Politique

    • samedi, 23 mars 2019 18:46
    • Britto
    • Sary nindramina

    Voninahitsy Jean Eugène: Kandida depiote ao Morafenobe

    Nisafidy ny Distrikan’i Morafenobe ny filoha nasionalin’ny antoko RPSD Vaovao nirotsahana hofidiana solombavambahoaka, raha tao Maintirano no nirotsahany farany sy nahavoafidy azy in-droa ary naha filoha lefitry ny Antenimieram-pirenena azy. Toerana solombavambahoaka iray no ifaninana ato Morafenobe. Miisa fito ny kandida neken’ny CENI hotsarain’ny vahoaka amin’ny latsabato izay hatao ny alatsinainy 27 mey 2019. Voninahitsy Jean Eugène no mitarika ny lisitra, Pelops Ariane vady andefomandriny kosa no kandida mpisolotoerana azy. Efa solombavambahoakan’i Morafenobe i Pelops Ariane.
    Lire la suite ...
    • samedi, 23 mars 2019 18:18
    • Britto
    • Sary nomena

    Irmah Naharimamy: Tonga dia « action »

    Handany lalàna, handinika sy handany tetibolam-panjakana, manaramaso ny asan’ny governemanta sy ny politika ankapoben’ny Fanjakana. Anisan’ireo asa aman’andraikitra sahanin’ny solombavambahoaka io, araka ny voalazan’ny andininy faha-68 ao amin’ny Lalampanorenana malagasy. Tsy ankiandriandry fa amperin’asa avy hatrany i Irmah Naharimamy. Nanara-maso ny fanombohan’ny asa fanamboaran-dalàna sy fanadiovana ireo tata-drano eto Toamasina izy, asa izay nisy fampanantenana nataony fony mbola tao anaty governemanta, minisitry ny mponina sy fiahiana ara-tsosialy ary ny fampiroboroboana ny vehivavy. Ny sasany kosa tohin'ny fidinana ifotony nataon’ny filoha Andry Rajoelina teto Toamasina tamin’ny alahady sy alatsinainy 18 martsa lasa teo.
    Lire la suite ...
    • samedi, 23 mars 2019 18:10
    • Britto
    • Sary nomena

    Fifidianana depiote - Tsihombe: Kandida telo amin’ny enina no niatrika ny « tirage au sort »

    Vita omaly misandratrandro ny fisarihana (tirage au sort) nandaharana ireo kandida solombavambahoaka ato Tsihombe ao anaty bileta tokana hampiasaina amin’ny andron’ny latsabato ny alatsinainy 27 mey 2019. Kandida telo amin’izy enina nankatoavin’ny CENI hifaninana no tonga nanatrika ny fisarihana. Nampanarahina ny laharana tamin’ny fanaterana antotan-taratasy firotsahan-kofidiana ny fisarihana, ka i Masy Goulamaly no nisarika voalohany. Ny laharana faha-6 no voasarika avy ao anaty vata, ary io izany no ho laharany ao anaty bileta tokana. (Jereo Sary Tohiny)  
    Lire la suite ...
    • vendredi, 22 mars 2019 22:43
    • Britto
    • Sary nomena

    Rastany: « Mitohy ny lalantsika »

    Ara-dalàna ary nohamafisin’ny Vaomieram-pirenena mahaleotena misahana ny fifidianana na CENI ny maha kandida solombavambahoaka ao Antananarivo II an’i Randrianarisoa Stanislas na « Rastany » izay anarana ahafantaran’ny maro azy. Mitarika ny lisitra Tiako i Madagasikara ato Antananarivo II na i Rastany. Diso fantatra ety amin’ny Boriborintany faharoa Antananarivo Renivohitra izy, tamin’ny fandraisana andraikitra sy fitondrana anjara biriky tamin’ny fanasoavana ny mpiarabelona raha tsy hilaza afa-tsy ny tolotanana amin’ny fanamboaran-dalana izany sy ny famelomana ireny tsipika amin’ny arabe fanatsarana ny fifamoivoizana tato amin’ny Boriborintany faharoa ireny, izy rahateo mpandraharaha.
    Lire la suite ...
    • vendredi, 22 mars 2019 22:22
    • Britto
    • Sary Gasypatriote Sambava

    Sambava: Tontosa ny fisarihana ny laharan'ireo kandida ho solombavambahoaka

    Teto amin'ny efitrano malalaky ny Faritra SAVA no nanantotosana izany androany tamin'ny 10ora maraina teo. Ka toy izao ny laharana ho hita any anaty bileta tokana ny an'i Sambava, izay araka ny fisarihana natao mangarahara ary tsy nitanila ka neken'ny rehetra.
    Lire la suite ...
    • vendredi, 22 mars 2019 20:38
    • Britto
    • Sary nomena

    Narson Rafidimanana: Asa avy hatrany

    Mitohy ny fidinana ifotony ataon’i Narson Rafidimanana mitety ireo Kaominina ato amin’ny Distrikan’Antanifotsy, faritra Vakinankaratra. Mitafa, manazava ny andraikitry ny solombavambahoaka, mitondra vahaolana avy hatrany manoloana ny fitarainana sy ny hetahetan’ny mponina, amin’ny maha olom-pirenena tomponandraikitra azy, izy rahateo zanaky ny Distrika. Kandida amin’ny fifidianana solombavambahoaka ato amin’ny Distrikan’Antanifotsy i Narson Rafidimanana. Tsy miankina « Ray Dia » no irotsahany. Miisa sivy ny kandida hifaninana amina toerana tokana ato Antanifotsy.
    Lire la suite ...
    • vendredi, 22 mars 2019 19:47
    • Britto

    Toamasina I: Vita ny antsapaka nandaharana ireo kandida depiote anaty biletà tokana

    Natao androany zoma 22 martsa ny antsapaka ny laharana anaty ny lisitry ny bileta tokana ho an'ny kandida solombavambahoaka eto Toamasina I, ka toy izao ny filaharany araka ny ankitsapaka nataon'ny kandida na ny solontenany avy nandritra izany tao amin'ny lapan'ny Faritra Atsinanana. Laharana voaloha ny Tiako i Madagasikara (TIM) tarihin’i Rakotonirina Jean Claude Roger, faha-2 ny « Indépendant Rakotoninahy Josephat », faha-3 ny « Indépendant Benessy Harison Sébastien », ny faha-4 ny « Indépendant Botozaza Pierrot », ny faha ny faha-5 ny « Indépendant Tody Arnaud », ny faha-6 ny « Gasy Mifankatia (GASY MI) », ny faha-7 ny « Indépendant Ratsimbazafy Mamonjy », ny faha-8 ny « Isika Rehetra Miaraka @ Andry Rajoelina » misy an'i Irma Naharimamy, ny faha-9 ny « Malagasy Tonga Saina (MTS) » misy an’i Roland Ratsiraka, ny faha-10 ny « Gasikara Antsika Rehetra (GAR) » tarihin’i Mahavimbina Alain, faha-11 ny « Indépendant Ndahimananjara née Randrianarison Benedicte Johanita », ary ny faha-12 ny Antokon'ny Kongresin'ny Fahaleovantenan'i Madagasikara (AKFM-Fanavaozana) tarihin’i Rakotomalala Henri na Riri-Be.  
    Lire la suite ...
    • jeudi, 21 mars 2019 14:23
    • Britto
    • Sary nomena

    Manandafy Rakotonirina: Nafenina ao Andriana - Ambohimahazo

    Tontosa omaly alarobia 20 martsa ny fanafenana ny nofo mangatsiakan’i Manandafy Rakotonirina. Tao amin’ny Fokontany Andriana, Kaominina ambanivohitra Ambohimahazo, Distrikan’i Manandriana no nanatanterahana izany. Ankoatra ireo mpiray antoko aminy, dia mpanao politika tonga nanotrona ny fianakaviana tamin’ny fotoana farany nanafenana an’i Manandafy Rakotonirina ampasan-drazana.Tonga tany an-toerana nandeha helikôptera i Sylvain Rabetsaroana, ny mpikambana ao amin’ny CFM (Conseil du Fampihavanana Malagasy) Razaka Oliva.
    Lire la suite ...
    • jeudi, 21 mars 2019 09:57
    • Njaka
    • Sary Njaka

    Boribobitany faha 6: Nanao asa soialy i Tania Avanamiarantsoa

    Nanolotra fanampiana ireo olona sahirana teny amin'ny boriboritany faha enina i Avanamiarantsoa Vinifanja Tania, izay kandida tsy miankina, ho fidiana solombavambahoaka eny amin'ity boriboritany ity. Mbola tanora tokoa i Ramatoa Tania raha ny taona no jerena ary hita taratra fa vonona ny hanasoa ny manodidina azy raha ny resaka nataony. Nanolotra vary sy fitafiana moa izy omaly alarobia 20 mars tetsy amin'ny fokotanin'Anosivavaka. Lisitra kandida 08 moa no hifaninana eny amin'ny boriboritany faha 6, hiady ny seza roa.  (Jereo Sary Tohiny)  
    Lire la suite ...
    • mercredi, 20 mars 2019 19:27
    • Britto
    • Sary nomena

    MASY Goulamaly: Nohamafisin’ny CENI ny maha kandida depiote azy

    Feno ny fepetra. Nohamafisin’ny Vaomieram-pirenena mahaleotena misahana ny fifidianana na CENI ny maha kandida an’i MASY Goulamaly amin’ny fifidianana solombavambahoaka hotanterahina amin’ny 27 mey 2019 ato amin’ny Distrikan’i Tsihombe, Faritra Androy. Kandida miisa enina no hifaninana amin’ny toerana iray ato Tsihombe. Ny tsy miankina « INDEPENDANT MASY Goulamaly Marie Jeanne D'arc » no irotsahan’i MASY Goulamaly sy iatrehany ity hazakazaka mankeny Tsimbazaza ity. Feno fahavononana tanteraka i MASY Goulamaly amin’ny fanohizana ny asa maha solombavambahoaka hiady ny tombontsoan’ny vahoakan’i Tsihombe, na ara-sosialy izany na ny ara-toekarena amin’ny fanorenana ireo foto-drafitrasa maro fanohanana ny tanora, fa indrindra ny tantsaha izay maro an’isa aty Tsihombe.
    Lire la suite ...
Page 1 sur 75