Economie

    • vendredi, 17 janvier 2020 19:27
    • Loharanom-baovao: MTTM

    ADEMA: Hotantanan’ny tsy miankina ireo seranam-piaramanidina madinika

    Vita sonia omaly ireo fifanaraham-pitantanana, andiany voalohany an’ireo seranam-piaramanidina sahanin’ny ADEMA. Hotantanin’ny orinasa Harold Aéroport ny seranam-piaramanidina Antalaha, hotantanin’ny orinasa Floribis ny ao Vohémar, hotantanin’ny Groupe Spice Oil ny ao Mananara-Nord, hotantanin’ny Groupe Filatex ny ao Analalava sy ny ao Manakara. Hotantanin’ny orinasa SEAVA Sarl - consortium CCIV ny ao Antsirabe. Hotantanin’ny vondron’orinasa N.E.R.A.BTP ny ao Maintirano ary ny orinasa Aero Sud-Ouest no hitantana ny ao Morombe.
    Lire la suite ...
    • jeudi, 16 janvier 2020 09:50

    Harena ankibon’ny tany: Hapetraka ny tahirim-bolamena eo anivon’ny Banky Foibe

    Neken’ny Filankevitry ny Minisitra ny fifanarahana teo amin’ny Banky Foiben’i Madagasikara sy ny Ministeran’ny harena an-kibon’ny tany sy ny loharanon-karena stratejika, ho entina mametraka ny tahirim-bolamena eo anivon’ny Banky Foibe ; mba entina mamehy ihany koa ny politikan’ny vola eto Madagasikara.  
    Lire la suite ...
    • mercredi, 15 janvier 2020 14:53
    • Sary Gasypatriote Morondava

    Morondava: Mpizahatany vahiny 76 tonga mitsidika ny « Allée des Baobabs » sy ny Kirindy

    Mandalo eto Morondava renivohitr’i Menabe ny sambo mpitondra mpizahatany « Senerissima ». 136 ny mpandeha entiny ka mpizahatany ny 76 amin’ireo, ary mpikarakara azy ireo 60 satria misy efa antitra. Hitsidika ny « Allée des Baobabs » sy ny alan’ny Kirindy izy ireo amin’izao diany eto Menabe izao. Avy any Mahajanga ireto vahiny ireto no tonga eto Morondava, ary mbola hiazo an’i Toliara aorian’izao. (Jereo Sary Tohiny)  
    Lire la suite ...
    • lundi, 13 janvier 2020 15:57
    • Sary nindramina

    Fifamoivoizana anabakabaka: Nosokafana androany ny zotra Antananarivo-Fianarantsoa-Mananjary-Antananarivo

    Nanao ny sidina voalohany, androany alatsinainy 13 jaonary 2020, ny fiaramanidin’ny kaompania GS Aviations nisantarana ny zotra Antananarivo-Fianarantsoa-Mananjary-Antananarivo, izay niato nanomboka ny taona 2009. In-dray mandeha isan-kerinandro aloha amin’izao fiandohany izao no misy sidina, isaky ny alatsinainy, ary 470 000 Ariary ny sarandalana ho an’ny olona iray mandroso fotsiny. Santatra ihany ny androany, fa afaka roa na telo volana aorian’izao no hisesy ny sidina. (Jereo Sary Tohiny)
    Lire la suite ...
    • vendredi, 10 janvier 2020 15:45
    • Sary fampiaigoana Gasypatriote

    Fitaterana nasionaly: Maro ireo mpandraharaha nijanona

    Mandalo fahasahiranana tanteraka ny sehatry ny fitaterana, lafo dia lafo ny haba alain'ny fanjakana amin'izy ireo, ka maro ireo nijanona tsy nanohy ny asa. Ny fiara, matetika sprinter, na mitovitovy amin'izay, dia tsy latsaky ny 40 000 000 Ariary ny vidiny, vokatry ny haba-tseranana midangana alaina amin'ireo mpanafatra fiara, mbola eo ny seza sy ny fitaratra raha fiara mbola vao avadika mpitatitra olona. Ny vidin'ny kojakoja fanolo ny fiara dia mihalafo avokoa, tsy afaka ametaka ireny piesy mora vidy nefa mora simba ireny izahay hoy ireo mpitatitra, satria ain'olona maro ny hiantsorohana. Ny vola alaina amin'ny hetra isan-taona, dia manodidina ny 12 000 000 Ariary. Toy izao ny kajy ataon'ny mpitaky hetra:
    Lire la suite ...
    • jeudi, 09 janvier 2020 15:47
    • Sary nindramina fampiaingoana - D/S Mandoky

    Langosta: Misy fe-potoana ny fanjonoana sy famarotana azy

    Ny Ministeran'ny fambolena, ny Fiompiana ary ny Jono dia mampatsiahy ny mpandraharaha, ny mpitatitra, ary ny mpanjifa rehetra, fa misy fe-potoana azo anjonoana, hitaterana, hamarotana sy hividianana ny Oratsimba na langosta. Voarara manomboka ny 01 janoary vao maraina ka hatramin'ny 31 marsa misasak'alina ho an'ny Faritra: Androy, Anôsy, Atsimo Atsinanana sy Vatovavy Fito Vinany. Voarara kosa manomboka ny 01 oktobra vao maraina ka hatramin'ny 31 desambra misasak'alina ho an'ny Faritra Atsinanana, Analanjirofo, SAVA, DIANA, Sofia, Boeny, Melaky, Menabe ary Atsimo Andrefana. Ka ireo mpandraharaha rehetra momba ny Oratsimba izany dia tokony hanafoana ny tahiry na stock ao aminy alohan'io vanim-potoana io.    
    Lire la suite ...
    • lundi, 06 janvier 2020 19:38
    • Sary nindramina

    Krizy iranianina: Nitsambikina ny vidi-tsolika

    Tsy niandry ela ny tsena iraisam-pirenena mikasika ny solika, fa vao nisy ilay fanafihana, nahafaty ilay jeneraly iranianina Qassem Soleimani dia niakatra 3,1 % na 63,05 dolara avy hatrany ny vidin'ny barika « light sweet crude » (WTI), na solika mbola tsy voadio, fandrefesana amerikanina, ary niakatra 3,9 % na 68,83 dolara ny Brent, fandrefesana eoropeanina. Tranga nitovy haavo tamin'ny fanafihana fanadiovan-tsolika tany Arabie Saoudite, na dia hatreto tsy nisy toeram-pamokarana voakasiky ny fanafihana.Ireo mpandinika ara-toekarena moa dia milaza fa hiakatra hatrany io vidi-tsolika io raha mitohy izao krizy misy amin'ny Amerikanina sy Iranianina izao. (Jereo Sary Tohiny)
    Lire la suite ...
    • mardi, 31 décembre 2019 15:23
    • Sary nindramina

    Tsena sy fifanakalozana: Hifarana amin’ity 31 desambra ity ny fampiasana ireo ravim-bola nivoaka ny taona 2003 sy 2004

    Araka ny didim-panjakana noraisina nandritra ny Filan-kevitry ny Governemanta ny talata 26 novambra 2019 dia hifarana amin’ity 31 desambra 2019 ity ny fampiasana ireo ravim-bola 10 000 Ariary, 5 000 Ariary ary 2 000 Ariary izay navoakan’ny Banky Foiben’i Madagasikara araka ny didim-panjakana laharana faha 2003-781 natao ny 8 jolay 2003, sy ny ravim-bola 1 000 Ariary, 500 Ariary, 200 Ariary ary 100 Ariary, izay navoakan’ny Banky Foiben’i Madagasikara araka ny didim-panjakana laharana faha 2004-1040 natao ny 23 novambra 2004. Tsy manan-kery intsony ireo ravim-bola voalaza ireo, manerana ny tanin'ny Repoblikan'i Madagasikara aorian'ity 31 desambra ity. Azo atao manomboka ny 2 janoary 2020 ka hatramin’ny 31 desambra 2020 ny fanakalozana ireo ravim-bola ireo any amin’ny Banky Foiben’i Madagasikara na any amin’ny banky tsotra na any amin’ny Tahirim-bolam-panjakana sy ny ratsa-mangaikany rehetra manerana ny Nosy. Aorian’izay dia any amin’ny Banky Foiben’i Madagasikara irery ihany no hahafahana manakalo azy ireo hatramin’ny 30 jona 2021. (Jereo Sary Tohiny)
    Lire la suite ...
    • samedi, 28 décembre 2019 11:09
    • Sary nindramina

    Fitsinjarana herinaratra: Hovatsian’ny orinasa Elsewedy Electric kaontera « intelligent » ny Jirama

    Hiaraha-hiasa amin’ny JIRAMA ny orinasa Egyptiana Elsewedy Electric, amin’ny famatsiana kaontera "intelligent", mandeha amin'ny alalan'ny fahana. Natao ny 24 desambra lasa teo ny fifanaovan-tsonia mikasika izany, izay miompana amin’ny fananganana orinasa mpamokatra io kaontera io eto Madagasikara, izay hiarahan’ny roa tonta mitantana (joint venture). Vinavinaina hatomboka ny volana may 2020 ny fananganana ity orinasa ity. Ny orinasa Elsewedy Electric no hamatsy kaontera mandra-pijoron’ilay orinasa. Tombanana hahazo tombony 20% ny JIRAMA amin’ity fiaraha-miasa ity, izay hampihena ny fatiantoka eo amin’ny lafiny varotra. Ho foana ny hosoka sy ny halatra herinaratra amin’ny fampiasana ny kaontera “intelligent”. Tsy hisy intsony ny fanaterana faktiora isan-tokantrano. Ny kaontera no mamoaka ny herinaratra lanin’ny mpanjifa, ary tapaka avy hatrany ny herinaratra rehefa tsy misy fahana ny kaontera. (Jereo Sary Tohiny)
    Lire la suite ...
    • mardi, 24 décembre 2019 15:20

    Sera Ketrika.com

    Ho anareo izay nanao "achat direct" ka tsy nitovy ny laharana nandoavana vola sy ny laharana namandrihana toerana na nividianana entana tao amin'ny www.ketrika.com, iangaviana ianareo hiantso anay mba ahafahanay mampitohy ny vola nalohanareo sy ny entana na tapakila novidianareo. Misaotra Tompoko Pour tous ceux qui ont effectué un achat direct, et qui ont effectué le paiement via un numéro différent du numéro de réservation. Vous devez appeler www.ketrika.com impérativement, pour que nous puissions lier votre paiement et vos réservations. MerciAppeler le : 034 18 / 33 06 / 32 03 300 26
    Lire la suite ...
Page 1 sur 55