Art et Culture

    • jeudi, 12 décembre 2019 09:36
    • Sary nindramina

    Kolotsaina sy hira: Feno 37 taona i Wawa

    Katroka androany 12 desambra ny mahafeno 37 taona an'i Andrihamahazo Joel Issoubaly, fantatra amin'ny anarana mpanakanto hoe Wawa izay antsoin'ny maro hoe "Le prince du Salegy". Teraka tao Nosy-be izy, zanaka mpandrafitra. Vao 11 taona izy no nanomboka niaraka tamin'ny tarika tao anaty fianakaviana "Star boys", mpitendry batterie izy tamin'izany. Feno 16 taona izy, dia lasa batteur tao amin'ny groupe Jaguar II, hatramin'ny taona 2003. Teo anelanelan'izay anefa izy, ny taona 2001, dia namoaka album "Eh Makoalahy". Ny faraparan'ny taona 2003 izy nanaomboka ny album "Sômasômahely", ary dia niakatra niazakazaka ny lazan'i Wawa. Ankehitriny dia efa any Europe i Wawa mitety ireo faritra betsaka Malagasy, toy ny any Belgique, ary ao France no hanao ny alim-pandihizana ny noely sy ny famaranana ny taona 2019.  
    Lire la suite ...
    • mercredi, 11 décembre 2019 22:06
    • Sary nindramina

    « Rallye Mathématiques »: Misokatra ny fisoratana anarana ho an’ny andiany faha-19

    Misokatra amin’ny fomba ofisialy, nanomboka androany 11 desambra 2019, ary hifarana amin’ny 01 febroary 2020, ny fisoratana anarana amin’ny fifaninanana « Rallye Mathématiques ». Eo amin’ny andiany faha-19 ny fifaninanana amin’ity. Eny anivon’ny DRENETP sy ny CISCO no fanaovana izany. Lasa 9 ireo Faritra mandray anjara amin’ity andiany ity, raha toa ka 6 hatramin’izay. Ireto avy ireo faritra sivy voakasika : Analamanga, Matsiatra Ambony, Atsimo Andrefana, DIANA, Atsinanana, Boeny, Vakinankaratra, Alaotra Mangoro ary Taolagnaro.
    Lire la suite ...
    • jeudi, 05 décembre 2019 17:22
    • Sary Njaka

    Anosy: Fampirantiana ny asa soratr’i Brench Mbolamasoandro

    Notontosaina tetsy amin’ny tranom-bokimpirenena Anosy ny fampirantiana ny asa soratr’i Brench Mbolamasoandro Ka ny hevitra navoitra tamin’izany moa dia ny hoe ”Izao rehetra izao”, izay anehoana ireo sangan’asa maro samyihafa nodiavina tamin’izay lalan’ny sehatry ny kanto izay. Maro ireo sangan’asa izay nampirantiana tao, toy ny asa soratra, ny akanjo, ny hosodoko; anisan’ny mampivoatra ny fifaneraserana amin’ny olona ny asa soratra hoy ramatoa Brench Mbolamasoandro raha nanome ohatra izy ny hoe “olona izay tsy nifanerasera nandritry ny taona maro, kanefa dia nampihaon’ny asa soratra“, ary anisan’ny hery lehibe ny hetsika toy izao mba ahampafantarana ireo kanto rehetra aseho amin’ny olona mpankafy, ary sarotra ny lalana nodiavina vao mahavita hetsika anakiray.
    Lire la suite ...
    • jeudi, 05 décembre 2019 14:29
    • Sary nindramina

    Pedro OPEKA: Notolorana ny amboara « Fondation Air France 2019 »

    Isaky ny roa taona ny « Fondation Air France » dia manome loka fankasitrahana ireo fikambanana mandray an-tanana ireo ankizy tsy salama, manana fahasembanana na tra-pahasahiranana lalina. Tamin’ity taona ity, dia mompera Pedro OPEKA sy ny « Akamasoa » no voasafidin’ny « Fondation Air France » nahazo fankasitrahana. Tao amin’ny mozea Musée quai Branly ao Parisy renivohitr’i Frantsa no natao ny lanonana nanoloran-dRtoa Anne Rigail, filohan’ny « Fondation Air France » ny loka tamin’ny mompera Pedro. Nanome voninahitra izany Rtoa Brigitte Macron, vadin’ny filoha frantsay Emmanuel Macron. Folo taona amin’ity 2019 izao ny « Fondation Air France ». 30 taona nandraisana an-tanana ireo olona sahirana sy nampivoatra ny fiainan’izy ireo kosa ny « Akamasoa » eny Andralanitra, naorin’ny mompera Pedro. (Jereo Sary Tohiny)  
    Lire la suite ...
    • lundi, 02 décembre 2019 11:55
    • Sary: OMDA

    OMDA: Voafidy ho filohan`ny Filankevi-pitantanana Razafiarison Francis Alexandre

    Nivory voalohany tetsy amin’ny foiben’ny Ofisy Malagasy momba ny zon’ny mpamorona na OMDA etsy Faravohitra, ireo mpikambana vaovao ao amin’ny Filankevi-pitantanana ny 26 novambra 2019. Nandritra izany no nahavoafidy an-dRazafiarison Francis Alexandre, solontenan’ny ministeran’ny serasera sy kolontsaina, ho filohan`ny Filankevi-pitantanan’ny OMDA. Telo taona no fe-potoana iasan’ny filohan`ny Filankevi-pitantanana. Tale jeneralin’ny kolontsaina Razafiarison Francis Alexandre. Francis Turbo no anarana maha mpanakanto ahafantaran’ny olona azy, indrindra eo amin’ny tontolon’ny hatsikana. (Jereo Sary Tohiny)  
    Lire la suite ...
    • samedi, 30 novembre 2019 11:55
    • Tahirin-tsary Gasypatriote

    Sarimihetsika sy Sarimiaina: Hitsangana ny Ivontoerana ISSM hasolo ny OMACI

    Nekena nandritra ny filankevitry ny governemanta omaly zoma 29 novambra 2019 ny hananganana Ivon-toeran’ny Sarimihetsika sy Sarimiaina Malagasy (ISSM) na Centre Malagasy du Cinéma et de l’Image Animée. Ity ISSM ity izany no hasolo ny Office Malagasy du Cinéma et de l'Image Animée dénommé, «OMACI» izay nofoanan’ny fanjakana araka ny didy hitsivolana noraisina nandritra ny filankevitry ny minisitra tamin’ny 17 aprily 2019. Ny lalàna 2017-011 tamin’ny 26 jolay 2017 no nampisy ny OMACI. Niteraka resabe, nitondrana mpitandro ny filaminana ny tsy maintsy nanatanterahana ny famindram-pahefana ny 7 mey 2019 tao amin’ny foiben’ny OMACI Ambodifilao Antananarivo. Nitohy hatreny amin’ny Fitsarana ny fifandroritana. (Jereo Sary Tohiny)  
    Lire la suite ...
    • mardi, 26 novembre 2019 13:27

    Remerciements

    Raharimanana Roger Venance nous a quitté le 19 novembre 2019, il avait 80 ans. Né le 31 août 1939, il est le fils de Ramanana Albert, traducteur du Gouverneur de Mandritsara, et de Rasoa Marguerite. La famille Raharimanana, sa femme et ses enfants, ses petits et arrière petits-enfants, toute sa famille à Mandritsara, Analalava, Ambilobe, Ambanja, Sainte Marie, Nosy Be, Ambovombe, Tolagnaro, Mampikony, Antsiranana, Port-Berger, Antananarivo, Ampahandralambo, Ambohidratrimo Anala, Mahajanga, Toamasina ; Sa famille qui vit à l’étranger, France, Etats-Unis, Seychelles, Comores, Mayotte, La Réunion, Italie, Espagne ;
    Lire la suite ...
    • lundi, 18 novembre 2019 17:14
    • Sary nindramina

    Sakafo: Niarahaba ny fahatongavan’ny KFC i Chef Mbinina

    Ora vitsy taorian’ny nisokafan’ny toeram-pisakafoanana voalohan’ny vondrona KFC etsy amin’ny Water Front Ambodivona-Antananarivo androany alatsinainy 18 novambra, dia nanao fanambarana tao amin’ny pejiny facebook i Randrianaivo Ambinintsoa Arson na Chef Mbinina, filoha mpanorina ny La Gastronomie Pizza. « Tongasoa KFC ! », hoy i Chef Mbinina. Nanome toky ireo mpanjifany i Chef Mbinina manoloana ny resabe miely, indrindra amin’ny tambazotra sosialy, milaza fa « ho faty amin’izay ny La Gastronomie Pizza ». « Marina fa bitika kely izahay fa tsy ho faty izany io, hihatsara aza. Hiatrika ady sarotra mihitsy no maha Chef ahy ! Aza matahotra », hoy hatrany i Chef Mbinina. (Jereo Sary Tohiny)
    Lire la suite ...
    • lundi, 18 novembre 2019 16:11
    • Sary nomena

    Sakafo: Misokatra ny toeram-pisakafoana voalohan’ny vondrona KFC

    Nanoka-baravarana etsy amin’ny Tana Waterfront Ambodivona, nanomboka androany 18 novambra 2019 ny toeram-pisakafoana voalohan’ny vondrona KFC. Ny fisokafan’ny toerana tahaka itony eto amintsika dia hitondra fitomboana eo amin’ny lafiny toe-karena, ary hiteraka asa ho an’ny mponina, hoy ny Filoham-pirenena Andry Rajoelina, nandritra ny lanonam-panokafana ity toeram-pisakafoana ity. Hisy toeram-pivarotana faharoa hisokatra eto Antananarivo Renivohitra amin’ny volana aprily 2020, ary hiitatra any amin'ny faritany aorian’izay, araka ny nambaran’ny tompon’andraikitra ao amin’ny vondrona KFC. (Jereo Sary Tohiny)  
    Lire la suite ...
    • mercredi, 13 novembre 2019 15:07
    • Tahirin-tsary

    Valanjavaboary Tsimbazaza: Ahitana karazam-biby 61 sy zavamaniry 79 karazana

    « Vitrine de Madagascar » na saha lehibe mitahiry zavamaniry sy biby maro karazana maneho ny haren’i Madagasikara ny valanjavaboary na Parc Botanique et Zoologique - Tsimbazaza. 61 ny karazam-biby misy ao, ka vorona ny 18 karazana, biby mandady ny 18, ragidro ny 17 ary 8 karazam-biby mampinono. Misy 79 karazana kosa ny zavamaniry.    
    Lire la suite ...
Page 3 sur 40