Sport

    • samedi, 15 février 2020 21:57
    • Sary: FMF

    Kitra - "Coupe Arabe U20": Djibouti no hifanandrina voalohany amin’ny Barea

    Nigadona tao Riyadh androany vao maraimben’ity sabotsy 15 febroary ity ny delegasiona Malagasy hiatrika ny fifaninanana iraisam-pirenena amin’ny baolina kitra « Coupe Arabe U20 ». Ny ekipan’i Djibouti no hifanandrinana voalohany amin’ny Barea U20 ny Alatsinainy 17 febroary. Nitsapa ny kianja « Al Riyadh Club » izay hanaovana ny lalao ny solontena malagasy androany ary hitohy rahampitso.    
    Lire la suite ...
    • jeudi, 13 février 2020 10:34
    • Sary: Commune Urbaine Antsirabe

    Antsirabe: Natao ny fandraisana ara-teknika ny Kianja mitafo vaovao

    Vita, omaly, ny fandraisana ara-teknika ny Kianja mitafo vaovao eo Vatofotsy ary dia ho tokanana tsy ho ela ity foto-drafitrasa ity. Dingana iray hampakarana avo ny lentan’ny fanatanjahatena eto Antsirabe ny fahazoana ity Kianja mitafo ity.    
    Lire la suite ...
    • jeudi, 13 février 2020 10:17
    • Sary nindramina

    Kitra - Pro League: Lasa mpanazatran’ny As ADEMA indray i Maitre Rôrô

    Nametra-pialana tsy ho mpanazatra ny klioba Jet Mada i Rakotondrabe Romuald, fantatry ny maro amin’ny solon’anarana Maitre Rôrô. Nanaja ny fanapahan-keviny ny klioba. Fantatra taorian’izay fa lasa mpanazatran’ny As ADEMA Analamanga i Maitre Rôrô. Laharana faha-5 mitovy ny As ADEMA sy ny Jet Mada eo amin’ny fifaninanana Pro League. (Jereo Sary Tohiny)
    Lire la suite ...
    • mercredi, 12 février 2020 15:18

    Kitra - Coupe Arabe U20: Voaasa handray anjara i Madagasikara

    Manoman-tena eny amin’ny Centre technique nationale Carion, nanomboka ny 10 febroary teo ny Barea U20 hiatrika ny « Coupe Arabe U20 » hatao any Arabia Saodita ny 17 febroary ka hatramin’ny 5 martsa 2020. Firenena miisa 16 no voaasa handray anjara tamin’ity fifaninanana ity, hitsinjara anaty vondrona efatra. Vondrona B no hisy an’i Madagasikara miaraka amin’i Maroc, Djibouti ary Bahreïn. 20 ny mpilalao hiazo an’i Arabia Saodita, hotarihin’ny mpanazatra Menakely Ruphin sy Rija Juvance.  
    Lire la suite ...
    • mardi, 11 février 2020 21:38
    • Sary nindramina

    Arizaka Raoul – Filohan’ny FMF: Nolavin’ny « Conseil d’Etat » ny fangatahany

    Notsipahin’ny « Conseil d’Etat » ny fangatahan’i Rabekoto Arizaka Raoul Romain, filohan’ny Federasiona malagasy ny baolina kitra (FMF), ny hampiantoana sy ny hanafoanana mihitsy ny IST mandrara azy tsy hivoaka an’i Madagasikara. Betsaka ireo fivoriana tokony sy tsy maintsy atrehiny eo anivon’ny Kaonfederasiona afrikanina momba ny baolina kitra (CAF), sy Federasiona iraisam-pirenena amin’ny baolina kitra (FIFA), manembatsenana ny asany ny fisian’ny IST ka izay no nitondrany ny raharaha teny anivon’ny « Conseil d’Etat » nanaovany io fangatahana io. Tsy nahazo rariny anefa fa nolavin’ny « Conseil d’Etat » ny fangatahany. Midika izany fa tsy mahazo miala eto Madagasikara i Arizaka Raoul. Velon’ahiahy ireo mpitia baolina kitra sao hisy fiantraikany amin’ny hoavin’ny kitra malagasy sy ny Barea, izay eo ampanomanana lalao iraisam-pirenena, izao fepetra ara-pitsarana mahazo ny filohan’ny Federasiona malagasy ny baolina kitra izao. (Jereo Sary Tohiny)
    Lire la suite ...
    • lundi, 10 février 2020 09:20
    • Sary nindramina

    DAX: « Tsy ho afaka hanao BAREA ny tenako mandritry ny efa-bolana »

    Nosazian’ny FIFA, Federasiona iraisam-pirenena amin’ny baolina kitra, tsy mahazo milalao mandritra ny efa-bolana i Andriamirado Arohasina fantatry ny maro amin’ny solon’anarana DAX, mpilalao ao amin’ny Barea an’i Madagasikara. Hajaiko ny fanapahan-kevitry ny FIFA hoy i Dax nitondra fanazavana. Nanipika mazava ity farany, fa olana ara-bola mikasika ny fifindrany avy any amin’ny Fosa Juniors nankao amin’ny Kaizer Chiefs, klioba nilalaovany teo aloha, nefa ankehitriny izy no manjary mizaka ny volany. « Voaporofo izany satria raha tena nisy zavatra tsy nazava nataoko dia tsy ho nantsoin'i coach Nicolas Dupuis izaho tamin'iny CAN 2019 iny ». Marihina fa milalao ao amin’ny Black Leopards, klioba diviziona voalohany atsy Afrika Atsimo, ankehitriny i Dax.
    Lire la suite ...
    • dimanche, 09 février 2020 18:47
    • Sary: Malagasy Rugby

    Rugby - Gold Top 20: Voahosotra ho tompondaka ny ekipan'ny Tafika Malagasy

    Nandresy tamin’ny moka fohy 28 noho 27 ny Cosfa Rugby nanoloana ny TFA Anatihazo nandritra ny lalao famaranana tamin'ny Gold Top 20 teo amin’ny kianja Makis Andohatapenaka androany 09 febroary 2020. Efa nitarika tamin’ny isa 20 noho 19 ny Cosfa teo amin’ny ampaham-potoana voalohany. Voahosotra ho tompondaka ny ekipan'ny Tafika Malagasy. (Jereo Sary Tohiny)  
    Lire la suite ...
    • dimanche, 09 février 2020 13:51
    • Sary nindramina

    Kianja Makis: Feno hipoka ny toerana, ny mpilahatra hiditra mbola mitandavana aty ivelany

    Miangavy ireo mpitia baolina rugby, mikasa ny hijery ny lalao famaranana anio eny amin’ny Kianja Makis-Andohatapenaka, ny Malagasy Rugby « mba hijanona any an-trano » avokoa mba « hisorohana ny fifanosehana », araka ny fanambarana nataony io maraina io. Efa feno ny toerana noho ny fahamaroan'ny olona tonga mijery baolina, hoy ny fanambarana, koa entanina hijanona any an-trano ireo rehetra mbola mikasa ny handeha eny amin'ny Kianja Makis.  
    Lire la suite ...
    • mercredi, 29 janvier 2020 08:28
    • Sary nindramina

    Mining Business Center Ivato: Fihaonam-ben'ny Baolina kitra

    Maharitra roa andro ity Fihaonam-ben'ny Baolina kitra handinihina ny fomba anatsarana ny baolina kitra eto Madagasikara. Tonga nanokatra izany tamin'ny fomba ofisialy ny minisitry ny tanora sy ny fanatanjahan-tena, Tinoka Roberto, omaly talata 28 janoary, tetsy amin'ny Mining Business Center Ivato. Talohan'ny nandraisany fitenenana, dia nahatsiaro manokana ireo traboina tamin'ny rivotra nitondra oram-be ka niteraka loza ho an'ny Malagasy maro. Niaraka nitsangana ny rehetra nanamarika iray minitra fahanginana ho an'ireo namoy havana tao anatin'izany. Nanamafy ny minisitra Tinoka Roberto, fa dia vonona hanome ny heriny rehetra hanampiana ny kitra Malagasy, ary dia nankasitraka ny ezaka goavana nataon'ny Barea, indrindra tamin'ny fandresena goavana tamin'ireny CAN ireny. Maro ihany koa hoy izy ny ezaka ataon'ny Kilioba sy ny Federasionina, ka vonona hatrany ny fanjakana anampy ny mpilalao sy ny mpikarakara. Mpizaika 170 manerana ny Nosy moa no miaraka mandinika loha-hevitra 8 mandritra izao fihaonana izao, izay hifarana androany alarobia 29 janoary.  
    Lire la suite ...
    • lundi, 27 janvier 2020 10:29
    • Sary nindramina

    Baskety NBA: Nodimandry teo amin’ny faha-41 taonany i Kobe Bryant

    Namoy ny ainy tao anaty helikôptera nianjera omaly hariva tany Calabasas any Californie i Kobe Bryant, izay mpilalao baskety nalaza, namirampiratra tao amin’ny fifaninanana NBA any Etazonia. Mpilalaon’ny Los Angeles Lakers i Kobe Bryant. Maty avokoa ireo mpandeha tao anaty helikôptera niaraka taminy, anisany ny zanany vavy Gianna Maria, 13 taona, ity farany izay isany tsy mahasaraka azy amin’ireo efa-bavy zanany. (Jereo Sary Tohiny)
    Lire la suite ...
Page 6 sur 73