Filtrer les éléments par date : dimanche, 17 mai 2020

Roa volana izao no niatrehan’i Madagasikara ny ady amin’ny valanaretina Coronavirus. Notsiahivin’ny filoha Andry Rajoelina tamin’ny kabary nataony ho an’ny Vahoaka Malagasy androany, izay naharitra 20 minitra teo, ireo fanapahan-kevitra sy fepetra ary vokatra azo isaky ny dingana natao tao anatin’izay fe-potoana izay.

Tsy mbola vita ny ady, nefa misy ny gaboraraka teo amin’ny fanajana ny fepetra hoy ny filoha, hany ka vokatr’izay dia lasa foiben’ny aretina Covid-19 izao i Toamasina, izay ahitana taha avo indrindra. Hentitra ny fitondram-panjakana manoloana izany, ny amin’ny tsy maintsy hanarahana ny fepetra amin’ny Fahamehana ara-pahasalamana mba tsy hianahan’ity valanaretina ity eto Madagasikara. Nambarany fa tsy nisotro ilay Tambavy CVO ireo olona vaovao rehetra voan’ny Covid-19.

Publié dans Tselatra

Basy lava « Carabine » nafenina tao anaty gony, io no tratra nandritra ny fisavana entan’ny mpandeha iray nandeha taksiborosy hiazo an’i Fianarantsoa teo amin’ny « barrage sanitaire » teo Vohiboay Kaominina Manamisoa, Distrika Ambalavao. Ny fihetsiny mahamahana no nisarika ny zandary hanao fisavana lalindalina kokoa hatrany amin’ny entan’ny mpandeha ka nahitana ity basy ity.

Notazomina natao famotorana avy hatrany ilay mpandeha sy ny basy nentiny.

(Jereo sary Tohiny)

Publié dans Vaovao

Nitrangana halatr’omby tao Ankiliroa Kaominina Andoharano, Distrika Ambovombe Androy ny alin’ny alakamisy 14 may 2020. Omby miisa 70 no lasan’ny dahalo. Roso tamin’ny fanarahan-dia avy hatrany ny Fokonolona sy ny Zandary io alina io, ary niambina ny kizo tao Andoharano. 

Nisy ny fifandonana tao anaty haizina, rehefa nifankatratra ny dahalo sy ny mpanara-dia, alohan’ny hahatongavana tao Andoharano. Nifamaliana ny tifitra teo amin’ny andian-dahalo andaniny sy ny Zandary ankilany. Maty voatifitra tao anatin’izany ny iray tamin’ireo dahalo ary rifatra nitsoaka ireo namany.

Azo avokoa ny omby rehetra ary efa tafaverina amin’ny tompony.

 
Publié dans Vaovao

Kamiao iray avy any Ankazobe hiazo an’Antananarivo no notafihin’ny jiolahy mitam-basy teo Tsaramandroso Namontana, Kaominina Anosiala Distrika Ambohidratrimo ny marainan’ny zoma 15 may 2020. Ny tompony ihany no namily ny fiara ; tao anatiny ny vadiny niampy mpiasa roa hafa.

Lehilahy roa, nanao fanamiana sy « béret » fitondran’ny zandary nanao « auto-stop » an’ity kamiao ity rehefa nandalo tao Mahitsy, lalam-pirenena faha-4 ary niangavy mba hoentina hiazo an’Antananarivo. Tsy niahiahy na nanana eritreritra hafa tamin’izy ireo ny mpamily fa nakarina ary nentin’ilay kamiao ihany koa izy ireo.

Publié dans Tselatra

Nambaran’ny Profesora Vololontiana Hanta Marie Danielle, mpitondrateny ofisialy ny Foibem-pibaikoana ny Covid-19, androany atoandro tamin’ny haino aman-jerimpanjakana fa nisy lehilahy iray 59 taona, teraka ny taona 1961 tao Vavatenina, nodimandry tao Toamasina. Ity no tranga fahafatesana voalohany taorian’ny 19 marsa 2020 nahitana voalohany tranganaretina Covid-19 miisa telo teto Madagasikara.

Publié dans A la Une

Olona roa, anisany ny solontenam-paritra ny ATT Vakinankaratra-Menabe no voarohirohy amina fanararaotam-pahefana sy fanaovana hosoka ary ady tombontsoa amin’ny fanomezana fahazoan-dalana fiara hivezivezy ao anatin’izao fotoanan'ny fihibohana izao, mandika ny lalàna mihatra amin’izao Fahamehana ara-pahasalamana izao.

Natolotra ny Pôle Anti-Corruption Antananarivo ny raharaha taorian’ny famotorana nataon’ny Zandary.

Tazomina am-ponja vonjimaika ao amin’ny fonjan’Antsirabe ireo olona roa ireo taorian’izay.

 

Publié dans Vaovao

Niato nanomboka ny 15 may 2020 ny fampianarana amin’ny sekoly Katolika rehetra eto Toamasina tampon-tanàna, araka ny fanambarana nataon’ny CDEEC/DIDEC manoloana ny fihanaky ny valanaretina Covid-19. Misokatra tapakandro kosa ny birao, ahafahan’ny ray aman-dreny maka fanazarana ho an’ny mpianatra, izay omanin’ny mpampianatra azy ireo.

Tsy mbola voafaritra ny fotoana hiverenan’ny fampianarana amin’ny Sekoly Katolika eto Toamasina.

 

Publié dans Tselatra

Roa andro taorian'ny fanafihana cash-point nisy tetsy Nanisana ny Zoma 15 Mey lasa teo dia lavon'ny balan'ny Polisy tetsy Ambohijanaka ny iray tamin'ireo jiolahy nanao ilay fanafihana izay fantatra amin'ny anarana hoe "Tovo Brown".

Tao anatin'ny famotorana no nahalalana fa eny Ambohijanaka (Lohanosy) no misy ity jiolahy ity ary nidina teny an-toerana avy hatrany ny Polisy. Vao nahita ny mpitandro ny filaminana i Tovo Brown dia nitifitra avy hatrany ka teo no nisy ny fifampitifirana teo aminy sy ny Polisy ary nitarika ny fahafatesany.

Isan'ireo jiolahy mpanao fanafihana mahery vaika eto an-drenivohitra i Tovo Brown, isany izany ny cash-point tetsy Ampasampito, Grossiste FOFIFA, famonoana olona tao anatin'ny fiara sprinter tetsy Malaza, fanafihana mitam-piadiana teny Ambohijanaka sy ireo fanafihana hafa nahavoatonona azy.

(Loharanom-baovao: Polisim-pirenena)

 

Publié dans Vaovao

17 mai: Journée internationale contre l'homophobie.

 

Publié dans Fil info

17 mai: Journée Mondiale contre l'hypertension.

 

Publié dans Fil info
Page 1 sur 2