Tselatra

    • jeudi, 22 octobre 2020 13:03
    • Sary Njaka

    Antohomadinika atsimo : Lehilahy 30 taona eo no hita faty tao anaty rano

    Efa nilona hatelona teo ho eo izy ity raha ny fahitana azy. Nanaraka ny lakan-dranon'Andriatany ny fatin'ity lehilahy ity, ka izao hita teto Antohomadinika izao. Nahitana karapanondro sy taratasy fahazoan-dalana hitondra fiara teny aminy.  
    Lire la suite ...
    • jeudi, 22 octobre 2020 10:28
    • Sary Njaka

    Isotry : Nihotsaka tampoka ilay trano

    Olona dimy naka ranotany no naratra mafy ka noentina any amin'ny hopitaly. Mbola tsy fantatra hatreto ny toe-pahasalaman'izy ireo. Efa tranainy ilay trano no anton'ny fihotsahana. (Jereo Sary Tohiny)
    Lire la suite ...
    • jeudi, 22 octobre 2020 08:47

    Mpiasam-panjakana : 591 no haato tsy handray karama intsony manomboka ny faran’ity volana Oktobra ity

    591 ireo olona mandray volam-panjakana haato tsy handray karama intsony manomboka ny faran’ity volana Oktobra ity, ary hampiakarina “Conseil des Disciplines” taorian’ny fitsirihana natao tamin’ny alalan’ny fanatsarana ny AUGURE. Olona nandray vola nefa tsy miasa, na tsy voaisa ho mpiasam-panjakana ara-dalàna izy ireo, fa nandray volam-panjakana. Miisa 7007 ireo mbola eo am-panamarinana ny momba azy ireo ny ao amin’ny fitantanam-bola ankehitriny.  
    Lire la suite ...
    • mercredi, 21 octobre 2020 09:30

    Bakalôrea - Mananara Avaratra : Tra-tehaka ilay nisandoka ho kandida

    Ny andro voalohan’ny fanadinana bakalôrea, dia tonga tao amin’ny toeram-piadinana ny tovolahy iray, hiatrika ny taranja filozofia. Tsy tena kandida anefa ilay tovolahy fa nisolo kandida, izay olona mitovitovy aminy, mba hiatrika io taranja io. Tsikaritry ny mpiambina nandritra ny fisavana anefa fa tsy mitovy amin’ilay tovolahy tonga io ny sarin'ilay tena mpiadina ka dia noraisim-potsiny ity tovolahy mpisandoka ity. Natolotra ny Polisy avy hatrany ilay mpisandoka ho mpiadina bakalôrea.  
    Lire la suite ...
    • mercredi, 21 octobre 2020 09:27

    Bakalôrea - Farafangana : Tra-tehaka ilay « Maitre FRAM » nikasa hisolo am-badiny hiatrika taranja matematika

    Lehilahy iray tonga hiatrika ny laza adina matematika tao Farafangana omaly maraina. Ny sariny ny tao amin'ny taratasim-pamantarana ny mpiadina. Rehefa nojeren’ny mpiambina ny mombamomba ilay mpiadina dia tsikaritra fa tokony ho vehivavy ilay manala ny fanadinana fa tsy lehilahy. Tra-tehaka teo ilay lehilahy izay fantatra fa vadiny ihany io nokasainy hosoloina tamin’ny fiatrehana ny taranja matematika io. Mpampianatra (Maitre FRAM) ilay lehilahy. Ankoatra izay dia mpiadina miisa roa ihany koa no nifanome vakiraoka ka tratran'ny mpiambina ary voatery najanona tsy nanohy ny laza adina matematika intsony.  
    Lire la suite ...
    • mardi, 20 octobre 2020 21:27
    • Sary nindramina

    Maintirano : Nitsoaka tao amin'ny Fitsarana ilay voampanga vao nandre fa hampidirina am-ponja

    Ny handositra hiala tao amin’ny lapan’ny Fitsarana Maintirano no nataony vao nandre ny didim-pitsarana fa meloka higadra enin-taona an-tranomaizina sazy mihatra izy omaly. Nifanenjehana ilay lehilahy, nipoaka hatramin’ny basy saingy tsy voa izy. Tsy lasa lavitra anefa izy dia voasambotra, ary dia efa any am-ponja manefa ny saziny amin’izao. Raharaha roa no nanenjehana azy dia fisolokiana sy fisandohana ho Lietenà miaramila. Maro ny olona efa nahazoany vola. (Jereo Sary Tohiny)
    Lire la suite ...
    • mardi, 20 octobre 2020 13:00
    • Sary: ZP

    Famonoana zandary : Enindahy notanana vonjimaika ao amin'ny fonjan'Antsirabe

    Notanana vonjimaika ao amin'ny fonjan'Antsirabe ireo lehilahy miisa enina voarohirohy tamin’ny famonoana ho faty ny GPHC Rakotondranivo Radonirina Jerison, zandary niasa teo anivon'ny Etamazaoron'ny Vondron-tobim-pileovan'ny Zandarimaria - Vakinankaratra ny alin'ny Talata 13 hifoha 14 Oktobra lasa teo. Vokatry ny hamamoana dia nanakorontana tao anatin'ny trano fisotroana ireto tovolahy ireto ary nitohy hatreny ivelany izany. Voatery niditra an-tsehatra ity zandary ity nanasaraka, ka izy indray no nanamparan'izy enindahy nanaovana angaredona.Vely tavoahangy no nahafaty ilay zandary. (Loharanom-baovao : ZP)  
    Lire la suite ...
    • mardi, 20 octobre 2020 09:38

    OFMATA : Roa volana tsy misy Tale jeneraly, mikatso tanteraka ny fampandehanan-draharaha

    Velon-taraina ny mpiasa sy ny tantsaha miara-miasa amin’ny OFMATA (Office Malgache des Tabacs) manoloana ny fikatsoana tanteraka ny fampandehanan-draharaha noho ny tsy fisian’ny Tale jeneraly, banga nanomboka tamin’ny 20 aogositra 2020 taorian’ny nanesorana tamin’ny toerany ny tompon-toerana. Paraky 741 taonina no voalaza hatreto fa tsy voaloa vola, ka mampitaraina ny tantsaha. Mbola mitohy hatramin’ny aprily 2017 anefa ny fandanjana paraky. 1000 eo ireo mpiasa an-tselika tsy mandray karama. Santionan’ny olana sendrain’ny orinasa ireo, araka ny taratasy fitarainana nataon’ny mpiasa miantefa amin’ny mpitondra fanjakana, miantso ireto farany mba hanendry izay ho Tale jeneralin’ny OFMATA.  
    Lire la suite ...
    • lundi, 19 octobre 2020 19:46

    Fanafihana mitam-piadiana : Ravan’ny zandary ny tambazotran-jiolahy teny Imerintsiatosika

    Saron’ny Zandary avy ao amin’ny Tobim-paritry ny Zandarimaria Imerintsiatosika ny tambazotran-jiolahy iray ahitàna jiolahy ikoizana miisa folo (10) ao amin'ny Kaominina Imerintsiatosika, ny 17 oktobra 2020. Voarohirohy amin’ny vakitrano sy fanafihana mitam-piadiana izay nampihorohoro ny mponina amin'iny Kaominina iny ireto andian-jiolahy ireo. Sarona tao amin'ny trano fieren'izy ireo ihany koa ny rongony voafono 03kg, ireo fitaovana toy ny basy poleta vita gasy iray miaraka amin'ny bala, ary « barre à pince » sy antsy lava fampiasan'izy ireo manao asa ratsy. Fantatra fa mpamatsy bala ny roa amin'ireo voasambotra ireo.  
    Lire la suite ...
    • lundi, 19 octobre 2020 12:18
    • Sary nindramina

    No comment

    No comment  
    Lire la suite ...
Page 1 sur 596