nijoroana izao ny antoko Tia Tanindrazana.  
    Lire la suite ...
    • vendredi, 13 septembre 2019 12:42
    • Britto
    • Sary nomena

    Ramamenosoa Herinjato Samuelson: Kandida ho Ben’ny tanàna ao Ankaraobato - Atsimondrano

    Tontosa omaly atoandro tetsy amin’ny OVEC Antananarivo Atsimondrano ny fametrahana ny antotan-taratasy firotsahan-kofidiana ho Ben'ny tanàna eto Ankaraobato an-dRamamenosoa Herinjato Samuelson. Kandida natolotry ny IRK izy, naneho ny fahavononany hirotsaka ho fidiana ary notronin'ireo ekipan’ny mpanolotsaina. Tsotra ny vina, hoy Ramamenosoa Herinjato Samuelson dia « Ankaraobato madio, milamina, mandroso ary maha te-honina ». (Jereo Sary Tohiny)
    Lire la suite ...
    • vendredi, 13 septembre 2019 12:20
    • Britto
    • Sary: Tojo Anderson

    Toamasina I: Nantenaina no narotsaky ny IRD ho kandida Ben’ny tanàna

    Ny alakamisy 12 septambra 2019 no tonga nametraka ny antotan-taratasy firotsahan-kofidiany ho Ben’ny tanànan’i Toamasina I, amin’ny anaran’ny IRD i Nantenaina, notronin’ny mpanao politika sady loholona Pierrot Rajaonarivelo. Mpihira no ahafantaran’ny maro an’i Nantenaina. (Jereo sary Tohiny)  
    Lire la suite ...
    • jeudi, 12 septembre 2019 18:23
    • Britto
    • Sary nindramina

    Andriamasinoro Tahiry Ny Riana: Kandida Ben’ny tanàna TIM eto Antananarivo Renivohitra

    Sekretera jeneraly amperinasa ao amin’ny Fiadidiana ny tanànan’Antananarivo Renivohitra i Andriamasinoro Tahiry Ny Riana. Izy no narotsaky ny antoko Tiako i Madagasikara ho kandida Ben’ny tanàna eto Antananarivo Renivohitra. Tonga tetsy Nanisana nanatitra ny antotan-taratasy firotsahan-kofidiany teny amin’ny OVEC Antananarivo ny tenany, notrononin’ny Sekretera jeneralin’ny antoko Tiako i Madagasikara, Olga Ramalason sy ireo mpiara-dia aminy. (Jereo Sary Tohiny)  
    Lire la suite ...
    • jeudi, 12 septembre 2019 17:30
    • Britto
    • Sary nindramina

    Jean Pierre Randrianamboarina: Kandida Ben’ny tanàna ao Ambatomarina

    Voapetraka omaly alarobia 11 septambra 2019 teo anivon’ny OVEC Manandriana ny antotan-taratasy firotsahan-kofidiana ho Ben’ny tanàna an’i Jean Pierre Randrianamboarina sy ny lisitra mpanolotsaina miara-dia aminy. Kandida tsy miankina i Jean Pierre Randrianamboarina, ary ao amin’ny Kaominina Ambatomarina, Distrika Manandriana, faritra Amoron’i Mania no irotsahany. Filoha nasionaly sady mpanorina T.V.M.A (Tanora Vonona Mandray Andraikitra) i Jean Pierre Randrianamboarina.
    Lire la suite ...
    • jeudi, 12 septembre 2019 16:34
    • Tigre
    • Sary nindramina

    Fetison Rakoto Andrianirina: Nandroso soso-kevitra hanitarina ny fe-potoana fametrahana ny firotsahan-kofidiana ho Ben'ny Tanàna

    Nandroso soso-kevitra ny hanitarana ny fe-potoana fametrahana ny filatsahana ho Ben'ny Tanàna hatramin’ny 19 septambra 2019, raha tokony hifarana anio 12 septambra amin’ny 5 ora hariva, i Fetison Rakoto Andrianirina, filoha nasionalin’ny RDS (Roso ho amin'ny Demokrasia Sosialy) manoloana ny fahavitsian’ny mpirotsaka hofidiana Ben'ny Tanàna. Aminy dia mampitombo ny fandraisana andraikitra ifotony izany, no manamafy orina ny fitsinjaram-pahefana, ary mitsitsy satria hihena ny fanomanana fifidianana ampahany. Nanipika mazava izy fa tsy mila hahemotra ny fifidianana fa ny fe-potoana hametrahana ny antotan-taratasy filatsahana no hitarina andro vitsivitsy, ary mila manentana ny mpilatsaka ho fidina sy ny mpifidy ny mpitondra.  
    Lire la suite ...
    • jeudi, 12 septembre 2019 14:21
    • Britto
    • Sary nomena

    Ambodiriana Toamasina II: Kandida Ben’ny tanàna i « Patron tany »

    Nirotsaka hofidiana ho Ben’ny tanàna eto amin’ny Kaominina Ambodiriana, Distrika Toamasina II i LAI Koa Hong Adolphe Randrianarison. « Patron tany » no tena ahalalan’ny olona azy eto an-toerana. Kandida tsy miankina ny tenany ary ny alarobia 11 septambra 2019 izy no nahatafapetraka ny antotan-taratasy firotsahan-kofidiany teo anivon’ny OVEC Toamasina II. (Jereo Sary Tohiny)
    Lire la suite ...
Page 1 sur 96